MOO MOO

營業中

休息中

早兩日前因為Fd推介，所以試下Moo Moo。我好耐未試過咁好食既野，覺得佢今次真係冇介紹錯。平時最鍾意薯條既我，一睇餐牌就決定咗要點個芝士肉醬薯條。當然啦，黎得呢個burger place就緊係要食burger啦，所以鍾意雞既我，仲點咗個滋味雞堡。先講個芝士肉醬薯條，芝士同肉醬既份量啱啱好。芝士唔會太多，所以食落唔滯，而肉醬又唔會掩蓋咗D芝士同薯條既味，真係從來都未試過咁好味既芝士肉醬薯條。至於漢堡方面，滋味雞堡所用既雞排都夠大塊。我最鍾意既地方係塊排夠好食得黎又唔會太油。成個burger唔會太多汁/醬但係又夠滋味。成個餐加埋一百有找，真係夠抵食。下次一定會帶埋班fd過去試多D唔同既野食。

而家唔食shake shack就周圍揾下有冇好食既burger😛 放工就去觀塘食moo moo叫咗熱帶之堡 ($67)同埋鹹蛋黃雞堡 ($69) 熱帶之堡食落好有驚喜，菠蘿同牛肉都夠哂juicy，食落完全唔會覺得乾身～ 個包都烘得幾脆，牛油味夠香。另外鹹蛋黃雞堡味道都唔錯，雖然以為雞扒會有鹹蛋黃味，但食咗一陣先知原來係麵包度塗咗鹹蛋黃醬，但味道都幾香幾濃，而且雞扒都好嫩滑多汁，2款包都值得推介🤪叫咗2杯特飲，推介蜜桃紅茶，茶味香濃，但少甜啲會更加好～

喺觀塘返工都幾開心，因為觀塘區而家多咗好多好嘢食。但因為限酒令所以唔可以飲啤酒，所以我就同朋友飲可樂同埋士多啤梨特飲。我哋叫咗煙豬頸肉沙律配柚子醋，水牛城辣雞鎚六隻，同埋肉汁芝士薯條。煙豬頸肉配柚子醋味道清清地，都幾開胃，豬勁肉夠爽口，幾好味！而水牛城辣雞鎚味道就好濃，相信用嚟配啤酒係會非常之夾。肉汁芝士薯條就一如既往都係咁香口，又係用嚟送啤酒會一流！可惜今日冇啤酒，就唯有飲住士多啤梨特飲先啦，為平淡生活帶嚟一點甜😋

有日夜晚經過巧明街🚏見到有間快餐店叫 MOO MOO 就打算入去食個 burger 做晚餐😝熱帶之堡🌴🍔材料有優質安格斯牛肉🐄芝士、菠蘿、生菜、番茄、煙肉同千島醬😍麵包塗上左牛油去烘🧈手打美國牛肉肉質厚身鬆軟🥩加上香甜多汁嘅菠蘿🍍同埋厚身嘅蕃茄🍅個包食落一啲都唔乾👍🏻連埋香脆嘅煙肉同生菜🥓🥬口感同味道嘅層次真係好豐富🤤經典之堡🍔呢個組合嘅材料有優質安格斯牛肉🐮芝士、生菜、番茄、MOO MOO 汁🤩麵包經過牛油烤烘，所以望落好光身✨質感外軟內脆😆牛肉係新鮮手打嘅優質澳洲穀飼牛肉🐂牛肉唔算乾，牛味濃😌秘制 MOO MOO 汁原來就係洋蔥汁🧅連埋爽口嘅生菜🥬蕃茄🍅車打芝士🧀清新得尼又惹味😋非常滿足🥰檸檬特飲🥤檸檬味幾重🍋不過唔會太酸

酒吧、漢堡飽店二合為一嘅「MOOMOO」好吸引我去幫襯，嗰度嘅氣氛、食物都唔錯。魚FULL之堡，材料包括有炸魚柳、芝士、芥末醬、蕃茄、生菜，麵包口感厚身、鬆軟；蕃茄、生菜好新鮮，口感爽脆；炸魚柳好Juicy，外皮口感香脆，魚柳嘅厚度係比坊間嘅大一倍食落好有滿足感，配以芝士、芥末醬食用，味道更多一股咸香。薯條，份量多，呈長條粗形，即叫即炸，好熱辣辣；口感厚實、唔空心，而且外脆內軟；食落唔油膩，配以蕃茄醬食用，絕佳配搭。水牛城辣雞翅，採用雞槌肉，雞汁飽滿，肉質嫩滑；水牛城醬，美式正宗風味，味道微辣帶酸。西柚蘇打，味道酸甜、清爽。

觀塘鴻圖中心入面每間餐廳都平平無奇，唯獨呢一間充滿美式風格既漢堡店有著特別既霓虹燈，大大個奶昔圖案係餐廳門口，令我忍唔住點都要入去食。-經典之堡 Classic Moo ($60)顧名思義，Classic Moo係用左安格斯牛肉、番茄、芝士呢幾種經典材料黎做既漢堡。麵包係用左特製既牛油麵包，外層好光滑，咬落有厚實既質感。安格斯牛肉幾Juicy，配合埋Moomoo house sauce，味道唔錯美式之堡American Moo ($63)美式之堡除左牛油麵包，安格斯牛肉之外，仲加上左一塊煎到脆卜卜既煙肉同埋酸酸甜甜既燒烤醬，令到成個漢堡更加惹味，多左一種經典之堡沒有既BBQ味。-芝士肉醬薯條 Bolognese Fries ($39)芝士肉醬薯條係MOO MOO黎親必食既小食，我夠膽講香港90%既漢堡包店既芝士薯條都冇Moo Moo咁出色同惹味。芝士份量唔係得少少，而係平均鋪滿係薯條上面，而肉醬就係意粉果種，感覺非常邪惡~-水牛城雞鎚 Buffalo Drumsticks (6 pcs) ($63)呢到既水牛城雞鎚同坊間既做法有d唔同，MooMoo係將雞肉集中係同一個位置再拎去炸，令到

Burger time！好耐無食所以又搵間漢堡食下先，朋友同我每人叫左一個小食同一個burger, 我揀左炸魷魚鬚同經典之堡(美國穀餌牛肉)，全部食物即叫即整所以都要等一等叫號，炸魷魚鬚份量算多盛惠68蚊，即叫即炸所以好脆口，魷魚全部切開左一條條所以唔會好大抽咁咬唔開而食到好麻煩，一條一啖啱啱好，魷魚亦到場夠曬稔好易咬。經典之堡塊牛肉夠厚同juicy, 有新鮮蕃茄生菜同融芝士，搭配埋齊好好味，仲有餐廳特製moo moo醬，酸酸甜甜的調味，正！

MOO MOO BURGER🍔 tea time MOO🍹💫..食開一樣野，就會心思思 好想繼續吃😋，你地都會嗎❓哈哈哈。今次去開觀塘區，之前黎過呢度食過飯，都覺得環境不錯喔，地方都幾舒服，好似離開左香港咁。呢次黎開呢邊，就想起去呢度食飯。-Burger🍔 比佢既menu 吸引我，下午茶時間，見有套餐 食個漢堡唔過份吧❓👻 而且餐廳仲有露天位置，感覺都幾chill，午後黎食個漢堡都幾捨意。環境正就決意試試。漢堡餡料：雞🐥、牛🐮、菇🍄；仲有沙律🥗、小食🍗🍖，當然仲有薯條🍟，仲可添加肉醬添。選擇都算多元化，唔食薯條 都可以加配沙律，健康之選。-ll $88The Classic MOO經典之堡、肉汁芝士薯條、可口可樂Customized Buttered BunAmercian Cheddar CheeseHandmade Premium USA Grain-Fed BeefFresh Lettuce and TomatoThe MOO MOO Sauce經典味道，更能吃出漢堡🍔 最原始味道。單單車打芝士🧀、生菜蕃茄🍅、MOOMOO秘製醬汁，加上牛味重既手打美國牛🐮，已經能帶出漢堡既好味道

今日同朋友去九龍灣megabox行街 又買鞋又買衫 淨係冇食嘢 所以行到好鬼肚餓 朋友突然之間諗起有間moomoo bar 啲漢堡包同埋小食都好好食 推薦我哋一齊去試下 咁我哋就跟佢去食啦去到首先叫咗一個經典之堡 好多朋友食過漢堡包嘅都鍾意用牛肉做漢堡 呢個經典之堡都唔例外 厚厚嘅牛肉配上芝士等等嘅配料 食落十分有童年回憶 但係呢個包嘅牛肉肉汁多到一咬就流曬出嚟 而且牛肉味十分豐富 配上芝士簡直係絕配 如果我有三個胃 我一定食十個朋友就叫咗一個熱帶之堡 配料同埋經典其實差唔多 但係呢個嘅牛肉用左上等嘅安格斯牛肉 牛肉味更上一層樓 十分可口 我朋友係女孩子都想食多個之後就叫咗一份小食就係芝士肉醬薯條 相信大家食炸薯條都食得多 但係配上芝士同埋肉醬又係一番新風味 呢一番風味比起淨係加茄汁自然得多 而且十分之好食總括而言呢一間餐廳嘅食物係十分高嘅性價比之選

餐廳：MOO MOO (觀塘)地址：觀塘巧明街94-96號鴻圖中心地下1A號舖下午3點3又係tea time🍴，去觀塘海濱行下曬下太陽之前有啲肚餓🙈，經過Moo Moo於是決定食返個下午茶，佢地11:00-16:30仲有優惠嘅滋味套餐佢地有8款漢堡選擇🍔，亦可以揀沙律🥗，再加配薯條同飲品🥤。我就揀左個滋味雞堡🐔($60)，即叫即整，漢堡仲要好大個，成塊厚煎雞扒配上芝士🧀、番茄🍅、生菜🥬同Mayonnaise，一大啖咬落去夠哂過癮滋味🤤，麵包仲少少脆口🥯；另外加$40有個芝士肉醬薯條🍟同蘋果薄荷特飲價錢黎講有少少貴，不過芝士肉醬就聽得多，芝士肉醬薯條就真係第一試🤣，薯條都幾大兜，一個人食都有啲飽，撈勻黎食都幾惹味，而且薯條被醬汁整腍左少少無咁熱氣

今日收工同同事去咗happy hour 黎到觀塘鴻圖道旁邊嘅呢間moomoo漢堡包店 除咗食漢堡包之外 仲有啤酒飲 簡直絕配室內座位唔多 但裝修十分有格調 而且仲有戶外飲酒嘅空間 非常Chill叫咗個熱帶之堡有安格斯牛肉 芝士 煙肉 番茄同埋我最鍾意食嘅菠蘿等等 麵包鬆軟有牛油香 安格斯牛肉漢堡扒牛肉味濃 而且生熟到啱啱好 一啲都唔乾 入面好多肉汁 煙肉脆卜卜 夠香口 再加上非常多汁甜甜酸酸嘅菠蘿 成個配搭好夾 非常豐富女仔未必咬得曬芝士肉醬薯條 黎嘅時候非常驚訝 超級大份 薯條熱辣辣脆卜卜 上面加上海量嘅芝士醬同埋蕃茄肉醬 好邪惡

去到觀塘區好多唔同嘅美食，經過有一間專賣burger店，喺出邊已經聞到一陣陣好香嘅牛肉味道俾佢吸引住我 ，就入去同🐮🐮相聚一下🙈❥ ❥ ❥熱帶之堡主角有安格斯牛肉 🥩車打芝士 🧀生菜 🥬煙肉 🥓番茄 🍅仲有有厚菠蘿🍍配製千島醬汁，外型已經俾佢吸引住太豐富啦，一啖咬落餡料好Juicy，加入新鮮菠蘿真係第一次食 ，味道好夾❥ ❥ ❥芝士肉醬薯條熱辣辣即炸薯條鋪滿肉醬汁上層加入即溶芝士，肉醬味非常之濃厚配合芝士簡直係雙重味道，重口味❥ ❥ ❥鹹蛋黃雞堡厚切雞扒蒸至雞皮卜卜脆，蕃茄 🍅生菜🥬配合沙律醬配搭好吸引，重點就係用咗蛋黃醬汁去配襯成個漢堡包，簡直係沾滿成個漢堡，每一啖都食到蛋黃嘅味道，依個真係值得推介❥ ❥ ❥肉汁芝士薯條肉汁芝士味特別香濃加入左辣味粉帶出一點辣味，我就覺得車打芝士係非常之好濃郁❥ ❥ ❥蜜桃🍑冰茶 蜜桃味偏淡紅茶甘香，唔會太甜，啱我口味

鴻圖中心地下一向都係我既飯堂，已經食過呢間好多次，當burger癮起時就要黎一黎🤪價錢合理食物質素好高🤩.經典漢堡 $60朋友第一次食梗係要試下經典之堡，烘到香脆鬆軟既麵包，芝士配漢堡再加特制醬汁冇得輸！.白菌之堡 $65比經典漢堡更juicy, 多了一層白菌，更豐富了口感😋.芝士肉醬薯條 $39大大份新鮮香脆，醬汁濃郁，芝士份量夠，另外雞翼嗌左松露醬點薯條都好夾！.加州風味雞翼 $68/6原來加州就係有芝士係面，燒到香脆既雞翼，略有燒烤味，同芝士好夾👅.西柚蘇打 $12. 檸檬冰茶 $28唔太甜，冰凍茶食住burger飲好爽🥰

今日做完嘢同D同事去食午餐，今日多嘢做成2:30pm先去食，心血來潮想食漢堡就去咗MOO MOO，我哋四個人，四個人都叫做唔同嘅嘢食，我叫咗美式之堡，漢堡扒好juicy,麵包好脆，另外一個同事叫咗個鹹蛋黃之堡，呢間漢堡店都最得上潮流，市面上d薯片公仔麵乜都要鹹蛋黃，而家連漢堡都要係鹹蛋黃，同事切左¼俾我試，我都覺得好有鹹蛋黃嘅味道👍另外仲有一個猪頸肉沙律配柚子醋，豬頸肉係即叫即整，上枱嘅時候仲係熱辣辣，又唔會乾，我哋叫左餐，揀咗肉汁芝士薯條，超級香啲薯條，食到停唔到口，啲肉質又唔會太咸芝士又唔會太濃，最緊要係啲薯條係類似薯角嗰款薯條超好味，又夠哂脆，即叫即整真係好味好多，因為4pm後有其他小食，好想試唔同味嘅雞翼😬 下次4pm後去🤭😋好味程度: 😋😋😋😋💞回頭度: 💕💕💕 💕📝服務: 📝📝📝 📝🌉環境: 🌉🌉🌉 #MOOMOO

餐廳環境舒適，戶外座位幾有放鬆，不過咁啱下雨，不可以坐外面。員工服務態度良好，出餐時間都幾快。今次同朋友叫左一個美式漢堡一個經典漢堡，轉set嘅薯條升級左做肉醬同埋BBQ醬，再加多一個mozzarella芝士波。薯條薯仔味濃，分量超足，粗薯條配搭醬非常適合，兩款都唔錯可以一試！芝士波都有好多粒，芝士食落唔會太膩，兩個人食都有啲多。經典漢堡同外面餐廳味道差唔多，特製moomoo醬幾惹味，美式漢堡嘅煙肉好香煙熏味，成個漢堡食落幾有飽足感，食量唔係好大好大嘅人記得唔好嗌咁多呀。