Non Kitchen

營業中

休息中

住開附近這間餐廳回訪多次，欣賞其廚師用心烹煮，對味道的追求和堅持，美食都有水準。而環境闊落寧靜，有充足私人空間，二人世界或是多人聚餐都好合適。二人套餐 $658餐湯：甘荀薑湯 +$0湯味清甜口感滑，飲落暖身。餐湯：龍蝦湯 +$38龍蝦湯咸鮮到極，少許龍蝦肉點綴，立體感增加不少。餐包餐包軟熟，餅條脆身，配上黑松露牛油甚為完美。凱撒沙律羅馬生菜新鮮爽脆，配搭芝士粉、煙肉碎和麵包糠，豐富了口感味道，簡單好食。香蒜薯蓉焗田螺 +$38火焰田螺連帶rosemary也燒著了，何其壯觀。螺肉鮮甜軟身，少少酒香，薯蓉幼滑，蒜香洋蔥味，份量都多，會飽肚點食主菜呢。西班牙海鮮飯 +$58飯色金黃粒粒分明，南瓜蕃茄底汁夠味，配料十足，有帶子、海蜆和青口，仲有辣肉腸粒多到呢，整體唔錯。燒美國BBQ豬肋骨豬肋骨有六條骨，厚肉超大份，用刀仔鋸到手軟，豬肋骨都係新鮮貨色，BBQ汁美味開胃，有香脆薯條和沙律菜，肚子相當滿足。意大利雪糕泡芙泡芙包住朱古力雪糕，甜點結尾係幾滿足的。飲品晚上不飲咖啡奶茶，沒有朱古力情況下，選擇了熱檸水凍檸水，味道正常發揮啦~

地方寬敞，空間感足！叫左個二人套餐$658，包沙律、餐湯、1份PASTA/PIZZA、1份MAIN、甜品仲有野飲！👉🏻餐前包烘香味，麵包鬆軟，最中意個牛油黑松露醬！👉🏻南瓜湯入口順滑，質地creamy！👉🏻凱撒沙律沙律菜夠新鮮，落左芝士粉，好開胃！👉🏻炭燒澳洲草飼肉眼牛扒12oz，一格格網紋，散發炭燒香，肉質嫩！👉🏻忌廉汁魷魚墨魚汁意粉黑色嘅墨魚汁意粉，配濃郁嘅白色忌廉汁互相結合，大大隻魷魚，口感爽彈！👉🏻法式白酒煮蜆 (+$8)跟餐加$8就有一份，抵到不得了！份量多，帶有白酒香氣，蜆又好鮮美！👉🏻流心乳酪芝士蛋糕 (+$48)呢個甜品不得了！望住流心乳酪芝士湧岀好治癒！好香濃，蛋糕底下係曲奇，再配五顏六色嘅水果粒粒，口感豐富！👉🏻意大利雪糕泡芙唔會雪到太凍，温度剛剛好，朱古力雪糕好岀色！

係牛頭角番工，所以去工廠大廈食晏，non kitchen 係我其中最鍾意的一間。最鍾意佢嘅沙律bar!!!! Lunch menu 包咗任食沙律bar同埋餐湯。沙律bar有薯仔沙律、中華沙律、紅色同埋橙色嘅車厘茄、粟米、蓮藕薄片、羽衣甘藍以及各款嘅沙律菜～ 仲有熱辣辣嘅牛角包同埋牛油可以選擇，食完沙律bar已經好飽🤭至於toppings有我好鍾意食嘅提子乾、芝士粉、麵包粒粒，仲可以加各款嘅沙律醬，如果鍾意健康嘅你，可以揀黑醋及橄欖油作調味～平時落樓下超市買$50/salad box，晏晝有得任食真係好正👍西蘭花忌廉湯有少許洋蔥嘅口感，鹹鹹地嘅濃湯味道唔錯，我都飲咗兩大碗🤭辣蕃茄汁海蝦意式燴飯，四隻海蝦都幾大隻，而且爽口，每啖都好彈牙！茄汁帶有好輕微嘅辣味，加埋煮完好煙靭嘅risotto ，每粒飯都掛有豐富嘅醬汁，海鮮味令人胃口大開！Medium嘅炭燒紐西蘭西冷牛扒，伴碟嘅薯蓉份量唔少，steak house先整到嘅炭燒網紋令張相加分🤭因為表面鎖住肉汁，略帶粉紅色嘅牛扒咬落嫩口juicy。我覺得原汁原味更好食，因此都冇蘸過上碟嘅sauce🤭食完呢個晏晝真係充滿能量，飽住去返工😂

呢間觀塘工廈嘅餐廳，lunch time 座無虛席。佢嘅午餐都幾多選擇。首先，自助區有沙律、湯同麵包，可以任食。呢個安排方便，可以滿足唔同人嘅口味。主菜我揀咗泰式燒春雞$148。燒春雞肉質嫩滑有驚喜，配上泰式醬汁，酸酸辣辣，風味獨特，好開胃。另外配菜仲有薯蓉。午餐加$18有薯條🍟，薯條炸得香脆，有少少辣粉。另外，餐廳有每日精選特價菜式，今日係星期四，有炭燒紐西蘭西冷牛扒原價$188，特價$158。牛扒揀咗五成熟，經炭火燒烤，保持肉質嫩滑，加埋特別嘅調味醬汁，唔錯。另外配菜仲有薯蓉。餐廳夠晒大，而且坐得舒服，呢個價錢真係一個唔錯嘅選擇。

之前來過這間餐廳晚餐，發現原來平日的午市有Semi-buffet lunch，趁今天不用上班，一於過來品嚐。Lunch Set 都有多款選擇，最特別係佢地嘅Lunch 有任食沙律同餐湯，自助沙律吧有好多款式，基本上各式沙律菜、餐包、粟米、蕃茄仔、菠蘿、芝士碎…同埋有唔同醬料，除左食物質素唔差外，店員仲會不停Refil呢~～百里香檸檬燒海鱸魚柳大大塊嘅海鱸魚柳，煎至金黃色，魚肉味香濃唔腥，無骨啖啖肉。配以薯蓉伴碟，調味不錯。～炭燒紐西蘭西冷牛扒西冷牛扒以炭燒方法烹製，網紋好靚，賣相吸引。叫咗5成熟，牛扒一切開呈粉紅色，簡單以鹽同胡椒調味，更突顯濃郁牛味，而肉質都好juicy。午市時段幾乎全場爆滿，幸好我一早訂枱不用等位。

🍽️Set for 2 ($658).🫧餐包很有驚喜的餐包包很柔軟而有彈性🍞配上cream cheese 很好吃另有麵包脆條正💯.🫧凱薩沙拉🥗新鮮蔬菜配上滿滿芝士粉粒🧀很不錯.🫧羅宋湯濃鮮蕃茄味🍅瓜 蘿蔔 西芹 菜🍠配料很足.🫧香蒜蒜蓉焗田螺(+$98)田螺肉 已除殼焗得剛剛好 軟身不乾田螺的油份融入薯蓉中🥔蓉中有小塊洋蔥和香料口感香又滑 好好吃🤤.🫧炭燒澳洲草飼草眼牛扒(12oz)牛扒足量 大塊 富牛味🐄.🫧蒜香煙鴨胸炒意粉🍝意粉軟硬量適中足量配料✅/

今天難得下午不用上班，就和好同事到這間餐廳享受一個慢活的午餐。大家一邊談天說地，一邊享受寧靜的環境和美食，真的舒適愜意。原來下午時段還有Salad buffet，沙律、餐湯、餐包任吃。熱辣辣的蘑菇湯非常好喝，還有那脆脆的牛角包，真的十分好吃，未吃主菜已經飽了一半！龍蝦汁燴海鮮墨魚汁意粉 意粉煮得剛好，具有彈牙的口感。龍蝦汁也非常入味，鹹鹹甜甜的，很惹味。蝦和魷魚十分新鮮，燴煮得剛剛好，整碟意粉皆能保持着鮮味。香辣蒜香雞翼雞翼表面炸得酥脆，內部則保持著多汁嫩滑的口感。辣味與蒜香調味料相互融合，配合着蕃茄和蛋黃醬，讓人吃不停口。車打芝士牛肉漢堡漢堡包十分鬆軟，肉很厚身，煎得剛好，保持了肉汁和口感。芝士非常濃郁，令整個漢堡包生色不少。薯條炸得金黃酥脆，又是分量十足，咬落既香且脆口。這間餐廳的午餐及晚餐均非常出色。怪不得座無虛席！我們都要等了一會兒才能入座。回頭率應該十分高。

趁仲係觀塘返工，真係要把握觀塘嘅美食😆 最令我觀忘的觀塘Lunch Hour就係食 Non Kitchen💕有Salad Buffet、沙律、湯、麵包任食，又有個好味嘅Main😋感覺真係特別滿足🤩🌟南瓜湯想飲幾多都可以自助添飲💕 🌟菠菜芝士意大利餛飩配黑松露忌廉汁意大利雲吞入面包住薯蓉&洋蔥等等嘅餡料，調味剛好，好似食緊普通有肉餡嘅餃子🥟 配埋醬汁食就更加滿足😆🌟香煎𩶘魚柳𩶘魚柳肉質柔軟又有嚼勁，保留到𩶘魚柳獨特嘅鮮味，或者配醬汁食都得😆 煎到香脆，仲可以配幼滑嘅薯蓉、西芹粒&紅蘿蔔粒💕🌟香辣蒜香雞翼 記得上次食過幾好味😋單骨雞翼炸到好酥脆，香辣又充滿油香真係惹味，好涮嘴😋😋😋🌟Drink （Lunch Set 連飲品）揀咗熱檸水🍋 熱咖啡☕️ 自己加奶，口味可以自己調😆

同老友觀塘聚餐，佢訂左呢間Non Kitchen 食西餐，當晚我哋6點多便到達，人客不多，所以感覺寧靜，可以慢慢食同傾下計，很唔錯。點餐後店員會送上🥖餐包，有脆口的脆條跟暖暖的軟包各2件，點上黑松露牛油醬一併食，很捧啊。帶子露荀薄餅，薄餅是薄身的，鋪了香軟的帶子同脆身的露荀，芝士份量剛好，故不會太膩，餅底比起傳統的薄餅鬆軟，口感亦不錯。 香煎加拿大比目魚柳，魚皮煎到金黃色香脆可口，魚肉肉質厚身, 冇骨啖啖肉，口感十足 ，墊底有車厘茄同蘆荀 ，同埋creamy 的薯蓉，口感極為豐盈。 餐飲點了茶香的凍檸茶🥤。

約左個好耐無見嘅舊同事食晚飯，睇下附近有咩好餐廳先，諗起多年前食過的non kitchen，佢地個牛扒放題真係好正，朋友又鍾意食扒，就揀佢啦😆入到黎揀左張卡位坐，睇下食咩好先🤔落完單店員送上麵包盤，個碗cream cheese真係好好味，配麵包食勁正😍⭐炸洋蔥圈叫左份洋蔥圈小食share下，炸得香脆唔油膩，仲配有茄汁同蜜糖芥末醬，好食👍⭐炭燒澳洲草飼牛扒朋友果然係揀左牛扒，要七成熟，牛扒厚身肉味濃，有炭烤香又有肉汁，真心正🤤下層有薯蓉同雜菜，吸左牛油好好味。⭐黑松露野菌薄餅自己就揀個pizza，好耐無食想食下薄餅，烘完即刻上枱，勁燙手😂拎起即刻又放返低，哈哈。薄餅香脆，雜菌落得唔少，入口係滿滿的菌香，仲唔少芝士添，又係好好味🤤叫左唔係好多野但意外地飽，最後個片pizza食唔落夾硬食埋佢，嘩嘩，飽到上心口🤣

好耐之前食過呢間工廈西餐幾好食 今次同家人再訪 食物水準仲保持到❣️晚市2人套餐 $658🔸️凱撒沙律+西蘭花餐湯🔸️意大利辣肉腸薄餅Pizza係薄脆嘅餅底 入面佈滿芝士、辣肉腸、火箭菜再加上香濃蕃茄醬 食多幾件都唔覺膩🔸️炭燒澳洲草飼肉眼牛扒 （12oz)牛扒叫了5成熟切開無血水滲出幾好 入口有炭香味道 軟嫩有肉味 底部有蕃茄仔、豆、薯蓉等 薯蓉好滑溜帶有菇菌類香氣幾好食🔸️香蒜薯蓉焗田螺 $381月份逢星期一至六晚市套餐加配優惠價只需$38 唔使諗一定加埋 上菜嘅時候侍應會幫忙點着火燒佢 蒜蓉好出色好幼滑帶蒜香夾埋田螺一齊食好夾🔸️甜品意大利雪糕泡芙

這間西餐廳是隱世餐廳，難得在工廈中找到一間坐得舒服的餐廳，值得推薦😄💠菠菜芝士意大利餛飩配黑松露忌廉汁 $138餛飩雖細小但份量多，一小口放入口剛好.入面包了菠菜芝士，味道也是濃厚，連同黑松露忌廉汁食，簡直是天衣無縫的配搭☺️💠龍蝦湯 $78龍蝦濃湯豐富，有一定的咸味，同時也帶有一些海鮮的鮮味，滑潤細膩.💠帶子露筍薄餅 $168帶子鮮甜與露筍清爽，薄餅底部脆脆的，帶有微微的酥脆口感.💠流心乳酪芝士蛋糕＄98切開蛋糕時，內部的乳酪芝士會軟軟地流出，蛋糕柔軟細膩，口感順滑😍💠熱情果茶（熱）$58有酸甜的味，有濃郁的果香❣️來一種清新的口感

呢個觀塘工業大廈之前去過一次覺得真心唔錯，今次行開觀塘真係想再食多次，成個餐廳都係行歐洲復古風🇪🇺好乾淨，播住歌，成個氣氛真係好輕鬆，D野食又好味，又無限時，真係好岩同朋友一齊黎聚會👭🌟Mushroom Soup $68個湯真係必飲，送到黎已經聞到好香既蘑菇味🍄入面仲有細細粒既蘑菇粒，加上忌廉既配搭令到個湯變得好滑，好香，蘑菇味都好濃🫕🌟Escargots $138上次食過一次真係好正，今次黎到簡係要再叫多次啦，個田螺係原汁原味🐚食落去好爽口彈牙，好鮮甜。下面係充滿奶香味既薯蓉🥔好綿密，食之前仲會再用火燒一下，將上面既香草融入d田螺度，令佢變得無咁腥🐚又會令個香味更突出🌟Spicy Chicken Wings $98呢個單骨雞翼係炸既，食落去係好香脆🍗炸到好juicy,仲有兩個唔同既醬汁可以搭配，有番茄醬同芥末沙律醬🍅可以一次下性食到三種唔同口味既雞翼🌟Spaghetti with Clam in Spicy Tomato Sauce $148食西餐就一定唔少得意粉啦，鋪頭有好多唔同既意粉選擇，今次呢個係我第一次試。意粉分量好足，每一條意粉都裹滿辣番茄既醬汁🍝仲有大大隻又肥美既蜆肉，食

之前食過non kitchen，對佢嘅薯蓉田螺好深刻印象，所以今次帶埋朋友一齊去食！環境一樣好乾淨寬敞，服務依然都好好！食物都仲保持到水準！👍🏻最欣賞係每次去到都會有麵包同芝士條做前菜，加埋佢嘅黑松露牛油非常之好味！1. 香蒜薯蓉焗田螺🐌呢一個係必食，中間會放咗一啲香草，上菜時侍應就會用火燒佢，變成一個火焰田螺！首先田螺非常鮮甜，而且份量非常之多！而薯蓉做得非常出色，入口幼滑，好重蒜蓉味，夾埋田螺食非常之夾。2. 炸軟殼蟹薯條🍟份量好多，有兩隻炸得好香又juicy嘅軟殼蟹！至於薯條，係粗身嘅薯條，上枱係熱辣辣，要攤凍咗先可以食！依碟小食仲好細心包咗兩個醬，分別係沙律醬同茄汁，可以按個人口味點返合宜嘅醬料。3. 千島海蝦薄餅🍕呢個Pizza係薄底，非常足料，蝦亦非常鮮甜，千島醬同薄餅嘅比例好夾，薄餅入口唔會太乾，所以食咗一塊係唔夠喉！4. 香辣番茄汁蜆肉意粉🍝蜆肉份量好多，好足料，食落口好鮮甜；意粉配辣番茄醬汁好濃厚，有辣又有香甜味，必食！5. Oreo薄荷朱古力🍫Oreo朱古力味非常濃郁，上面仲有層cream，不過薄荷味可以更加多番啲！6. 雜果賓治🍹幾大杯，果味好清新，又唔會太甜，飲

牛頭角都幾出名抵性又性價比高既西餐，對自己好D，食個滿足既lunch，更加有動力返工!!❤️車打芝士牛肉漢堡 半溶芝士配+厚厚一層牛肉漢堡扒+新鮮蔬菜，有層次感又有香炭燒味，大大個超滿足～ 仲有又香又脆既伴碟薯條!!🧡炭燒紐西蘭西冷牛扒 好靚集既grill 紋，炭燒味道濃郁，肉質鮮嫩又juicy，每啖都係漲郁既牛肉香味～💛自助沙津Bar 有唔同款式既新鮮沙律菜，仲有我最中意既薯仔沙律，灑少少芝士粉+麵包脆脆 同埋dressing source，健康又好味!! 仲有餐湯 & 餐包都係無限refill，好豐富～