No Money So Lonely

營業中

休息中

因為生日，想一家四口簡單食晚飯然後返歸食蛋糕所以前一日經openrice訂位6點開飯當日以為自己去到已經6點企左喺度，面前企左幾個女侍應，我冇打擾有一位男侍應行過黎問幾位，然後換一個女侍應同我地講可以入去坐，但6點後先可以落單，用餐時間90分鐘嗰陣先驚覺自己早左幾分鐘，入座係5:57pm入座坐喺最入最入面嗰兩張枱嘅其中一張覺得好入同好焗好壓迫所以我行返出去問下可唔可以調出黎坐然後女侍應不耐煩同時又帶左dd禮貌咁拒絕兼解釋因為booking一張接一張咁黎，所以調唔到位，只可以開大d冷氣我唔理解，嗰刻得我地一枱客，其實我唔明點解唔得。如果已經有好多人等緊入座，我都唔會爭扎，但係真係冇呀…不過都無謂強人所難然後隔離枱坐左個女仔，都係一樣要求，一樣咁俾人拒絕研究餐牌，QR code自助落單兩大人加兩個揀飲擇食嘅細路嗌左1 starter+ 2 main墨汁卡邦尼配煎帶子 $146除咗有卡邦尼嘅洋蔥同煙肉之外，基本上同卡邦尼係冇關係🙄唔係難食，就係一個用墨汁煮嘅煮意粉，唔creamy嘅////意粉食到咁上下，starter到貧窮是寂寞拼盤(半份) $98大家一人拮咗一舊之後先記得影相冇記錯係六選

人生第一次寫食評就獻咗俾呢間餐廳$849燒八爪魚要你慢慢地切沙律$148呢個八爪魚可能係成間餐廳比較正常嘅食物，但可惜你有機會食完個甜品佢先會上。沒有都好惹味的生菜包$112一個淨係食到豆乾味嘅生菜包，因為佢成個生菜包都冇味，所以我就問侍應有冇啲辣汁之類嘅東西，結果佢同我講得Tabasco。哈哈，唔知以為我食緊西餐！人人都嗌的淡淡蟹肉擔擔飯$158呢個真係俾佢標題呃咗，我諗人人都嗌，人人都話中伏嘅飯。都係嗰句啦，冇味落Tabasco啦：）泰式香蕉煎餅$88入座半小時內必須下單，呢個煎餅係我見過最難受嘅煎餅。我哋大概食咗一個小時左右，佢連頭盤都未上，之後我哋吹單，結果甜品，主食，頭盤一齊上，真係NMSL！所以我哋食煎餅嘅時候，個雪糕已經溶晒，成塊煎餅，好似浸晒水咁，點食啊大佬？今日MVP： Tabasco ！最後要讚一讚呢度嘅侍應好盡責，未夠鐘就開始趕你走，仲要喺你隔籬唉聲嘆氣，驚死你聽唔到，睇嚟可能間鋪太多人幫襯不如大家幫輕下佢地嘅工作量？

📍 No Money So Lonely (旺角)旺角彌敦道700號T.O.P This is Our Place 4樓406-408號舖今日一個人出街，自己一個食飯，有啲寂寞😅所以揀左間靚靚嘅玩味餐廳食😋呢間餐廳之前都同朋友一齊食過，好鍾意呢度嘅環境及氛圍🥰超級多打卡位，仲分左唔同風格嘅Zone☺️煙三文魚秘製泰式海鮮醬意大利麵一上枱都覺得好靚，盛麵既器皿好精緻🥰而且將三文魚盤成花朵嘅形狀，加上色彩豐富嘅椒絲及其他配料，好match😍意粉入口清新香辣，令人愈食愈起勁🤩🤩辣到好過癮😆本身諗住點多個甜品🍮，不過發覺自己已經食唔落…下次帶埋朋友一齊share食會開心啲，食多啲唔同嘅野😆#Fusion #fusion泰菜 #打卡一流 #打卡餐廳 #thaifood #topmall #relax #相機食先 #高質餐廳 #美食推介 #旺角美食 #泰菜 #yummy #香港探店 #旺角美食

泰式香蕉煎餅🌟 Oreo丸子賣相：🐧🐧🐧🐧🐧味道：🐧🐧🐧🐧🐧煎餅新鮮煎製，上盤時依然熱辣辣，香味四溢。煎餅皮外層脆身可口，內裡軟熟煙韌，夾雜著滿滿的甜美香蕉，加上表面香醇的朱古力醬汁和脆卜卜的oreo 碎一起食用，甜蜜度滿分之選。煎餅頂端蓋上一球香滑的雲呢拿雪糕，冰涼的質感與熱騰騰的煎餅形成鮮明對比，口感刺激又過癮。變變變七十二變🌟 新鮮熱情果 🌟 乳酪 🌟 鹽 🌟 雙色啫喱賣相：🐧🐧🐧🐧🐧味道：🐧🐧🐧🐧🐧飲料味道名副其實，變幻無窮，入口先是一陣熱情果的清甜，繼而能嘗出乳酪的酸香，最後淡淡的鹽鹹味在口中散開，味道層次極為豐富多元化，令人驚喜。飲品中的啫喱滑溜爽彈，為飲品更添口感。環境：🐧🐧🐧🐧🐧餐廳以熱帶森林風作主題，四處都佈置了相關動植物的圖樣裝飾，配上幽默別具意思的字句作點綴，整體裝橫玩味極濃，非常有心思，打卡必到首選❤️🐧❣️餐廳採用QR code 自助下單，方便又易於追蹤。🐧❤️結語：泰式香蕉煎餅足料又美味，誠意推薦❤️

前幾日行緊TOP，見到新開咗間餐廳，裝修同個名都幾特別，叫No Money So Lonely，簡稱NMSL🤣 首推「好鬼惹味豬頸肉胡椒飯」。一入口，就感受到豬頸肉嘅鮮嫩，胡椒同辣椒嘅香氣好濃，食落係又香又辣，好過癮！而且個飯炒得好有鑊氣，份量都唔少。「無得輸涼拌茄子」無得輸！茄子爽口，涼拌嘅醬汁醃得好入味，好香口，有少少辣但係無個飯咁辣，清爽中帶少少刺激，係好適合嘅開胃菜。嘢飲方面，試咗「石榴檸檬熱情果沙冰」，熱情果味大過檸檬味，酸酸甜甜，好適合夏天。仲有「芒果椰奶沙冰」，芒果味幾濃，加埋椰奶，成杯嘢好濃厚，飲埋呢杯嘢真係好飽！重點係，呢間餐廳嘅位置真係太方便喇！喺旺角中心行過少少，喺地鐵站行幾步就到，行街行到肚餓，可以過嚟呢度試下，飲一杯沙冰，即係refill返energy，繼續行街！呢間餐廳除咗名特別之外，食物同飲品都幾特別，係出面比較難食到嘅菜式。如果你係泰食控或者想試新口味，咁你一定要嚟呢度食一次，絕對唔會令你失望！

Bookmark左咁耐終於潮聖🙇🏻‍♀️到，餐廳主打東南亞Fusion菜，地理位置優越，係正地鐵站B3出口上面，風吹雨打都阻唔到大家去打卡既熱誠未入到門口就feel到強烈文藝復古風陣味，每個角落都適🈴️影相📸️打卡，打開menu全部都係新穎配搭菜式，無論甜品或飲品都加入創新元素，🈶️創意我鍾意🥰太多人讚好佢既signature野食，所以今次特登點左比較冷門嘅野試下🥢椰椰麻麻泰式燒牛扒🥩 4/5自家製泰式醬+燒牛 = 黃金組合。雖然依度主打唔係食牛，但個牛🔥燒🉐️幾出色👍🏻燒牛咬落去軟熟而多汁，牛味算濃，旁邊仲有沙律🥗薯條🍟伴碟🥢提拉米蘇拿鐵 3.5/5邪惡首選，睇造型就知「有料」到，液態版Tiramisu，好似食左成個Tiramisu落肚咁，略嫌杯嘢太重磅，拎住打卡有啲論盡📍No Money So Lonely
地址：旺角彌敦道700號 TOP, This is Our Place 4樓 406-408

店內周圍都係打卡位！裝飾好靚好搞怪😝同朋友下午茶黎都好多選擇👍🏻.💕小朋友都岩食甜甜酸酸雞肉比薩估唔到有咁大舊雞肉，仲要幾滑❣️ 芝士份量多到可以拉絲，無失望👏🏻.💕泰式香蕉煎餅奧利奧柯華田丸子，滿滿既Oreo粉，同碎碎既餅乾，丸子大大粒仲以為係荔枝黎😂 朱古力醬夠曬多😍 香蕉甜，煎餅有咬口！值得食！.💕果薑綠茶薑味唔會好濃～ 茶味極香，香香甜甜🤤 加水再加水都一樣咁好飲👍🏻 唔會加一次水就淡曬😛

話說星期日行開旺角t.o.p. 諗住翻桌番呢個no money so lonely時間係15:35左右到達門口，之後示意一個年輕帶眼鏡女店員兩位，佢叫我地等一陣，等左一陣之後先問有無訂台，我地話無就話last order完全唔理解🥹之後都唔會想再食。

上星期平日18:45喺旺角T.O.P商場揀唔到食乜 見到有間泰國餐廳就去試下 店員話要20:30前交枱先可以入去我同朋友無所謂 入到去冇訂枱只係可以坐中間好逼既位坐得唔舒服 仲要俾冷氣吹住凍冰冰 可能係我去過最凍既餐廳叫左二人Dinner Set B 每人有一款湯或者沙律 有得揀大蝦冬蔭公湯同泰式水果沙律 湯太辣沙律普通 小食選了炸物拼盤 在五種炸物中選兩款 但用QR code下單卻找不到選項 查詢店員原來是廚師發辦的 所以是炸物抽獎主菜可以揀兩樣 不過出得好慢等左25分鐘先有第一份 依家餐廳先一半滿 如果滿座一定有排等 第一份是椰椰麻麻泰式燒牛扒 牛扒五成熟 的確燒得剛好 沙律和前菜一樣的普通 薯條也炸得不錯 不過要食快啲因為冷氣好快就吹凍哂第二份既大版燒意粉要等多10分鍾 朋友已經勁唔舒服 凍到變左雪條冇哂胃口 唔建議怕凍人士嚟食 最後食都冇食 好彩要盒唔洗加一蚊 即刻逃走打包帶返屋企食 頭一次食到一半帶返屋企食 可惜都趕唔切感冒了 最後埋單$488加一 $537 有一點貴不過在T.O.P也能理解 加上醫藥費$300就有點受不了了

我地一行4人加1個小朋友book左18:00入座，因為未齊人就6點幾先入，D野食唔係上得特別快，最後一碟野野係牛扒 7:18分上，上完個扒，即刻提我地7:30要離座🤬我地話六點幾入，係咪可以耐少少，條女寸到爆話：我地跟訂座時間18:00，得十幾分鐘食 勁趕，仲要十幾分鐘內係咪有人黎睇我地食完未🙄🙄好嬲隔離枱都一樣好多野未食，仲要有隻原隻燒雞未到 得30分鐘，隻雞黎到得番20分鐘，最後因為隻雞唔熟取消埋😌重點係佢地都冇人等位點解唔俾我地食埋先，係咩服務態度到底🙄如果有人等位都明，但又冇🤷🏻‍♀️D野食冇特別，係個墨魚意粉最特別，食出原有麵粉味，勁出色🤦🏻‍♀️😌總之永遠永遠唔再去！！🤬🤬🤬伏伏伏伏伏伏🚁🚁🚁🚁🚁🚁🚁🚁🚁🚁🚁

今日放假約咗媽咪出去食嘢，帶咗佢去一間打卡西餐廳! 餐廳整體有少少懷舊西式風味，燈光偏黃，同男朋友黎應該會好浪漫！媽媽嚟到都係咁話呢度好靚，望住佢個笑容就知道其實佢同我一樣都擁有一個少女心 🥰我哋叫咗兩個主食一款甜品同埋飲品，每款食物整體都質素高！🥩泰式燒牛肉沙律(辣) $168佢嘅牛肉沙律有得叫五成熟，覺得佢好細緻！沙律醬汁好惹味，牛肉都好香牛味，而且一啲都唔韌，好食！🦀人人都嗌的啖啖蟹肉擔擔飯$158睇佢個名就覺得呢個飯唔可以錯過，果然超級多蟹肉，可以稱得上係啖啖肉！炒飯炒得粒粒分明，配埋蟹肉一流！🧇棉花糖牛角窩夫 $86呢個係媽咪想叫嘅，本身對棉花糖冇乜好感，覺得佢會好甜，點知食落又唔會，而且配埋好香脆嘅牛角窩夫，味道一流，超級推介！🍹夏日麼麼茶 $52酸酸甜甜，好開胃！呢度食物質素好，環境又靚，啱晒一種女士嚟打卡！舔舔脷指數：4.3性價比指數：4.2📍No Money So Lonely (旺角)旺角彌敦道700號T.O.P This is Our Place 4樓406-408號舖

人人都愛嘅啖啖蟹肉擔擔飯估唔到又真係幾好食我本身不太喜歡擔擔面的花生味但這個飯沒有太重花生醬味所以感覺不會太濃厚反而因為加了洋蔥，青椒，紅椒，菇類而帶點清新感蟹肉雖然不多，但因為有大量蟹籽，每啖咬下去都卜卜聲意外地不錯不過餐廳比較暗打卡的時候大家都會開手機電筒幫手補光😂😂

🔸 煙三文魚秘製意大利麵 $138呢個係辣味， 喜歡食辣嘅朋友應該好鍾意，不妨一試，夠曬辣。 煙三文魚 鹹鹹地，幾惹味。整體嚟講，比起一般意粉，呢個係泰式特製加咗辣味，多咗一層味覺層次，幾特別。味道：8/10性價比：7/10🔸 牛油果蘆薈炒意大利麵 $136呢個係唔辣嘅，比較健康。 香噴噴的牛油果都畀得好多，麵條上面淋咗一啲蟹籽同埋裏面嗰啲好爽脆嘅洋蔥片，pastas 都幾大碟，食得好飽。味道：7/10性價比：7/10💟環境位置就在旺角地鐵站B出口左轉直上TOP商場頂層， 交通好方便， 餐廳裏面好闊落，座位好多，配襯燈光音樂，氣氛十分好。卡座特別寬闊，坐得好舒服。🗣另須加一服務費-人均消費：～$150-整體味道：7/10性價比：7/10

no Money so Lonely旺角一出地鐵口TOP商場，年輕人潮流集中地，有一間裝修到入面呀好得意，好靚嘅泰式料理餐廳，個人覺得係幾靚，入面有一隻好大嘅老虎，適合同人傾偈。沒有肉都好惹味的生菜包（有肉）典型嘅相菜肉包，入面嘅數呢就款式唔係好多，幾惹味，有少少辣，啱食辣嘅人就可以叫。楓糖香蕉肉桂奶昔入面啦有啲肉桂香米，香蕉啊幾好食呀加埋焦糖，加埋一齊啦味道好香呀，口感亦都好豐厚。香茅雞翼原味炸嘅單骨雞翼，啱晒啲呢唔想拆骨嘅女士。佢有得叫半份同埋一份，咁就個份量可以控制。

NO MONEY SO LONELY🌟聽到個名已經好想去，玩味十足，位於旺角TOP，地點便利，經過一定會留意到，因為佢嘅裝修超特別，走樹屋原野叢林風🌴有特色既點只係個樣，餐牌既食物賣相同個名好吸晴😍cafe食物、cocktail、甜品等都有把握到個下午茶時間！🫖 迷你小食拼盤，其實一啲都唔迷你🤣超大份，炸粗薯條，好香脆，粗薯條薯好多，配芥末蛋黃醬正👍🏻炸飯波，一個波咁但入面係圓形細粒既飯，泰式風味，酸酸辣辣咁🍙單骨雞翼，好脆，非常惹味又易食😗蝦餅，食落入面既口感有驚喜，好濃蝦味，正✨啲Cocktail不論賣相定係個名都無得唔試下🤣 This Isn't Lemon Tea 扮係檸茶，有椰子酒同Vodka既檸茶，賣相真係好靚，超精緻既擺盤，加片日本柚子，風味十足，味道都特別既，好味🥳整體黎講淨係個格調、裝飾同食物賣相都好值得黎，質素仲要好好，旺角熱點！🌟