337
15
3
電話號碼
26646128
開飯介紹
餐廳裝潢以紅磚配木傢具,感覺復古優雅。餐廳主打扒類,如美國安格斯肉眼排、香煎銀鱈魚、美國豬鞍等。設有早午餐,十分適合與家人、伴侶共渡悠閒的假日。 繼續閱讀
營業時間
今日營業
15:00 - 22:00
星期一至日
15:00 - 22:00
公眾假期
15:00 - 22:00
公眾假期前夕
15:00 - 22:00
付款方式
Visa Master AlipayHK 支付寶 現金 Apple Pay
座位數目
50
其他資料
網上訂座
Wi-Fi
深夜營業
酒精飲品
電話訂座
賞訂座積分
加一服務費
電視播放
球賽直播
當面支付
有關獎賞計劃
食評 (369)
等級4 2021-04-18
911 瀏覽
人生其中一件最幸福嘅事,莫過於係週末可以訓到自然醒,慢活享受美食、享受生活。NOC NOC 其實係一間位於內街嘅酒吧餐廳,佢高質嘅食物質素同貼心嘅服務都令我會再回頭。墨西哥雞肉芝士烤餅配薯條🍟有3件雞肉芝士烤餅,哩個一定要趁熱食d芝士仲會係拉絲狀態👍🏻墨西哥口味加咗蕃茄醬調味,仲有青黃椒絲平衡芝士嘅膩感,如果食得辣嘅朋友仲可以揀辣肉醬餡。另外俾到驚喜嘅反而係配菜,唔單只有薯條仲有番薯條,小妹勁愛番薯條果種帶點自然嘅甜味👍🏻西班牙海鮮焗飯友人係西班牙海鮮飯嘅狂粉,見menu 上面有就二話不說即刻order。一上台就知份量十足,而且係用小鐵盤上菜,食到最後都係溫溫地嘅,唔好睇佢表面好似無咩海鮮咁,其實佢已經混合係焗飯當中,魷魚、蜆肉、大蝦、青口全部有齊,美中不足係飯底可以再煮稔少少,但整體嚟講係👍🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2021-04-11
653 瀏覽
大埔一天遊 走走下不知不覺走到呢度寛闊門口 好舒服😌同朋友點了幾個小食 悠悠閒閒咁過了一個下午輕鬆一下😘炸菇片配黑松露醬因我係好喜歡黑松露味 所以二話不就點了呢個脆脆既菇片配埋黑松露醬 完美演繹呢個用黎送酒一流 但因為要揸車今次無點到酒飲 下次黎會再點呀!意式辣肉腸薄餅熱辣辣送上 好香 滿滿既配料 芝士仲有好拉絲既效果呀!而我本身就好鐘意薄底pizza 所以呢個好岩我呀!炸薯條呢個有驚喜🤣🤣 呢度薯條混合左兩種既薯條 淺色係我地平時食到既 深色少少既就係用甜薯製作以成另外配上3種醬 分別 黑松露醬(我最愛)、芥末醬、酸甜醬可以一次過滿足晒唔同需要因為薯條上灑了少少華鹽 都好夠味道沾上醬就會令味道更加提升Iced Mocha 和Iced Cappuccino 都唔錯另附上糖水客人可按自己喜歡嘅甜度去調教岩自己既咖啡❤️ 繼續閱讀
(以上食評乃用戶個人意見 , 並不代表OpenRice之觀點。)
<<Thursday couple 尋食記👣😋>> 作為一個波迷,而家搵個好啲嘅地方食嘢加睇波都幾難,咁啱個日行過太和,想同男友搵嘢食,經過幾間酒吧,都有波睇,飲酒,幾chill ! ☺️🔥係幾想睇波嘅,不過醫肚要緊,前面幾間都似齋chill 嘅吧,但唔似有正餐,之後再行入啲,竟然比我地見到呢到!NOC NOC ! 好似幾正咁!有嘢食,順便睇下波!🤣🤣🔥正!呢到食物種都真係算幾多,唔係淨係得簡單嘅白汁或蕃茄汁意粉同飯,無論小食同主菜都有好多類別,紅醬都有分幾種!因為有時得個幾種口味揀,真係食到厭左,呢到多元化啲,😋唔錯!大家可以睇下呢到環境,真係唔錯,前後左右都有部電視for 你睇波,加上地放闊落,氣氛又幾好,暗暗地咁,有番啲情調,幾好!再加上佢有得比你成班朋友坐岀面傾吓偈,chill 下,感覺都唔錯咁!環境真係幾好!🤙🏼🤙🏼我地先叫左個摩天輪小食,男朋友話比我打卡喎😂😂🤣見個個都叫,係幾靚嘅,加上入面咩小食都都有啲,有炸魚手指,炸芝士條,炸春卷,炸雞,炸薯條,最重要嘅係佢竟然有炸蕃薯條!呢個真係好正,味道又好,覺得唔夠喉!其他嘅炸物都好脆,熱辣辣,好正!同埋加埋佢有三個sauce 比你,有唔同口味!我個人好中意mayos 個隻,有啲甜甜地!之後到主食,想食啲香香辣辣嘅嘢食,叫左卡真香辣雜錦扁意大利粉,佢個香辣味好夠,🥳🔥🔥最緊要嘅係佢好足料,估唔到佢啲蝦都有幾多隻,而且好彈牙!🤙🏼👍🏼除此之外仲有啲雞肉,啲料舖滿曬!加上個汁幾特別,係蕃茄嘅酸味,再加啲香辣味,而且個汁啱啱好夠食晒個意粉。佢用嘅係扁意大利粉,口感比較特別,而佢又唔會煮得太硬,幾推嫁!🥰🥰之後就係佢嘅黑松露雜菌蘆筍燴飯,佢唔係用一般嘅白汁👍🏼🤍佢有蘆筍放喺上面,令成個飯好有口感,好脆,加上啲雜菇炒得好入味,好多汁!🥳🥳同佢用咗意大利米比較短身,所有嘅米都煮得好多林,加上有黑松露嘅香氣,令成個飯提升左level !🤩🤩🤩呢度真係幾推薦一班朋友落嚟睇波,chill 住食啲嘢!😂😂😎咁如果鍾意食嘢嘅大家,呢度嘅嘢食都真係做得唔錯!👍🏼🤙🏼🔥推介!⚽️⚽️又睇到波,又有好野食,環境又舒服嘅地方真係難搵😵 今日比我搵到,可謂難得😂😂🥳遲啲覆桌! 繼續閱讀
(以上食評乃用戶個人意見 , 並不代表OpenRice之觀點。)
等級2 2021-03-25
422 瀏覽
疫情搞到都無得點去飲番杯Chill下,收十點又無癮-.-今日近近地黎到大埔NocNoc,其實睇相無咩feel,但好想食西班牙飯就走左過黎。入到黎環境覺得有驚喜有心思,可能鋪頭有唔同燈光光暗位,亦分左幾部分嘅裝飾擺設好難影番個味道出黎..好鐘意佢天花吊燈,扮鎢絲燈好有味道。幾部電視除左睇波仲有d搞笑短野睇下,等野食嘅過程心情都變好左。同埋埋牆Sofa位捱嘅位置係去到好高,坐得好舒服。先講西班牙飯,飯偏軟左dd,但味道同個汁都好滿意,絕唔會有番茄/葡汁/咖哩扮西班牙個飯汁!另外用左鐵板底,食落係有陣煙燻味,又未去到有飯焦,如果有又會變左第二樣野。海鮮好足料,雖唔係特別靚料,但都唔會話有雪味有沙個d。再講豬手,唔會好咸但個皮都做到好脆。味道上我好滿意嘅,唯獨有d邊位乾左小小。至於酸菜無用傳統野,其實反而夾番主食原味嘅豬手,好清新。個汁又有d唔同,用左蜜糖芥末(用黎點薯條+番薯條好好食)。有番薯條食都好有驚喜,又甜又脆。整體黎講我都好鐘意餐廳呢個整法。黎到酒吧chill位置都緊要咖,我地坐嘅位置清楚睇到Bar枱位,見到客人同店員都幾有互動,應該有唔小熟客。外場計埋Bar位其實都係得兩個店員,但服務態度仍然好好,快手得黎又唔會話衝衝撞撞,覺得好值得欣賞!啤酒方面唔只大路野,比較少見嘅都有幾款,可以試下新野。叫左杯Orion日本啤酒,比平時最常飲嘅日本酒易入口,配番是晚唔濃味嘅晚餐,幾Match。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-06
565 瀏覽
忌廉牛油果扁意粉配香草烤雞 118最抵食算係呢個!各方面嘅材料份量平均之餘,每種食材都發揮到自己嘅味道😋 牛油果🥑係又新鮮又冧嘅,植物性油脂好full 同埋佢嘅香草烤雞翼調味真係幾好👍🏻 少少惹味,為雞扒提升了鮮味但唔會太濃。值得encore西班牙海鮮焗飯 $158呢個就先係正常好食!焗飯都唔會太過濕,亦都唔會太過乾。食落暖laup laup 。份量ok. 成個餐加埋,我最咪仲打包左少少走。有青口,有八爪魚🐙仔,有蝦~凱撒沙律🥗 $88除非你加配大蝦,煙三文魚,或者烤雞🤔 如果唔係,就未必值得叫。因為真係比較平凡普通嘅沙律菜。菜比較多都係生菜🥬 新鮮嘅,但無火箭菜、羅馬生菜、羽衣甘藍.etc 麵包脆脆嘅數量都係好少😕 所以感覺有啲唔抵食。環境就真係外國酒吧風格,門面開陽,對住一條寧靜嘅街。適合吹水嘅好地方。 繼續閱讀
(以上食評乃用戶個人意見 , 並不代表OpenRice之觀點。)