NeNe Chicken (東港城) (已結業)

放假訓到黃朝百晏，起身都已經係下午茶時間😂 懶得自己煮所以就去左附近商場搵嘢食。行過見到有間叫NeNe Chicken🐔，聽個名都知係食韓國炸雞，見到門口menu張相好似幾好食就決定試下啦。裡面裝潢幾靚幾有特色，重有一排係小木屋型既四人座。點左招牌炸雞，特別之處係佢地有得比客人選擇要有骨全雞或者無骨雞件。我個人好懶，當然揀左無骨啦～ 炸粉唔會太多，而且雞都嫩滑，但係又未至於好食到一試難忘，如果唔係因為running man劉在錫，可能都未必咁出名。