Mr. Korea BBQ (已搬遷) 新店位置

無訂位，晚上7點多dd到，完全唔駛等，位置都幾便利，但附近就無街行，要出返尖沙咀先有shopping 地方。韓燒一般都限時90mins, 又唔係任食又限時其實都幾無引，當日幾好彩，可能閒日夜晚客唔係好多，我地坐足兩粒鐘，開埋之真露慢飲慢食慢吹水。五花腩必食，燒過之後迫左d肥油出黎，肉香又脆，最鐘意夾埋生菜同Garlic 一齊食豬腸，易燶，但都好香好好食特級牛肋骨肉，有少少似雪花和牛咁款，薄切油香，呢個就唔包菜比較好食泡菜無計錢又可以任fill, 生菜配料都可以叫佢加，好有自己在韓國的感覺。

食過多間韓式的烤肉店，呢間係比較小 marketing gimmick, 無蛋邊, 亦無超級大聲的K-pop, 但食材真係無得頂的好食，特別喜歡烤五花腩及醃牛肋排，米酒的選擇亦多-真露，清河，初飲初樂都有。除了烤肉亦有烤海鮮，我地叫左魷魚及扇貝，呢兩款都係有水準的食材。服務員都有禮貌又快捷，叫佢幫手refill 生菜小碟等，都很快手，面內抽風亦好，離開時有除臭劑可以用，唔怕吸到烤肉味。*掛住傾計，只有朋友影的食物相一張

豬皮，試過好多間，唯一係呢度食到有韓國的味道。顏色，口感，味道，完全一致，以後唔使去韓國🇰🇷食。五花腩，我一向都不好。Mr Korea BBQ的居然令我想一試回味無窮。五花腩望落有D肥，烤完後比例肥瘦適中。五花腩+泡菜+秘製豆醬，包生菜，咁樣先識食。帶子好大粒，雞肉好嫩滑，呢度可以做我嘅食堂。另外，한국 사장님들 너무 감사합니다. Service 又👍

哩間餐廳食左好幾年, 一直都無時間留言, 今次想同大家分享佢地既美食~ 佢地啲食物一直都保持水準, 侍應服務態度一流, 生菜, 前菜任取, 肉質好新鮮好好味. 其他韓食都好好味.不斷與時並進去新增很多韓食, 樣樣都好好味, 啲味道同韓國食到既差不多. 價錢又唔貴~海鮮餅同豆腐湯係必叫的! 其他食物都超好味! 值得一試, 我會一直支持用心做食物的餐廳~

新既韓燒好去處環境都幾地道，而且都幾貼心，每張台都會擺一張正方形既台仔係隔離比你擺野食，抽風機長短亦都可以調教。牛肉拼盤：呢個拼盤有3款牛，3款既口感同肉質都唔同，肉質好嫩口，完全唔會un，一咬就開，而且仲好重牛味。燒鰻魚：呢條燒鰻魚既醬汁唔會太甜，燒完再食，個皮有少少脆脆地，好香好正。尖沙咀區黎講，價錢都算正常既，但食物既質素都幾好，相當唔錯。

任食韓燒就食得多，逐樣叫既就真係少食，今次心痕痕走去食返餐。爐都係一般韓燒爐，但值得一讚既係d侍應都幾細心，換爐換得幾密。另外，五花腩都要提一提，肥肉同瘦肉既比例唔錯，肉無乜醃過，但有d鹽係肉上面，食落肉質好嫩，點埋醬汁真係一流。仲有熟食既雞翼都要提一提，擺上台塊鐵板仲有滋滋聲，韓式醬汁聞落去好香，食落味道好濃，而且肉質嫩口。

星期五晚約咗一班舊同事出黎聚舊，諗住三五知己吹水，咁有個同事提議去Mr.korea 試吓。見到環境都唔錯架，諗住好似好得。到最後真係好失望我認為無下次其實佢收價錢唔平架

月頭出糧完趁荷包鬆動，與僅僅沒見半個月的朋友又齊齊豪玩豪食一番！連接佐敦及尖沙咀之間的柯士甸道靜中帶旺，有不同類型的食肆選擇。最後我們鎖定以韓式烤肉作晚餐。門面很光猛頗具韓式味道，有很多不同菜式圖片參考！晚上七點零，人流不算太多。裝修地道，簡單得來不帶花巧。韓流味尚算重，除了電視機播放著「大陽的後裔」外還不斷播放KPOP歌曲！有一兩個侍應懂廣東話，其他均以英語溝通～前菜 - 可以無限refill的，我個人比較喜歡菠菜及芽菜，那股香香的麻油味是很刺激食欲的～烤什錦牛肉 (薄切牛腩、牛肋骨肉、牛舌) 牛腩肉味不太濃郁，薄薄一片食完不會感到太滯～牛肋骨肉 - 肉質厚且細嫩，肉味不錯。伴以生菜、醬汁、泡菜、蒜粒一併食，既充滿油香又肉汁滿瀉。牛舌 - 也是薄薄一片，不過肉味比薄切牛腩濃。口感煙煙韌韌，點上醬汁肉味會更出。烤魷魚 - 大大塊，醬汁不辣帶點微甜。剪開後放上爐燒不下數分鐘已經熟透～食落煙韌彈牙，尚算有鮮味～炆牛肋骨 - 有四嚿～肉的比例雖不多，不過炆得入味，食落肉質嫩滑不會太嚡太痴牙～蘿蔔索滿湯汁，咬落軟稔稔～冬菇有口感，不會炆得過韌！醬油蔥炸雞 - 份量不少，有八大嚿！炸得不算脆，粉

又食韓式烤肉, 晚上來尖沙咀就想起韓食啦! 但今次不去金巴利街, 而是去酒吧地帶的柯士甸道, 因為有間Mr. Korea BBQ, 除了有烤肉之外, 這裡還有韓國炸雞, 熟食的款式也很多.跟一般的韓式烤肉餐廳大致相同, 櫈下可以放隨身物品. 煙通抽氣夠強, 不用擔心太多油煙.先來附送的前菜, 有齊3款泡菜, 包括有菠菜, 大豆芽和辣泡菜; 3款醬料, 就有油鹽醬, 豆板醬, 洋蔥甜醬油. 還有新鮮爽脆生菜, 辣椒及生蒜. 配菜太齊全, 感覺好正宗.烤什錦牛肉 $358/380g分別有牛舌, 薄切牛腩和牛肋骨肉, 三款都各有不同質感, 可以一嘗多款味道.牛舌好薄好快熟, 爽口又有牛味. 薄切牛腩較多脂肪, 烤出油甘香, 入口好似食肥牛, 而且冇渣.牛肋骨肉質地有咬口, 肉感豐富, 牛味也最重.烤牛肉用生菜夾著生蒜片, 泡菜及醬料同食, 味道一流.烤魷魚 $98原隻魷魚來烤, 用醬料醃過味道甜甜地, 烤好的魷魚好嫩帶點彈牙, 一點也不乾硬, 估唔到咁好味.炸雞(醬油蔥味) $158一般炸雞店和炸肉店都只會提供一款主力菜式, 難得這裡有齊烤肉及炸雞, 真係一飽口福.炸雞肉質好嫩滑, 有少少肥

之前同朋友黎過一次...食過返尋味，趁着honey生日又再去多次。餐廳環境寬躺，坐得10分舒服，仲不斷播Kpop氣氛一流。魷魚爽口彈牙，絕對值得order!大蝦size長過手指，餐廳已經將大蝦開邊並加埋餣料，好容易就燒熟。燒完既大蝦肉質仍然實淨，但個人認為餣料味道重，遮蓋了大蝦的鮮味。雪花牛肉脂肪呈雪花狀，一落鑊就散發出陣陣濃郁的牛味。燒至六七成熟，雪花牛入口滑嫩又唔會有血水，非常香口！辣五花肉成條上，屬於半肥瘦，油脂分布平均，單睇都已經令人食指大動。枱面有較剪可以隨自己鍾意嘅size剪慢慢燒！五花肉調味一流，肉質幼嫩，入口一啲都唔靭。整體來講，餐廳環境同服務都非常好食物質素高，有機會都會再來！

身為偽韓妹，同好姊妹飯聚又點少得去韓食店呢?!餐廳位於一樓，侍應好多都係韓國人唷，入到去好似去左韓國咁!!~同韓國既餐廳無分別，都係一入座OPPA就會放低前菜同醬料!值得一提既係KIMCHI好入味，夠哂辣!辣雞肉既醬汁非常多，所以好入味同惹味!烤起上黎"茲茲聲"香氣泗溢...雞肉燒完之後唔會好"鞋"，肉質滑嫩雪花牛肉名實相符，脂肪分布好似雪花咁，非常平均。入口牛味濃郁，而且有入口即溶既感覺，超正!如果夾上生菜包著黎食，感覺就無咁油膩，健康d!帶子一碟有三隻，Size都唔算細，燒完之後都無縮水本身帶子已經加左蒜蓉黑椒作調味料，所以燒完唔洗醮醬汁都已經好好食。口感非常爽口!

一直算係幾鐘意食韓食既我終於去左呢間韓國老闆開既鋪度食野先係點左 最鐘意食既 五花腩望落算係幾厚身，又唔多覺有“葉”過但燒完出黎就咁食又好好味味度好香口，口感又唔覺佢“un”或“鞋”身加埋附上既醬汁，更加之香口一啖接一啖咁，好快食哂之後就點左 人參雞湯唔會好濃既人參味，但又唔會太淡好多種料加埋落去，朋友話有糯米飲落又好順口，又香口帶有些小香甜又係一碗接一碗不停地飲雞肉口感好滑，一啲都唔“鞋”唔似係冰鮮，感覺係新鮮既。最後緊係要飲韓國啤酒啦味道似香港飲開既啤酒苦中帶點甘既味道，又順口送上既前菜比起出面既韓國餐廳好食

最近捉小精靈大熱 為左捉 大家可以去到好盡今晚約埋三個精靈訓練員朋友飯聚為左夜啲去九龍公園 我地㨂左木球會對面嘅韓國餐館開餐！之前已經去食過一次 喜歡佢嘅人情味所以今晚帶埋啲朋友仔同阿豬媽打招呼餐廳係樓上鋪 但唔難搵客人主要係韓國人食韓燒 豬腸+五花腩少不了朋友話想食燒海鰻 未試過又試下口感比鰻魚較爽口 雖然有醬汁 不過都有點鯹相比下魷魚好好食 好彈牙4個人叫左一碟牛拼盤 乜都有唔洗煩牛小排 牛脊肉 等等 韓牛真係好好食重有牛舌 超有咬口 彈下彈下不過再次重申 食韓國野真係一啲都唔平⋯食飽就慢行去做訓練員lu

又係每月一次嘅姐妹韓燒聚會食過某幾間比較出名嘅餐廳後今晚回歸平淡 去左韓國人主理嘅韓先生韓餐廳一定有嘅前菜同醬料 一樣都不能少大荳芽菜真係好好味 我平時都唔食嘅😅夠晒爽甜 泡菜岩岩好 唔會太辣為食姐妹真係好 唔怕肥 食芝士排骨🙄好吸引好罪惡嘅一道菜熱辣辣有得拉絲 排骨已經<葉>好入口肉質軟林 唔會太靱韓燒又點少得烤豬腸呢 好肥大嘅4條入口好香豬味 加埋配料一齊食 好正 因為有一個姐妹唔食牛 所以放棄左牛拼盤必食5花腩 夠厚身 比起出面個啲一啲都唔肥燒熟左之後十分有咬口 👍🏼最後點左碟魷魚 因為有好多醬 唔點汁都可以 而且好彈牙 好正埋單個陣見到韓先生同韓太太 超級友善整餐飯都唔錯 唯獨抽風系統差少少食完好大味⋯

又與舊同事相約去聚會來到這間韓燒店韓燒當然要點肉類, 先點了什錦牛肉拼盤肉質烤後口感一點都不會"un"身, 外觀感覺新鮮再來一道韓燒必點的 五花肉(五花腩)正常厚度,肉質亦新鮮, 烤熟後更加滋味無窮咬感亦很好, 一咬便分離韓燒是容易讓人口渴, 便點了Rice Punch味道有些少像薏米水, 甜度剛剛好, 很不錯最後一定要讚他們的醬料, 點了醬料後的食物非常惹味.服務態度也不錯, 主動問需不需要幫忙~ 讚~