MOO MOO

營業中

休息中

再訪觀塘嘅Moo Moo，估唔到依舊咁多人。🐔咸蛋黃雞堡 $69雞扒好大塊，外皮香脆，雞肉充滿肉汁。漢堡包裏面搽上大量咸蛋黃醬，非常慷慨。🍟薯條汽水（加配價$14）薯條非常大碟， 好抵食。可惜呢一次熱度唔係好充足，食落唔夠香脆。🍄菇菇堡 $59素食者健康之選，大啡菇厚身多汁，配上生菜、蕃茄，食落十分之清新，但有冇咩草青味。健康得嚟唔會令人覺得抗拒。🐔泰檸雞鎚 $40雞鎚表面有薄薄嘅炸粉，鎖住肉汁。冇諗過炸雞同千島醬咁夾。

肺炎疫情未見好轉，但又唔可能完全唔出外活動，想同朋友嘈聚下，就唯有去d近近地的同朋友食野見下面之前覺得moo moo呢度幾好。。近得來又可静静地傾下計。唔駛好像mk / tst果d咁多人 本身今次想試牛扒的，但今日冇貨就叫返招牌的經典漢堡﹑肉醬芝士薯條同埋凱撒雞扒沙律其實價錢真係一d都唔貴，係外面食一個burger基本上100 蚊未包野飲同小食而家我地兩個叫2 個burger加埋薯條同沙律 可樂都只係2百蚊多d

今日跟友人經過觀塘，想食漢堡，找到了MOO MOO burgerMOO MOO是一間西式快餐店設計都以英倫風格為主，古典既紅色磚牆，有室內室外座位，營造輕鬆的氣氛，三五知已坐埋一齊飲下啤酒，食下漢堡薯條，好寫意~餐廳都好貼心，有部分枱更提供電制位供食客充電。餐廳主打多口味既漢堡，有好多款漢堡比客人選擇~今次我們各選漢堡，薯條及特色飲品經典之堡是餐廳推薦，食落好味，優質牛肉配清新蕃茄菜，加上開胃沙律醬，加埋一齊好多汁。鹹蛋黃雞堡友人覺得這款漢堡好特別，很少餐廳會有鹹蛋口味的漢堡，所以就即刻試下，食落鹹蛋黃醬好濃郁，但由於雞肉本身都咸咸地，混合一起偏咸，不過如果鍾意食咸蛋黃的話，都不妨一試。芝士肉醬薯條L 跟友人都好鍾意這個薯條，芝士同肉醬都好足料，粗身薯條質感好好，咸得黎又剛剛好，令人想一吃再吃。馬爾代夫之海風為餐廳推介的特飲，啖啖的菠蘿粒加上梳打，味道好清新，不錯。食物都是新鮮即製，所以取餐時間會較長，需耐心等候。但氣氛環境都好好，感覺好放鬆，傾計就最合適。

今日去了觀塘！食burger 😝😝找朋友放工一齊去！去的地方都算容易找！一入去有好多不同的食店！左手邊見到一間小小的店面！有點像美國小食店！我們點了一個菠蘿牛肉漢堡上面的包面鬆軟，牛肉肉味濃郁菠蘿酸酸甜甜和牛肉好配！👍🏻👍🏻一個蘑菇牛肉漢堡材料足分量，肉好香濃！炸魷魚鬚炸粉一點都不厚！鬆脆鮮甜！總結味道不錯不用如果包配薯條就勁好！價錢合理環境地方有點小！不過可以坐出面餐廳的座位！因為客人不多！

因為政府不停放人係疫症源頭入境，令香港人連工都唔敢返（當然我相信總有一班訴求係返嘅人會用盡方法返工），所以九龍東商業重鎮人流大為減少，令呢間往日人來人往的burger shop 唔使點排隊。點咗幾樣野食1. 熱帶之堡有優質安格斯牛肉，芝士，菠蘿，生菜，番茄，千島醬。新鮮整起，熱辣辣又juicy, 加上塊菠蘿又多汁，味道配搭不錯，個包亦唔會乾。2. 水牛城辣雞槌雞槌夠熱，上碟時亦令客人容易拎起，水牛城醬汁鹹中帶辣，味道濃郁，但唔啱我，食完要係咁飲水！3. 燒豬頸肉沙律，有三款醬汁可選，分別係柚子醋、凱薩沙拉醬，同今次揀咗嘅千島醬。沙律有燒豬頸肉、羅馬生菜、紅毛菜、九芽菜，同兩大片蕃茄。味道還好，但切記撈均。豬頸肉微脆，配上沙律十分適合。

🍟🍔🧀嘻嘻😁 呢幾日都偷偷地去咗食好野😍平時返工已經成日周圍搵野食㗎啦✌🏻正職兼職一齊返，壓力幾大㗎😆梗係食得好啲🤩 work同life balance返嘛👏🏻*前幾日去左個幾chill既地方😎喺觀塘既呢間Moo Moo🍔餐廳格局幾有情調🎶又夠大幾優雅同繁華既觀塘工廠區比較，風韻又好似截然不同☺️收左工黎chill下真係幾正😏超適合同朋友傾下計吹下水👏🏻*Moo Moo主打漢堡✌🏻我咁愛菠蘿同千島醬🍍梗係叫熱帶之堡啦🍔朋友叫咗經典之堡🥯配埋芝士肉醬同肉汁芝士薯條🍟加汽水🥤感覺超級豐富der😍*一上枱，已經香噴噴啦🤤安格斯牛肉既肉汁都流哂岀黎，好正呢💛本身以為我既熱帶之堡會好流點知夾住菠蘿食，中和返口感😋菠蘿連生菜蕃茄食感覺好清新🍃煙肉同牛肉兩種唔同口感，夾住千島醬食落好有層次感之餘😝食到我停唔到口🤓 好滋味呀🤪*至於經典之堡🍔我朋友幾淡就食哂啦🤣Moo Moo汁好特別😋同牛肉味道好夾👍🏻*我覺得芝士肉醬薯條比肉汁芝士好食👍🏻薯條新鮮炸，熱辣辣，連芝士都拉到絲🧀簡直係味蕾享受😋*收工想chill下👉🏻又多個選擇啦✌🏻

喺觀塘見完客，同事帶咗我去巧明街食野，呢度真係好多美食選擇。見到moo moo 個招牌名字相當特別，將我哋吸引咗去！餐廳裝修 簡潔時尚美式風格，分戶外和室內座位，有大電視直播足球賽事，晚上可以三五知己，飲啤酒睇球賽。食物主打漢堡包、薯條、雞翼和奶昔。 開放式廚房 可以見到漢堡扒即叫即煎， 傳出陣陣肉香，真係令人流曬口水！美式之堡招牌之作，安格斯牛肉、車打芝士、新鮮 生菜、番茄和煙肉。麵包用牛油烤焗外軟內脆。安格斯牛肉漢堡扒，厚身嫩滑多汁，牛味濃沃有口感。 個人覺得食牛肉漢堡一定要配煙肉，有香脆油脂甘香感覺，加上新鮮生菜番茄，去膩清爽口腔！芝士肉醬薯條套餐加28蚊有芝士肉醬薯條和汽水，認真超值。 感覺有如芝士肉醬意粉換了薯條，脆卜卜惹味非常！忌廉蘑菇雞翼驚喜大發現，超級好食！香烤無骨雞翼，內裏釀滿忌廉蘑菇醬，焦香撲鼻，外皮香脆雞肉嫩滑多汁，一口咬開忌廉蘑菇醬汁的溢出！ 一試難忘!

🍙等待時間：彈性食午飯既好處，我地提早一行兩人十二點🍔室內環境：有室外及室內座位，設計時尚入流，我今次就坐外面，但預有人食煙。🍰服務質素：廚師好nice咁同我打招呼。🔺用餐簡評：叫左我既至愛熱帶之堡，有我最愛既菠蘿同千島醬，睇住廚師熱辣辣煎起塊牛堡，令我地口水流曬出來，佢塊包都好抵讚地有煎香佢，薯條我真心建議大家揀芝士肉汁，冇咁掛，而且仲好夾，好惹味，但漢堡既肉質勍山唔算好fresh好出色。🔹總括來講：可以一戰！

依間moomoo除咗係漢堡包店仲係bar，可以係入面食漢堡，外面飲酒，外面環境真係不錯，幾有feel🥰-經典之堡 $60美式之堡 $63洋蔥圈$39蜜桃冰茶$28可樂$12-1️⃣ 經典之堡 ⭐️⭐️⭐️⭐️麵包外軟內脆牛油烤烘，表面望落去已經「令立立」，一啲都唔乾，配料都好足料，牛肉定係蕃茄都同麵包個size一樣大，而且用左美國車打芝士，惹味得黎又唔會膩，牛肉就係新鮮手打，仲係優質美國穀飼，咬落好juicy。/2️⃣美式之堡⭐️⭐️⭐️⭐️依個重點係塊優質安格斯牛肉同煙肉上，安格斯牛同煙肉係個好好既配搭，食肉獸必食，再配上bbq汁，真係好惹味。-❣️營業時間：星期一至日：11:00-22:00-環境：8/10服務：8/10好味指數：8/10回頭率：8/10

今日同事介紹公司附近開左間餐廳係lunch 係食Burger，Happy hour食小食飲下野嘅好地方😆放工一試，真心唔錯。小餐廳位於鴻圖中心，裝修以木制餐桌為主，似小酒吧嘅風格。有分室內同室外。食品方面，主打沙津，Burger同小食為主。飲品就有分酒類同汽水😌酒都算平😆我地叫左一個經典之堡🍔，豬頸肉沙津配千島醬🥗，炸魷魚鬚🦑經典之堡入面有穀飼牛肉，車打芝士。生菜🥬加鮮茄🍅食落牛肉好多肉汁，煎得岩岩好😆👍🏻麵包烤烘得脆脆😍夾埋芝士，同蔬菜一齊食，味道好好🥰豬頸肉沙津配千島醬，豬頸肉煎到香香😍配上好新鮮的蔬菜🥬☺️加埋千島醬都唔會好油😋炸魷魚鬚，好香好脆🥰魷魚好新鮮❤️食落爽爽脆脆，唔係冰鮮海鮮🦑

今日放工約左同事去公司附近的這間餐廳食burger，咁佢個位其實都比較近牛頭角的，地鐵站行緊去就唔係好近，但如果係附近工廈返工的話，絕對值得一試。咁餐廳只係有散叫冇套餐的，因為我之後要比賽，而同事又唔太肚餓，所以我哋每人叫左一份burger加一份雞翼食。同事叫的係經典之堡，主打係手打的美國榖飼牛肉，而我的就點左熱帶之堡，主打係安格斯牛肉，雖然份量唔係好大，值肉味都幾濃，而青檸雞翼酸酸地，都非常開胃。

以前返工返過觀塘區可能因為唔太鍾意份工嘅關係主觀地連帶覺得呢區有啲壓迫感不嬲都知呢區多嘢食但約食飯就好少唻呢區但呢間餐廳俾我嘅感覺同其他觀塘嘅餐廳好唔同Outdoor夠闊絡裝飾嘅霓虹光管亦好有特色加埋播嘅音樂其實幾chill令佢似尖東嘅bar多過似工廠區餐廳而佢drink menu又的確好適合坐低慢慢傾偈Burger搭件小食再加特飲都係百三蚊左右嗌咗水牛城炸雞鍾意佢個雞皮沾得唔多炸漿 炸出唻極薄極脆水牛城個汁就有啲似Tabasco酸辣味 較開胃Burger我都係鍾意食classic中間漢堡唔會過熟Keep到juicy 幾好

想食就要用心等終於等到happy Friday.難得今日唔洗開夜班，即刻叫我朋友過黎牛頭角食個burger一齊放鬆開心下。因為知道餐廳用心製作，所以有心理準備要等耐少少先有美味burger 同熱辣辣薯條食。等左45mins 終於可以去櫃檯拎餐。我叫左佢地既signature - 經典之堡（稱用上安格斯牛肉）泰檸雞槌3隻，肉汁芝士薯條；朋友減肥淨係叫左個正雞沙津。由於太心急，我忘記影低burger 內層🤣，但Burger麵包夠鬆軟，牛肉淋moo moo醬汁唔錯。泰檸雞槌係我至愛，外皮很脆口，雞肉唔乾身配上泰國醬汁好味道。薯條新鮮炸出來，配上肉汁芝士好邪惡啊！至於個雞沙津，朋友話個柚子醋少少酸好開胃，雞肉肉質嫩滑。

先說服務，本身知道餐廳用心製作需時，等左40分鐘眼見張單已經跳過左成7個號碼，所以走去櫃枱問係咪出漏，換來戴眼鏡男侍應態度惡劣回答整緊，要所有食物到才會出號碼，我明白所以我再問我個餐仲差咩要整，佢話沙津。於是我眼見枱面沒有任何餐所以企在拎餐具一旁等，男侍應態度惡劣叫我返埋位等，阻住他出餐。我只好說我坐了很久要企一回，加上我唔見你枱面有餐要出。當我的食物所謂到時，他大聲說，小姐您個餐。我拎餐返埋位看一看根本仲有份薯條未到。於是我再走入去但同廚房講，您仲有份薯條未出。其實我在等餐時已經看到其餘在我後面的單已經出左薯條，我覚得男侍應有心拖唔出餐。仲有我跟爸爸在餐廳外用餐，他出來啤著我們，如此差的男侍應！就算食物新鮮即刻製作，我也不想再幫襯。講番食物，我地叫左經典之堡，泰檸雞槌3隻，肉汁芝士薯條同正雞沙津。漢堡我爸爸吃，他只說一般。泰檸雞槌唔錯，外皮夠脆口，雞肉唔乾但食唔出檸味醬汁是什麼。薯條雖然新鮮炸出來亦好大份好粗大，但吃不出薯仔的香味，配上肉汁芝士也吃不到芝士味，看相可以見到完全唔係肉汁，一舊乾了東西！至於個正雞沙津，我覺得不錯，選了柚子醋開胃多，而雞肉肉質嫩滑份量足。

男友最鍾意食burger，薯條，一星期食幾餐都唔怕，老麥由細食到大，大左就周圍搵burger食，得佢讚嘆嘅漢堡，一定有水準！所以呢晚我地食嘅 Moo Moo，大推！Moo moo 嘅burger 都有六七八款，食肉獸可以揀肉類之選，素食都有大啡菇可揀，因為白菌之堡賣晒，我地揀左個經典之堡試下。男友大讚漢堡扒牛味濃，夠juicy，唔係平得個樣嘅漢堡扒，而且個moo moo 特制汁仲好好味！另一個我地嗌左個正雞沙律，加柚子醋真係唔會輸，而且雞扒唔會乾柴，幾滑架！如果想平衡下就食下菜。薯條控點捨得唔叫薯條吖，我地叫左個芝士肉醬薯條，薯條類型係我鐘意嘅粗薯條，有薯味唔會乾爭爭，加埋肉醬同埋芝士黎個邪惡組合，真係好惹味！唔夠喉我地追加左個泰檸雞槌，炸粉唔厚，好香脆，不過就唔係好食到泰檸味，似係千島醬，不過都好夾，值得柯打！另外餐廳仲有酒牌，鐘意happy hour 嘅真係唔好錯過呀。