No Money So Lonely

營業中

休息中

早前係Openrice新餐廳list見到呢間餐廳個名好棧鬼，所以決定同同事lunch去試下！ 未多夠一點去到餐廳，一去到嚇左一嚇，成間餐廳一台客都冇，堅係so lonely喎~ 餐廳嘅佈置好特別，玩味十足！ 我地叫左三個lunch set share，分別係日本雲丹醬油海鮮炒飯、柚子豚肉墩飯、牛肝菌黑松露pizza。餐飲同餐湯方面，蜂蜜紅茶茶底太濃，有D苦澀，同事們要問侍應拎多D蜂蜜去中和杯茶😂忌廉蘑菇湯就睇得出用左好多蘑菇煮成。牛肝菌黑松露pizza用脆皮批底，非常crispy ! 鋪滿芝士，好邪惡但食得好開心。柚子豚肉墩飯嘅芡汁比較濃味，但㗳到最尾就會發現有柚子清香，豚肉嘅份量都唔少，share幾抵食！日本雲丹醬油海鮮炒飯嘅味道相對較淡，有d似平時嘅炒飯。餐廳嘅裝修係賣點，食物就一般般。上菜速度略為慢咗D ，lunchtime冇乜人都要等成20分鐘先上到蘑菇湯。Lunch時間唔係好充足嘅晚市嚟可能會好d ！

朋友知道我鍾意試新野，於是約左我黎呢間位於旺角地段top 4/F嘅舖頭。餐廳名都很過癮，#No Money so lonely , 餐廳裝修別具一格，夠晒新鮮感。菜式名同配搭都零舍特別過人, 我地各點了一份菜式一齊食， 分別是青咖喱石斑魚Pizza&蘋果咖喱飯配香煎鵝肝。#青咖喱石斑魚Pizza其實我比較喜歡吃厚身pizza, 但呢度薄身都夠脆邊，芝士都鋪滿成個pizza有拉絲效果，石班魚感覺輕盈啲，中和番肥膩感，有淡淡的青咖喱味慢慢滲出，都唔錯啊🥳！#蘋果咖喱飯配香煎鵝肝伴碟係微酸蘋果蓉，鵝肝煎得好香，入口即化感，滿口油香，咖喱汁與日本珍珠飯混合一齊，真係令人一口接一口👍🥳。果然冇介紹錯，真係唔試唔知佢好味道啊😋。

呢間餐廳齋睇個名已經知佢夠貼地訴盡打工仔之苦🤧🤧🤧餐廳好闊落 裝潢幾特別 唔少打卡位而餐牌上面啲嘢食名 真係好過癮當冬蔭遇上肉骨茶 ($58)見佢個名改到咁浪漫 即管試試佢一上枱見倒咁足料 已經好開心🤣有兩大舊骨同一大堆蟲草花自己喺茶壺倒啲湯出嚟 味道好有新鮮感飲到冬蔭公嘅酸味再加肉骨茶嘅藥材味 NMSL比薩 ($112)呢度幾款Pizza配料都好吸引 🤤🤤有選擇困難症嘅我最後揀咗隨機味道 Try my luck侍應送到黎嘅時候 見倒賣相咁普通 確實有啲失望 點知一食就有發現驚喜 芝士下收埋咗秘密食材 至於係咩 呢度唔開估 有興趣自己去發掘啦喇沙掛天使麵配石斑大蝦 ($126)呢碟意粉相對上冇咁驚喜兩款海鮮雖然比想像中普通但喇沙湯底好惹味 天使麵好掛湯 而且賣相霸氣盡現😂😂打卡一流🤤

旺角TOP真係一個非常之方便的地方，上面都有好幾家既新又未食過的餐廳，今次朋友生日，一於去試下呢家好搞笑又FUNNY的餐廳先~餐廳既環境企理，入面好多裝潢都行HUMOR 路線，令人意會到由心一笑。呢個RELAX的環境，都幾好笑又開心。午市2PM之前會有SET LUNCH，價錢$100左右，包沙律/湯及飲品一杯。泰式沙律酸甜味好開胃，非常之精緻又FRESH的沙律，味道調得好味，顏色都好靚呢~青紅尖椒辣辣少辣肥牛意粉$108有些少麻辣味的炒意粉，味道夠刺激但又唔會太辣，肥牛夠多, 又唔會太油~讚~!!!柚子豚肉燉飯$106柚子同豚肉原來都幾夾，燉飯好有味夠入味. 豚肉都好滑又稔，燉飯味甜甜的，唔錯~又好獨特的DISH原味炸薯條$18好抵食~係我至愛的粗薯條，好有口感超正。避風塘炸單骨雞翼 $38炸蒜好正，同雞翼好夾，係非常之正的餐前小食~熱情果金桔SODA $42椰子香茅咖啡 $46無奶的咖啡，好香椰味，咖啡唔澀，好特別的飲料，唔會好飽，呢個咖啡令人非常之驚喜~

呢間餐廳嘅佈置好得意，每幅牆都唔同，有好多地方可以打卡！ 餐牌上面嘅食物名好搞鬼！ 我同朋友都用咗好耐嘅時間揀食咩，因為有好多唔同種類，我哋樣樣都想食😂 青咖哩石斑pizza $128.Green curry grouper pizza青咖哩，石斑魚，泰國小茄子，紅尖椒，車厘茄 Green curry grouper, thai eggplant, red pepper, cherry tomato呢個薄pizza好好味,皮薄鬆脆, 青咖哩味非常濃郁有點辣， 仲配有很多topping, 第一次食pizza上面有魚，非常特別！ 喇沙掛天使、面配石斑大蝦  $126Grouper & XL Prawn Laksa Angel Hair 好鍾意個喇沙湯係另上一壺，咁就可以自由選擇自己想要幾濃味嘅喇沙! 同埋因為汁係分開嘅關係天使麵嘅麵質就唔會變淋👍🏻👍🏻👍🏻

之前睇左唔少人嘅食評 好壞參半～抱住打卡同支持下小店💛嘅心態試一試🤪其實𝚝𝚞𝚛𝚗𝚘𝚞𝚝個味道都幾唔錯呀☺️不過睇番佢都轉過𝚖𝚎𝚗𝚞 可能改良左進步左(?)𝙰𝚗𝚢肥 我覺得可以一戰！泰式肉碎豬頸肉𝙿𝚒𝚣𝚣𝚊 $𝟷𝟸𝟼餅底簿兼脆身 一反傳統Pizza好漏嘅感覺～落埋青檸落去 酸酸辣辣嘅感覺！好惹味 而且上面嘅餡都算幾多 唔會話食到最後淨係食餅底🤣喇沙掛天使麵配石斑大蝦 $𝟷𝟸𝟼我自己當晚最中意就係呢一味～佢嘅喇沙汁夠香 但唔會話好辣食唔倒辣嘅朋友都應該好易入口！天使麵煮得啱啱好唔會太稔石斑食落肉質幾實淨鮮嫩～蝦肉也爽甜 不過份量同價錢黎講 麵就少左啲☺️貧窮是寂寞拼盤 $𝟿𝟼平時去親𝚌𝚊𝚏𝚎食小食拼盤都離不開雞翼 洋蔥圈 腸仔等等..但呢度嘅拼盤就係薯條 冬蔭公炸飯波 腐皮扎肉同秋葵蝦！同朋友一致認為佢地嘅炸物係幾好食！香口得黎唔會好油膩😇藍莓薄荷拉西 $𝟺𝟼反而全晚覺得稍為唔係太滿意嘅係呢杯飲品～因為飲落去其實薄荷味已經蓋過左其他味道..導致奶昔味同埋藍莓味都唔出🥸有小小似飲緊牙膏水嘅感覺🤣熱情果金桔梳打 $𝟺𝟸飲落去幾𝚏𝚛𝚎𝚜𝚑 酸酸甜甜咁 正常發揮～環境真的好有心思 好打卡able！

大家冇錢嘅時候會點做？我就選擇咗嚟到位於T.O.P嘅No Money So Lonely食好西。其實之前都有試過同集團嘅其他餐廳，都知道呢度連食物名都夠晒玩嘢，玩味十足。餐碟紙巾都經過精心設計。點餐後好快就送上餐湯，忌廉蘑菇湯夠熱又夠濃，而且佢係將大量嘅蘑菇打碎煮成，絕對飲得出真材實料。青紅尖椒肥牛意粉帶點微辣，基本上配料比意粉還要多，又係一個真材實料嘅製作。柚子豚肉燉飯豚肉份量相當多，而且仲有新鮮柚子肉，飯粒分明而又能保持濕潤，啖啖充滿柚子醬嘅味道。呢個避風塘單骨雞翼一共有四件，合埋即係有兩隻雞翼，共銀$38，勁有避風塘風味。跟餐轉特飲只需要補差價，其中一杯就揀咗薄荷青瓜檸檬沙冰，滿滿嘅青瓜味真係好清新，飲完覺得排毒一流！另外跟餐本身就已經可以選擇呢杯蜂蜜紅茶，清清甜甜其實都唔錯。

好耐冇去過mk食飯了~今日趁放假去嘆個afternoon tea🍹 見到網上有間懷舊裝修的餐廳No money so lonely好像幾有特色~於是就去試下肉桂橙肉soda🍊🍹同熱情果金桔soda🥑🍹味道唔錯~唔會太甜雙味的香茅雞翼🐥選左避風塘同咸蛋黃口味(有辣又唔辣) ~另外叫左個冬陰公大蝦pizza🦐🍕~蝦幾有咬口但略嫌pizza底唔夠脆。。。。。。檸檬凍蜆幾特別~最岩天氣熱的時可以試下~

No money so lonely 餐廳🍴是新開試業階段..餐廳的裝修別具一格.以不同的神秘古怪的飾品作為創作..令本間餐廳充滿眩惑的氣氛..燈光十色🔅色彩繽紛不怕lonely🙈並設有多個打卡位置😚▪️喇沙掛天使麵配石斑大蝦｜Grouper&XL prawn laksa angel hair｜$126港女打卡一流..配合古色古香的茶壺🫖內裡承載着喇沙龍蝦湯..湯🥣是比較稀的.而且喇沙湯味道濃郁香醇🤤並配上以小麥製造的天使素麵.有點像蝦子麵feel的質感🍝..大蝦🍤大大的鮮味十足..但石斑就有...有點太新鮮..有點腥🙈▪️貧窮是寂寞拼盤｜No money so lonely combo｜$96▪️黑芝麻豆漿沙冰🍧｜Black sesame •soy milk🥛 ｜$48飲品呈現黑旋風的效果..渴下啖啖都是香濃濃厚的黑芝麻味..可惜的是沒有太多豆漿味..感覺像黑芝麻了水一樣..味道完美無瑕地分開...🙈▪️蕃薯愛話梅🍠🥤｜Sweet potato loves plum｜$44看見名字本以為是酸酸地的..但原來不是的..有回驚訝🙀..一入口全是香濃的番薯🍠甜味.之後還帶點話梅的甘甘酸酸..奶味香

它的母店 Mamaday 大家應該唔陌生啦~ 睇介紹／食評知道佢開咗條副線响潮流嘅 TOP 商場 at MK，放假就同姊妹去拜訪下！我一星期之前打電話去book嘅，有預訂去到就唔使排隊等~ 一貫 Mamaday 作風，餐廳玩味重，有好多打卡位！我去嗰日佢哋仲係試業中，有啲menu items 暫時未有~呢幅牆好靚有霓虹燈，但喺門口，有好多人排緊隊，所以影唔到 呢個老虎都喺門口~碗碟都好有創意～ 特別喜歡張餐紙巾有誠哥個嘜頭 Avocado smoothie drink (本人不吃芫茜，嗌咗走芫茜) / 佢哋用環保飲管值得一讚！嗰日限聚令仍然二人，我哋淨係嗌咗兩樣野：小食拼盤同埋蘋果咖喱鵝肝炒飯!食物水準都唔差，走 fusion 路線！

No money so lonely位於Mong kok T.O.P今日趁放假就去試一試~5點左右去到冇人唔駛等位~最怕去d多人又迫的餐廳呢度静静地幾好可以傾下計~叫左杯cinnamon orange soda......cinnamon味有但橙味唔算濃~仲有就係grilled octopus salad~ 沙律醬汁應該係黑醋偏甜。Grilled octopus出奇地唔駛用刀都切到~應該係醃到好淋冇牙到食到。。。。。。裝修係懷舊feel

同朋友約在旺角站，找尋附近泰國菜，點知搵到間係TOP新開既FUSION菜，名好得意，叫No Money So Lonely, 我地到達的時候大概6點，唔使排隊。登記資料同量體溫就入到喇我地坐係門面附近位置，門面裝修都幾打卡able, 都有唔少人係度打卡邊等位。一行二人叫左地瓜條，NSLM Pizza, 同一個「記得抹咀墨魚汁卡邦尼意粉」。價錢相當驚喜！尤其地瓜條$58，好大一兜，感覺相當超值。NSLM pizza話係一個隨機pizza，我地抱住中伏心態去試，結果好好食喎！芝士好濃厚，再加火腿同薯蓉，👍🏻👍🏻最後有一個墨魚汁卡邦尼意粉，又係幾好食！意粉好煙韌咪道都好調得剛好。臨場加映餐紙，好搞笑

Mamaday於旺角開設了姊妹店，繼續貫徹大玩潮味風格，當然要去打卡啦！裝潢別具特色，走玩味復古南洋風，到處都是搶眼打卡位，尤其吸引眼球。主打東南亞fusion菜，菜式加入各款香料炮製，配搭獨特新穎。地瓜條配蜜糖芥末醬 ($58)地瓜條金黃酥脆，內裡軟糯，香甜可口不油膩；蜜糖芥末醬味道香而不辣，入口帶有蜜糖香味，味道酸酸甜甜，清新開胃。辣的心太軟($68)顧名思義就是辣味的心太軟！切開脆脆的外層，朱古力漿緩緩地流出來，相當吸引！味道甜中帶辣，能中和朱古力的甜膩感，充滿驚喜，絕對值得一試！椰子香茅咖啡 ($46)香茅的香味柔和，咖啡酸味突出而且餘韻細緻，味道清爽不甜膩，很順口。馬來乜乜咖啡 ($46)咖啡用舊式茶餐廳瓷杯載著，擁有懷舊的味道，真是好賞心悅目。奶泡打得幼細，咖啡味道醇厚，口感香滑。

呢日同朋友去左旺角一間充滿玩味既餐廳到食dinner，佢啲裝修好特別！打開餐牌，見到呢度既野食同埋野飲都好特別，佢地既名都好盏鬼，啲配搭都好新奇！我地點左蘋果咖哩飯配香煎鵝肝，呢個配搭好新鮮啊，個咖哩唔算好濃，所以唔會搶過其他食物既味道。鵝肝非常濃郁，再加埋refreshing既青蘋果就好balance。另外仲點左記得抹嘴墨汁卡邦尼配巴馬火腿，平時墨汁意粉就食得多，墨汁烏冬就第一次食，烏冬口感彈牙，入面有啖啖既煙肉，烏冬煮到好creamy，食完真係一定要抹嘴，如果唔係就會變污糟貓。

今日黎到旺角TOP既玩味復古餐廳No Money So Lonely✨店舖係由MAMADAY其中一個創辦人開業既 所以裝修同食物方面都有保留搞笑又搞怪既味道🤣 而餐廳仲係試業階段～佔地非常大，因此空間感十足 更有好多復古新潮既裝修😛可以話成間餐廳都係打卡位呀🤩食物方面 啖啖蟹肉擔擔飯既蟹肉份量都足夠🦀️ 飯粒真係沾滿擔擔麵既麻香味🍜 可以話係成功既fusion菜 但等既時間就比較耐 個飯唔夠熱😟 另外小編叫左蒜片鹹魚茄子鮑魚炒意大利麵🍝 本來抱住好奇既心態試下佢 但整體食落似黑椒牛柳炒意粉既味😂 唯一唔同就係有兩舊鮑魚🤭 所以比較失望 可以唔洗試🤥 NMSL Pizza係餐廳每日既隨機Pizza🍕 呢個反而有d驚喜 pizza入面有薯蓉、辣肉腸、番茄仔同海量芝士🧀️ 食落有幾夾🤣 不過可遇不可求 因為係隨機每日唔同架～小食方面 貧窮是寂寞的拼盤包括薯條、冬蔭功炸飯波、腐皮扎肉同秋葵蝦🦐 呢個拼盤個名夠特別 而味道都唔錯😛 炸飯波冬蔭功味非常濃郁，而扎肉都好好味！🤤 當冬蔭遇上肉骨茶係要自己倒湯落去既，都幾得意🤪 但可惜冬蔭功味比肉骨茶既藥材味蓋過，所以唔太出😫整體黎講 小編覺得呢間餐廳無論