No Money So Lonely

營業中

休息中

平時行街經過一直都好想試入面裝修好特別好啱打卡除咗裝修特別之外，佢啲嘢食都好特別首先因為口痕叫咗個薯條佢有多款醬汁選擇，我哋揀咗蜜糖芥末呢度個蜜糖芥末幾吸引因為佢唔係某大型連鎖店嗰隻咁結芥末味夠重甜甜地幾好開胃-小朋友岩晒甜酸雞比薩我最鍾意就係食pizza有菠蘿即刻點咗呢個小朋友啱晒甜酸雞pizza餅底比較薄脆 上面鋪滿晒菠蘿同埋炸雞 加咗菠蘿嘅關係就算食多幾嚿都唔會覺得好漏-椰香蕃茄冬蔭功炒意大利麵呢個炒意粉超香冬陰功味雖然佢係fusion菜嘅菜式但係絕對係保持咗泰國風味意粉炒得啱啱好唔會話太濕份量都幾多 兩個人都夠食嘢飲方面，我哋叫咗芒果椰奶沙冰同埋杯美式咖啡芒果椰奶沙冰推介唔會好甜，啱啱好佢仲有好多甜品得閒經過坐低食個甜品都唔錯

🧇如果沒有窩夫我會很寂寞 $128有四款口味 揀咗最重口味嘅朱古力味！（朱古力、芝士奶蓋、奧利奧碎、麻糬）窩夫即叫即整 等咗大約20分鐘 上枱是熱辣辣烤到外脆內軟 綿密有嚼勁之餘都食到好香嘅蛋味每塊窩夫都包住咗少量麻糬 微煙韌令整體口感更加豐富因為比較紮實所以都幾有飽腹感～ 面頭有大量朱古力醬同埋奧利奧碎 朱古力味up up up配搭雲尼拿雪糕有種冷熱交融嘅感覺 冰火相配永遠係絕配😋最緊要係畫龍點睛嘅芝士奶蓋 帶翻啲鹹香味 中和咗其他食材嘅甜膩

生舊叉燒好過生你pizza佢有少少似和民個和風pizza，不過係再甜啲啖啖蟹肉擔擔飯意外地好味，飯有少少麻辣，麻得嚟唔會搶咗蟹肉同飯嘅口感，唯一唔好嘅地方係唔夠熱，好快凍牛油果芒果芫荽沙冰唔會話好奇怪好難飲，但牛油同芒果嘅味道得好少，隻味完全唔出，成杯只係得芫荽味，如果你中意芫荽可一試心太軟+海鹽雪糕心太軟焗得太耐，流心太少，做唔到lava流心嘅感覺，雪糕唔係太過特別，鹽味同甜味唔係太balance

📍𝗡𝗼 𝗠𝗼𝗻𝗲𝘆 𝗦𝗼 𝗟𝗼𝗻𝗲𝗹𝘆 (旺角) 好耐冇食靚靚打卡tea set啦~ 最近𝗡𝗼 𝗠𝗼𝗻𝗲𝘆 𝗦𝗼 𝗟𝗼𝗻𝗲𝗹𝘆就推出咗🌟「𝓩𝓸𝓸 & 𝓒𝓪𝓻𝓷𝓲𝓿𝓪𝓵」下午茶，以動物世界為主題，😍每款食物嘅造型都好精緻！餐廳嘅裝潢佈置都好有心思，一共分成四個打卡區域，今次我坐嘅卡位就佈置到一個小森林咁🌳，仲有唔少動物同叢林裝飾，好有異國風情！𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️「𝐙𝐨𝐨 & 𝐂𝐚𝐫𝐧𝐢𝐯𝐚𝐥」 𝐀𝐟𝐭𝐞𝐫𝐧𝐨𝐨𝐧 𝐓𝐞𝐚 𝐒𝐞𝐭 ($398)Tea set將文藝復古元素與動物園風格完美融合，一共有7️⃣款造型精緻嘅茶味甜點~🐼𝐏𝐚𝐧𝐝𝐚 (𝐌𝐚𝐭𝐜𝐡𝐚 𝐂𝐡𝐞𝐞𝐬𝐞 𝐂𝐚𝐤𝐞)抹茶芝士蛋糕面頭嘅忌廉整成好可愛嘅熊貓造型，而蛋糕抹茶味🍵好香濃，唔會太過甜。🐰𝐑𝐚𝐛𝐛𝐢𝐭 (𝐆𝐞𝐧𝐦𝐚𝐢𝐜𝐡𝐚 𝐏𝐚𝐧𝐧𝐚 𝐂𝐨𝐭𝐭𝐚)奶凍有好濃郁嘅京都玄米茶香，味道甘甜，口感滑嫩。面頭除咗有隻QQ嘅小白兔🐇外，仲有啲脆脆，更添口感層次。🐻𝐁𝐞𝐚𝐫 (𝐇𝐨𝐣𝐢𝐜𝐡𝐚 𝐌𝐚𝐜𝐚𝐫𝐨𝐧)熊仔馬卡龍係焙茶味嘅，🤩食落外脆內軟，口感鬆軟煙靭，好出色！🐯𝐓𝐢𝐠𝐞𝐫 (𝐄𝐚𝐫𝐥 𝐆𝐫𝐞𝐲 𝐌𝐮𝐟𝐟𝐢𝐧)鬆餅有好香

又到lunch時間 ！ 今次嚟到T.O.P 4樓 呢間有好多動物裝飾嘅餐廳職員安排我哋坐卡位 非常適合打卡！ 估唔到lunch 出嚟食嘢都可以打下卡🤣🤣🤣枱面上有好多動物 完全好似去咗個動物世界😂😂 仲有隻可愛嘅松鼠我哋叫咗個蟹肉肉鬆炒飯同All day BreakfastBe個炒飯一上枱 非常之香 連同事都話好吸引🤩唔辣 而且份量足夠 可以醫飽肚All day breakfast 非常豐富 個菇好好食 啲炸物都熱辣辣脆卜卜 呢兩個餐都係100以下 lunch嚟講性價比高 而且又好食 跟餐亦都包嘢飲 我哋嗌咗兩杯青檸梳打我哋仲加多個甜品 雖然叫迷你窩夫 但係份量一啲都唔迷你 一共有六舊 窩夫熱辣辣 裏面好似包住咗啲嘢煙煙韌韌 而且外脆內軟 整體感覺非常之好食同事都有讚冇彈不過等窩夫嘅時間比較耐 應該喺就食完之前同職員講可以上窩夫 唔係等得有少少耐 打工仔一個鐘食時間就比較抆🥲整體嚟講 lunch想試吓fusion 又想食甜品 又喺附近返工嘅人 可以嚟呢度試吓😉

👍🏻昨天到了一間玩味感很強烈的餐廳享用下午茶, 名字為No Money So Lonely,聽個名已知佢幾有趣~👍🏻餐廳好大，位置在旺角T.O.P商場，入到餐廳有不同打卡卡位，而我都轉咗一次位, 想影多D靚相！👍🏻menu都很有玩味，連餸名都諗過哂，花了很多心思！👏🏻泰式肉碎豬頸肉Pizza:口感香脆，豬頸肉入味，微辣的味道層次豐富。👏🏻甜品師今天決定要整的甜品﹕巴斯克焦蛋糕再配上Tiramsu cream，蛋糕香滑，味道甜而不膩，非常適合香港人的口味。👏🏻提拉米蘇泰奶咖啡: 咖啡外，他們還有配合餅乾及tiramisu cream，打卡必選！👏🏻士多啤梨玄米奶昔: 入口有點酸甜，慢慢會感到玄米的香味及質感，非常值得

叫左個沒有肉都好惹味生菜包，$112生菜得3塊，全部都係豆+豆乾淡到死，一啲都唔惹味😁好鬼惹味豬頸肉胡椒飯，$142都係一啲都唔惹味🙂陣味奇奇怪怪，好難食🔥最恐怖係個火山黃咖哩配雞鎚，$198蒜蓉包硬過舊石，咖喱冇咖喱汁，個山（薄餅）又硬又膿成碟嘢係凍㗎痴線！除左雞鎚，不過個雞鎚炸過龍，又黑又硬。成兜嘢不知所謂。究竟廚師先生/小姐有冇食過自己煮嘅嘢？之前食過幾次都幾好味，最近唔知咩事，真係難食痴線，唔會再幫襯了，失望到一個點。

成日行開T.O.P都會覺得呢間餐廳門巿裝修得幾得意，今日終於都決定同朋友入去試下餐廳門口已經放左隻老虎係到，入面設計都好有心思，令人食野都食得舒服我地一人叫左一個set lunch，前菜嘅沙律有酸酸地嘅醬汁一齊食都幾開胃炸雞胡麻醬冷烏冬炸雞都可以保持都外脆內軟，炸得嚟但唔㳌油膩，麻醬配烏冬呢個組合都冇咩可以挑剔，夏天食都幾夾架泰式全日早餐呢個同平時食開嘅全日早餐有小小唔同，因為泰國嘅關係，多左炸春卷係上面，但味道真係幾好，炸得香口，而其他例如磨菇、黑松露炒蛋，薯餅都幾好味，大大嘅一盤都好快KO哂最後我哋唔夠喉，仲加左個楓糖香蕉奶蓋窩夫，份量十足，有滿滿嘅香蕉，窩夫仲係脆脆熱熱，好食😋

🥢 旺角T.O.P係潮人同埋後生仔嘅集中地，潮流與藝術氣息佈滿整個商場，今次介紹其中一間餐廳 No Money So Lonely，菜式主打係東南亞fusion菜，餐廳風格主打復古風味，每個角落都係打卡位，例如燈箱，巨型老虎等等，最近佢地新推出左好精緻嘅動物下午茶，急不及待去試試！ ⏳ 上菜速度: 🐄🐄🐄 ✨ Zoo & Carnival Afternoon Tea Set $398 for 2揾食指數: 🐄🐄🐄🐄供應時間：15:00-18:00 （需提早預訂）➖➖➖➖➖➖➖➖➖➖➖➖➖➖➖🎪 動物造型甜點將文藝復古元素與動物園風格融合🍵 採用不同茶味道元素，巧妙融入甜品之中🐼 Panda — Matcha Cheese Cake🐻 Bear — Hojicha Macaron🐯 Tiger — Earl Grey Muffin🌴 Plant — Lemon Tea Tart🐰 Rabbit — Genmaicha Panna Cotta🥚 Hojicha Tea Egg🐔 Thai Tea Chicken Rolls ✨ 蜜桃紅茶沙冰採用蜜桃配上青瓜令到味道更加清爽，解膩一流！

餐廳：No Money So Lonely (旺角)地址：旺角彌敦道700號T.O.P This is Our Place 4樓406-408號舖No Money So Lonely @thesolonelyclub 最近新推出咗「Not So Lonely Carnival」Tea Set，以標誌性嘅動物世界為主題🐘，比你喺充滿文藝復古同創意玩味嘅餐廳環境當中享受精緻可愛有特色嘅甜品下午茶🧁餐廳裝修落足心機❤️，藝術設計感爆燈✨，劃分咗四個主題區域，包括掛滿油畫嘅復古氣息卡廂區🖼、畫滿老虎獅子圖案嘅文藝區🦁、用藍綠色為主調嘅日落主題區🌅、令人感覺好似身處銀河嘅VIP房🌌 。而我今次坐嘅位置就佈置成小森林🌴，枱上預先放好各種動物裝飾同擺設🦒，嘢食未到就已經不停影相📸 ✝️動物嘉年華下午茶(2人份) $398用咗動物同茶做配搭整咗7款甜品，每款都打造成獨一無二嘅驚喜面貌🎊，唔同嘅動物造型🐪，除咗適合打卡🤩，咬落散發出唔同茶香🌱。另外仲送三揀二限量特飲，要咗老虎杯造型、面頭有Tiramisu手指餅嘅泰奶提拉米蘇鴛鴦拿鐵，原來杯入面喺用泰式奶茶沖嘅Latte；海鹽荔枝青蘋果烏龍茶沙冰飲落清新順喉

呢間復古玩味cafe滿怖打卡位📸️最近佢地推出左全新動物嘉年華主題下午茶 喺木圈小森林卡廂食 更加有feel🌳.📌NOT SO LONELY CARNIVAL SET (Set for 2) $398每款甜點都有動物造型 賣相夠晒可愛 而且加入茶做元素 茶控必食呀🍵.1️⃣玄米茶奶凍 Genmaicha Panna Cotta-奶凍加入京都玄米茶 茶嘅甘苦同糙米香勁濃郁口感軟滑 上面有隻忌廉芝士整嘅小白兔 仲加左個心心糖同草莓脆餅碎做裝飾 酸酸甜甜 平衡番奶凍苦味🐰2️⃣焙茶馬卡龍 Hojicha Macaron-馬卡龍加入西村焙茶 外殼脆身 咬落鬆軟煙靭 內餡軟滑 食到茶嘅炒焙香氣 唔會太甜膩 熊仔頭造型 耳仔仲有星星糖 可愛又好食🐻3️⃣伯爵茶鬆餅 Earl Grey Muffin-鬆餅加入Twinings伯爵茶葉 味道幾清香 口感唔算鬆軟 同偏乾 不過連埋忌廉芝士老虎仔一齊食就好啲🐯4️⃣檸檬茶撻 Lemon Tea Tart-用左食用花裝飾嘅小盆栽檸檬撻 面頭鋪上爽彈錫蘭紅茶啫喱 打造成港式檸茶嘅感覺 檸檬醬酸酸甜甜好清新 不過茶味就冇乜 曲奇撻皮幾鬆脆🪴5️⃣抹茶芝士蛋糕 Matcha Chees

今次唔係第一次食no money so lonely ，之前試過去銅鑼灣嘅分店，每次都有感餐廳真係好有心思，每一個角落、每一個卡位都洋溢住北歐情懷，因為好鍾意佢嘅裝修，所以真係好Lonely嚟到都覺得好Happy 😂（自己講完都笑咗🤭）就算係連懷舊餐牌用詞句子都好幽默，入面重加咗一首空囊嘅詩歌，然後每一份餐點拍攝都好有《Little thing戀物誌》嘅感覺，有一刻我幻想到底店主會唔會就係呢本雜誌嘅Fans😆約咗個好耐冇見嘅朋友嚟到，3點前嚟到竟然趕得切點佢哋嘅set lunch menu ，因為晏晝嘅餐牌好多喺單點餐牌冇嘅，而且會包埋餐湯/沙律、餐飲，加多少少錢重有一份迷你嘅窩夫🤭跟餐重有一杯美式咖啡/蜂蜜紅茶/青檸梳打或可樂，其他特飲可以減$20優惠點。寂寞的全日早餐有別於一般餐廳嘅全日早餐，松露炒蛋、烤春捲、蝦餅、牛油果沙拉同大菇，春卷真係非常香脆可口，配合埋蝦餅帶出亞洲的風味，松露炒蛋炒得很滑溜但仍帶有蛋液未熟透🤭卻很是我杯茶！椰椰麻麻漢堡包軟滑嘅牛肉漢堡🍔配合蕃茄生菜芝士，卻創新地加入埋椰子香和麻醬，口感很特別！另外粗身薯條很大一盤，以午市套餐份量很足夠！楓糖香蕉奶蓋窩夫午市

୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧身為港女嘅我梗係鍾意打卡啦，喺旺角行完街買完野,見到no money so lonely新推出嘅下午茶set 「Zoo & Carnival」以動物世界為主題的下午茶！成個下午茶套餐都係以唔同動物為主，以動物造型製造唔同口味嘅點，在配搭唔同種類嘅茶元素例如玄米茶，西村焙茶、Twinings伯爵茶、港式錫蘭檸檬茶及泰式紅茶等，同閨蜜喺充滿文藝復古氣息下打卡之餘又可以體驗唔同種類嘅西村焙茶、Twinings伯爵茶、港式錫蘭檸檬茶及泰式紅茶我哋今次好好彩去到坐樹洞，有唔同嘅燈飾吊住係到，好有氣氛好有情調啊！呢個下午茶係用一個金色高架分四層上！第一層🐰Rabbit (Genmaicha panna cotta)一隻抱着心心嘅兔仔下面完係玄米茶意式奶凍，味道呢係茶味偏濃！建議你都係食咗其他嘢之後再返嚟食呢個會比較好😜第二層🐻Bear (hojicha macaron) + 🐯Tiger (earl grey Muffin)兩個都好可愛啊我都有拎咗佢去打卡，馬卡龍就係咁多個甜品之中偏甜，雖然焙茶味都稍為有中和甜味，老虎造型嘅伯爵茶鬆餅，甜味適中配搭

周末唔知有乜做，去食番個afternoon tea就啱哂。最近no money so lonely新推出左Zoo & Carnival系列，可以見到無論甜品外形同埋裝飾都用左多款動物原素。甜點🐼Panda (matcha cheese cake)正方形嘅抹茶芝士蛋糕，抹茶味香濃又幼滑。🐻Bear (hojicha macaron)熊仔造型嘅焙茶馬卡龍，見到兩隻耳仔已經覺得好cute，鬆脆又有茶香。🐯Tiger (earl grey Muffin)伯爵茶味道嘅鬆餅，上面加入老虎嘅糖霜，有牛油香和伯爵茶味。🌻Plant(lemon tea tart)檸檬撻上面栽種隻可食用花，鬆脆又有檸檬嘅清香。🐰Rabbit (Genmaicha panna cotta)今次就係玄米茶奶凍，上面用咗白色兔仔加心形裝飾，口感彈牙。咸點🥚 Hojicha tea egg用焙茶煮成嘅茶葉蛋，果然好創新。🐣Thai tea Chicken rolls泰國茶葉同雞卷味道估唔到咁夾，令到雞肉更加鮮嫩。除咗下午茶之外，亦都可以試下加配其他甜品，🪴我不是一盆植物和🍰流心提拉米蘇都打卡感十足。No Money So Lon

食評：1) 記得抺嘴呀墨汁卡邦尼配香煎帶子 $138帶子嫩滑，意粉屬硬身D嘅質感，每條都裹滿墨汁，好creamy~食完真係要記得抺嘴XD2) 黃咖喱軟殼蟹比薩 $168Pizza正中間有原隻軟殼蟹，超足料，食落脆卜卜^^黃咖喱同pizza亦都好夾，就好似平時係泰國餐廳食黃咖喱雞配法包嘅感覺，只係法包轉咗做pizza，同樣惹味~3) 士多啤梨玄米奶昔 $58比起玄米味，士多啤梨嘅味道更濃，酸酸地好開胃。賣相靚之餘，奶昔亦打得好smooth！4) 蕃薯紫薯話梅奶昔 $58呢款奶昔飲落好香紫薯味，如果你平時都好鐘意紫薯product，佢一定岩曬你！飲飲下又會有淡淡嘅話梅味，味道非常特別。5) 如果沒有窩夫我會很寂寞（朱古力、芝士奶蓋、奧利奧碎、麻糬） $128甜品非常出色，即叫即整，窩夫同雪糕真係永遠的絕配XD最驚喜係窩夫入面有麻糬，煙韌控大愛！