Ocio (東港城) (已結業)

同事們又拉我去試新餐廳，大約下午一點半，餐廳客人好少，反而對面排晒隊。餐廳感覺簡約，座位亦算舒適，職員有禮。而食物方便有好有一般，價錢方便，食物價格還可以。是日餐湯，幾香滑。+$68奧斯小食拼盤(炸魚塊，芝士火腿卷， 馬蘇里拉芝士棒，薯條)，除咗炸魚外，其他都好一般。南瓜蟹肉帶子意大利飯，飯煮得幾好，仍然保留應有口感，唔重調味，帶子有兩粒。日式咖哩豬扒飯，豬扒都可以，外層算幾脆，肉質唔鞋，份量亦滿意。卡邦尼意粉伴溫泉蛋，個汁收得啱啱好，仲有芝士碎喺面，幾好味。凍英式奶茶+$19焦糖牛奶，呢個幾好味，唔太甜。+$25oreo曲奇雲呢拿奶昔，同相完全唔同，我以為職員拎錯，奶味好重，oreo味好少。

主打窩夫同全日早餐嘅多國菜輕食餐廳 Ocio最近又開分店 啱啱開咗幾個月嘅將軍澳坑口店唔只鄰近地鐵站，交通方便，仲又大又闊落，環境令人好放鬆，約friend黎食飯一定好chill 今日夜晩黎食飯，但黎Ocio點可以唔嗌佢地嘅招牌All day breakfast? 晚市時間食早餐一樣得 呢個波士頓龍蝦米多全日早餐 ($198) 除咗有常見嘅炒蛋、香腸、茄汁豆等配料，仲有焗波士頓龍蝦，好豪華 雖然隻龍蝦唔係原隻上，而係起咗肉，溝咗其他食材，再釀番入去個殼度焗，但味道、口感都唔錯，同成份早餐都幾夾 其他配料例如巴馬火腿、番茄、薯條、窩夫、沙律菜等水準平均，好食

看見這間新的店店面好像挺精緻，便和朋友來試試。我點了整個假日餐牌最貴的$135 8oz炭燒肉眼配薯條。 這個餐最離譜！餐送到枱面後看見讓我直呼不知所謂，整個餐感覺極差，擺碟差，味道差！你看像什麼？就連普通茶餐廳的水準都不如！不好看也不好吃，牛扒肉硬又帶多根，連打卡也嫌浪費時間！(最後還發現他收了我$138，埋單單上上打出來的是西冷扒配薯條）到最後我連自己吃的是肉眼還是西冷也不知道！不知所謂朋友的all day breakfast 也只有窩夫比較好吃，其他也很難吃！另一個豬肋骨窩夫早餐就還好！那麼貴吃這樣的差水準！真的不明白為什麼還有人排隊吃！老實說下次朋友請我也不會來！差評x100 附上原圖讓你們親自評價一下

叫左個burger 卜邦尼 同蜂蜜雪山熱香餅Burger 唔錯 個皮脆脆熱 幾juicy卜邦尼不過不失熱香餅不了 好似蒸蛋糕好甜唔似平時食開既pancake但份量係抵既Overall 6.5/10

今晚元宵同朋友去呢間試吓，因為之前睇食評大多數讚甜品，但佢哋其他都一樣好食。叫左兩個餐，一個香煎珍寶帶子辣肉腸手打意粉加一個慢煎三文魚自家製薯蓉。手打意粉雖然咸左d但好入味，另外三文魚配bacon 原來可以咁好食，仲有薯蓉好有口感可以再黎食呀～

All Day Breakfast整體都好豐富好多野食，特別係有塊煎到好香既雞扒同埋一大塊窩夫。雞扒好嫩滑而且塊皮煎得好香，加上雞扒又有肉汁唔會好乾! 窩夫有跟埋糖漿，入口鬆化蛋味濃郁!芝士肉醬千層麵呢個味道都幾正宗而且芝士同埋肉醬好多可以覆蓋哂成份千層麵，焗既時間亦都岩岩好又唔會過咸，不過如果可以多幾層就好啦!朱古力布朗尼窩夫最後就係呢個朱古力布朗尼窩夫，因為實在有太多唔同種類既甜品所以都揀咗一陣。雪糕香濃加埋布朗尼一齊食已經好滿足，再加埋呢個充滿朱古力既窩夫一齊食，層次一流! 鍾意食朱古力既一定要試!

請半日假返小朋友學校拎功課交功課，衝衝忙忙咁，晏都未食，經過東港城商場見到Ocio，店面望落去已經俾左個休閒既感覺俾我，橫掂未食飯，諗住入去試下。入到去發現呢間店，都幾多甜品食，但由於我都未食飯，我就叫左個lunch set 醬燒豬肋骨窩夫早餐，囡囡就叫左玖瓏密瓜窩夫。醬燒豬肋骨窩夫早餐（跟餐湯） $89雖然名叫早餐，但份量好足，太陽蛋煎至微燶邊， 熱辣辣既窩夫同埋帶皮薯條，又香又脆加埋新鮮沙律菜，酸酸甜甜好開胃，最後緊係醬燒豬肋骨，肉質Juice又嫩滑，真係好好味，配埋南瓜忌廉湯，真係又正又抵食。而玖瓏密瓜窩夫，密瓜夠晒爽甜，加埋雪糕、忌廉同埋蜜糖星星，足料又好味，真係岩晒小朋友食。呢件窩夫比我果件更大更厚，基本上，2個人都夠食。細食既朋友準備打包喇😂

上次同阿囡食過東港城Ocio，仲成日嘈住要食，見佢咁想食，今次就放工同佢試下Ocio既晚餐。今次我就叫左上次超想食既期間限定既鑄鐵鑊仔法式吐司（原味峰密味），其實我真係好鐘意食包，呢個望落去就好似泰式既咖哩包，夠晒大磚 。佢仲可以加8蚊加一球雪糕，緊係加埋喇。個吐司仲大過個飯盒，外脆內軟，仲 熱辣辣 香噴噴，完全同想像中既一樣咁好食。仲叫左個奧斯經典全日早餐，呢排去cafe ，囡囡一定叫全日早餐，因為All Day Breakfast, 真係太豐富，咩都有，岩晒我地呢d選擇困難症客人。但略嫌塊雞扒未算太滑，如果可以再滑D，就完美喇。飲品今次叫Oreo曲奇雲呢拿奶昔，飲落去就好似食緊溶左小小既雪糕咁，又香又濃又好味。

🍴🍴將軍澳東港城新開咗一間西餐廳，叫 Ocio，環境清新，於是下午茶時段同囡囡嚟食甜品。💖😋 之前都去過旺角分店，將軍澳分店環境更舒服🍀🍀，喺呢度傾下偈，chill下，享受休閒時光🌺。🍑蜜桃沙冰$45 冰粒綿密，非常解渴，蜜桃香甜。🍈玖瓏蜜瓜窩夫$68用上日本嘅蜜瓜特別多汁清甜, 窩夫即叫即製，鬆脆美味。配上糖漿同埋雲呢拿雪糕🍦🍦，係大人細路都鍾意嘅甜品👍囡囡好滿意，小朋友有甜品食就開心曬。

近年多左小店進駐被稱為美食沙漠的坑口，為將軍澳區帶來一點新意。今個下午就約左閨蜜去位於#坑口東港城 新開嘅 @ocio_kitchen。「OCIO」係西班牙文，有休閒既意思，餐廳簡約既設計完全營造到舒適和優閒既環境，我同閨蜜都傾到唔捨得走💕💛朱古力榛子窩夫配燒棉花糖 $68Ocio kitchen嘅甜品最出名，嚟到一定要叫翻一款黎試吓。呢個朱古力窩夫好香蛋味，外脆內軟，配埋Nutella榛子醬、燒棉花糖同朱古力雪糕🍫，超有層次感。下次想試吓佢嘅鑊仔抹茶紅豆雪山熱香餅🤪💛BBQ燒春雞伴香草燒薯 （午市套餐）$89呢個燒春雞用嘅BBQ醬好香，不過略嫌燒雞煮得太耐，有少少硬，但整體都是不錯的。呢個午市套餐好抵，包一碗是日餐湯同一杯飲品，值得一試。味道: 🌕🌕🌕🌗🌑服務: 🌕🌕🌕🌕🌑環境: 🌕🌕🌕🌕🌗價錢: 🌕🌕🌕🌗🌑－－－－－－－－－－－－📍Ocio Kitchen將軍澳坑口重華路8號東港城2樓238號舖

支持下。當日叫咗兩個午餐，是日菜單如下：芝士牛肉漢堡：個醬用咗肉醬，同芝士夾嘛漢堡都叫唔差的，不過唔太驚喜。個漢堡有d dry 唔算Juicy果種全日早餐：影相打卡一流的。兩個餐上盤嘅時候都已經凍咗，除咗全日早餐的Waffle。可能呢間餐廳主打都係甜品窩夫，所以建議大家如果嚟呢一間餐廳，就食甜品窩夫，唔好叫午餐，無咩特別。同記得用app排隊先，繁忙時間都幾多人等。

OCIO難得放假當然係同你個靚嘅下午茶啦原來將軍澳附近都係嗰間新嘅，而係大角咀旺角窩夫覺得值得一試日式咖喱豬扒飯叫咗個正餐食佢地咖哩味都幾入味，咖喱味十分香豬扒大大件好好抵食, 而且佢哋唔會炸過濃太多由油味，值得一讚雜莓窩夫賣相吸引正，一定要打卡份量都幾多暖暖地食落去好好味配上野莓同雪糕正，值得介紹整體來講餐廳都提供左個好高水準嘅質素食物同埋幾多錢比例都啱啱好，女朋友都好鍾意因為佢哋嘅環境真係幾舒適

在坑口找餐廳吃東西 是一種挑戰因為很多餐廳都好吸引人 而且也可以走到鄰近的坑口村 但最近找到一家餐廳 深深被裝潢跟甜點吸引了為了吃抹茶焗鑊仔班戟心太軟 午餐也能放棄 餐廳走 小清新路線 簡約韓國風 裝潢木系為主燈光很柔和適合 放空 打卡 聊天的空間店員安排我們到餐廳的角落面向有掛畫 非常可愛的畫作焗鑊仔綠茶班戟心太軟 這款甜品 以層層疊的擺盤呈上最頂是奶油 綠茶雪糕 餅干 心太軟班戟雪糕的茶味濃郁 香滑加上用鑊仔上菜 鑊仔熱力加快雪糕融化班戟吸收雪糕汁同時 又可以吃到內層的心太軟心太軟有別傳統 以班戟包裹 一切開班戟綠茶就流曬出來香口 好吃 讚

放假天在坑囗東港城食個tea輕鬆一番，選了新開的ocio，環境舒適，可以說是chill一chill之選。餐牌精緻少女風，可愛呢！點了一個全日早餐，價錢$98，好有驚喜，好豐富呢！格仔窩乎好香脆、炸薯條亦金黃脆口，香腸雞排煎得好好味，正！另外，點了一個照燒汁牛柳粒意粉，價錢＄78，牛柳粒大大片，而且入口牛味濃郁，掂！是愛吃牛之選。仲跟餐加配左蛋糕，蛋糕也算是不錯，細細件不會太膩。整體坐得舒服，地點亦方便，喜歡。

Ocio 📍 將軍澳坑口重華路8號東港城2樓238號舖.Ocio提供All day breakfast、意粉及甜品😚今次就試咗佢哋嘅甜品😋 款式非常多，有熱香餅、窩夫、心太軟等～ 好開心食到佢哋嘅窩夫同鑊仔法式多士😻 甜品質素頗高，而且賣相不錯👍🏼 可以同三五知己嘆下都幾chill😙.🍞 士多啤梨鑊仔法式多士 $68: 法式多士即叫即整，用蛋漿浸過非常鬆軟😋 加上草莓醬同新鮮草莓，味道非常清新👍🏼.下午茶Set 配即磨咖啡或茶 ($33或以下飲品)🧇 玫瓏蜜瓜窩夫配雲尼拿雪糕 $65: 蜜瓜好清香🍈 配埋窩夫好match👍🏼 窩夫香脆內軟，入面非常鬆軟，加埋冰凍嘅雪糕🤩 冰火交融好正🥰.🍝 芝士焗肉醬意粉 $75: 雖然只係下午茶，不過份量非常大份😜 芝士肉醬非常惹味😚.☕️ 熱榛子咖啡 +$19🧊 凍咖啡