MOO MOO

營業中

休息中

今次想介紹個漢堡包🍔比觀塘人，漢堡包小店，半自助形式，因為性價比高又抵食👍🏻，絶不輸比其他大型漢堡包連鎖店⭐️🔻Classic Moo $60🔻一入口好香啊🤤，好特別，咬落係脆口架🤩。原來係標榜手打既美國穀志牛外，麵包係經牛油🧈烘烤過，仲要有蒜香味🤤，配埋佢秘制moo moo汁，真係一啖一啖咁追住食🤣🔻Tropical Moo $67🔻用既係優質安格斯牛肉，配上煙肉同菠蘿🍍，成個包感覺好fresh🥳，加埋用千島醬酸酸地，減低左煙肉嘅油膩感👍🏻，仲帶出左煙肉既香味👍🏻🔻Bolognese Feies $39🔻芝士肉醬薯條，超多肉醬同芝士，好足料😌。肉碎真係肉末個種，絕對唔係平時嗰種肉粒👍🏻，好易就同芝士融為一體。所以真係食到芝士肉醬🥳🔻Maldives Breeze $38🔻杯野叫做馬爾代夫之海風🌊，成杯野係藍色，再加上菠蘿，睇落係幾貼題🤣。飲落就好似菠蘿特飲，而且唔會太甜👍🏻，就算唔太嗜甜既都可以一嚐🤩除左漢堡包🍔小食，餐廳都有happy hour，可以黎摸下酒杯底🍸，relax下，都係一個唔錯既選擇👍🏻

自從第三波疫情之後，好耐都冇出街食飯，今日放工心思思想喺公司附近搵嘢食，但又冇咩頭緒，靈機一族，就去返之前鴻圖中心食過好好味嘅burger！放工即刻走過去，估唔到比之前更加旺場！相信唔少人都知道呢間餐廳係好野🤣！今次點熱帶芝堡底同埋白菌芝堡，兩款漢堡都有優質安格斯牛肉、生菜、蕃茄、芝士等，安格斯漢堡夠厚身，肉味香濃又juicy! 熱帶芝堡有菠蘿同埋香脆嘅煙肉，非常貼題而且好啱男士選擇！白菌芝寶除咗有片片白菌保證每一啖都食到之外，仲有松露美玉醬！每一款都有唔同配搭，滋味十足!上次叫肉醬薯條最後飽得滯食唔晒，今次叫輕盈啲嘅肉汁芝士薯條試吓啦🤭！薯條粗身，點埋肉汁同埋半溶拉絲芝士，一條接一條食到停唔到口啊！另一樣令我心掛掛嘅就係忌廉磨菇釀雞翼！雞翼尖烤得香脆，雞翼塞滿香滑嘅忌廉蘑菇，脹卜卜真係非常吸引，而且因為已經起咗骨，咬落去啖啖肉，$40蚊3隻價錢非常合理。食完好滿足！聽講好似銅鑼灣開咗間分店有鵝肝漢堡食，下次一定要去試！

朋友介紹，佢話呢間好坐，happy hour都幾好所以今日就黎食下～試下！今日我地就冇叫到酒飲啦～～～叫左兩個burger 同埋一個肉汁芝士薯條同埋蘑菇忌廉雞翼一個係佢嘅經典漢堡，一個係有蘑菇同埋黑松露醬嘅漢堡！！！！兩個都好好食啊！！！！個包軟軟地，吾會係人地硬到咬吾到果啲！Burger 入面嘅肉好juicy，食到啲汁都留哂出黎！！！！環境好正，佢有出面同入面坐嘅！出面坐飲返兩杯都真係幾有外國feel囉！！下次涼返啲我都想坐出去啊哈哈哈！！！！！！

趁住寶貝在家午睡，我們決定食個有質素的外賣。之前去過鴻圖中心食嘢，發現附近都有數間餐廳可以試下，於是這次我去呢間買，c6一邊等一邊睇住佢。唔知係咪周末，而且近工業區，人流並不如平日咁多，反而可以舒舒服服選食物。原來除了一個 burger，仲可以加錢變套餐，我覺得薯條望落好似好正咁，所以都加了。選好之後，等了大約15分鐘左右，便拎咗一大袋外賣回家去，直至回家後個餐都仲熱的，真係好呀~美式芝堡套餐入面有 美式芝堡、芝士肉醬薯條 和 可樂。芝堡入面塊安格斯牛肉咬落軟軟的，超有肉香，加埋 BBQ 汁加倍 juicy。芝士肉醬薯條 的芝士拉得長長的，肉醬超香好惹味。菇菇堡套餐包一個 菇菇堡、肉汁芝士薯條 和 +C 檸檬飲品。因為天氣真係好熱，想食清少少就選了這個 burger。兩塊大啡菇咬落水水的，加埋蕃茄和菜令人感覺很清新。肉汁芝士薯條 的煮汁很搶味，令人好開胃。

疫情慢慢變好了，那麼當然要找朋友吃飯了，畢竟那麼久沒見了。這次找到朋友公司附近的一家餐廳吃飯，在門口就已經看到很多人下班後在這家餐廳露天的地方邊喝酒，吃東西，邊聊天，十分熱鬧！當進去餐廳以後，才發現這家餐廳真的很大，不止外面的露天座位，餐廳內裡還有，而旁邊的food court也有他的坐位，這就不怕沒位置了。這裡是採用先點單，再自助取餐的形式，等約１０分鐘就可以取餐了。這次我們就叫了兩個漢堡包加兩份小食。美式之堡（６３元）這算是一個比較傳統的漢堡，常見的芝士，蕃茄，生菜和畫龍點睛的煙肉，當然最重要的是安格斯牛肉漢堡扒！每一樣材料的是經過時間的考驗最終留下來的，所以能否體驗出餐廳是否可以這個真的很重要！這就的麵包經過牛油的烘烤，令到麵包十分鬆脆又富有牛油香味！安格斯牛肉漢堡扒經過煎製後把牛肉的肉汁保存在內，又有濃濃的牛肉味！而蕃茄和生菜也十分新鮮爽脆！煙肉更是煎得十分香脆又有油香！所以這個漢堡的水平不錯！推薦！茹茹堡（５９元）不想吃肉，也可以吃漢堡！這個大啡茹我在旁邊也聞到濃濃的香茹味，再配上芝麻醬，每整個包變得十分清新，感覺就好像在吃沙律漢堡一樣！感覺罪惡感都變少了！芝士波（５５元）整

規模比較細嘅漢堡包店餐牌唔算多選擇可以話貴精不貴叫咗一個雞一個牛真心性價比好高好抵食好足料印象最深刻係個芝士釀雞翼！一定要試唯一美中不足嘅係佢啲吧枱冇得依靠着會有啲攰

呢間小店嘅burger即叫即整，而且每次食物水準都好穩定，所以我間唔中經過都會捧下場😋。.🍔美式之堡 $63即煎牛肉口感軟腍多肉汁，配上煙肉🥓後多咗種煙燻香味。雖然食材以濃味為主，但加埋新鮮嘅生菜同埋蕃茄🥗，整體唔會過鹹。如果芝士溶啲就錦上添花。.🍟薯條 $25呢度嘅薯條冇一次令我失望🙈。新鮮炸起嘅薯條外脆內軟，薯味香濃亦有淡淡紅椒粉味。.🐮MOO MOO觀塘巧明街94-96號鴻圖中心地下1A號舖

朋友仔👫介紹我試吓呢間漢堡包店，佢主打以相宜嘅價錢，每日製造新鮮、高質又美味嘅漢堡包，一定要支持吓咁有誠意嘅小店💪💪。.其實MOO MOO最出名係美國高質牛肉漢堡包，但我唔食牛肉，所以只好選擇雞扒包😊。Sexy Chick $60 + Fries $25佢哋採用open kitchen，見住廚師即時炮製雞扒及炸薯條，感覺好fresh👏。.熱騰騰嘅粗身薯條食落去好溫暖、好有口感，講真好耐冇食過呢啲高質薯條😭。大家一定要趁熱食。.雞扒漢堡包裏面有番茄🍅、芝士、生菜，都係果句...熱騰騰嘅食物係最好味👍。麵包夠鬆軟，雞扒夠厚之餘仲要好嫩滑多汁。.辛苦搵嚟志在食，花費多少少就能食到優質有誠意嘅漢堡包🍔同薯條。

經典之堡套餐經典？咩係經典？呢款真係乜都有而且好抵食，都有大大份安格斯牛係裏面不過就好似煎得太耐，稍為缺乏左啲肉汁，同埋蕃茄上面可以加更加多嘅醬汁滋味雞🐔堡都有大大舊雞扒煎到好香，唔會好乾或者冇味，好鍾意呢種多汁嘅口感，同埋配件都多，有蔬菜番茄等等！食完之後都好飽如果多啲醬汁會更佳❤️套餐仲跟埋薯條🍟都真係好惹味，可以食沙律都得㗎！咁我就食埋 燒豬頸肉沙律 新鮮的生菜、紅毛菜、九芽菜、粟米粒、麵包粒等，唔同蔬菜搭配，醬汁要左千島醬，估唔到呢度燒豬頸肉居然厚切！夠口感，不過唔係好大條，爽口滋味，正！飲品可以飲C+、可樂或者其他選擇，都比較大路

以為位置偏僻唔起眼就冇好野食？錯啦～呢間漢堡包店好出名，而且成日排隊，今次就外賣返去慢慢食，非常驚喜！ 熱帶之堡真係必食！菠蘿、蕃茄切得厚身，而且好多汁，簡直係酸甜開胃～安格斯牛肉非常有口感，夠大夠厚又多肉汁❣️千島醬簡直係精華所在，一大啖咬，就會有多層次體驗，味道豐富！好滿足呀！美式之堡套餐佢哋嘅麵包係用牛油麵包所以更加香，呢個有埋煙肉，口感更上一層！再加上燒烤醬更加惹味，酸甜開胃，不得不試下！芝士肉醬薯條份量夠多，新鮮炸起熱辣辣，大量肉汁同埋黑胡椒，但係覺得芝士味可以再濃郁D，肉汁可以再鹹少少！加錢叫咗凍檸茶，都唔錯，唔會好苦澀，重嘅檸檬味💛如果想飲其他就可以有可樂或者C+

好耐之前食過，今次去開觀塘就再去試。感覺唔同咗，係咪換咗老闆？🤔有D失望，塊burger 都ok juicy, 可惜見到紅色唔熟包一般薯條都一般應該唔會再去。明明之前食好ok的。

在疫惰期間難得去行街，就當然想食好野~! 係觀塘行行下見到呢間Moo Moo，又不少人排隊購買，價錢相宜，而且漢堡包賣相吸引，於是就外賣自取左一個白菌之堡+洋蔥圈返屋企慢慢嘆~!<白菌之堡 (The Mush Moo)  $65 + 洋蔥圈 $39>呢個白菌之堡用料十分十足，有安格斯牛肉、白菌、芝士、蕃茄、生菜等配料~  要讚一讚的係，個安格斯牛肉好優質，咬落去啲肉汁好Juicy，牛味好重，可口，完全唔會好似出面其他賣漢堡包的鋪頭咁，用啲參雜脂肪含量高的碎肉沁混埋一齊，一食就會食得出分別... 而洋蔥圈更是驚喜之作! 外賣自取回家後先食，其外皮竟然唔會lum 晒，仲好脆，同漢堡包係Perfect Match! Moo Moo 雖然主打漢堡，但賣的食品種類都好多元化，有沙律，奶昔等~ 而佢戶外部分係一個Bar黎，有時收左工，想Happy Hour，都可以去Chill 下!~ 

一向對漢堡有一份情意結，近來唔再食連鎖集團又無料又細個嘅包。鍾情於比較有質數嘅Burger。今次試呢間，見到Menu嘅款式都比較特別，揀咗「鹹蛋王雞堡」呢個配搭好創新，無諗過鹹蛋王Mix埋漢堡，原來又幾夾架喎。下午時段確係幾抵食，+$28已經有汽水同薯條，仲可以揀芝士肉醬薯條 / 肉汁芝士薯條...入口充滿肉醬意粉嘅味道，好多芝士，熱辣辣，即叫即製，好夠份量，食完好滿足，真係唔錯👍🏻餐廳有戶外位置，天氣涼涼地飲杯啤酒，坐外面都幾舒適🤗

香港好多西式burger都混合咗港式元素將漢堡發揮到極致觀塘呢個地方雲集咗工廈同美食係一區一於食下burger先！餐廳嘅裝修好美式落單到拎嘢食都係自助模式餐牌選擇算多除咗唔同款式嘅漢堡仲有雞翼沙律薯條配搭仲有我最愛嘅Poutine Fries鹹蛋黃雞堡呢間食物包裝唔知點解令我諗起某品牌見到呢個配搭即刻想打下大佬！炸雞配鹹黃蛋 完全係邪惡之選漢堡包底面都烘過包身唔算軟熟但唔乾身味道甜甜地 都唔錯雞扒好好食厚肉炸到好脆口但又保持到嫩滑有肉汁中間落咗超多鹹蛋黃醬本身雞肉調味唔算好重所以夾埋鹹蛋黃醬一起食level up🆙！鹹香十足蕃茄生菜清新一下但食到最尾有點膩肉汁芝士薯條 食漢堡配薯條就梗㗎啦要食就食肥啲！肉汁芝士薯條係香港唔常見所以我好期待粗薯條份量都幾多 新鮮炸起好脆口面頭淋上大量肉汁非常夠味仲有黑胡椒調味仲有啲芝士不過略嫌肉汁太稀而且多啲芝士會更正比漢堡失色咗少少

近排禁左晚市堂食，但又想食漢堡包🍔所以就去左Moo Moo Burger到買外賣回家食，食物是即叫即整的，返到屋企食仲熱辣辣嫁，我叫左主打的經典之堡$60🍔外軟內脆牛油麵包的外層😍裡面是手打優質美國牛肉，好新鮮啖啖肉好好味，連埋美國車打芝士🧀生菜🥬和蕃茄🍅加秘製Momo汁一起食，口感好豐富，醬汁好襯好Fresh另外，叫左泰檸雞槌$40，炸得好香口，配埋特製醬汁，酸酸甜甜好正。下次試埋薯條雞翼先😍餐廳風格走美式Style💃🏻有indoor & outdoor，indoor類似酒吧🍻有霓虹燈有音樂幾chill，另一入囗在food court那邊。📍Moo Moo Burger 觀塘巧明街94-96號鴻圖中心地下1A號舖