Noc Noc

營業中

休息中

難得今日同阿哥一齊放假，所以約埋一齊踏單車放電。由大圍去大埔，對阿哥黎講小兒科，但對我黎講絕對係吃力既路線。雖然pk左一次，不過都完成左呢個目標。做完運動，當然係去補充返 energy 啦平曰既下午，大部人都返工，想揾間舒舒服服既餐廳食野真係好容易。平時呢d地方，肯定有好人係到飲野吹水。呢個時間，我地好似包左場咁，好relax。Menu好多酒精飲品，不過唔岩我，阿哥都話唔岩timing 但其實我好鐘意睇D酒精飲品既名，好鬼過癮。轉呀轉，究竟我既命運係點呢？邊款食物可以俾我寵幸到呢。呢個炸物摩天輪，賣相一流，玩得又食得。不過，轉既時候要小心d, 有機會kick一 kick，成份食物跌晒出黎。我阿哥就表演左俾我睇啦。摩天輪有四樣炸物，炸魷魚圈，炸芝士條，炸魚條，炸薯角。另外仲有一份沙律菜。每樣份量都幾多，兩個人一定食唔晒，要食完真係好有罪惡感。阿哥叫左個Big boy breakfast好好好大份，阿哥你自己ko佢，我唔會幫你呀。🙈🙈🙈平時d All day breakfast每樣都係得一件，但呢度多士都有兩件，炒蛋份量似乎應該有三隻。仲有兩條腸，兩塊煙肉，兩塊漢保扒，總之乜都打孖上。呢個

夜晚突然心血來潮去大埔食飯又想chill下, 見到個格局幾舒服, 又心郁郁想飲返杯就忍唔入左去啦。可能因為未去到夜蒲時間所以7點入去果陣都唔係好多人, 我地唔洗等位。點左既菜10分鐘到就有啦。我地點左幾杯酒同個意大利飯仲有炸芝士條, 友人話想試下洋腸, 所以最後加左個德國腸拼盤黑松露元貝軟殼蟹意大利飯($148): 一上菜已經聞到陣黑松露味! 個軟殼蟹應該係岩岩炸起仲係好鬆脆, D飯又煮得軟硬適中幾入味, 元貝好香都算新鮮。炸芝士條: 層外皮真係好鬼鬆化! 配埋個千島醬真係令人停唔到口!德國腸拼盤最後食黎講有少少油膩, 不過有D酸菜搭救可以開胃, 如果有多D唔同種類既洋腸就好啦!Cocktail:我地點左幾杯大路既snowball, pinklady同tequila sunset, 味道算不過不失, 但係個咁舒服既環境下又真忙幾有格調!呢到夜晚仲有波睇, 如果想同FRD劈酒睇波, 呢到絕對係大埔不二之選!

今晚收咗工之後就同同事落去酒吧度食嘢，大埔嘅酒吧唔算多，可以坐低傾吓計又食嘢嘅就真真係少之又少，所以呢度環境算係唔錯。一坐低梗係要飲返杯先啦，叫咗杯Guinness，最鍾意黑啤嘅嗰種帶點小小苦澀味，而呢度嘅draught beer夠晒滑溜，不禁要講聲正呀。先來一碟蒜蓉炒牛柳粒，一擺上台已經搵到炸蒜蓉嗰陣香味，由於牛柳粒被蒜蓉粒所包圍，所以一食落個口感就非常正，牛柳粒肉汁會爆開，外面就係幼細既蒜蓉，食落重有非常鮮味嘅牛肉，味道夠晒惹味，係佐酒嘅必吃小食。跟手就係雞翼三重奏，三重奏顧名思義係三種口味，第一種係Buffalo 雞翼，個味道係酸酸地帶點辣，所以係用嚟開胃嘅最好選擇，第二就係牛油雞翼，牛油味非常香滑，加埋嗰塊邪惡嘅雞皮，令味道向上更加香，夠晒入味。最後一種就係honey muster ,蜜糖芥末雞翼，味道層次夠多，芥末味道外有帶點甜，係蜜糖嗰種甜，可以中和返剛才牛油果種油膩，呢三種雞翼味道係夾過，食得出廚師嘅用心。最後main dish叫咗非常Fish and chips，呢樣野用嚟佐酒係不二之選，炸魚外面嗰層皮係好滑，唔會成口粉，食落魚肉口感夠滑，而且裏面仲有魚肉汁，味道鮮甜，

今日專登山長水遠搭左好耐車嚟到大埔呢度食呢間叫noc noc嘅餐廳，朋友果然冇介紹錯，呢度無論環境、氣氛、野食定係cocktail都好正🤤🤘🏻一入到去之後我哋就當然係先睇Menu啦😛佢哋有兩份menu,一份係for嘢食嘅,另外一份就係for cocktail and drinks😛😛cocktail我地首先叫左snowball同pink lady,最後再加多杯tequila sunset🍸覺得snowball比較易入口，酒精味唔係太重，好岩啲平時無飲開酒但又想試既人😆😆小食我地叫左份炸水牛芝士條，襯熱食既話拉絲可以拉到好長😛😛之後主食就叫左黑松露元貝軟殻蟹意大利飯，賣相一流，味道都唔錯🤤🤤元貝好有鮮味，個殻上面仲有啲芝士好好食🤤🤤🤤最後仲有一份雜錦德國腸拼盤，有六款德國腸，再加啲薯角同酸菜，腸仔就每種有唔同feel😆有啲特別juicy 有啲皮會薄啲 有啲就比較咸少少🙈🙈但個德國腸拼盤兩個人share都覺得有啲濟🙈🙈🙈最後埋單，兩人total係$607😛唔係話特別平，但係有咁正既環境氣氛真係乜都抵😆

Noc Noc半bar半西餐廳，食物質素比預期高！環境坐得舒服，夜晚有燭台，好浪漫🌌豬手大大份，完全唔咸！木碟上桌，襯隻豬手好靚。肉量多，塊塊皮都好脆，脆口得黎入面肉質靚，好腍好滑，絕對係上品！伴碟嘅薯角炸到金黃色，邊位好脆，薯仔味重。食到唔停口🤤🤤🤤酸菜用酒浸過，好有特色，味道唔錯，整體值得推介。rib eye七成熟，塊扒幾靚，唔韌，容易切入，食落juicy，肉汁多，好滿足。伴碟同樣有我至愛嘅薯角，加d茄汁襯埋個扒食，好美味！最後飲返杯雜果賓治同香蕉奶昔，味道清甜，好新鮮！

Easy to access after a long bike ride with friends. The atmosphere was dark in a bar setting, which was not full when we arrived. We ordered some wine and had a little chat catching up. Just over an hour we left for dinner. This is really a good spot to grab the moment with friends. It would be better if the lighting was not so dark in the afternoon. Overall satisfied

Me and my friend arrived the restie at around 6pm, which was pretty early meal time, especially this bar restaurant is also quite hidden in a small street so we were the only guests lolAfter dinner, you may hang out with your friends with beers and wines and enjoy football matches tgtIt was quite dark inside and it’s kinda romantic to have a good time chilling here. We ordered the Noc Noc Ferris Wheel Combo which was really nicely presented and eye-catching haha. 🎡The Ferris wheel is comprised o

再次黎大埔覓食 行行下見到呢間環境幾好 氣氛又唔錯既鋪頭 見都啱食就入去試下啦店內裝潢幾好 空間感大 又播住好放鬆既音樂 好適合三五知己係度聚會傾下計雖然呢間係酒巴啦 但都有好多無酒精飲品架咁我就叫左杯white grape smoothie($58)酸酸甜甜 又好清涼 好好飲可以消除食物既油膩感 可以繼續食多啲黎到呢度當然都要試下招牌既摩天輪拼盤($158) 有齊所有想食既小食 好正包括魚手指 魷魚圈 芝士條 香辣薯角同埋沙律 一次過滿足幾個願望芝士條一定要趁熱食 而我地掛住影相就凍左推薦魷魚圈 彈牙又爽口另外都點左黑松露元具軟殻蟹意大利飯 同樣好食 黑松露味好香 再加上炸得好脆又大隻既原隻軟殻蟹 好吸引

是晚book左位要同寶一齊過中秋，亦都係我地半年既大日子，當然要揸下車仔兜下風慶祝下啦黎到明明book左位都要坐高枱，無計舖頭唔係太大同埋梳化位得4人座，同埋我諗呢間主要做酒客生意？anyway都係睇完openrice見佢d野食咁多好評先至book呢度，一試便知龍與鳳！先黎既係沙律又幾好食喎，沙律sauce唔會太重手，黑松露都落得幾多，帶子大大粒都足料，加埋一齊竟然有飽肚感之後就係呢個忌廉汁烤雞蝴碟粉，我欣賞佢個sauce同粉，口感同調味都唔錯，雞份量都好多，但我最唔鐘意食到雞皮果種肥膩感，扣分本身叫左呢個單骨雞翼同埋燒豬手，呢個雞翼黎到果時冇諗過佢都係炸，以為會係燒雞翼果種單骨雞翼，仲心諗大獲叫左咁多炸野。但原來店員漏左落個豬手，錯有錯著，變相淨係食呢個都唔會太熱氣。但感覺上炸得太耐，入面d肉唔係好嫩。最後杯orange honey都好飲，杯野上到黎既時侯嚇左一跳，成杯halloween特飲咁但出奇地調得好好味，我諗呢間餐廳既其他野飲都會幾好飲

放假緊係要輕鬆一下啦，想搵間又有野食又有酒飲既餐廳同朋友食餐飯，朋友住大埔所以就入左大埔搵佢食飯，佢建議去間酒吧既餐廳食飯，佢話又有野食又有酒飲，正正合哂我心意，仲要咁有情調，昏暗的環境同播放音樂，簡直可以令成個人好relax丫。環境比我一種好舒適又放鬆的感覺叫左個黑松露雜菌天使麵，有我最愛嘅黑松露醬真係好惹味丫，又唔會太過鹹味道好適中，而且天使面的柔軟度剛剛好。美國安格斯肉眼扒好友份量丫又厚又大塊，而且牛的肉質亦很嫩口好正丫。用黎送酒真係一流丫。緊係要點番個小食，哩個叫摩天輪拼盤，分別有炸魚手指，炸墨魚圈，薯角，炸芝士條，沙律菜。上枱嗰時仲熱辣辣架啱啱炸起，炸野真係我最愛，又香口又美味，食物材料都好新鮮，又無雪藏味叫左杯大杯裝1664啤啤佢，簡直係大快人心啊丫仲有好多食物同小食選擇下次叫齊班朋友再黎啤啤佢先

入到哩個酒吧，幾乎每一枱都有唔同既美食吸引住我，一間酒吧可以提供到好味既野食真係加哂分，打開餐牌唔止有好多種酒類cocktails 啤酒 wine等等比你揀，仲好貼心提供左coffee 奶昔smoothie比唔飲酒既人 Really nice-NOC NOC摩天輪拼盤 $138有炸魚、炸芝士、薯條、魷魚圈、仲有一格係沙律菜再配左3個醬，幾款炸物都唔錯唔會太油又唔會太dry‘硬掘掘’,而且佢個摩天輪令人食得好愉快～-西班牙海鮮燴飯$148好多配料好足料，而且味道都唔錯。-大啡菇芝士漢堡$98哇，一黎到個感覺好治癒咩壓力都冇哂。首先佢既肉唔會好dry而且都厚實再加埋大啡菇好juicy，入面仲有一隻煎蛋，真係幾唔錯口感豐富又足料，真係唔錯。其實我見到個德國咸豬手真係好想試，但係size太大兩個人又食唔哂，而且仲要$168真係好抵食。下次真係會試試～總括而言：選擇多，價錢唔貴食物質素好，又可以飲下野relax下，值得一試

同老公搵餐廳慶祝結婚一週年食飯，就係番大埔搵下睇下有咩有情調既餐廳，朋友介紹下去左一間酒吧食晚餐，第一次去酒吧食飯，感覺真係好特別，環境暗暗地，又播歌又真係幾有情調啊，仲要食物都唔錯丫朋友無介紹錯正丫到門口啦！酒餐牌飲品餐牌飲品餐牌叫左安格斯肉眼扒，快扒好大塊又好味，肉質好嫩，超新鮮，老公都大讚好味叫左個炸物摩天輪，黎到仲熱辣辣有幾款不同口味的炸物，我最鍾意係炸魚，好新鮮的魚柳，好味道黑松露雜菌意粉又係我最愛意粉的熟度真係岩岩好，因為有時係出面食有d會好硬，加埋個黑松露醬汁真係好香口又夠惹味大愛佢哩個意粉。店內環境都好舒服。同老公談談心好開心😃叫左大啤，啤啤佢啤酒夠凍先正食物都有好多選擇，下次叫埋班姊妹一齊黎食先。價錢又合理

好耐無去bar同朋友食下野飲下酒，見到呢間酒吧式的西餐食評不錯，一於去試下。餐廳距離太和站大概10mins,星期四晚7：30已經好full, 好彩我地book左台。餐廳唔系好大，既光線比較暗，有張大bar台，其他既系高台和sofa，電視機播足球賽事。樓面既人數得2個，仲要負責埋水吧調酒，都幾忙下，服務系慢少少。 一人點左一樣野share食.南美燒猪仔骨$186糾結在燒猪仔骨同德國咸豬手之間，最後我地決定叫一個BBQ既，因為怕太熱氣！豬仔骨好大份，出面燒到脆脆地，但d肉一d都唔老，仲好juicy, 再淋上特製的BBQ汁，真系一流啊。仲有薄餅配上，個薄餅有點像印度或蒙古那種烤的麵粉餅，本身味道唔太特別。但跟餐除了BBQ醬還有番茄醬，個番茄醬唔系普通貨，細細碟但都見到有番茄粒系度，欣賞細細碟醬汁都甘有心思。兩者我喜歡BBQ醬比較野味，連薄餅都點BBQ醬！龍蝦汁配海鮮天使面 $108雖然個碟好大，但實際份量不太多。意粉的硬度剛剛好，不會煮過火太軟，龍蝦汁好香，唔會好咸，配埋個天使面一流。海鮮方面有2個細八爪魚，2個青口，2個大蝦和大量蜆肉。大蝦最新鮮，爽口彈牙，其他海鮮就一般。呢個天使面還有好

那天下午，我駕車經過這間餐廳。它位於大埔一條人流較少的街道旁，地舖清晰可見。車泊門口，吃一個 All Day Breakfast 是一個不錯的選擇。星期一到五，它在下午三時才開門。這亦無可厚非，因它是一間酒吧餐廳。慶幸的是，它不是讓顧客玩骰盅、高聲叫囂的酒吧，亦不會有啤酒妹在場推銷啤酒。準確點說，它是一間有酒喝的餐廳。它的drinks list 亦比我想像中的多，單是紅酒的選擇都有十多款，而非只有一兩款house wine的爛餐廳。那天工作較忙，下午三時多才有空吃午飯。我點了一個叫做Big Boy Breakfast 的早餐。簡單來說，即是一般的英式早餐；另外點了一杯熱檸茶。早餐中，合格的食物包括：煙肉、炒蛋、薯餅、蕃茄；有待改善的食物包括：腸仔、茄汁豆及多士。英式早餐中不應該出現雞肉腸仔，應選用豬肉腸或牛肉腸。請用Hxxxz牌子的茄汁豆，味蕾夠靈敏的顧客會吃得出來的。多士應選用白方飽或麥方飽焗出white toast 或brown toast，再切開兩塊為三角形的多士，另外放在一個籃子內，再加一小碟放牛油、果醬及蜜糖給客人選擇。畢竟，這間餐廳位於大埔，廚師懂得做一份英式早餐內應有的f

有時工作生活中有壓力，真係想放工飲杯野食晚飯輕鬆一下，今次就約左閨蜜放工後去輕鬆一下啦！今次來到屋企附近的一間餐廳，環境有氣氛首先一定要看一看餐牌有咩好選擇啦！飲品同食物選擇亦十分多！今次我地叫左～三文魚cesar salad 賣相靚之餘亦有實際，份量好足，蔬菜新鮮！係開胃小菜當然不能缺少的~ classic mojito感覺好refresh ,好岩女仔飲！友人的選擇～banana milkshake 好重香蕉味，不是太甜，感覺好rich 西班牙海鮮risotto 落料重本，海鮮新鮮！飲野時必叫的伴酒小食～炸辣薯角新鮮炸起，食唔停口，唔會炸得過火，剛剛好！這是一間有誠意的小店，食物質素唔錯，又可以同朋友飲杯野吹吹水，氣氛輕鬆！下次又多個飯聚好選擇啦！