Nun Desserts Cafe

營業中

休息中

今次都唔係第一次食呢間韓國雪花冰🤪 今日心血來潮，同朋友去旺角行街好想食韓國雪花冰就行咗入嚟食平時通常都係食士多啤梨味，今日又想搞下新意就嗌咗呢個薄荷朱古力味😂呢個Oreo餅份量唔算好多，不過好彩佢唔係畀好多，因為有少少濕同稔🥲可能遇咗潮，所以冇咁好食🤭brownies都比較硬，口感普通😢薄荷味就係牙膏味啦，咁我都係為咗牙膏味先至嗌呢一份甜品啫🤪～食到最後就覺得冇咩味，好彩店家有畀啲煉奶可以送住食啲牛奶冰，不過個人都係鍾意食佢哋嘅士多啤梨味雪奶多啲～😛

天氣凍就係時候食冰😋今日介紹呢間之前食過幾次都唔錯!-👀冇立場資訊-🧇韓式芝士蛋糕芒果窩夫窩夫比想像中淋好多，雖然幾易切但係就唔夠脆🥲食落幾甜，尤其係芒果都幾清甜，同酸酸甜甜嘅芒果雪糕夾埋冇咁漏，至於芝士蛋糕粒嘅芝士味偏淡，口感係偏硬身嗰種，如果芝士味再濃多少少就最好喇☺️-🍨韓式特級香濃邪惡Tiramisu雪奶間餐廳嘅其他雪奶主要都唔係用軟雪糕，不過呢個就有軟雪糕，口感會creamy啲同軟滑好多🍦tiramisu味夠濃，酒味都唔淡，冰底都夠綿，而且食到下面會有朱古力碎增添口感，整體嚟講真係唔錯🥰美中不足嘅係份量望落比其他嘅細少少🤔-呢間餐廳都幾多人幫襯，如果繁忙時間嚟可能都要等一陣先入到去，同埋依家會有最低消費，人均消費要至少夠$50👀環境就正正常常都算乾淨🤔

喺旺角食完飯緊係要食埋甜品先走😈適逢冬天特別想食冰上openrice一search見到nun個menu好吸引鎖定目標衝去食🤩七點幾去到唔算多人門口放左幾款甜品全部都好似好正😍😍【薄荷朱古力雪奶】- - - $72價錢偏高，但滿滿的一碗份量夠兩個人share雪奶冰幼到好似椰絲咁同平時食開嘅綿綿冰唔同表面舖滿朱古力粉、朱古力碎、brownie、Oreo每一啖都有朱古力🍫朱古力迷一定中意！配合淡淡奶香嘅雪奶冰一齊食口感超豐富Brownie都好出色，朱古力味超濃，仲有朱古力碎添另外Oreo都係「新鮮」放上去，keep到脆口！

個芒果汁好似溝水完全冇味。窩夫淋哂真係超難食 完全唔知食緊d 咩真係唔會再幫襯叫 三杯野飲冇一杯好飲。我完全唔理解甜品竟然會中伏。最離譜連嘢飲都會中伏 比左200幾食左d甘既野真係五值。我未試過食甜品飲過野都可以咁難飲咁難食 得個樣有鬼用。d芒果都冇味架

因為朋友見到我上次嚟食好似好好食咁就諗住嚟試吓我哋今次揀咗哈密瓜雪冰 焦糖香蕉窩夫然後like左佢嘅IG同埋tag咗佢就送咗一個抹茶雪糕俾我哋我哋個蜜瓜雪冰加咗$12要多一份年糕個雪冰一上到黎就知道自己中咗伏好嚴重嘅蜜瓜味香精味個雪糕好甜好冰凍好甜襯到佢個蜜瓜完全冇味然後個焦糖香蕉窩夫佢話會即時整要等10至15分鐘但係最後上到嚟個窩夫係凍嘅完全唔脆佢個雪糕雖然免費但係竟然係全場最好食嘅因為每個人都唔食紅豆所以就冇試到個紅豆最離譜就係呢間店竟然連水都冇然後又趕人走其實我哋坐咗一個鐘都冇個店員啲服務態度真係冠絕全港啲Tiramisu又長期都冇貨希望大家唔好中伏😣😣😣

雖然天氣轉凍 但香港人就係冬天食冰 夏天食火鍋因為有最低消費每人要50蚊所以我地就叫左三樣嘢但其實食唔晒建議取消低消或者可以降低少少叫左兩個冰 一個窩夫個oero冰就係好普通嘅Oreo本身嗰冰已經好甜完全唔洗落佢個煉奶但個冰就好重甜果冇咩奶味個芒果冰反而就好重奶味佢配俾我個芒果味雪糕勁香精 好假嘅味道但佢啲芒果果肉就好似未熟咁勁酸好唔推薦 可能都因為唔係當造佢個窩夫相比起佢個冰更加值得點佢係即叫即整 熱辣辣一上枱就勁香 佢個蛋味超出外脆內軟 配埋個雪糕勁好食😋可以只係叫個窩夫

已經食過唔止一次既Nun Desserts Cafe，間唔中就會想再黎食。佢地既雪花冰有好多唔同口味揀，除左雪花冰之外，仲有窩夫、多士等等其他既甜品，但係我就永遠都係黎食佢地既雪花冰🤤 1️⃣芝士草莓雪奶（$75） 好多草莓🍓酸酸甜甜，配埋草莓醬加雪花冰，完全就係韓國既味道🤤另外仲有煉奶可以落，超正～  2⃣️阿華田雪奶（$68）好多阿華田粉鋪滿個冰😍另外仲有一球雲呢拿雪糕同埋圍邊一堆阿華田餅。雪花冰超碎，而且有奶香，加埋阿華田味超正😋 

🍓草莓奶油雪糕吐司 $55吐司係即叫即焗 烘得好脆但只係微暖因為選用咗厚多士所以口感超級好包皮脆卜卜包體鬆軟吐司表面搽咗蜜糖配埋旁邊嘅雪糕做到冰火交融嘅感覺🔥草莓雪糕味道較淡 草莓同牛奶味都唔突出整體比較普通 感覺自己屋企都整到。🍞紅豆麻糬年糕雪糕吐司 $48呢個吐司係我一睇到餐牌就鎖定要嗌嘅因為所有材料我都愛！構造同上面嗰款唔太一樣係兩片偏厚多士而唔係一片過但夾埋厚度都差唔多吐司上面灑咗超多黃豆粉原先以為會好乾但又唔係窩兩片吐司中間搽咗啲煉奶紅豆蓉同埋麻糬粒粒就集中咗喺吐司中間所以食到中間都幾甜不過好欣賞紅豆蓉仲帶有少少紅豆粒面頭放咗杏仁薄脆

今晚同男朋友食完飯就去左呢間舖食甜品因為見好多好評同埋有良心💛食完晚飯就狗衝黎食了黎到唔使等就有得入座一坐低個體驗已經麻麻（1）張枱痴立立又有一大撻唔知咩野係Menu下面（2）成間野勁焗，有開冷氣但都好熱我地分別叫左一個士多啤梨奶冰同芒果荔枝奶冰係等緊野食期間睇到啲野睇到我眼都突埋出黎👀隔離枱有人走左，張枱有張紙巾應該係抺完嘴剩低個staff黎左收枱執好碗之後係用果張用過既紙巾抺枱然後就直接放本Menu比下手入黎坐家下好似仲係爆緊肺炎架wor同埋我留意到有個中性打扮既staff長時間係出餐個位唔戴口罩咁講野食野真係幾離譜啲甜品上枱芒果果個啲芒果勁霉見到都唔開胃個士多啤梨奶冰叫做好少少起碼啲士多啤梨浸夠左糖水，唔會酸先希望舖頭注意下衛生同出品仲有盡快整整部冷氣

完全估唔到咁難食！經過見到好多人食，裝修唔錯，忍唔住入去試下，點了第一位的蜜瓜雪奶及一份炒年糕，但超級失望！炒年糕完全唔入味，唔辣唔甜偏酸，得3-4塊魚片，賣相好差，好似求其撈兩撈咁……都算喇，始終係甜品店，諗住開開心心食甜品……點知個蜜瓜雪奶仲衰，賣相極大落差……menu個樣正正常常咁，但嚟度好似啲港女落晒妝咁，都算喇，蜜瓜色水唔太靚姐，蜜瓜比圖片少啲姐。有兜花奶比你自己落，好彩落少少…甜到爆，個雪糕煉奶味極重偏甜，雪花冰冇味，蜜瓜正常，食食跟住個碗底仲有勁多花奶…cls…甜到漏…完全食唔落咁漏…食淨一大碗完全唔識欣賞…但店舖內好多年輕人，一枱接一枱，可能韓國真係咁嘅味，真心…甜得嚟好難食

話說自從朋友介紹一間韓國甜品餐廳之後，而家一出旺角夜晚想食甜品都會諗到呢間鋪，佢嘅甜品沙冰真係好味😋1.哈密瓜沙冰（唔知係咪咁嘅名）加大「$97」哈密瓜味道剛剛好 沙冰配上煉奶 真係淡淡滋味 同埋佢啲沙冰好柔細 好似軟林林嘅棉花 凍冰冰好正！

其實旺角雖然好多嘢食，但我發現甜品嘅選擇唔算太多🤣而且次次搭小巴經過呢間舖頭都會好多人排隊👍所以今晚一於嚟試吓佢啦❤️-鋒芒畢露黃金雪奶🤣原本佢嘅價錢係$78，係屬於細碗，不過店員話最低消費係每人$50，所以我就同朋友一齊加大左呢一碗$100🙈食一個甜品要$100好貴呀🤣不過佢都算足料，芒果份量都算多，不過唔夠甜，有啲芒果食落都比較生😂但係佢嘅雪奶係好食嘅，冰底都係牛奶冰，加埋煉奶都幾香奶味🤩

天氣酷熱，在街上走一會兒已經全身汗😢看到這間cafe門口的甜品模型很吸引，立即決定試一試，順便休息下🤣1. 韓式綠寶石香甜蜜瓜雪奶（$75）加$22便可升級large size，看到旁邊枱升級後的碗超大，足夠3-4人share！而regular size兩個人吃就剛剛好😁Menu上的圖片非常吸睛，除了實物的蜜瓜比較大粒之外，基本上有九成似。蜜瓜香甜可口，水分很多，果然是韓國蜜瓜👍🏻沙冰打得很細膩，不會吃到大粒的碎冰，碎冰本身只帶些許甜味，所以店家有另附一小碗煉奶，可以自行調節甜度，非常貼心❤但建議不要一次過加完，因為雪糕本身已經很甜，混合沙冰吃剛好可以互相中和，所以小編只加了一點煉奶也很夠味😋沙冰融化的速度不算特別快，吃到底也只是底部的冰融了一些👍🏻總括而言，雖然其價格偏高，但質素和價格成正比，下次會想試試其他口味～評分🌕🌕🌕🌕🌕2. 韓式香提梳打（$35）普普通通的梳打，感覺這裡的甜品更加值得嘗試。評分🌕🌕🌕🌖🌑

2個人，1刨冰，1薯條 共$120，大約60/位好似叫宇治抹茶紅豆雪奶就係一個抹茶雪糕下面加刨冰， 同埋會畀一個煉奶個刨冰其實都幾快到而且賣相都相當吸引，影著好似有啲細其實都兩個人食加埋煉奶食咗好食好多， 抹茶雪糕就普普通通紅豆就好似用黎黐住個雪糕最鍾意係啲杏仁片🤤 甜甜又有d脆既口感。其實仲叫咗個薯條 ，但實在等咗好耐差唔多食曬個雪糕，落單三十分鐘先到廚房唔小心漏咗單。其實都冇咩特別重要勁咸😵雖然佢主打甜品 ，但menu 原來仲有鹹食， 唔係小食仲要係韓式 飯同埋公仔麵見到樓面得一個人一腳踢又埋數又樓面，好攰咁：（♈

甜品永遠喺我心目中獨佔一個特別嘅位置；）呢日遊MK中午要揾落腳處，好在我同個friend 一啲都唔介意甜品當lunch，專登網上揾咗評價幾好嘅Nun Dessert Cafe 😙抱住期待入去，好滿足咁離開。#服務當時店員得一個，我哋自行入座，服務唔算周到但嘢食好味就冇所謂啦～#宇治金時雪奶由個頂食起，味道一啲都唔假，抹茶雪糕下面一層紅豆蓉做夾心，溝埋雪花冰一齊擺入口超夾！好似椰絲咁嘅刨冰都係生平第一冰食，估唔到有驚喜！完全冇雪水味，如果覺得淡淡哋仲可淋煉奶。成個作品無論賣相定味道，呢個價認真無得輸👍🏻#草莓雪奶比較遜色嘅一款，士多啤梨作為點綴甜品嘅水果嚟講，suppose係經典之中嘅經典，但唔覺甜，甚至可以話微酸，可能唔係當造季節，所以士多啤梨質素都平平，顧慮到呢點就唔計較咁多嚕～得個樣都仲可以影吓相^_^