Ocio (東港城) (已結業)

甜品控一定要來打卡📸️甜品賣相吸睛又好味...😋裝修簡潔，走木系清新路線。。。主打西餐及甜品的Ocio最近進駐將軍澳東港城，空間較其他分店寬敞舒適，採用日光燈飾配綠色植花，清新雅緻。綠茶窩夫配雲呢拿雪糕 $48由於是下午茶餐，所以窩夫份量只有半塊。窩夫外面香脆內裡鬆軟，質地厚實，是實在的有口感。再加上雲呢拿雪糕，冷熱交融，口感豐盈。鑊仔伯爵茶雪山熱香餅 $79這個不是套餐，全因賣相吸引，所以點來試一試。厚厚的熱香餅質地軟綿綿，雲呢拿雪糕受熱後溶化及流落熱香餅，再點上伯爵茶醬，感覺是甜蜜的和諧。

我諗去開旺角cafe既朋友對Ocio都唔會陌生~ 佢最出名既鑊仔雪山熱香餅真係令人好回味🤤最近Ocio衝入將軍澳東港城~ 舖面較大及走小清新路線～我同朋友都即刻入去食返個tea先！Tea set鹹甜點都有得揀～ 好似pizza, waffle, 熱狗等等~ 我地啱啱先食第一餐😂要揀個份量多少少既～肉醬芝士熔岩熱狗伴薯條好多芝士同肉醬～ yummy 🤤!! 芝士怪表示好開心！仲有粗薯條, 脆卜卜又多薯仔肉~輕量全日早餐有有炒蛋、特色腸、薯條、沙律菜、茄汁豆、焗蕃茄，配搭窩夫而唔係多士呢樣係加分既～ 朋友話最鍾意佢個炒蛋、薯條同窩夫～雖然係輕量，😃但其實都夠飽呀～飲品方面我地要左凍檸茶同熱檸檬薑茶～這樣又過了一個悠閒的下午～

原來東港城開左間裝修好舒服嘅小清新cafe✨閒時坐低做下野都唔錯！.黑松露芝士薯條 $68熱辣辣香口野就不會錯🥳黑松露粒粒散落喺薯條上，有幾種芝士，一種係焗溶，一種係芝士醬，薯條連皮切開香脆，好香黑松露味👍🏻.自家製鮮紫薯蜂巢窩夫 $68窩夫係店裏即製，熱辣辣夠煙韌，紫薯蓉有少少喺窩夫入面，令成個窩夫都有紫薯味，另外仲有一球雲呢拿雪糕加一球紫薯，仲有塊蜂巢，成個幾足料🥰.香蕉朱古力奶昔 $好似係4x好香香蕉味，但朱古力味較少，都唔會太甜

《ocio 》.凍冰冰嘅冬天最適合食甜品，之前在旺角食過ocio，印象唔錯，今日見東港城有分店，又試吓先！.🍰75%朱古力心太軟心太軟外層做到脆皮效果 ，一切開見到內裡嘅朱古力流心流出嚟，感覺治癒🤤味道方面，75%朱古力唔會過甜，食落都幾濃朱古力味，配合vanilla 雪糕，一凍一熱，食完一啲都唔膩，啱晒作為飯後甜品！🔺🔺🔺🔺🔺🔺🔺🔺🔺🔺ocio 將軍澳將軍澳坑口重華路8號東港城2樓238號舖🔻🔻🔻🔻🔻🔻🔻🔻🔻🔻

晏晝有set lunch 包湯同野飲☺️▪️All day breakfast $88🤩好豐富同足料 略嫌個炒蛋唔夠滑同冇咩味😣▪️封煎龍脷魚柳配香草忌廉汁意粉 $78忌廉汁杰到啱啱好 夠creamy 亦唔會好膩🤤 魚柳份量多 魚肉嫰滑 唔會太鹹 剛剛好👍🏼🍵抹茶焗鑊仔班戟心太軟 $89最頂有抹茶雪糕 抹茶濃郁 挺香滑😋一切開班戟抹茶就流曬出來😍呢度員工態度好 有禮貌 依家新開用OpenRice book位仲可以有9折 環境同味道都唔錯 值得一試！

上次整想到以前偶然常光顧的餐廳來個輕食，怎知上次再到那邊，搖身一變， 已變成了另一家主打全日早餐及窩夫的Cafe。入面木系風格，小清新田園路線，予人舒適的感覺。適逢下午茶時間，那直接進去點甜品來吃吧。自家製鮮紫薯蜂巢窩夫一份圓形的大窩夫，四格份量，上面鋪上杏仁片及少許糖霜。有驚喜的是，切開窩夫，內含粒粒紫薯，雖然沒有濃烈的紫薯味，但是勝在足料。雲呢拿雪糕跟忌廉在熱烘烘的窩夫上漸漸溶掉，成了窩夫的甜醬，沾上甜味。另外還有一球小紫薯團及小蜂巢。特濃朱古力古早味蛋糕伴雲呢拿雪糕一撕開上層的膠片，巧克力醬就隨即下塌至蛋糕底部。底層的古早蛋糕綿密，蛋糕不甜，帶淡淡的巧克力香味，甜度則全靠上面那層厚厚的醬，很特別。吃完甜點，肚皮都滿足了。

今日同個女去左食ocio，依間東港城分店係新開張架，環境相當唔錯我地叫左個封煎龍利魚柳配香草忌廉汁意粉，賣相好好，份量好多，塊魚煎到表面微微脆，魚柳都幾滑！香草忌廉汁濃杰度適中，配意粉一流！跟餐會有個餐湯同餐飲，餐湯係粟米忌廉湯，相當濃郁。而餐飲我就叫咗凍奶茶，奶同糖都係分開上，鍾意落幾多就落幾多另外甜品就叫咗鑊仔士多啤梨雪山熱香餅，好靚，用嚟打卡一流！士多啤梨好甜好新鮮，熱香餅好厚身，食落相當鬆軟，配埋雪糕🍦 又凍又熱真係好正📍Ocio (東港城) (將軍澳)將軍澳坑口重華路8號東港城2樓238號舖

我好鐘意食Ocio，坑口依排都開左新分店，緊係要去試下啦！依間裝修好簡約好靚，坐得好舒服我今次同仔仔叫左一份全日早餐，餐湯有粟米忌廉湯，好大碗！全日早餐相當豐富，有新鮮沙律菜配油醋汁、茄汁豆、香滑雞蛋、兩條香煎腸仔、雞扒、大大塊煙三文魚、食落爆汁嘅蕃茄、香脆薯條、外脆內軟嘅窩夫🧇整體黎講都唔錯，只可惜塊雞扒有少少乾，可以再完美d另外嘢飲方面我仲加錢轉咗做草莓奶昔，好濃郁好好味！+$19仲可以有件精選蛋糕，今日有五款可以選擇，而我就揀咗紐約芝士蛋糕，香濃軟滑。真係好滿足嘅一餐

將軍澳新開cafe， 好多人幫襯，見下午茶時間就食個甜點飲杯茶啦抹茶控點了鑊仔抹茶紅豆雪山熱香餅($79)，鑊仔真係鑊仔，新鮮出爐，底下的抹茶醬仲滾下滾下熱香餅質感濕軟，有點像梳乎厘pancake，但口感比梳乎厘pancake實在，有淡淡的茶甘香，偏甜，熱班戟配凍雪糕是指定動作，綠茶和紅豆亦是天作之合藍莓果茶（$39）和士多啤梨🍓奇異果🥝茶（$39）聞落很香，味道偏淡，藍莓果茶有果酸味，而士多啤梨奇異果茶便帶有士多啤梨的甜味。

不要訂位因為即使在OpenRice訂咗位，去到店員都係會同你講，有位就會盡快安排畀你，訂位同即場拎飛係分2條隊。而我當時去到就只有bar枱。我問店員(後黎先知原來係老闆)，如果我唔想座bar枱嘅話，係唔係要拎飛重新排，老闆話:係🙄當時我前面有另一個有訂位嘅人同時到達，另一位店員畀左飛我哋，我拎到60號，等左一陣之後我聽到店員嗌緊80幾號，所以我問老闆我張飛係咪60號，老闆話應該冇60號飛架喎，然後同我講下一張枱會安排比我。如果係咁其實直接唔好畀人網上訂位，因為宜家嘅安排好混亂。因為連老闆本人都咁混亂，其他員工只會覺得更混亂。坐低左之後就點餐，跟餐連$33以下嘅飲品，普通熱咖啡大約$29，latte $32-35左右(確實價錢唔記得😅) 轉配special drinks +$19, milkshake +$25, 問店員係咪即係轉latte都係加$19, 店員話係，然後我問佢老闆喺唔喺度，我想表達一下意見，老闆就黎咗，我話普通熱咖啡同latte原價相差幾蚊，但跟餐就要加$19, 咁咪即係唔鼓勵客人轉？ (可能係我太計較/我唔識做生意😂) 老闆話: 我哋一直以黎都係咁樣架哦，咁你繼續做你一

1. 千島海鮮薄餅呢個pizza 係下午茶menu其中一個item，佢大約係6吋咁大，細食嘅話個份量足夠頂到夜晚都唔洗食飯。pizza 餅底厚度適中，而上邊有唔少嘅千島醬，非常足料，配埋八爪魚同墨魚粒，仲有落埋蝦仔就變得好滋味！餅底直情多料到拎唔起🤣！但好好食😍😍2. 玫瓏蜜瓜窩夫配雲尼拿雪糕🤤🤤好甜嘅蜜瓜！日本黎嘅蜜瓜果然係唔同啲，一食落去就覺得特別甜。窩夫嘅口感鬆軟有蛋香，加上雲尼拿雪糕嘅味道就係非常傳統嘅甜品配搭，而楓葉糖漿落到冇雪糕係面嘅窩夫，味道就會冇咁死甜🤤建議呢種食法！3. 小食-魚蝦蟹拼盤小食一上枱就諗緊佢係咪黎錯，因為佢嘅份量比我哋想像中嘅大好多，佢入邊係包含咗好多薯條、一大塊嘅炸魚、炸蝦同埋蟹餅，感覺就好似食緊一個正常lunch size嘅炸魚薯條。味道亦拍得住好食嘅fish and chips 質素。

<Ocio>作為一個成日出現響將軍澳嘅市民, 知道將軍澳開咗新餐廳就當然要試吓啦, 餐廳其實小編一早已經聽過, 只係一直都冇去佢分店試過😛******************************- 醬燒豬肋骨早餐 🐷 $89- 芝士牛肉漢堡 🍔 $98******************************位於將軍澳區東港城既Ocio 係一間裝潢設計舒服嘅西餐廳, 主打西式食品, 有漢堡, 意大利飯, 意粉等等另外地點都十分方便, 由坑口地鐵站行上去東港城2樓路程幾分鐘就到🙆🏻‍♂️- 醬燒豬肋骨早餐 🐷 一上枱見到豬肋骨表面有少少乾, 個心都怯一怯, 驚會唔會唔好食呢, 好彩一入口豬肋骨煮得都淋, 另外窩夫係朱古力味,烤得好鬆化🥰 食極唔停口- 芝士牛肉漢堡 🍔 漢堡做得好正😙祝了而且漢堡扒好有牛味🐮 配合埋洋蔥茄汁同埋芝士簡直係冇得輸, 另外今餐嘅薯條都好鬆脆又有薯味******************************整體黎講 Ocio 作為一間主打西餐既餐廳, 做得好稱職, 餐廳嘅員工都好有禮貌, 用餐體驗感覺令人好舒服, 令小編好想去食多幾

知道東港城新開咗間裝修得好靚嘅餐廳，為食嘅我梗係要搵埋閨蜜嚟試下🤭見到午市套餐唔單止有餐湯，仲包一杯$33以下嘅飲品，價錢又唔貴所以我哋就叫咗兩個午市套餐開心share😋是日餐湯：菇菌味道濃郁又唔會太鹹，湯入面仲有好多菇粒，好有口感！封煎龍利魚柳配香草忌廉汁配意粉：龍利魚煎到外層焦脆有鹹香，魚肉十分嫩滑，入口即溶！意粉軟硬適中有嚼勁，每一條都掛滿非常creamy嘅醬汁，仲食到好香嘅洋蔥粒😍如果一個人食會略嫌有少少膩，我哋一人一半就剛剛好👍醬燒豬肋骨窩夫早餐：Ribs同薯條嘅份量一啲都唔少，仲有2件朱古力窩夫同好靚嘅太陽蛋！窩夫外層脆裏面鬆軟，朱古力同蛋味都好濃郁，沾少少糖漿一齊食已經令人好滿足❤️本身諗住食完主菜再加甜品，但食完已經好飽食唔落甜品😆😆

之前喺旺角煙廠街都食過呢一間餐廳感覺唔錯，經過見到有就入去試下將軍澳呢間既質素~望到個餐牌感覺都偏貴，可能因為東港城租貴，食物質素相信都會有返一定水平！同男朋友呢左兩個午餐set:1,BBQ春雞伴香草薯蓉+檸檬薑茶2,日式照燒汁牛柳粒意粉+英式奶茶好大兜香草薯蓉， 面積仲大過半隻燒春雞😳香草薯蓉食得出油牛油味！我估燒春雞應該已經搽咗bbq醬跟住先去焗，雞皮好香BBQ醬同香草，不過隻春雞都厚身，所以入面的雞肉唔算好入味，可以點汁食；隻雞好軟淑，而且應該煮過先，因為一刀切落去就好易骨肉分離！意粉煮得啱啱好有半生熟嘅口感，但照燒汁調味比較單調同埋唔係好夾個意粉~牛柳粒雖然比較大粒但係煮得有啲過熟有少少韌,但係食得出有牛肉味檸檬薑茶同英式奶茶都有同一個問題，就係茶包唔出味，成杯野飲好水咁...點壓都係出好少味...真心建議餐廳如果一個茶包唔出味，可以落兩個...

由於一早喺openrise預約訂位，所以唔使等就有位，不過眼見都唔多人排隊有weekend lunch，我哋就叫咗2個餐，一個龍脷柳意粉，一個黑椒牛柳粒意粉首先嚟個個餐湯，水較多好稀，味道就變得一般忌廉汁龍脷柳意粉味道還可以，魚都夠滑，但唔夠香口黑椒牛柳意粉就麻麻地，意粉就太濕，牛柳有點兒韌餐飲叫咗個熱奶茶，由於係用茶包+奶，所以味道就好淡，如果飲開濃味就唔建議叫奶茶由於太飽，所以無叫甜品，留待下次