MOO MOO

營業中

休息中

Burger 控的我 🍔知道附近開左新burger 店 😀即刻lunch time約同事食！去到地方其實好細 坐得有小小迫 不過吾緊要。主角是食burger,我地5個人 叫左5個set 太肚餓一個set係一個burger 加薯條 飲品。我地就叫左一個classic moo,一個係世界盃限定黑松露burger ,3個tropical moo . 跟肉汁芝士薯條，芝士肉醬薯條，原味薯條，另加洋蔥圈。芝士肉醬薯條 D肉醬多到！classic moo 果真冇得輸 入面有手打安格斯牛 番茄 洋蔥 芝士生菜 moo汁 好juicy 牛肉好好食！

漢堡包店，今季特別有兩款精選，德國豬手漢堡、以及日式牛肉漢堡。其他漢堡包，都係60幾蚊以内價錢，漢堡包店來說，真係抵到爆😋。日式牛肉漢堡🎌🍔（$58）我點的日式牛肉堡，加入了大啡菇，予以一份蔬菜的食感，平衡整個包品的味道。首先麵包，已經值得讚賞。麵包，有馮鬆嘅感覺、有完美嘅弧度，且中間烤過香脆可口，再沾上適量牛肉的油汁。略甜的日式醬油，及半溶解的芝士，淋上多汁漢堡牛肉。牛肉夠香烤肉味，上邊仲有柴魚片，增加味道層次。咬落去，牛肉汁、日式醬油、同埋芝士會bit出嚟💦! Mac & Cheese 🧀 去過美國英國嘅朋友，都唔會對呢個食物陌生，其實就係通心粉加入芝士，炸過之後嘅一個邪惡小食。😁方便一班朋友，一路飲野一路傾計食蜜桃梳打🍑鍾意飲甜野嘅，應該都唔會陌生😼每次有得睇波嘅期間有唔少客人，因此所以記得預約定位了🍔🥤😎

終於嚟到Happy Friday, 同事係Facebook見到期間限定嘅burger就提議我哋去呢間度食。入到入面發覺位置比較少，坐室外食，但好彩咁啱有一枱客人食完，我地就即刻入去坐，枱較矮而凳比較高，食嘅時候要彎住腰，所以有點辛苦。睇餐牌嘅時候先發現原來期間限定要過多幾日先有，不過唔緊要啦。同事叫咗菇菇堡、滋味雞堡，都覺得餡料唔足夠，包唔夠挺身。而如果想食薯條同飲野嘅話，就必須加$14，有Cream Soda/ Lemon Tea...薯條比較粗，都幾好味，整體包都還可以，不過不失

搵地方睇波真係好困難，又想食嘢嘅話又有氣氛，通常都會去中環、尖沙咀、太子酒吧。但係嗰啲地方通常都太過嘈吵、污煙漳氣。所以今日英格蘭對瑞典，專登訂咗一家靚靚囝囝漢堡包店。之後，應該會係睇⚽️好地方！食煙嘅朋友，可以選擇出邊企位，而且老闆好似有水煙供應🚬。經典之堡🍔 The Classic Moo ($58)餐廳所有漢堡包非常細心製作，食材講究。今日就選咗經典牛肉漢堡。大大份美國進口牛肉排🇺🇸🥩，手打成厚厚的漢堡，燒烤之後被半溶的芝士緊緊包裹著，豐厚滋味。肉汁量豐盈，而且因為採用新鮮牛肉，絕對冇渣以及過多的脂肪。整體非常不錯，且只需$58，其實抵過好多漢堡包店或者餐廳多多聲！薯條🍟（$22）四四方方，炸到金黃色嘅薯條，非常香脆雲呢拿奶昔🥤（$32）冰凍奶昔，加入了忌廉，味道份外有層次。另外，餐廳每人消費＄80以上，就可以自己帶酒精飲品入嚟！差唔多開波了，小女飲支啤酒先🍻😆

係巧明街，鴻圖中心旁邊有一條平時經過都唔會留意既巷子，不過相信呢條巷將來會變成我成日去既地方，原因係一間漢堡店店舖面積唔算好大，客人之間會坐得比較親密，不過我覺得係一個優勢，臨尾解釋原因室外都設有小量坐位，提供呼吸人士使用，同時餐廳都有水煙提供講返食物首先Order左一個<The Classic Moo> 加一塊煙肉漢堡必須是啖啖肉。Moo 最特別係有一個MooMoo醬，係用一D煙肉煮洋蔥，味道很好。肉始終係漢堡既靈魂，漢堡扒口感同味道好出眾老闆話係每日由大廚用8成瘦2成肥既比例手打出來，難怪咁好食包底亦都煎過，脆脆的，少少心思已經令到整體水平提升芝士肉醬薯條，一個非常非常簡單既配搭，但極之好食，肉醬同芝士既份量多到瘋狂熱辣辣既粗薯條上面舖左半溶芝士，之後再加大量肉醬，如何忍口，肥就肥啦肉醬入面有D蕃茄粒，酸酸甜甜差唔多食晒薯條，仲有咁多芝士肉醬。本身我自己Order左一杯雲呢嗱奶昔，不過老闆提議不如試一試香蕉奶昔，咁我就轉左了老闆介紹得，果然係好野，用左一條蕉去打一杯奶昔，蕉味勁濃奶昔唔係預計中既幼滑，有一D類似沙冰既微粒，原來係用雪糕直接打的，好邪惡消滅所有食物後先

同住係觀塘嘅朋友成日交換飲食情報，佢提議我有日如果返工好累，就去呢間BURGER店食返個又抵又好味嘅comfort meal先返屋企，慰勞一下自己的確~ 食完好舒服因為呢間野無平時食果D咁油膩~ 食得出係用心嘅製作1) The Classic Moo $58都大個~ 但總算一啖可以咬到80%，咁先好味飽好軟熟~ 微微烘過裡面，暖暖地、又香漢堡扒牛味濃郁，不愧為優質安格斯牛肉番茄+芝士+生菜+Moo Moo汁 = 好好味Moo Moo汁係有DD蒜味嘅mayo~ 個飽好夠醬2) The Tropical Moo $63比Classic再大個D成件事好豐富! 濕潤! 菠蘿同煙肉好夾~千島醬都好襯~ Niceeeee3) Bolognese Fries $38好抵食~ 份量十足之餘肉醬同芝士醬都好generous薯條炸得夠透，有脆邊Drinks 試左杯Apple & Mint Soda $28 OK 啦~ 多D薄荷可能會再fresh DGinger Ale $10

我係澱粉質怪，最愛漢堡薯條芝士意粉pizza，今日lunch就黎試新野。呢間舖有兩邊入口，一邊經商場，一邊係巷口。巷仔入口有露天位，好天時坐喺到食住漢堡飲住梳打吹下水唔錯。講返食物，主打漢堡薯條肥仔餐，餡料有牛、雞、豬同菇可選。適逢世界盃仲有多款小食，有我最愛嘅芝士通心粉！事不宜遲，點左個the Classic moo, 加芝士肉醬薯條同蜜桃冰茶，點完嗰下已開始好滿足。開放式廚房，一路等一路傳來煎漢堡扒香！出場，一人份午餐。經典漢堡$58，包面外脆內軟，手打牛肉漢堡扒好多汁，加埋半溶芝士、蕃茄生菜，一口咬落去熱辣辣，正。$38，芝士味好濃，加埋肉醬同新鮮熱辣粗扁薯條，食上癮。另份量都幾多，最後食唔晒。

適逢剛剛是四年一度世界盃，<為食小肥兔>都變了忽然球迷朋友介紹下知道觀塘有間漢堡專門小店，無論上至老闆，下至員工都超熱愛足球⚽⚽⚽小店位於巧明街，有室內座位外還有室外位置，亦設有足球直播，方便球迷朋友呼吸🚬🚬🚬室外位置亦可以吸食水煙，無球賽時亦可以到外面談天。🌬🌬🌬店主真係好熱愛足球，連大力神盃都係巴西拎左來舖頭（誤）講返食物先，始終睇波都要醫肚除了有漢堡外，還有沙律適合我們這些愛美的女仕另外還有串燒，依樣又真係估佢唔到<蜜桃冰茶>淡淡的茶香帶著蜜桃的香甜味，冰量不多，爽<鰻魚之堡>吃漢堡不等如一定啖啖肉，今週的special是鰻魚，超大塊喔除了有鰻魚外，還有大片芝士，新鮮生菜，蕃茄🍅和神袐醬汁鬆軟的麵包烘過一邊後不會咁易整到淋晒，依然可以感受到鰻魚的肥美和香滑<煙肉大芝菇>原條煙肉煎到脆卜卜咁放上來，仲要有芝士，使唔使咁邪惡先？大啡菇雖然唔係超級厚，但勝在肉質夠實在，正好平衡返芝士同煙肉嘅油膩感。食食下先發現原來店主係張墊枱紙上都有花過心思，係啲輕鬆小笑話，當中有幾個的確可以引到我笑。（店主話原來仲有英文版，外籍人士嚟到

Moo Moo 位於觀塘工廠區的鴻圖中心。鴻圖中心是一座很成功的活化工廠，集食肆、辦公室和品酒中心於一身，天台仲改裝成室中花園添！除左普通收銀機之外，Moo Moo亦都有自助點餐機，方便在繁忙時間疏導人流，唔錯！正值世界盃，仲有得喺度睇埋波添！小店真係對上班一族照顧周到。第一次黎，Order咗經典Burger，薯條，同埋加個沙律試試。食物即叫即做，等咗10分鐘左右就有得食喇。燒豬頸肉沙律 $48豬頸肉燒得夠香口，蔬菜新鮮，沙律入面仲有少少面包粒，提升口感之餘，配Caesar Dressing一流呀！薯條 跟餐＋$14每一條都炸得均勻香脆，係食Burger嘅最佳配搭。經典之堡 $58黎到主角經典之堡，個Burger差唔多成罐汽水咁高！濃郁嘅Moo Moo醬汁包裹著厚厚的漢堡，漢堡肉也有輕輕的調味過，非常惹味！下面的蔬菜也夠嫩口清新，仲有兩大塊蕃茄扒添！麵包鬆軟，肉汁爆滿，配菜新鮮，三者配合起來，肥而不膩！雖然張紙比較薄，透晒底攪到我成手都係汁，但感覺也很正！Moo Moo的價錢對比質素的確實惠。聽店員講，Moo Moo晚市仲有得Order水煙，可以放工過黎「呼吸」一下咁話！希望佢可以盡快

朋友給我推薦這個地方，說有提供手打牛肉漢堡, 也讓我很有興趣來試試。店子就在觀塘的巧明街，晚上來到，店子舖面不大, 除了漢堡，還有小吃及沙律。飲品要了檸檬特飲，飲落酸酸甜甜又解渴, 配漢堡包都幾爽！就要了個經典之堡, 看配料，都是最基本的牛肉、芝士、洋蔥、生菜、蕃茄等等,其賣相又真的非常吸引，較特別是用了手打安格斯牛肉。不客氣的一口咬下，芝士及牛肉無論在味道及口感上都配搭得很好，牛肉吃起來鬆軟而且肉味足, 好吃, 蕃茄及生菜可以減低牛肉的膩滯感, 麵包本身也烘得微脆，值得推介。

工作需要嚟到觀塘工廠區搵食，附近唔算太多餐廳，似乎主要都係港式餐廳為主，而偶然都會有幾間環境幾靚嘅新餐廳。正值世界盃狂熱的季節，這間餐廳正好吸引了我的眼球。老闆介紹，原來佢哋餐廳會不定期推出一啲特色漢堡，例如係麻辣牛肉堡，鍾意試新野嘅話，都係唔錯嘅選擇。不過識食肯定係食classic，叫咗一個經典之堡，再加一個邪惡嘅芝士肉醬薯條，同埋更邪惡嘅chocolate shake $58嘅漢堡，大約係中等價位，份量都幾大。一望就知道好足料，漢堡包嘅麵包咬落鬆軟，麵包嘅內層用有鹽牛油煎過，食落特別香口。咬開仲見到麵包邊沾滿牛油， 煎到微微金黃色。漢堡用嘅牛肉係安格斯牛肉，牛肉厚身夠鬆，差唔多有2cm。熟成度啱啱好，能夠鎖住肉汁，非常juicy。牛肉調味剛剛好，其他醬汁唔會喧賓奪主蓋過咗牛肉嘅鮮味。洋蔥同埋牛肉向來都係絕配，焦糖化嘅洋蔥同醬汁二合為一，食落只有洋蔥味，而唔會太有洋蔥嘅口感。番茄同生菜亦都相當新鮮。如果鍾意加多啲配料嘅話， ＄8可以有煙肉或者芝士，亦都可以加＄28要多啲牛肉。$38 芝士肉醬薯條亦都好出色，芝士肉醬份量好多，食到底都唔會唔夠醬汁。薯條炸得啱啱好，唔會太炸太乾太油。調味

係觀塘，想有個地方happy hour，都唔係容易。收左工，從來都係離開觀塘。終於有個地方可以睇波飲番杯啦！呢間前身係間車仔麵，之前偶然機會行過，見到轉左呢間食漢堡，約到朋友黎食啦。座位大概30個度，廚房位有啲世界盃嘅裝飾，亦係開揚，睇到廚房發生緊咩事。真心希望係決賽前出得切呢篇文，希望觀塘區嘅可以黎呢度睇波，氣氛應該都唔差，而且小食都好吸引，好想試mac & cheese🤤開始lunch多人，坐係高櫈位都幾好，見到有啲人都6、7個黎，要早啲過黎先有位。叫咗呢個the sexy chick，雞堡是也。佢個包係烘過，雞堡好厚，雞皮都有一齊放（我自己就抽走咗）。一大啖食好豐富，有蔬菜嘅鮮味，汁都可以，呢個burger唔好睇少佢，都幾飽㗎。肉汁芝士薯條，真係要趁熱食，凍左無咁好味，汁係夠嘅。叫埋杯peach soda，正呀！好爽！

At the moment, everyone is looking for a spot to watch the world cup.Luckily I found out about this new joint as my friend works at the AIA building round the corner.Before the crowd came, my mission was to try their burgers as food is my priority!!!I simply love the decor because you can notice it when you come round the corner from How Ming Street.You will see this neon green logo of a burger on top of a milkshake.If you come through the other door, you will see a sign pointing you to the left