922
143
72
港鐵旺角站 E2 出口, 步行約7分鐘 繼續閱讀
所有分店 (3)
電話號碼
28868903
開飯介紹
主菜與甜品並重,尤以特色和卡通班戟為大眾歡迎。 繼續閱讀
營業時間
今日營業
12:00 - 23:30
星期一至四
12:00 - 23:00
星期五至日
12:00 - 23:30
公眾假期
12:00 - 23:00
付款方式
AlipayHK 支付寶 現金
座位數目
40
其他資料
網上訂座
切餅費
電話訂座
賞訂座積分
加一服務費
當面支付
有關獎賞計劃
食評 (1216)
等級4 2021-06-07
58 瀏覽
身為甜魔,今日下午茶約左友人黎呢間Ocio食甜品實在令人勁期待。食過呢度既焗鑊仔班戟心太軟,鑊仔抹茶紅豆雪山熱香餅,鑊仔台灣鳳梨雪山熱香餅同朱古力榛子窩夫配燒棉花糖,實在令人回味!雖然呢度都有其他正餐野食,今次我哋都係主攻甜品,呢度甜品餐牌好吸引,有鑄鐵鑊仔法式吐司,雪山熱香餅,窩夫,鑊仔心太軟,鑊仔布朗尼,刨冰同好多期間限定。黑蜜紅豆刨冰配雲呢嗱雪糕 $59 另加一第一次試呢度嘅刨冰。見到真係嚇親,超大份,成座山咁,一定要開心share。刨冰夠碎,黑蜜唔過甜而紅豆份量好足夠,味道好夠味。而嗰個雲呢拿雪糕球超大,送刨冰都好好味。另外餐廳亦另上一細兜煉奶俾你自己加落中間少味啲嘅刨冰,同行友人試左表示好味。食完成碗刨冰成個人由心凍出黎,但係又唔過甜,真係叫刨冰好過嗌野飲。75%朱古力心太軟 $65 另加一一上枱就聞到好香嘅朱古力味,個朱古力蛋糕超流心,一切開就見到啲朱古力醬流哂出黎,而個皮嘅厚度係啱啱好。75%我完全唔覺苦。嗰雲呢拿雪糕球超大個,冰凍雪糕配熱朱古力蛋糕加流心醬,又冷又熱,又軟又硬,真係超正。伴碟有一小塊士多啤梨同忌廉,仲有香脆杏仁片。座位比起東港城就冇咁闊落架啦,係勝在地點就腳喺旺角。平日三點幾黎到都坐滿人咁滯,超旺。總括而言,今次兩份甜品都好味道,下次希望試其他款。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-18
243 瀏覽
🍄休閒cafe🍔推介指數 ❤️❤️❤️❤️🤍响旺角巡視完玩具業務,想買個套車仔扭蛋香港仲未有,有點點失落~ 咁就唯有去食,開心食嘢,唔開心更加要食嘢!由登打士街行去廣華街有唔少食肆,有台式、越式、韓式、甜品、cafe、港式粉麵同茶仔都有!見到間位於煙廠街未試過嘅Ocio,西班牙文解作休閒,門口擺咗唔少menu介紹,可以睇吓有冇有興趣想試嘅,主要提供輕食同甜品!晚餐選擇都唔少,有all day breakfast 、漢堡包、手工意粉、意大利飯、沙律、豬肋骨同肉眼,奉送餐湯同飲品,仲可以追加甜品同小🍄牛肝箘煙肉忌廉手工意粉 (每日限量12份) HKD118✨限量加上手工製已經吸引人試,來到時新鮮熱辣,外觀不俗!忌廉汁濃稠度適中且入口香濃,牛肝菌同煙肉香煎且索哂啲汁,手工意粉煙靭帶蛋香,滿足!🍔奧斯芝士牛肉漢堡配薯條 HKD118✨漢堡外觀吸引,而且配料十足!牛堡有芝士、煙肉、牛肉漢堡、香煎厚蕃茄仲有沙律菜,食完沒有油膩感,伴碟嘅粗薯條脆卜卜,大推!🌽是日餐湯:粟米湯🧊飲品:凍檸檬茶 & 凍咖啡總結:-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️❤️.··餐廳:Ocio (煙廠街) (旺角)地址:旺角煙廠街33號朗廷軒地下B舖 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-19
3333 瀏覽
👩🏻‍🤝‍👩🏼好朋友就要成日見㗎啦!工作雖然各有各忙,但係都逼到啲時間出嚟食個飯嘅!📌正苦開返晚市,熊妹呢個coffee shop之友-𡃁妹就決定去《Ocio》食返個西式晚餐感受下久違了嘅晚餐氣氛。✨📌餐廳環境就唔算好大,左右兩排四人枱,中間就係通道走廊,柔和燈光營造浪漫晚餐嘅氣氛。💞📌晚餐套餐都幾抵食,包是日餐湯、一款主食同埋咖啡或茶,價錢都係$98至$168再加一,全套晚餐套餐都算係咁啦。📌咖啡店飲品就梗係有沖調咖啡啦,仲有啲特色飲品🍸、沙冰🍹、梳打🥤等等,不過就要額外加$15。是日餐湯今日嘅餐湯係蕃茄濃湯,超級重蕃茄味🍅,食到淡淡蕃茄肉,暖暖地好開胃。Ocio 特選全日早餐,$98📌有𡃁妹嘅地方就即係有全日早餐嘅地方,諗都唔使諗。全日早餐真係包羅萬有,炒蛋、蕃茄、雞扒、煙三文魚、薯條、沙律菜、腸仔、茄汁豆、窩夫,樣樣齊,份量都多,咁嘅價錢都幾抵食喎。炒蛋🥚又蛋味,但唔算太香,中間都算滑,側邊就有啲實;蕃茄🍅表面有煎過,煎熱咗蕃茄汁咇出來;雞扒🐥好大一塊,雞肉好嫩滑,雞皮煎得好香;煙三文魚🐠味道正常,唔算太口一塊;薯條🍟粗身的,啖啖薯仔肉,點茄汁最一流;沙律菜🥗都幾新鮮,撈上少少沙律汁;腸仔🐷有兩條,咬落去無肉渣;茄汁豆🥫一細杯,就咁食都好好味;仲有好嘈嘅招牌窩夫🧇,放涼左表皮未算好脆,不過咬落去都幾淋身,重牛油味。📌其實熊妹成日諗,咁大碟食物有乜可能一個女仔會食得晒?但𡃁妹又真係會食得晒。美式BBQ醬烤原條豬肋骨配薯條,$148📌熊妹好耐未食過豬肋骨,呢個價錢都好似幾抵食喎!一條豬肋骨🍖好長,起碼都知道切到有8至10件,不過就唔算好闊身。豬肋骨嘅做法本身就係用水煲熟,再喺面頭搽啲BBQ醬烤焗佢。如果噀骨🦴可以噀到骨嘅精髓,不過焗得耐左啲,表面就乾身左啲,醬汁都未算好濃,肉質都未算係太淋,熊妹認為可以整得再好味啲嘅。肋骨下面就鋪滿一堆粗薯條🍟,實食得飽啦。📌成個晚餐套餐都好味又抵食,如果預早喺OpenRice網上面訂仲有八折優惠💰,真係抵到冇得再抵,熊妹絕對係會再嚟encore嘅。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-24
1123 瀏覽
同位好耐冇見嘅舊同學食飯以年計 五隻手指都數唔哂呢間餐廳為舊同學介紹佢話食過幾好食 所以book左枱同我食Book左星期六兩點Menu個design 都幾靚 上面有返餐廳名至於ocio 係點解我冇深究( ´▽`)因為我覺得四個字母分到咁開咁遠其實唔係字而係兩岸連住一個波浪嘅圖案 一點係太陽/月亮雖然約兩點 但其實我地係約lunch有set lunch 當然食set lunch叫左個carbonara 同豬扒Set lunch即係包湯同野飲落單冇耐就送上黎啦咩湯?飲唔出。。但入面應該有粟米 Carbonara 先上先講賣相 睇落料多 juicy既係碟邊爛左三個位真係比較少見cafe啲意粉咁大碟隻碟唔係平底 所以份量真係唔少七十幾蚊大大碟 仲要料多每一啖粉都可以有菇啊煙肉啊問店員拎左兩隻碟仔就開始分黎食食落口 咁甜既?點解carbonara 係甜既?黑色嗰啲唔係黑椒係truffle但甜到其實有啲遮左truffle 味 所以好快就覺得漏 似用忌廉煮 我個人而言就麻麻地。。 比較主張carbonara 鹹啲 芝士味同蛋黃色明顯啲佢比較似甜忌廉松露煙肉菇片意粉叫左份豬扒薯條真係好大份( ´▽`) 大大塊厚切豬扒跟份薯條同細沙律星期六啊大佬 真係大件夾抵食佢跟左個燒汁 茄汁就幾張枱之間係咁傳其實有少許尷尬因為大家都有塊白色板隔住隔離枱刻意伸個頭過黎搵茄汁之後我又望返過兩枱枝茄汁( ´▽`)講返碟豬扒 ok既 豬扒最忌咬唔開佢唔韌既 整得都夠鬆軟扒個肉同脂肪嘅比例都正路嘅個人覺得就咁食冇跟汁都ok都自我感覺良好 冇咁heavy ( ´▽`)薯條係粗薯條 偏冇鹽 都冇炸到好脆唔同食法 其實都好食嘅 感覺係比較健康嗰種再加上份小沙律 都真係冇罪惡滔天( ´▽`)冇耐店員就問我地食完未想收碟我奇怪兩隻碟都仲有好多野。。咁到佢問第二次嗰陣就由得佢啦收完碟冇耐佢又走返過嚟 講左句 生日快樂放低隻碟然後走左 我嚇一嚇嗱嗱嗱!有樣野比較好笑因為我同舊同學其實真係唔係好熟Book枱前 佢有話嗌埋甜品咁就可能OpenRice 揀左應該熱香餅/窩夫但我嗰陣拒絕左 話甜品可以去大角嘴食芋圓到到場 當我地落單嗰陣 有店員過黎同我舊同學講 “呢個冇啊 可以加20蚊要個牌(扒)”我又冇特別留意 只係以為豬扒要加20蚊。。大佬超過五年冇見竟然同我慶祝生日?之後佢講返起店員一黎就踢爆仲之後佢要扮去廁所跟進我冇體貼地扮無知 只係生日又過左又耐冇見所以估唔到。。講返件蛋糕 應該係hazelnut? 質感比較厚身 比較漏 唔太甜其實因為兩碟main都比較大碟間接令我對件蛋糕有種 望到都飽嘅感覺未食完 店員又過黎收碟 唔緊要啦 反正都真係飽然後張單就比左我地啦我望一望張單 剛好80分鐘 出面都冇人等位 餐廳都有吉枱可能一開始店員有quote 到75分鐘/90分鐘冇聽到有啲無奈 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-14
3989 瀏覽
🍴 OCIO特選全日早餐 ($88) ⭐️⭐️⭐️⭐️ 好足料嘅全日早餐,望到都覺得好飽肚!沙律菜食得出幾新鮮,炒蛋炒得幾滑有水準,薯條炸得香脆,雞扒都幾大嚿同厚肉。窩夫就新鮮整好,配上我鐘意嘅楓糖漿,正! 🍴 奧斯芝士肉醬熔岩熱狗 ($58) ⭐️⭐️⭐️⭐️ 芝士肉醬多到流哂出黎,完全覆蓋左條腸,包嘅皮烤到有少少脆,整體唔錯!薯條就份量都係好多,食完超飽! 🍴 凍朱古力咖啡 (+$16) + 曲奇雲呢嗱奶昔 (+$22) ⭐️⭐️⭐️⭐️ 飲品嘅份量都好大杯,而且幾好飲。想特別啲可以試吓佢哋嘅奶昔,曲奇雲呢拿奶昔好似飲緊Oreo麥旋風咁,不過又唔會太甜,推介! .............................. Ocio (煙廠街) 地址📍: 旺角煙廠街33號朗廷軒地下B舖 總評分: 8/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️ 衛生🧹: ⭐️⭐️⭐️⭐️ 抵食💰: ⭐️⭐️⭐️⭐️ 繼續閱讀
(以上食評乃用戶個人意見 , 並不代表OpenRice之觀點。)