Mr. Korea BBQ (已搬遷) 新店位置

估唔到lunch time竟然冇咩人，地方又大，仲有一大面既落地大玻璃，可以睇到綠油油既草地，幾舒服。叫左牛肉石頭鍋飯，石頭鍋夠熱，整到飯焦出黎，又唔到焦到燶曬。可惜上一個飯要等15分鐘lunch time時間好寶貴可能lunch time人手不足啦不過店員好有禮貌，有機會，都會帶fd去試下。

情人節當日男朋友就bk左位去食韓燒話帶我去食好西🤤🤤🤤地點都算易搵上到去舖頭都幾大下而且坐位都算多我地去個陣時間都算係早 所以都唔係好多人但愈食愈耐都唔覺好多人咁樣仲好啦 可以同男朋友傾下計同埋入面嘅員工都唔係好多 落單嗰陣時可能要等一等坐左陣我地就叫幾樣野食分別有烤什錦豬肉 豬皮 魷魚爪 泡菜煎餅 海鮮煎餅甜辣炸雞一開始就上左唔同嘅醬料同埋前菜前菜分別有泡菜 菠菜 芽菜同一般嘅韓國餐廳嘅前菜冇乜分別什錦豬肉有豬大腸 豬頸肉 韓國黑毛豬腩肉 等等豬頸肉佢切得好薄 燒起上嚟都幾脆口🤤豬腩肉油脂分布平均 燒起上嚟有啲肉汁 惹味生菜包住舊肉 着加埋啲醬汁更加好食 而且罪惡感會冇咁大🤣豬大腸食落有啲似咬緊擦子膠 因為佢太過厚 搞左勁來先食到着啲白色薄切嘅我諗係啲丸掛 食落都冇乜特別魷魚爪份量唔算太多 但燒上黎都爽口 唔錯 豬皮燒緊過程 啲員工好貼心咁樣提我地要燒幾耐貼埋要放係邊到燒會好啲每邊燒2mins好快熟食個陣可以點下黃豆粉食落有少少爽 而且有q彈嘅感覺女仔食好似會覺得有啲膠原嘅感覺咁🤣🤣🤣不過最估唔到嘅係點黃豆粉係可以咁夾嫁個味唔錯泡菜煎餅有8件 每件泡菜都分佈好平均泡菜都好出煎餅厚薄適

食物質素好一般，性價比低，以食物水準來計，價錢非常貴，份糧極少。以呢個價錢，出邊好多Korea bbq餐廳好過佢，去一次都嫌多。牛拼盤要成三百幾蚊，份量少到震，賣相又差，好似求其掉上去咁。職員態度又差，基本上好唔專業，樓面完全唔夠人。叫左份牛利份量極少，每塊都唔細，收百幾蚊直頭離譜。雞腎好硬，似係急凍好耐，叫咗啲嘢食又係咁漏單。七點入去食到10點鐘，完全唔full, 好多吉枱，音樂又大聲，求其開YouTube都算啦，開到勁大聲，傾唔到計。請我都唔會再去。

以前公司係附近，一想食韓國野都會揀佢，其實次次上到去都好奇怪點解繁忙時間都無咩人，有次甚至得我地包場咁食添。但因為有其中一個店員叔叔認得我地，次次都好有禮貌又貼心，之後發現佢韓文英文都5錯 好厲害。 因為真係食過無數次，所以都不能盡錄炸醬麵，偏甜有肉香，而且係熱既嗜辣既我推薦冬天食豆腐海鮮辣鍋，就咁飲可能有d咸，但撈飯一流，食完成身暖笠笠生牛肉拌飯，好食！！！！！基本平民餐飯團好味，清清地，粉絲少少甜，又5油，岩比較細食或者咁岩無咩mood既人試胡椒水餃湯，冬天食真係超暖胃，水餃都煮得岩岩好，5會太淋燒肉就未試過，因為lunch time食完就開工，而且睇價錢就係另一個世界。前菜尼，叔叔有時見我地咁鐘意食菠菜都會私人醒多碟有次叔叔放左假，另一個叔叔就比較5係咁識做，講野都有少少怪怪地，不過都咁岩試過一次姐當然人人都5同性格，好難要求個個都咁識做。其實lunch time以前會送飲品，不過而家無送就收少左加1，咁我情願5飲lu, 反正每枱都有水供應。但唯一5好真係張menu, 好5掂檔，叔叔有講過個封面有豬定5知牛就係Lunch time menu, 算吧啦，2份menu相似度有90％，

服務員態度不佳，一進店，有位男侍應遞上menu, 向客人介紹最貴的食物，客人沒有點叫他的推介，他就開始以言語串客，上食物時大力丟碟落枱。嚇得外籍朋友即走。食物非常一般，怪不得繁忙時間也沒有客人。

下午經過佐敦 見到有間樓上韓國餐廳 便上去試試 性格比高 下午有折扣 不錯的午餐 我們選了年糕 豬肉拌飯 炸雞 樣樣都好好味道 不枉到此一遊 極滿足 以後可以多一個聚會既地方 地方也寬敞

聽聞轉左老闆 但以前食過覺得真係幾好就去試 點知就出事第一： 無服務，以前有韓國人幫你燒 幫你refill 依家叫一下郁一下第二：食物完全唔掂，岩岩係雪櫃拎出黎 冰都未溶哂 牛肉拼盤3百幾 但份量同以前差勁遠 味道都差勁遠 完全唔值個價錢 無食物無服務 兩年唔執偷笑唯一可以放落口只係杯啤酒 如果唔係完全唔得 大佬 生意差都比下心機做啊 成晚收錢個陣先最快手 音樂又大聲 想同朋友傾計都唔得 侍應淨係識企係到睇電視 今次黎完唔會再有下次 x八都好過佢多多聲 大家千其唔好中伏

lunchtime break出黎食野，經過睇到韓國野又好似幾抵咁，就上左黎試。一上到黎就上左三碟小菜，不過太肚餓未影已經食哂。d kimchi唔係好夠辣，得個酸味，不過個菠菜同土豆絲係ok好食既。純豆腐海鮮湯 $55咁個真係幾好食，d豆腐好熱好滑，個湯好有海鮮味。辣味對我黎講啱啱好，辣得黎唔洗飲水！仲有少量瓜同尤魚同硯，加埋d飯真心正。呢到都有lunch set燒肉，最平$100都有，下次可以試試！！！

One of my friends visited this bbq joint to watch the world cup games and told me that their meat was very good and real value for money so me and my coworkers decided to have some Korean meat and Korean 'SOJU' because it is a Monday.The place looks very spacious and had a cozy feel. They had the old-school style metal can seats which is hard to find in HK these days. Felt like one of my favourite BBQ joint near by Korean university.We first ordered some 'SOJU' before we decided on our meat. We

聽聞剛轉手, 老闆有❤️不斷改良! 值得再試!!!邊燒邊食邊飲最重要可以睇住世杯我地一行六人先醫肚，經典嘅五花腩同牛肋骨係新鮮嘅 (果然小店不比連鎖店的一式一樣差)不過最正都係一口護心肉 大愛老闆親自講解護心肉，係豬心臟邊上30厘米的狹長肌肉，跟隨心臟有節奏咁跳動 <活肉>就係最香最有口感 (當然要配合烤肉技巧哈哈哈) 最後坐足三個幾鐘順便睇埋世杯 巧開心!!!!!!! 不知不覺愈飲愈多Soju這款芒果味韓啤係女仕們大愛 (感覺有點像菠蘿味台啤唷) 不錯不錯約左friendssss世杯八強都會再返嚟因為老闆話會延遲關店時間十點開波冇問題喎

本身今晚同一班朋友食生日飯係件開心事，但而家真係好嬲，事原我們一班人差不多8點幾9點先開始食，食到11：00點走，食一餐韓烤兩個鐘頭多啲都差唔多啦，而你哋公司營業時間係寫去到23：30，之後我哋一班朋友就喺街上傾多一陣計，之後行去地鐵站期間，我身邊有把男人聲經過講咗句（麻X煩， 阻X住曬收工）我見佢背影就好似頭先間韓烤店個男侍應，再行快兩步追前落地鐵望埋佢正面，係佢啦！ 衣著，( 灰藍色衛衣 +牛仔褲)，我地又冇過你營業時間走，放咗工就可以咁呀？你咁樣點做生意呀？我唔係第一次幫襯你地，以前服務尚算正常，但經過今次，以後都唔會幫襯你哋！勁嬲勁嬲勁嬲.........

第一次到這裡，喺一次買了優惠券後，誤以為是這間，坐下後招呼很好，但其後發現我去錯地方，他們沒有收我任何費用便離開。今次專誠嚟食，環境很好，啲嘢又好食，今次真係無嚟錯服務又好，時常添加配菜及生菜，我家人食得很開心，還有OpenRice有八折，抵食，食得開心

最鐘意食牛，有濃郁的牛香，前菜不停為你加添『只要你能吃』。石鍋飯我每次來都會點選，有辣醬給你自己撈，記得要放多一些撈渾來食，就超好味。服務員的友善超乎也值得一讚。

記得當初韓流剛襲港的時候，Mr.Korean都算是第一間初來報道而且幾受歡迎的韓國BBQ餐廳，當時基本上如果你沒有訂座，你能在晚飯時間吃到這間餐廳的機會率相當輕微，隨着時間慢慢的過去韓國料理燒烤餐廳越來越多的情況下，特別在尖沙咀韓國街，Mr. Korean 這間餐廳的食客少了很多，見很久沒有到這間餐廳光顧，所以難得放假特意來一試，剛到的時候確實有點驚訝因為食客大不如前只有幾台，所以很容易就找到位置，餐廳還能保持着大部份用韓國遠攻來服務的準則生菜還能保持非常新鮮的水準牛肉拼盤水準不錯最後來到這間餐廳每次都會選擇叫的seafood pancake可能有很多食客已經忘記咗這間餐廳，希望這個食評能喚起忘記這間餐廳的客人

成日㴝幫襯的，最好味係五花腩，海鮮就普通，冇驚喜，而家多左好韓式料理，豬手，湯，炒粉絲，海鮮餅等，咩都有，最緊要價錢實惠，前菜有得免費添加！次次都會叫牛角拌飯食，好味！服務很好，環境很韓式