MOO MOO

營業中

休息中

上次朋友介紹來這裡晚餐，發覺在這個疫情紓緩時期，食肆都人頭湧湧，這個位於觀塘鴻圖中心地下的類似food court的地方很不錯，人流不多，找位置又輕鬆，又不是真正的food court，可說是傾計一流！➡️ Moo Moo 是漢堡包店，價錢中等，有門口位置給煙民➡️ 漢堡包最緊要就是那塊漢堡扒，很厚很有口感，上下那塊包也不錯，夾着當中的沙律菜、蕃茄及汁的比例也很好➡️ 美式之堡 $63，主要貪其煙肉，香！➡️ 白菌之堡 $65，感覺無咁heavy➡️ 芝士肉醬薯條 $39，食漢堡包又點可以無薯條？大大兜，芝士量都適中不吝嗇！

星期五happy friday約左朋友係觀塘搵好野食，簡左呢間幾多好評既Burger House，門面裝修得幾似酒吧，分左室內同室外兩個區域經典之堡 Classic Moo $60要試一間漢堡店好唔好食就要試最Classic既Burger，有最基本既安格斯牛肉漢堡、美國車打芝士、蕃茄、生菜同秘製moo moo汁。安格斯牛肉漢堡幾厚身，都有啲肉汁幾 Juicy，加埋新鮮蕃茄同生菜、外軟內脆既牛油麵包、有洋蔥粒甜甜地既秘製醬汁，簡直係絕配呀美式之堡 American Moo $63美式之堡比起經典之堡多左一塊煙肉同酸酸甜甜既BBQ汁，比起Classic Moo更惹味薯條 $25用左粗身薯條，炸到好香脆，上面加左七味粉，食落好似熱浪味既薯條，調味岩岩好粟米波 $52粟米波都炸得好脆身，食落似係杰身既忌廉粟米湯，甜甜地幾特別

之前食過一次Moo Moo burger覺得又抵又好食 最近去開觀塘 終於有機會再去encore🍔🍔同小胖男友一人揀左一款burger 再叫左兩個小食share今次試左經典burger手打美國榖飼牛肉配車打芝士 加埋蕃茄生菜果d基本配料同餐廳自家既袐制汁個包依靠鬆軟得黎夠晒脆 簡簡單單已經好好味專一既小胖男友上次食過滋味雞堡 覺得個汁辣辣地幾惹味 所以今次又再Encore小妹都覺得係好食既想食水牛雞翼點知未夠8點已經賣晒 就改為order忌廉蘑菇雞翼 又竟然有d驚喜 雞翼拆左骨 釀咗啲忌廉蘑菇喺入面 啖啖肉之餘又帶點creamy同場加映 食滿100蚊就送雪糕球 記得問店員哥哥拎豆腐味好味道

呢幾日又俾公司派咗我同另一個精英去觀塘返工，所以就開始咗我哋嘅觀塘搵食生涯。今日就試吓呢間Moo Moo Burger。睇餐牌見到都係一啲高大威嘅burger，而且價錢都唔貴，大概$60至$70就可以單點一個漢堡，另外仲可以配小食同飲品。我哋就叫咗兩個burger🍔🍔加兩份薯條🍟🍟同一罐汽水🥤。呢個熱帶之堡嘅醬汁係用咗千島醬汁，而且仲加咗一大塊菠蘿，漢堡包本身繼續有漢堡扒、生菜、蕃茄、芝士，好juicy，漢堡扒用安格斯牛肉做，超多肉汁！鹹蛋黃雞堡有超多鹹蛋黃醬，其實好香嘅，不過我實在唔敢成個食晒，因為真係驚會爆血管🤣🤣我同朋友都好鍾意食薯條，如果嗌一份嘅話驚唔夠食，所以就叫兩份薯條，因為見有好多肉醬，所以我哋就叫咗一份普通薯條加一份有肉醬嘅薯條，因為新鮮炸起，所以其實原味薯條都已經好好味！本身都冇乜機會嚟觀塘食lunch，因為呢個旅程，可以喺觀塘發掘多啲新嘅美食喇！

又到星期五覓食日今次去到觀塘想食漢堡包就揀左依間本來去到門口有少少卻步因為户外位置少又有人飲酒食雪茄但好彩原來裏面food court都有少少位可以坐兩個漢堡包都係軟軟既面包裏面有認真烘脆既塊漢堡扒兩塊其實係一樣都係好juicy有菠蘿果個食起黎就多口感啲另外果個就普通啦以依個價錢可以再好食啲😆薯條既肉醬有少少辣但係淋得好快肉醬同芝士都唔多但係薯條就好大份薯條都係同茄汁好食啲如果80蚊左右可以有更好食既

呢度主打漢堡包，呢度嘅漢堡包係用咗牛油🧈烘到好香脆，所以麵包皮特別香。我哋叫咗兩款漢堡：經典漢堡及熱帶漢堡經典漢堡$60有手打美國穀飼牛，有蕃茄、生菜、車打芝士。牛肉整得剛剛好，夠Juicy!麵包充滿牛油香，好食！熱帶漢堡$67有安格斯牛肉，有煙肉、菠蘿？生菜、車打芝士，豐富口感，配上千島醬，菠蘿好Fresh ！晚上只提供散叫，叫咗六隻水牛城雞翼$68。水牛城雞翼都幾辣，味道唔錯。佢仲有好多其他雞翼味道可以揀，下次可以試吓。

觀塘呢間平價漢堡包比起連鎖快餐店好得多一個純醫吓肚嘅漢堡包都賣到幾十蚊呢間賣50、60蚊，但係手工漢堡包用料充足，味道方面更有保證漢堡包即叫即做，製作需時，需要等候其實想試吓鹹蛋黃雞堡，但剛售罄唯有試另一款Burger — $62嘅魚FULL之堡內餡有炸魚柳、芝士、芥末醬、蕃茄、生菜漢堡包出爐時，表皮光滑，傳嚟陣陣牛油香似乎烤焗時搽上一層薄牛油喺表面每個麵包都係外脆內軟，麵包厚身而鬆軟簡單嚟講即係魚柳包，但比連鎖店嘅魚柳包高質得多魚柳外皮呈金黃色，炸得香脆，魚肉厚身、滑嫩，比坊間係大塊啲結合爽脆嘅生菜、鮮甜嘅蕃茄、邪惡嘅芝士，加上些微芥末醬材料份量配搭得宜，鹹香味中夾雜鮮甜味$60嘅經典之選同樣有外脆內軟嘅牛油烤烘麵包內餡有新鮮手打優質美國穀飼牛肉配搭美國車打芝士、新鮮生菜同蕃茄，加上秘製Moo Moo汁，亦令人垂涎手打牛肉壓製出嚟貿感厚實，有牛味，充滿肉汁，入口Juicy，似漢堡扒而漢堡包內似乎仲有些微炒香洋蔥粒嘅微甜感車打芝士鹹香味重，生菜蕃茄可中和少少膩感自家製洋蔥汁更顯香口，整體唔會太其中一款小食係$40/3隻嘅泰檸雞鎚表面一層薄薄炸粉，炸得香脆，雞肉都保持到肉汁基本上檸味唔太

開係工廠區嘅食肆，多數都係茶餐廳，粉麵店舖，難得有一間專賣漢堡嘅舖頭。除咗有室內坐位，店舖外邊露天位置還擺放了枱櫈，於傍晚時分方便顧客在外邊飲酒。漢堡用上優質安格斯牛肉，肉香多汁，配上白菌，芝士、蕃茄、生菜、松露美玉，用烘過麵包合成一個鬆軟滋味漢堡。

✨經典之堡 hk$60嗰樣睇落都可以 但一食落就....嗰牛肉好乾 最唔好嘅一樣野係 佢好多沙律醬!!! 我唔係好鐘意食沙律醬 仲要一大pat咁喺嗰邊位 我以為自己食緊m記😅

今日放咗工之後近近地就喺愛琴坊嗰度食飯平時食lunch已經好想試吓呢一間嘅burger 但係每一次都好多人所以冇去食放工又少咗人就同男朋友試吓咁我哋分別帶咗兩個burger一個水牛雞翼我嗰個burger呢就有好多蘑菇熱辣辣仲要新鮮整 又多醬汁好足料而我男朋友嗰個就好特別係用鹹蛋黃整嘅 鹹蛋黃嘅burger都係第一次食我就覺得好似咸咗少少 但我男朋友食得好開心如果個水牛雞翼呢我就覺得可以再辣多少少不過味道都相當唔錯

今日經過開觀塘，又想食個快餐，所以黎到moo moo 食burger，因為聽講過佢嘅burger唔錯，所以我都黎試一試！😀order左一個白菌之堡套餐+ small salad，跟餐飲品叫左薑味芒果冰茶+$12 ：呢到好嘅地方係比唔食薯條嘅我地多一個選擇，可以揀細沙律🥗，始終好多女士要保持身材會成日食沙律的，沙律好清新👍🏻白菌之堡：有好多菇菇，再加埋牛肉配上邪惡芝士好好食呢，下面仲有蕃茄同生菜😋😬

係人都知道我鍾意食burger，講開漢堡包我都算係常客經常食，來開觀塘呢一帶，如果想食正宗漢堡包，我會選擇嚟moomoo。之前喺觀塘呢帶住嘅時候，都成日嚟食㗎。因為呢間小小的漢堡店，設有露天位置，而且感覺就像外國一樣，好有在外國街頭Relax的感覺。播着外國音樂，感覺真的像去了另外一個國家一樣。食慣食熟，嚟到都已經知道自己想揀啲咩食㗎啦，今次帶咗個朋友嚟呢頭食漢堡，就梗係要介紹翻啦。我哋叫咗一個熱帶之堡，一個滋味雞堡,熱帶之堡有安格斯牛肉，芝士菠蘿，生菜，番茄，煙肉，千島醬，一啖咬落去，真係好滋味，特別係這個安格斯牛肉，半生熟頂呱呱。滋味雞堡都係正到不得了，有雞肉，番茄，生菜，香辣美玉，雞肉煎到香港脆脆，真係好滋味呀。我哋重點左一份忌廉蘑菇雞翼，一份有三件，剪得很香，很脆，裏面仲有十分之creamy的忌廉蘑菇，真係食得好過癮呀。朋友都食得讚口不絕，下次離親觀塘想食漢堡就一定揀moomoo。

想食burgeq又點止於食連鎖大牌子,小店同樣有驚喜而且製作更用心.今日黎到牛頭角呢間叫moo moo既小店試下.經典之堡當然係最經典又絕配既食材.內裏有安格斯牛肉漢堡,芝士,蕃茄,生菜同自家moo moo汁.安格斯漢堡係佢地自家手打制,漢堡扒夠厚,咬落牛肉唔會死實實咁,咬開仲有肉汁流出黎.漢堡包烘得夠脆,鬆軟之餘又唔會好乾.配上新鮮切片厚蕃茄同超爽脆既生菜令口腔無咁油膩之餘再帶點甜味.熱帶之堡加上菠蘿同煙肉,將秘制醬汁換上千島醬後帶出另一番風味.雖然加上煙肉,但整體唔會好鹹,煙肉煎得夠脆口帶陣陣煙肉油香味,配上酸酸甜甜既菠蘿剛好中和左牛肉漢堡同煙肉既肥膩感.千島醬帶微酸正好為漢堡帶黎更濃厚既肉香及開胃感.薯條用上粗身薯條,即叫即製炸得夠晒脆.就算隔左一陣再食薯條都仍然脆身.忌廉蘑菇雞翼饟雞翼真係啱晒我呢d又鍾意食埋雞翼尖又唔鍾意食骨既入.雞翼外層塗上燒烤醬烤得香脆,一咬開已經食到陣陣忌廉香味,慢慢再細嚼,隨之而來換上蘑菇既菌香味,令雞翼變得一d都唔單調.

應該一年幾前，曾經喺下午茶時間去食過，記憶中食物質素唔錯，所以今次公司同事午餐決定再食。前兩日打電話去問外賣自取，有一個女仔聽電話，語氣不過不失，但臨尾講句「做問卷呀」就收我線，態度極差﹗妳餐廳整得個電話出嚟係唔比人問嘢嘅？尋日正式用OPENRICE APP做外賣自取，去到收銀櫃位個女仔，見到我一個人（叫咗七、八人份量）就話「好多喎，妳拎唔拎到」，我話我有袋應該OK，跟住佢放低一句「妳自便啦」就走咗去。雖然話快餐就算堂食都唔好預有咩服務，但都唔係用咁嘅態度，我嚟使錢仲要受妳氣？食物拎到返公司，啲包完全無寫點分，靠自己去睇去估，食物係幾好食，但唔係去到非幫襯不可，如果要受氣去買嘢食，咁恕我以後唔會再幫襯喇﹗

最近愛上吃漢堡，一連試了幾間不同的漢堡店，是日又來到觀塘的愛琴坊，新場有好多店都想試嘛，輪到試試這裏的漢堡店了。店名叫Moo Moo的漢堡店，有自己的舖位，還有室外坐位，當然也可以出去food count位到座了，同同事食唔同店都可以拼枱。午餐時經過實在太爆場，那就等到下午茶先進來了，經過一場午市的洗禮，好多食物售罄了。最後點了白菌之堡＋肉汁芝士薯條配汽水，即叫即做嘅關係，廚房傳來陣陣香氣，氣味越來越強烈就知快要有得食了。先嚐嚐肉汁芝士薯條，醬汁鹹鹹的帶有肉香，食落一陣懷念的味道！味道跟從前在加拿大食到的十分像，還有那軟綿綿的芝士碎也是，同樣充滿著懷念的感覺，呀呀～思鄉情緒突然強烈起來。白菌之堡厚厚的，先吸引我的是白蘑菇，呢種蘑菇真心好味，菌味濃又鮮味多汁，用佢煮出黎嘅食物一定不會差。下層就有芝士，漢堡扒，蕃茄同生菜，醬汁是松露，經典配撘亦不會失手。抵讚嘅係漢堡扒！肉味濃又多汁，軟硬度剛好，咬落滿滿的肉汁溢出，而且完全不會散開，非常捧！個漢堡用左紙袋盛著，簡單但很貼心，容易拎起食又唔怕醬汁掉到四圍係，可以大口大口食都保持到儀態，十個讚！汽水選了可樂，可樂配薯條漢堡先係皇道嘛。其實個漢堡