MOO MOO

營業中

休息中

雖然店面細，但環境舒服，走得時候發現有戶外地方，外面像酒吧，裡面裝修以海洋為主題，像cafe，與朋友來聊天食飯感到很悠閒。朋友點了燒豬頸肉沙律，配凱撒沙津醬，吃了一口豬頸肉，味道很有驚喜，肉質爽口，咬一口油脂流出來的感覺令人非常滿足，因為是薄切，所以不會覺得一口太肥膩 ，沙律醬有點芝士味，不會太酸，屬於light一點的醬汁。沙律菜配豬頸肉剛好中和了油膩感。我點了菇菇堡，即叫即做，材料好多，一口不能咬到所有材料，大啡菇烤得剛口，保留爽口感，而且很多汁，菇汁多到會流出來，吃時要小心點。上下的麵包塗了牛油又烘熱過，用心製作。飲品點了蜜桃冰茶和檸檬特飲，杯身比想像中大，蜜桃味很香，不會太甜。檸檬特飲加了汽水，朋友說好喝。

今日約左朋友係鴻圖道等，見到有間有賣我最中意食嘅burger，所以就試下喇！熱帶之堡有安格斯牛肉、芝士、菠蘿、番茄、生菜、千島醬。漢堡包的整體餡料配搭都十分充足，安格斯牛肉好大塊，肉質嫩，菠蘿好鮮甜多汁，加上千島醬，味道非常好。朋友叫左個經典之堡，有安格斯牛肉、芝士、番茄、生菜、MooMoo汁。下次試下依個先！芝士肉醬薯條粗身的薯條配搭芝士肉醬，味道豐富多重，口感一流。肉汁芝士薯條個肉汁夠濃，仲有芝士香，絕配！洋蔥圈好香脆，洋蔥炸得非常惹味香口！蘋果薄荷味道清新，有d蘋果香味，加埋檸檬片，清涼解渴，好好飲！有自助落單機！

其實有一次經過見到就已經好想試，趁個frd嚟緊要剝牙，就同佢食佢好鍾意食嘅burgers，今餐絕對冇令佢失望呀！我地叫咗四樣嘢食，分別係兩個burgers同兩個小食。我哋order咗個主menu入面嘅滋味雞堡同每週之堡嘅白菌之堡。個雞堡嘅汁傾向酸酸地嘅辣，喺出面嘅burger店好似冇食過呢個汁。佢有少少似沙律醬嘅質地，但又唔會好似沙律醬咁膩，我個frd好欣賞。而我就好鍾意呢個白菌之堡啦。原因有二：1. 啲菇嘅份量絕對唔少2. 個牛真係好juicy所以我下次係要試返佢個經典之堡同菇菇堡，因為我相信佢個牛肉做主角都會處理得好好，同埋好想試下佢個大啡菇。同埋，一定要讚下個包嘅處理，佢係有一層薄薄地嘅牛油，所以食落去有啲牛油香而仲要係個包底係脆脆地嘅，一流！再講埋小食，我哋叫咗洋蔥圈同肉汁芝士薯條。芝士薯條嘅芝士份量絕對唔欺場，而不得不讚嘅係洋蔥圈！因為真係炸得好，完全唔厚粉。正！好少食到咁好嘅洋蔥圈。👍🏼整體而言都好食，更重要係：性價比高。

平時其實唔係好鐘意食BURGER, 今日放工同男朋友兩個去左觀塘,行行下見到一間好似以前係美國街邊會見到既個種BURGER 店, 就被吸引住左XD 成間餐廳都好有美國快餐個種感覺, 特別係個燈牌,HAHA食物種類選擇都唔少, 我就簡左CLASSIC 同TROPICAL MOO, CLASSIC 係安格斯牛肉, 應該係最基本款既。BURGER價錢唔貴,黎到見到係超級大既包,HAHAHA 開始有D擔心,因為我地仲叫左肉醬薯條﹑洋蔥圈同埋大啡菇。比起坊間一D大型連鎖店, 喱到既BURGER價值平之餘仲好足料, 裡面既肉係好厚好大塊, 同埋咬落去肉料好豐富! 超級香牛肉味。男朋友叫既TROPICAL MOO, CLASSIC裡面夾了一塊菠蘿,本來都好抗拒BURGER入面有水果, 但係試完一啖發現味道出奇地夾, 唔單止唔奇怪,反而可以平衡肉既油膩感, 喱個比較特別, 有機會可以一試。其餘既薯條同洋蔥圈份量唔細,所以今次兩個人食都有D食唔哂。味道唔錯,可以一試。大啡菇上夾有芝士和煙肉,有陣孜然味的味道, 喜歡的人可以叫了。

週末嚟到觀塘附近，見呢頭有新開嘅餐廳就嚟試下啦~(≧▽≦)/~ 餐廳係牛頭角個邊，要行一段路仔先到ge. 有幾款主打漢堡、salad, snacks and drinks咁😺🙆🏻‍♂️ 我地就決定一試Chicken burger 🙇🏻‍♀️🙇🏻‍♀️50幾蚊有咁大個漢堡好抵！而且雞肉非常嫩滑，而食咬落好腍，帶有小小Baked嘅香味，配埋鬆軟嘅麵包食口感一流🤤🤤 另外點左個豬頸肉salad🐽🐽 豬頸肉燒得好香，外皮酥脆可口，肉質軟軟的，配上柚子醋食冇咁油膩！沙律菜亦好多，又爽口⭐️⭐️ 飲品要左banana milkshake ^^ 好重香蕉同奶味，真材實料打出嚟！30幾蚊就有，一定要嗌！🐿🐿

星期六嚟到觀塘做gym~之後嚟到位於鴻圖中心嘅moo moo食個quick dinner🤤🤤🤤 因為比較早，所以未有太多人客，不過到左6半左右就開始多人嚕(^^) Moomoo主打burger, salads 呢d美式野，過左6點仲有串燒食！實在係同朋友一齊吹水嘅好地方⭐️ 我地就叫左個classic burger🤗 burger既叫既整，個牛肉好juicy 又厚身！口感好豐富，仲有好多芝士、生菜、bacon等配料😉 值得一提係個bun非常鬆軟，一d都唔hea🍿60幾蚊就可以食到一流嘅漢堡真係好抵！另外點左個fried onion ring($38)👬👬份量好多，一定要share食先得😀 炸得香口又唔太油💪🏻💪🏻 餐廳更有weekly special burger, 可以下次再嚟食下呀！

星期六去左舊公司附近拎野，行過見到有新鋪，又差唔多食lunch，就入左去試下餐廳外牆幾得意每周都有限定burger推出依到都有自助點餐機朋友叫嘅熱帶之堡 (入面有安格斯牛肉、芝士、菠蘿、番茄、生菜、千島醬)經典之堡(入面有安格斯牛肉、芝士、番茄、生菜、MooMoo汁)好好味，肉厚多汁，生菜蕃茄新鮮爽口，MooMoo汁幾香唔錯芝士肉醬薯條肉醬唔膩，芝士夠香，加上脆卜卜嘅薯條，唔使茄汁已經好惹味肉汁芝士薯條肉汁同芝士加埋一齊好香洋蔥圈外層嘅麵粉唔厚，入面嘅洋蔥爽脆可口，再配上茄醬，味道非常好蘋果薄荷，口感好清涼，薄荷味好香，再加埋檸檬，好飲

Happy Friday! 我要食Burger! 我最中意有菠蘿嘅burger架喇！試下先！餐廳裝潢令人好relax、自在！好中意佢呢幅畫Combo Lunch Set幾抵噃！有得加薯條同飲品！我地叫咗<經典之堡>同<熱帶之堡>，加咗<芝士肉醬薯條>同<肉汁芝士薯條>推介<熱帶之堡>!漢堡包平面嗰面烤得好脆好香口，個包有好多配料！有烤菠蘿、煙肉、安格斯牛肉、芝士、蕃茄、生菜，重點係個醬，係千島醬！好juicy好開胃，菠蘿烤得好香甜，啖啖都好幸福<芝士肉醬薯條>超邪惡呀，好多肉醬同芝士，多到食哂d薯條仲有醬架！好正！<肉汁芝士薯條>有少少黑椒，黑椒加芝士個味道好夾！總括黎講，呢度d burger 性價比高！推介<熱帶之堡>!

睇到有報道話呢間鋪主打手工漢堡，於是特地趁fd約喺觀塘吃飯，向佢地推介去試下小店嘅漢堡飽，朋友仔亦都一致贊同😆話就話觀塘，其實間小店喺近牛頭角地鐵站多啲，跟住指示都算易搵，當日嚟到成間店差唔多坐full, 另外仲有幾枱喺室外位，不過無朋友要吹煙，當然搵有冷氣喇xd報道話每兩個星期會轉換下啲飽款，我見佢地門外promote 有松露漢堡同豬手漢堡，無咩點睇過餐牌之下就叫咗豬手漢堡（好似65蚊），落單後待應即整，所以嚟到好夠熱，食落一流，肉有少少煎過下，肉身都好嫰口，醬汁配搭得唔錯同夠多，麵包算鬆軟，吃完好滿足另外吃漢堡當然唔少得薯條同埋洋蔥圈😍😍😍，肉醬薯條分量，肉醬夠多加埋芝士一流，洋蔥圈方面炸粉唔算多，無做到個炸圈同洋蔥好易分開，同埋亦唔太油膩，值得一試👍🏻👍🏻

一直lunchtime都會經過呢間漢堡，今日終於黎試啦 見佢鋪頭細細 但係都唔會太迫睇下個meun都有幾款漢堡同套餐我就選擇左經典之堡配芝士肉醬薯條睇落係幾好食o既，但係就真係講唔上係熱辣辣，只可以講係微暖，唔好熱到辣口。漢堡個汁就偏咸同埋有蒜蓉，整體比較重味，不過牛肉係足料的。而薯條個味就不過不失都係果句只係微暖同埋唔係脆卜卜的，但係芝士味濃，肉醬味都ok不過不失禁。我只能夠講希望下次再有機會食o既時候會係夠熱d la~

尋日約jor個朋友仔食lunch，佢o係觀塘返工，話帶我食好o野ar!!!moo moo位於鴻圖中心，由apm行過去都唔算遠ga，朋友仔介紹，信得過ar。Mainly有4款burger，仲有d salad，薯條etc..都好吸引lei。夜晚ge時候，仲有串燒食tim，食物種類都幾多元化。餐廳唔算好大，但竟然有個自助點餐機，好update ar。同朋友仔決定好一人點一個burger，我就點jor the classic moo。個包好軟熟，即叫即製，麵包揸jor d牛油再烘香，好好味ar。牛肉漢堡唔乾，好juicy，而且加埋d醬汁同salad菜，唔會太heavy!!!朋友仔ge the tropical moo，有原片菠蘿，very good ar，好有夏威夷feel，菠蘿酸酸地，好開胃。朋友仔話佢塊牛肉漢堡都好juicy，yummy!!!Lunch set加$28就有肉醬cheese fries，薯條好crispy，單食已經夠味道，加上肉醬同cheese，食完令人有罪惡感，但真係好好食，忍唔到口ar!!!份量都幾多，差d食唔哂!!!Burger即點即製，好有heart，觀塘ge朋友lu

觀塘真係好多好多嘢食，想食漢堡包又唔一定要去連鎖店買嘅( ･᷄ὢ･᷅ )，每一間都有佢嘅特色，今次我就嚟咗觀塘既工廠區附近食呢一間漢堡包！我係俾佢嘅餐牌吸引住，價錢又唔貴但睇落好正，所以就入咗去坐低食啦，估唔到依度都可以自助點餐，真係好方便！我嗌左個熱帶之堡，飲朱古力奶昔，見到個包嗰陣時真係嚇親(´▽｀)估唔到係比我想像中大，開頭仲擔心食唔晒，始終呢啲都係肥膩野，但係有個菠蘿喺度食完一啖又一啖一啲肥膩感都冇⁄(⁄ ⁄ ⁄ω⁄ ⁄ ⁄)⁄，佢入邊嘅安格斯牛肉口感好豐富，保持到肉汁之餘仲好好食，我好欣賞佢嘅包，佢應該有用牛油煎過下，包做到外軟內脆，真係好特別！佢嘅芝士一啲都唔少，份量啱啱好，好適合芝士控嘅朋友！佢嘅朱古力奶昔真係有好濃嘅朱古力味，完全唔知連鎖店淡茂茂既味道，飲落去你會飲到好rich既感覺，飲得出有朱古力同奶嘅配搭，而唔係朱古力粉溝水既感覺！

觀塘越來越多特色嘅餐廳有樓上鋪去到茶餐廳以致而家連經典嘅漢堡包店都有，咁真係值得一試咁今次就嚟咗觀塘鴻圖道呢一個好繁忙嘅商業地帶度食午餐咁驟眼睇以為呢一間漢堡包店係好高級同埋會好貴點不知一睇餐牌原來都係平民嘅價錢但係已經可以食到幾高級嘅漢堡包分分鐘仲平過食Burger Kxxx淨係呢一點都已經吸引左我入去咁今次就嗌咗幾樣嘢食包括最經典嘅牛肉漢堡同埋兩款薯條包括芝士肉質雪條同埋肉醬芝士薯條咁首先講吓個漢堡包一食落口已經充滿着香味生菜同蕃茄都係新鮮切所以特別多汁主角牛肉漢堡佢就食到一半就會知道佢只係大約係八成熟呢啲係平時一般漢堡店都未必做得到嘅嘢因為全屬嘅話啲肉會好眼同埋好乾但係呢一度整到嘅就係保留着中間嘅肉汁之後薯條嗰啲我個人推介肉醬芝士薯條首先啲芝士汁同埋肉醬係完全覆蓋着薯條所以絕對唔怕食食吓會食到一條好乾身冇汁嘅薯條再加上全部野都係新鮮製造雖然要等但係個味道話你知你係值得等嘅所以整體來講真係唔錯仲要係二一夾一個幾合理嘅價錢就食到值得推介

鴻圖中心位置有啲吊腳，但呢度開咗好多唔同嘅特色餐廳，一日去食一間的話，起碼一個星期都唔會重覆。今日一行到入去就見到賣漢堡包嘅MOO MOO，所以就入咗去。餐廳運作同快餐店近似，先點餐、付款，再等叫號碼拎食物 。比較特別嘅係點餐可以經人手，即係傳統方法，亦都可以用電子形式，適隨尊便。餐牌兩版紙，一目了然，可以散叫，亦可以揀套餐，主要係小食同飲品可以優惠價加購。今日試咗個齋漢堡菇菇堡，入面唔係用肉扒，而係用大啡菇做賣點。如果本身係鍾意食菇菌類嘅話，應該會幾喜歡呢個漢堡，因為大啡菇特有嘅香味係非常吸引。醬汁係芝麻醬，有少少甜，幾有特色。加埋好充足嘅蔬菜同大大塊芝士，食完個包都已經覺得幾夠。薯條揀咗芝士肉醬，份量好足，無論係薯條、芝士、肉醬，三者都係。 薯條新鮮炸起，好熱好脆，一定要趁熱食；唯一可惜係味道鹹咗少少。飲品揀特飲蘋果薄荷，味道清新，好適合夏天飲，而且同樣夠大杯，足夠止渴。托盤紙好特別，可以笑下輕鬆下。

老公是burger 迷！我早已陪他食匀港九新界嘅burger 店，今次嚟到牛頭角，事關友人响呢頭返工，發現一間巷弄小店，大家聚腳不妨一試！店面唔大，但佈置幾舒適，枱細細，三五知己圍埋傾偈，出奇親密！每個order 即叫即整，open kitchen飄出陣陣香味，令人食慾大增價錢親民，款式唔欺場都精心研究一輪先決定到芝士肉醬配薯條唔會錯，欣賞薯條炸得外脆内軟，肉醬也很香濃，食到停唔到口洋葱圈又係令人食唔停口！炸粉好薄，食入口一啲都唔腻！！tropical moo 内有一菠蘿片，老公話同响另一burger 店最愛叫嘅signature burger 好像，但呢度價錢平三分一，而且味道更濃郁！我叫嘅sexy chick burger，雞肉微辣，煎得皮脆肉嫩，好juicy love it 總結呢度係一間親民，性價比極高嘅小店，值得多來支持