Mini Friday (The Wave)

營業中

休息中

已經係第8次嚟「Mini Friday」食Dinner，幾乎每次都會Order佢嘅DIY Pasta同即製梳乎厘班戟配雪糕，但今次就想試下佢嘅Dinner Set。*此餐廳收取加一服務費。香烤美式BBQ豬肋骨（套餐$248），豬肋骨肉質厚嫩，但覺得如果肉質可以再腍身少少就更加好，食落充滿美式BBQ醬味道，而且帶有煙燻味道，配菜包括有煙肉、忌廉馬鈴薯、紅蘿蔔、長豆、洋蔥。溫泉蛋菠菜大啡菇（單點$88），表面鋪有芝士，溫泉蛋令菠菜掛滿蛋汁，大啡菇食落好Juicy。田園沙律（跟餐$0），車厘茄、粟米、沙律菜食落好新鮮，沙律汁味道酸溜。是日餐湯（跟餐$0），椰菜花忌廉湯，味道清甜。薄脆（跟餐$0），口感香脆，配以千島醬食用，味道更佳。心太軟配雪糕（單點$78），心太軟表面鋪有糖粉，口感外脆內軟，流心效果突出，甜度適中，香芋味雪糕味道濃香，配料有藍莓、草莓、朱古力醬、草莓醬。果汁（單點$36），橙汁，內有果肉，味道酸甜。咖啡或茶（跟餐$0），走甜凍檸檬茶，茶味不苦澀，飲落好清爽。

呢間餐廳裝修偏向啡色典雅風，燈光比較昏暗，都幾啱情侶浪漫一番/同朋友聚會。 大蝦配香草牛柳 大蝦煎得幾香，蝦肉厚肉彈牙。牛柳自選七成，仍然保持到嫩滑多汁，配合黑松露薯蓉、蘆筍同蕃茄仔。 附送南瓜湯幾濃郁。沙律正常新鮮，青瓜、生菜、蕃茄仔，仲有蟹籽。蘋果汁比較淡味。柚子雞翼帶微微香脆， 柚子蜜唔會過甜，雞翼嫩滑。+$38 心太軟估唔到點綴裝飾幾靚，草莓伴碟，心太軟流出大量朱古力醬，配上香芋雪糕，冰火交融。

收爐啦，要食番餐好啲嘅，便到了Mini Friday西餐廳，環境寬敞坐得舒服，燈光微暗也蠻有氣氛的。坐下不久會有小食薄脆配芝士醬送上。我地點了2個晚餐一齊分享囉。香煎比目魚配檸檬牛油忌廉汁，魚肉結實味道溫和甜美，檸檬汁和調味料搭配得很好，而且脂肪成分低，健康又美味😋。喇沙帆立貝意粉🍝，帆立貝大隻又彈牙，喇沙辣味足夠，醬汁己拌勻意粉，麵質爽彈煙韌的，入口味道濃郁，熱辣辣啖啖惹味。晚餐超抵食的，已經包咗沙律同埋湯，飲品點了凍檸茶☺️同熱咖啡。

今日約了個中學同學補祝生日飯, 來到觀塘the wave 的mini friday食西餐. 喜歡他的燈光柔和， 座位舒適，服務態度好等。。。未點餐前已送上脆片， 一面吃一面下單。。點了個set dinner香草燒春雞配濃郁粟米餐湯同健康沙律菜，仲有餐飲都唔使200。春雞皮香肉滑， 配菜都有調味，讚讚日式芥末沙拉蝦（$118）：手工擺盤好精緻, 適合打卡able, 而且個味仲咁配。仲有個柚子雞翼（$68）： 外皮脆口，柚子味勁重，香甜， 值得一試。焦糖燉蛋（＋38）：面層微暖硬脆，蛋層嫩滑冰涼， 仲有點奶香氣，多重口感，好滿足。

有驚喜的樓上西餐廳🤍 餐廳美式風格 悠閒寧靜，坐得好舒適☺️ 食物好味又有特色，質素高，價格合理~餐廳人流多 好受歡迎，店員親切友善🥰 店舖座位寬敞舒適，好適合約會或朋友聚會🥂 💖食評💖脆片小食 ($Free)✨贈送的小食配醬食好好味😋海膽醬炒意粉配鮑魚 ($198)✨推薦，高質意粉🤤 以新鮮的海膽醬和鮑魚為亮點。意粉煮得剛好彈牙，搭配鮑魚的鮮嫩口感，增添了豐富的海鮮風味, 海膽醬帶來了獨特的濃郁海味，好飽肚好滿足，回味無窮👍🏻黑松露啡菇什菌薄餅 ($138)✨好香口😋 好味又飽肚！👍🏻 以黑松露為主角，搭配各種香菇和咖啡的風味。薄餅底部薄脆，配料新鮮豐富，黑松露的香氣很突出 心太軟配雪糕 ($68)✨必食甜品！賣相好吸引🥰 心太軟即叫即整，熱騰騰 有驚喜，外脆內軟，入面朱古力是流心狀態，正呀😍 仲有窩夫、水果同香芋雪糕，好高質👍🏻 𝑫𝒓𝒊𝒏𝒌奶蓋芒果奶 ($48)✨口感順滑，十分香甜😋

今日覓食嚟到觀塘工業區The Wave “Mini Friday”，環境夠晒寬敞舒適，，岩晒一大班朋友搞聚會chill下傾下計。頭盤叫咗我最愛嘅柚子雞翼 $68，雞翼炸得非常香脆，配上大量柚子醬，酸甜開胃。辣肉腸巴馬火腿薄 $178餅底薄脆，鋪上厚厚芝士及辣肉腸，惹味十足。Dinner set (配餐湯及沙律)香烤澳洲羊架配薄荷燒汁 $258七成熟嘅羊肉嫩滑，肉香味濃，旁邊配上香菇，四季豆，薯溶等等。朱古力心太軟配窩芙 (跟餐+$30)濃郁朱古力醬，真正外脆內軟，旁邊配上香芋雪糕及窩夫，超級美味。

最近跟朋友來到Mini Friday。今次係我第一次到訪。Mini Friday的用餐環境舒適，氛圍輕鬆愉快，好適合同朋友、情侶聚會🎉✪ 海膽醬炒意粉配鮑魚 ⌫意粉上枱時已經好香噴噴。炒香了的意粉，本身已經有好香的紅椒味道，加上濃郁的海膽醬味道，更惹味。鮑魚口感鮮美有嚼口。✪ 心太軟窩夫配雪糕 ⌫窩夫鬆軟微甜，好酥脆。搭配上奶滑的香芋口味雪糕，口感好好。心太軟包著軟心濃郁的朱古力醬，十分邪惡。✪ 奶蓋草莓鮮奶 ⌫草莓的鮮甜加上濃郁奶香，好吸引。奶蓋口感綿密。✪ 波斯貓（無酒精）⌫波斯貓的混合果汁調味帶來了獨特的風味。【 Mini Friday 】📌 觀塘興業街4號The Wave 3樓

又去Mini Friday食晚餐😍因為一直都想食威靈頓牛柳🐮⭐️ 皇牌威靈頓牛柳Mini Friday的皇牌威靈頓牛柳是一道令人難以忘懷的美食。威靈頓牛柳外表金黃酥脆。切開見到粉嫩的牛柳，口感豐富有嚼口。牛肉包裹在酥皮內，與磨菇肝醬醬汁的融合非常完美。磨菇肝醬吃落甘香不會膩。⭐️ 海膽醬炒意粉配鮑魚意粉炒得剛好軟硬適中，加上海膽醬的濃郁味道，好誘人。鮑魚的鮮甜彈牙，有嚼口。⭐️ 日式芥末沙拉蝦除殼的蝦子加上日式芥末醬汁調味，有種辛辣風味。蝦肉炸得香脆，肉質鮮嫩爽口。⭐️ 心太軟配雪糕心太軟蛋糕外層酥脆，內部柔軟濕潤，每一口都融化在口中。搭配著香濃的芋頭雪糕，增添了豐富的層次。📍Mini Friday 觀塘興業街4號The Wave 3樓

3個人叫咗3個set dinner （牛柳，魚，羊架）有湯有沙律沙律普通，個湯冇乜，要問staff拎鹽Main course份量少得可憐,羊架有6條骨，但嚿肉細過麻雀🀄️牛柳得街市一𥖁豆腐咁大味道係徧淡但二百尾三百幾一個set dinner,咁嘅份量絕對唔值加$38@叫咗2個甜品🍮，甜品算比較正常飲品包$30嘅嘢飲，即汽水咖啡奶茶嗰啲，其他補錢訂位有88折，埋單要$900落樓 （$300一個人）以地點同分量唻講，絕對唔值！

✅黑松露薯條💰$68個薯條炸到金黃酥脆香氣撲鼻🌬️真係好吸引😛啲黑松露風味完美融合入薯條入面帶出濃郁嘅地道滋味👍🏻✅喇沙帆立貝意粉💰$246個意粉煮得剛剛好彈牙有嚼勁🍝喇沙湯底醇厚帆立貝鮮甜多汁💦令味蕾感到滿足加埋啲香料同辣椒啲辣味真係刺激到爽快💥✅蜜糖蒜片炸雞💰$98不得不提呢個雞皮炸得酥脆🐥肉質鮮嫩多汁啲蜜糖同蒜片帶出甜味同香氣🍯🧄同炸雞嘅鹹香完美結合真係令人欲罷不能🤪✅檸檬牛油忌廉汁比目魚💰$198如果你鍾意海鮮一定要試下呢個比目魚個魚肉嫩滑🐟搭配上檸檬牛油忌廉汁🍋味道鮮美而不膩口個汁香濃滑嘅口感同魚肉嘅鮮甜真係絕配😍✅火焰脆燒德國咸豬手💰$288個皮燒得香脆肉質豐腴多汁🐽一上桌就有個火焰燒得好壯觀🔥🔥咸豬手肉質嫩滑帶著微辣嘅醬汁味道豐富真係一絕！整體而言Mini Friday環境舒適服務態度亦好係一個適合與朋友或家人共享美食嘅好地方👨‍👩‍👧‍👦記住要預約，因為佢哋真係好受歡迎！

觀塘工業區，好少搵到好食既西餐，今次食個靚西餐🍴就來the wave 3樓 的Mini Friday 。呢度環境好大好舒適，感覺又唔錯喔。西餐為主既mini Friday ,好多正宗西餐都有得揀，我們二人點左唔同國籍的美食，實屬試雲多國菜式：1. 香烤澳洲🇳🇿羊架 配薄荷燒汁 $2962. 火焰🔥脆燒德國🇩🇪鹹豬手 $2883. 墨西哥🇲🇽啤酒🍻 $684. 單點甜品 心太軟🍮（ 跟餐）首先附送餐前小食，香脆燒薄餅，類似印度🇮🇳薄餅果類，係等野食的時候可以有野咬下。點左一份套餐，套餐附餐湯🥣及沙拉🥗,味道👅都幾好架。食物質素方面真係整得幾好味, 羊架夠juicy 又夠香，心太軟絕對做到流心朱古力🍫的精髓，最特別要一提係呢個火焰🔥脆燒德國🇩🇪鹹豬手，即場表演火燒豬手，係我最鍾意看的環節，燒完的豬手真係更加香脆，一定要試啊。

🔸 炭烤美國安格斯牛扒配黑松露燒汁  $368大大塊220g肉眼扒，薄薄地好容易切，要咗七成熟，扒面炭燒到焦脆，中間啲牛肉仍然係好鮮嫩嘅，可能係由於炭燒嘅關係，牛扒嘅油脂並唔多，有好香炭火烤味，上枱就特別有好香嘅燒肉味，配埋啲好香嘅黑松露汁，將牛扒蘸起來食十分好味😚可惜黑松露汁可能太珍貴，對我來講就唔夠蘸。配菜仲有蘆筍、蕃茄仔、青瓜粒、粟米仔同埋薯蓉。味道：7/10性價比：7/10🔸 日式八爪魚丸   $78用過鐵鑊裝住上枱，有濃郁木魚香味，個鐵鑊仲係好熱嘅，小心燙傷手。木魚絲喺啲小丸子上面受熱氣影響不停飄動擺嚟擺去，賣相幾好睇。味道：6/10性價比：7/10▪️🔹環境：喺觀塘工廠區改建工廈3樓，半層做雞鍋，半層就係西餐廳，地方十分闊偌，可能數十人公司一齊嚟聚餐搞團建都唔錯🤪

Happy Friday同朋友搵左觀塘呢間西餐cafe chill一chill，餐廳地方幾大，適合三五知己聚下餐。餐廳有dinner set亦都有a la carte，都有唔同選擇。頭盤叫左黑松露薯條同蜜糖蒜片炸雞，黑松薯配薯條永不令人失望，炸雞好香蜜糖味，好有韓式fusion風味👍🏻主菜叫左3樣分別係:啦沙帆立貝意粉🍝 - 份量都幾多，上面有3隻帆立貝，啦沙味濃郁，味道偏辣，都幾刺激。火焰脆燒德國鹹豬手🍖 - 呢隻豬手好出色，上枱時店員會加酒點火，即刻可以打卡😁 豬手皮超級脆，肉質充滿咸香，食到上癮😋檸檬牛油忌廉汁比目魚🐟 - 食左2樣較濃味嘅，叫番條魚中和一下。比目魚魚肉嫩滑，檸檬忌廉汁酸酸地好開胃，同條魚好夾。下面仲有幼滑薯蓉，價錢唔貴但好有高級西餐feel 🥰

今晚同班朋友去咗間好有格調嘅西餐廳食飯！餐廳好寬敞，好多卡座，真係可以舒服咁坐低傾計，真係有種舒適感。我哋叫咗水牛城雞翼。嗰啲雞翼真係好入味，配上啲獨特嘅醬汁，真係好開胃。食落去口感好有特式！我哋仲叫咗辣肉腸巴火腿薄餅。個餅底好薄好酥脆，上面撒咗好多嫩滑嘅芝士同埋巴拿馬火腿，再加上香濃嘅火腿，真係一啖食落去，啲味道好豐富好濃郁。真係啱哂我哋嘅口味！誠意推薦！然我哋食咗冬隓公海鮮長通粉。個粉好彈牙，同埋醬好配合，仲有好多新鮮嘅海鮮，包括青口魷魚同大蝦。食落去真係好滿足，每一啖都係享受！最後，我哋叫咗楊枝甘露疏乎厘嚟做飯後甜品。疏乎厘係西餐廳嘅招牌甜品，真係一流。個外層係軟軟，入面嘅軟滑好有口感，仲有啲新鮮嘅水果同楊枝甘露醬，真係好美味。食完之後真係感覺幸福滿足。

裝修還可以 食物完全不能接受叫左水牛城雞翼 黑松露薯條 主菜大蝦配牛柳雞翼無雞味 醬汁又多又酸薯條似shake shake薯條 唔係點醬大蝦又細又無味 薯蓉又係無味牛勉強合格 但呢個價錢黎講完全唔得Cocktail 唔夠凍侍應送餐連托盤都無唔知點解可以收呢個價錢好彩唔係叫多野食 如果唔係真係瀨晒嘢絕對唔會再幫襯本來諗住支持下呢d工廈活化開既餐廳如果要溝女千祈唔好黎 包你一定收皮高度警世文 信不信由你總結 過黎飲下啤酒好了 食飯真係垃圾