入到去坐，個女侍應放低左d餐具就失左蹤，我地坐左好耐都冇人黎落單，收銀位個哥仔又坐定定，唔理舖面，搞到我以為係自助形式買野食，直到我地行出去收銀落單，個女侍應先閃返過黎，原來佢去左吹水⋯
好喇，講返d甜品，棉花糖雪糕吐司基本冇咩難度，正正常常又冇咩驚喜咁囉。士多啤梨芝士窩夫都不過不失，士多啤梨雪糕有少少酸味，整體味道都算平衡。
可惜食多兩啖就覺得好甜，想問侍應拎杯水中和下，佢竟然話佢地冇水㗎！OMG！想逼人點飲品都唔係咁掛，我食個咁甜嘅窩夫，仲要我飲甜野？！食到中段我已經分唔到自己食緊乜，只有一個甜字⋯
果日間舖嘅老細一定唔喺度，事關d侍應成日玩失蹤，又勁玩電話同吹水，當d客透明，我係老細一定炒鬼晒佢地。
