Ocio (煙廠街) (已結業)

好耐冇行旺角，嗰日同老公拍拖，去開就發現原來喺旺角呢條街多咗好多嘢食😆！見到有間西餐廳感覺幾舒服，環境都唔錯，而且甜品都好似幾吸引，所以就入去試吓啦我哋兩個都叫咗餐，會送一個湯，同埋一杯嘢飲香煎三文魚配薯蓉($138)個三文魚有少少甜甜地嘅汁，煎到肉非常滑，仲有啲肉汁，個人認為幾好食個薯蓉本身都諗住係普通野，點知有驚喜！唔知點解會整到都係甜甜地，好好食呀😆😆好啱我口味香烤美國安格斯牛翼版肉8oz配薯條($158)牛肉煎得都OK，唔會咬好耐都吞唔到😂我哋另外仲加咗焗芝士薯條(+$39)一開頭食個一半覺得好好食！不過越食越鹹，可能因為有啲芝士線左落碟底😆

最近都會約朋友食下飯，記得煙廠街有一間食西餐不錯，仲要有甜品食，選擇左行完街去食，時間大約8點見到鋪頭都好似人，好快安排入座，見到有晚餐set,還可以選擇散叫，有甜品，仲要野飲選擇都好多，花多眼亂，餐前：粟米忌廉湯，飲落去甜甜地，忌廉味好重，晚餐set: 軟殼蟹黑松露意大利飯軟殼蟹食落好脆，黑松露好重，曾經食過第一間太濕，呢間不會。見到佢有一個每日限量12個：焗芝士肉醬千層麵 好好彩有得食，黎到面頭滿滿芝士，入面好足料爆多肉醬。餐飲：蜜桃🍑紅茶，好味蜜桃味。

成日去街，去到唔同地區都見到呢間餐廳嘅唔同分店。葵芳啦，沙田，甚至旺區嘅旺角都有。之前去過大圍嗰間分店已經覺得好唔錯，今次就想同屋企人一齊去試一試啦。我同屋企人都好鍾意食西餐，最鍾意佢又有餐湯又有主菜同甜品咁樣，食得好豐富。我哋入去嗰陣仲係好早大概6:30pm，都仲有好多位，但係食到七點幾已經全屋滿咗啦！好受歡迎～⭐️跟餐忌廉粟米湯雖然係跟餐嘅湯，但係佢哋都好足料，好多粒粟米，而且味道都好香濃。⭐️芒果沙冰屋企人好鍾意飲沙冰，見佢呢度飲芒果沙冰一於試一試。味道都好好喎，唔會覺得係溝水溝糖。⭐️凍檸茶少甜⭐️14號晚餐香烤美國安格斯牛翼板肉8安士配薯條(每日限量12份)好有趣，呢一個餐特別標明係話每日限量12分㗎咋，好矜貴！我哋就點左一份，上到嚟真係好驚喜😍連薯條都脆卜卜好熱辣辣，好好食。牛扒就好多肉汁，生熟啱啱好。誠意之作，推介！⭐️4號晚餐芝士焗咖哩吉列豬扒飯而我就好鍾意食咖喱，見到佢呢一個超級邪惡，忍唔住叫咗嚟食。芝士同咖喱都係我至愛！芝士拉絲做得好好😍好多好多芝士！而且豬扒都好夠厚，外皮好鬆脆！⭐️精選蛋糕咖啡芝士蛋糕甜品唔少得🤤加$19點咗一件精選蛋糕！無論賣相、味道都好有誠意，完全冇失望

今日約咗兩個舊同事學出嚟敘舊，一行三個女仔諗住搵間坐得舒舒服服嘅餐廳傾吓計、食吓嘢咁！發現有訂座優惠，所以就嚟試吓😊但嚟到先發現，原來環境空間都幾逼夾，晚餐時段同隔離枱都坐得幾近，雖然每張枱嘅人講嘢都唔算好大聲，但坐得咁close，始終都覺得有啲嘈😣食物全部都好一般🤷🏻‍♀️漢堡稍為好少少！意粉好乾，而且食得出係用好cheap嘅意粉...叫咗個小食拼盤，啲炸物嘅油益味好重，食多幾啖都食唔落...熟食都咁差，見甜品嘅價錢唔係特別平！所以完全冇吸引力要留喺度食埋飯後甜品，出面附近有咁多糖水舖🍮情願轉場去第二間食算

做嘢做到8 點幾過嚟食個Dinner 9 點有個暖忌廉湯好安慰😭嗌咗All day breakfast對我哩啲日夜顛到嘅人嚟講夜晚可以食早餐真係幾唔錯😂😂一上桌呆咗之前淨係喺度食過扒但唔知佢個All day breakfast 大到咁好誇張我個frd話佢係咪因為開始夜所以比多咗餸我😂😂😂沙律、三文魚、茄汁豆、Waffles 、雞扒、蕃茄、辣肉腸、炒蛋......豐富到爆亦都好好食！朋友食牛柳意粉🍝我幫佢清晒啲三色椒炒得好入味！牛柳亦煮得啱啱好！啲菇都爆得好香果然唔錯

約咗朋友嚟食個早晚飯，雖然算係旺角區，但我其實係第一次嚟呢條街，先知道原來有咁多食店，有機會都要多啲嚟！時間尚早，所以餐廳未算有太多食客。呢度晚餐都有幾多選擇，而且價錢都唔算貴，不過就要試吓食物質素如何，先知值唔值得食啦！我哋點咗兩個餐之後，首先店員就奉上兩個餐湯，今日嘅湯係番茄忌廉湯，番茄打得好滑，加入咗忌廉，有蕃茄嘅鮮味亦有忌廉嘅幼滑，即刻開咗我個胃！我就比較少食飯麵嘅，所以就叫咗個burger，成個餐好大份，首先係一大個burger，再加十足份量嘅薯條，仲配咗沙律菜，所以到最後我都食唔晒呢份餐！呢個burger嘅牛肉漢堡扒非常厚身，仲有一大片厚切蕃茄，加埋少少蘑菇同菜，份量真係好驚人！朋友就話唔想食咁多肉類，所以就揀咗呢個軟殼蟹黑松露意大利飯，佢嘅意大利飯都做得相當出色，黑松露份量都唔少，所以每一啖飯都有濃濃嘅黑松露味道，再配埋一大隻炸得脆脆嘅軟殼蟹，真係飽到上心口呢度連杯餐飲都係咁大杯，喺旺角區內能夠搵到抵食夾大件嘅西餐廳，真係好開心呀

今次黎到大圍試咗一間Cafe，見佢個餐牌價錢唔貴，所以就試下喇😂！叫咗一芝士和牛漢堡、牛柳配鵝肝，另外仲叫咗一個小食拼盤。小食拼盤份量非常多，當中包括有炸蝦🍤、炸春卷、炸魚、炸薯條等等，幾個朋友仔一齊黎食岩曬喇🤣。而主食方面，和牛漢堡大大份，仲有好多薯條🍟，而牛枊鵝肝相比起其他餐廳，份量都係偏多。另外仲有叫咗一個草莓奶昔，飲落去淡淡草莓味，幾好飲，整體來講性價比非常高呀！今餐食到好飽飽啊！

旺角廣華街呢間西式餐廳可以話係人氣餐廳，每次經過都見到座無虛席，之前試過佢嘅晚餐及午餐，水準都不錯，一直想試試佢嘅甜品pancake. Menu上面嘅特色pancake款款都非常吸引，而且價錢合理，今日同朋友經過旺角特意來試試他的pancake做下午茶呢！佢嘅Menu入邊有幾款都非常之吸引，有玫瓏蜜瓜做主題嘅pancake，有朱古力心太軟，有鑊仔西多士等等主題甜品！款款都令我心跳加速，胃口大開！結果我就選咗比較特別嘅鑊仔伯爵茶雪山pancake來試試呢！另外我叫咗杯榛子咖啡，而朋友就叫咗巨峰提子梳打水！嘩！Pancake一上枱就非常之吸睛，有兩層厚厚的pancake，一睇落都已經知道十分鬆軟，而鑊仔底部鋪滿左伯爵茶醬汁，而pancake上面有個雲呢拿雪糕，見到已經急不及待要立即食一口！Pancake果然鬆軟有香濃蛋香味，配上伯爵茶醬汁，很香伯爵茶味，配搭得非常之好，好食！加上雲呢拿雪糕一凍一熱，感覺非常之特別，我覺得很好食呢！至於飲品方面，這個榛子咖啡水準也不錯，咖啡夠香濃軟滑，亦都不會太甜，是有水準的咖啡，而巨峰提子梳打亦都不會太甜，係最適合夏日嘅飲品！呢間人氣餐廳嘅甜品都有一定水準

旺角區是香港最多食肆的其中一區，無論大街小巷，地舖或樓上鋪，都遍布不同類型的食肆。今天下午正值在旺角工作，便到這間餐廳吃午餐。由於疫情關係，店內都增加了設施，預防感染。照燒汁牛柳粒意粉$58，牛柳粒肉汁偏腍，意粉硬度適中，加上照燒汁的香味，以這個價錢來說，算是一到不錯的意粉。芝士藍莓蛋糕$39，芝士的香味濃郁，藍妹乳酪和藍莓醬的酸甜味道，令到芝士餅不覺得肥膩，反而覺得味道層次豐富。凍咖啡$33，咖啡香味十足，配上花奶和糖漿，味道更佳。

Ocio (旺角)旺角煙廠街33號朗廷軒地下B舖OpenRice 晚餐訂位有8折優惠好吸引當晚全場滿座餐牌有好多豐富嘅美食花多眼亂，眼闊肚窄軟殼蟹黑松露意大利飯$128個飯好juice 好滑裏面仲有啲菇類同紅蘿蔔，好有咬感每一啖都有香濃嘅黑松露味軟殼蟹炸得香脆香烤美國安格斯肉眼扒配薯條$168薯條新鮮炸起超脆牛扒揀咗七成熟食落唔會太老岩岩好評分:8/10

1️⃣「OCIO特選全日早餐🍳🧇($98)」-有香滑嘅炒蛋🍳👍🏻、配楓糖漿嘅窩夫🧇、🍅、多汁但略欠嫩滑雞扒🐔、煙三文魚🍣、連皮薯條🍟🤩、新鮮沙律🥗、同好香嘅香草雞肉腸🌿The OCIO All-day breakfast ($98) consists of scrambled eggs, waffle, tomato, chicken fillet, smoked salmon, fries, salad and sausages.-2️⃣「香蒜海鮮意粉🧄🍝($83)」-炒落乾身 食落蒜味香濃😎超多配料但主要以急凍海鮮為主🦐🦑意粉可更彈牙 The garlic seafood spaghetti ($83) is rich in garlic flavour. The spaghetti is not al dente enough. There are lots of seafood!-💰：$85 - $150 (+10%)(dinner)📍：旺角煙廠街33號朗廷軒地下B舖 Mong Kok性價比CP value：🤤🤤🤤🤤⚪️飽肚fullness：🤤🤤🤤🤤🤤味道taste：🤤🤤🤤⚪️⚪️環境env

如果你有天經過旺角煙廠街，會發現有間名字挺有趣的西餐廳——Ocio。其實Ocio是西班牙文來的，意思解作「休閒」。店家希望客人到餐廳享用食物時能夠”Ocio”一下，享受生活。今次就點了兩個晚市套餐，希望放工後的我也可以透過食物來慰藉自己疲倦的心靈。(因為上班真的很累😢)-一個晚市套餐包括餐湯、主菜及飲料一杯。-◾黑松露軟殼蟹意大利飯 💰 HKD$128整體表現不錯。意大利飯口感軟硬適中，黑松露的味道香而濃厚。軟殼蟹炸得脆口，惟不夠香，令到軟殼蟹味道不夠，有點失色。-◾焗芝士肉醬千層麵(每日限量12份) 💰 HKD $128千層麵麵皮薄而柔軟，容易入口。每塊麵皮之間充滿肉醬和濃濃的番茄味。另外，它的芝士味也很突出，甚至做到「拉絲」的效果，惟芝士多集中於麵係上層，下層則芝味欠奉，只吃到肉醬的味道。最重要的是整個千層麵份量充足之餘，也不會有那種「越吃越油膩」的感覺，吃畢過後也不會覺得很腬，挺好吃的。-◾是日餐湯——忌廉湯忌廉湯的味道不太濃郁，而配料只有粟米，粟米還要有點硬呢。-◾草莓冰茶 💰 HKD $+15 (轉特飲)士多啤梨味道不太突出，喝起來有點像藥水。而且

星期日黎到Ocio食個late lunch，好多人，好受歡迎，要等位。我地睇完假日午市套餐既餐牌，揀左Ocio特選全日早餐同日式咖哩牛舌飯。首先送上粟米忌廉湯，幾好飲，唔會好粉。Ocio特選全日早餐有炒蛋、窩夫、番茄、雞扒、煙三文魚、薯條、沙律、腸仔、茄汁焗豆。一路都覺得全日早餐係啲食唔飽既野，但今次食得飽喎，好豐富。窩夫香脆，其它食物份量都夠多，唔錯。日式咖哩牛舌飯唔辣，牛舌有三大塊，軟腍好食。咖哩汁配飯好下飯，仲有沙律伴碟。加左$15要凍朱古力，好飲又有賣相，唔會太甜。另一杯要凍檸茶，凍飲唔駛加錢，糖漿自己加幾好。

呢到既Set Lunch好抵食，$50-80蚊就有意粉或飯，仲有湯同飲品，而且食物質材唔差。是日餐湯係粟米忌廉湯，都幾creamy，仲有好多粟米粒黑松露卡邦尼意粉 $75意粉有好重黑松露同忌廉味，好彈牙好香🤤🤤 Set Lunch 加$39 焗芝士薯條薯條炸到好香脆，再加埋濃郁既芝士醬去焗，仲有啲拉絲既芝士，好好食🤤🤤焗吉列豬排飯 $68吉列豬排好厚身，炸到好香脆，仲保持到肉汁。焗飯上面舖滿芝士，蕃茄醬偏酸，飯無炒底，如果係炒飯會更好😂😂

見呢間餐廳都幾多人嚟食就黎試吓！今次比較多朋友一齊食，可以嗌多啲嘢share。大家都嗌咗dinner set，所以全部都包左一個湯。有軟殼蟹黑松露意大利飯，焗芝士肉醬千層麵(見佢每日得限量12份)，BBQ醬燒原條豬肋骨配薯條，香烤美國安格斯肉眼扒配薯條，仲有一個甜品朱古力窩夫，上面嘅朱古力雪糕味道濃郁，仲有一啲朱古力做點綴，味道唔錯。大家一齊都加咗錢轉特飲但冇影到相，都係有嗌冰沙之類嘅飲品。味道都OK