Mini Friday (The Wave)

營業中

休息中

星期五晚放工，想搵間舒適又靜靜地餐廳，同老公撐枱腳。諗起之前同事食完讚不絕口既｛mini friday｝，決定上去試下係咪咁正先🤭我先去攞位，一去到⋯嘩嘩嘩！環境咁有情調既，早知搵晚著好d先嚟🥹呢家餐廳，環境上我覺得無論拍拖或朋友聚會都不失為一個好地方。特別鐘意佢嘅木製吊燈，裝飾好古典味道，梳化坐位夠晒闊落，富有空間感啊🥰嗌咗好幾款食物，款款嘅賣相都好吸引！Starter👉🏻乳酪蘋果三文魚他他🐟將新鮮的煙三文魚溶入酸酸甜甜的乳酪汁，口感軟滑鮮嫰，再加入了蘋果，非常美味，配搭好清新🧡 小食之選🔥韓式辣醬炸雞🍗 炸雞炸得金黃酥脆，內部的雞肉尚算嫩滑，醬汁不會太辣。到主菜了😋香烤牛仔骨🐮牛肉表面熟透內面仍呈粉紅，肉質很嫩滑。肉腍味濃 好香口，加上濃郁的醬汁令牛味更出眾。泡菜卡邦尼意粉🍝 意粉濃厚香滑，加入左韓國泡菜去整依個卡邦尼意粉💓 泡菜令到油膩感全消之餘，酸酸辣辣的韓國泡菜仲好開胃解膩，令個意粉更好食！最後今晚用餐🍴感覺好好，店員好主動咁幫我地斟水，介紹不同的飲品。下次會再幫襯，仲想試埋其他食物😚

尋日同媽咪去歡塘買年貨，買咗好多嘢，順手等埋爸爸收工一齊去食Dinner，爸爸帶我哋去食The wave嘅Mini Friday😊環境好chill，店員仲好好人先叫咗份咸蛋黃薯角🥔薯角外脆內軟，每一口咬落去都好明顯咁飄出咸蛋黃嘅香味，真係令人讚不絕口👍🏻明太子忌廉帶子長通粉好好食😋食咗一口就完全被佢嘅味道震撼到喇🫨用明太子同忌廉煮嘅，帶子鮮甜多汁，湯汁濃郁香滑，每一口都令人欲罷不能🔥爸爸揀個個加拿大豬鞍扒配白咖喱汁🐽係一道驚喜！豬鞍扒肉質鮮嫩多汁，每一口咬落去都好滋味，配上香濃嘅白咖喱汁，真係令人回味無窮⏫️芝士焗雙色椰菜花真係係視覺享受📸椰菜花🥦分成兩色，配上芝士焗到香氣四溢🧀每一口都好滋味🙊總括嚟講，今晚呢一餐真係超級驚喜！每一道菜都好出色，味道鮮美，呢間餐廳絕對係值得一試嘅🎈下次再黎一定會再嚟食返呢啲美食🎵

叫左龍蝦湯，田螺，威靈牛，喇沙意粉。全部都勁難食龍蝦湯似粉溝，啲海鮮勁腥。田螺冇味威靈頓牛，勁柴 冇牛味 勁細舊牛 全部都酥皮。喇沙意粉一般。一千蚊食屎不如食花x餐廳

觀塘有一間好出名嘅Cafe餐廳，位於The Wave3樓，環境裝修都幾靚，啱晒同朋友坐低靜靜地傾偈❤️我哋係平日時間去食，所以唔需要等太耐都已經有位❤️員工與服務態度親切有禮🫶🏻凱撒沙律配烤雞❤️一開始梗係食返個沙律先，呢到嘅沙律菜都好新鮮，好鍾意食佢哋嘅烤雞味道調得啱啱好👍🏻加拿大豬鞍配燒汁❤️豬鞍扒好大塊，肉質好鬆軟，仲要keep住到有啲肉汁鎖死係入面，燒汁味道鹹鹹甜甜🫶🏻明太子忌廉帶子長通粉❤️呢個長通粉加咗我最鍾意嘅明太子份量超多，好邪惡😆芝士焗雙色椰菜花❤️椰菜花味道本身比較清淡，加上濃郁嘅芝士就Perfect👍🏻即時食到停唔到口呀！

都有一排冇去觀塘，不嬲都知道觀塘有好多好嘢食，今次去咗呢一間Mini Friday，食物質素亦都好高辣肉腸巴馬火腿薄餅👈🏽 唔知點解呢間啲pizza咁好食，啱晒啲成日嫌餅底太厚或者太薄嘅人食，厚度真係適中，質感唔會過硬，上面鋪到滿滿既辣肉腸同巴馬火腿，所以成個pizza好有肉香🥰大蝦配香草牛柳👈🏽食落去好淋，肉質軟嫩和濃郁的牛肉香氣，口感鬆軟得黎又帶有少少筋，非常惹味，配埋新鮮既大蝦🍤好好味😋總結：食物質素超高，味道非常之好，超出預期，環境氣氛做好好👍🏽坐位亦都好闊落，坐得舒服😌

午飯時間，嚟到公司附近嘅餐廳開餐～我平時都好常嚟呢度食嘢，貪佢款式多又大碟，更重要喺環境乾淨企理，坐得好舒服呢🌝🔥韓式辣醬炸雞__無骨炸雞啖啖肉，炸皮唔會過厚一嚿粉咁～韓式辣醬好惹味，甜甜辣辣，同炸雞係perfect match👅一碟大概有6,7嚿炸雞，食唔哂要拎走🙈🦞虎蝦龍蝦汁飯__類似燴飯咁，特點係用咗龍蝦汁去煮～每粒飯都有龍蝦汁味，超級鮮味🌊虎蝦好大隻肉質爽口，微微煎香後香味更突出～食到好飽好飽，同時亦都好滿足✨依度抵食又好食，可以日日食都唔會悶🙈

成日都會聽到不少人話觀塘工廈區的餐廳又貴又不好吃，但總有例外吧!?Mini Friday 是一間提供多元化食物的多國菜餐廳。會有一些是自家首創的菜式，而且環境舒適得來都幾有氣氛。剛好我去的那天見到有一枱客人在慶祝生日呢。除了主餐牌的小食、薄餅、意粉外，晚上亦有 Dinner Set。HKD 198 起有湯、沙律、主食和飲品，也可用優惠價加配甜品。坐下後先送上免費的脆卜卜小食，配個千島醬來吃，很快就被吃光了。田園沙律有蟹柳絲，但最得意是加了爆珠，酸酸甜甜的很開胃。餐湯則是有點微酸的甘筍蕃茄湯。香草燒雞配燒汁 (HKD 198/半隻)不得不讚這個燒雞燒得剛好，容易變乾柴的雞胸食落都軟嫩多汁。香草加上燒汁簡單得來也很惹味。喇沙帆立貝意粉 (HKD 208) 份量頗多的意粉。喇沙的味道超級濃郁，如果您是會吃辣的話就會覺得這個辣度適中。吃落還會有少少的椰香，味道和意粉都幾夾的喔。還有三粒鮮嫩彈牙且頗大的帆立貝，再加上一些蔬菜，非常豐富。甜品加配了 焦糖燉蛋 (+HKD 38) 有用草莓切成的金魚圖案，很可愛。面層的焦糖都幾厚身，香濃的燉蛋蛋香更加十分突出。餐飲可選咖啡或茶，也可補錢點其他飲品。

約咗2個好姐妹午餐，傾計交流吓啲八掛嘢🙈搵間坐得舒服，又有得食好味食物嘅餐廳先得☺️依間西餐廳似乎係一個好選擇✅依碟🍝喇沙帆立貝意粉🍝好香好惹味！喇沙汁有陣陣椰奶香，甜甜地有少少辣🤩醬汁比較杰身，意粉好易掛滿醬汁，估唔到喇沙配意粉又幾夾wor🥰另外就係🍕黑松露啡菇什菌薄餅🍕，素食者可以試吓依個pizza😁欣賞佢個餅底唔會太厚太油，面頭有唔同類型嘅什菌，菇香味撲鼻，再加埋黑松露醬，成個pizza都香噴噴🤭兩樣食物質素都好好，一邊食飯一邊同好姐妹傾計，真係一個完美嘅下午❤️

今天與朋友在觀塘聚會食飯，呢間餐廳在觀塘The Wave 3 樓，餐廳帶有美式復古風格，環境不錯，食物都以西式為主。🍝喇沙帆立貝意粉🍝以鮮嫩又口感柔軟的帆立貝和濃郁的喇沙醬汁煮成的意粉。帆立貝大大隻鮮甜無比，喇沙醬帶有微辣又香的味道，鮮甜中大有少許刺激，非常好味！🐟檸檬牛油忌廉汁比目魚🐟檸檬的酸爽與牛油忌廉的濃郁融合在一起，營造出獨特的風味。比目魚的肉嫩鮮美與醬汁酸酸甜甜，帶來一種令人愉悅的口感。🐂牛肉煙肉菠菜卷🐂呢份肉卷由牛肉、煙肉和菠菜卷三種材料的配搭。不論是味道，口感和賣相就非常出色，牛肉肉質柔軟和煙肉的甘香，菠菜口感清爽，三者融合得非常好，清新又好味！

今晚同男朋友嚟到觀塘🔆Mini Friday 🔆撐枱腳，依度環境幾闊落，坐得舒服👍🏻👍🏻我哋總共叫咗兩份main course👉🏻 香草燒雞（半隻)同👉🏻 王牌威靈頓牛柳，一上枱就聞到陣香味，令人食慾大開‼️🛑香草燒雞（半隻)🛑雞肉用上多款香草醃製，無論裡裡外外都入味👍🏻雞皮燒得好香，油脂已經燒到無哂，雞肉嫩滑細緻，肉汁爆棚‼️🛑王牌威靈頓牛柳🛑本店王牌菜式‼️酥皮充滿牛油香，輕薄鬆脆🙌🏻牛柳熟度剛剛好，中間仲帶點粉紅色，牛味香濃，配搭酥皮食外脆內軟，果然係王牌‼️兩份main course 份量都幾多，如果唔係叫多個小食都唔錯🙌🏻下次再嚟食過先得👍🏻

最近同朋友去了一家餐廳，餐廳位於觀塘的商業大廈内。我們品嚐了他們的辣肉腸巴馬火腿薄餅、焗芝士牛脷薯粒和香草燒雞。🍕辣肉腸巴馬火腿薄餅🫕焗芝士牛脷薯粒🐓香草燒雞（半隻)首先是辣肉腸巴馬火腿薄餅。薄餅🍕餅底香脆柔軟，唔會太濕，又唔會太乾，上面鋪滿了辣味香腸和巴馬火腿。辣味香腸的風味很突出，稍微的辣辣味令人十分開胃。巴馬火腿的鹹香味令整個薄餅味道更豐富，非常美味。接著是焗芝士牛脷薯粒🐂🥔。牛脷和薯粒上面鋪滿了濃郁的芝士。薯粒的外層酥脆，內裡軟綿，口感非常好。牛脷味道濃郁，柔軟甘香。芝士融化在口中，充滿濃郁的奶酪味道，與薯粒的鹹香相得益彰，簡單又美味。最後是香草燒雞🐓，半隻燒雞外皮金黃酥脆，內裡嫩滑多汁。雞肉表面的香草醬汁讓整道菜更加美味。成口都感受到雞肉的鮮嫩和香草的香氣。配菜更有薯容及新鮮蔬菜🥬，真心滋味又健康。

💓💓今日來到觀塘打卡，呢間餐廳裝修以型格風格為主，交通非常方便，經過既朋友仔真心要來試下。********烤豬手外層烤至金黃酥脆，肉質嫩滑多汁。每一口都能品嚐到豬肉的濃鬱風味，配合脆皮的口感，形成了絕妙的食物組合。火焰脆燒的技法使菜品表面形成了一層薄薄的焦糖，帶來了微微的甜味，這種對比豐富了整體的口感。********沙律給人一種清新、輕盈的感覺。以新鮮的蔬菜和時令水果為基礎，配以自家製的醬料。每一口都充滿了蔬果的天然甜味，搭配醬料的酸甜風味，帶來了一種令人愉悅的口感。這道沙律的色彩豐富，給人一種視覺上的滿足感，同時營養豐富。🍚🍚 ******** 🦐🐟 食物質素高，令我地今個週末可以大快朵頤，成個安排妥當 舒服👍🏻推薦大家黎打卡!

行完商場仲有段時間先睇戲，老公提議去樓上店嘆吓🥰呢間餐廳我留意左一段時間架啦，之前無的起心肝嚟，今次終於一試👏🏻我個人比較喜歡上樓餐廳多過連鎖式，一來價錢上比較花算，二來可以靜靜地享受用餐🍴時光😋餐廳環境都較大，座位坐得十分舒服。坐好後，可以點餐了🥰 餐廳食物的選擇頗多，搞到我都花多眼亂🤣老公幫忙決定好了😋我們點了呢道既//王牌威靈頓牛柳🐮佢嘅威靈頓牛柳真係焗得好靚，望落去牛柳好靚仔，食起上嚟完全冇血水走出嚟。而且肉質好嫩滑，老公就最鍾意食佢嘅原個焗菇伴碟，佢話好香好甜添！//蜜糖蒜片炸雞🍗一上枱已經聞到濃烈既蒜香🧄味，第一啖食落口係係蜜糖同海量蒜片係口腔內交融，甜甜地再慢慢散出蒜味。醬汁唔算杰，完全可以起雞件上面做到掛汁。雞皮烤得薄薄一片脆卜卜，裏面肉汁滿瀉，雞肉亦超級嫩滑！正啊💖//黑松露啡菇什菌薄餅👑佢嘅餅底係餅乾底，所以好脆口。啡菇仍然保持喺暖笠笠嘅狀態，質感仍然好好，食落好新鮮。夾雜埋黑松露放落口，係一大享受呀🥰🥰總括黎講，呢間餐廳真係係寧靜嘅好選擇。物美價廉，味道出眾，啱晒拍拖嚟悠閒咁食飯啦！

呢度有唔同漢堡，經典牛肉漢堡真係夠晒經典，大大塊既漢堡扒係漢堡入面，充滿肉汁，肉香十足，肉質好柔嫩，加上熱溶既芝士蕃茄洋蔥呢啲配菜，包皮又夠脆，真係好好味呀🍔另外亦有香脆既薯條配住，薯條炸到外脆內軟，香脆香口，真係好惹味呀，點啲茄汁食味道仲香🍟另外同樣經典既有和風大阪雞肉薄餅，薄餅係薄脆餅底，好鬆脆，餡料係滿滿既芝士，又有青椒紅椒，仲有啲雞絲，口感煙煙韌韌，好香芝士味，仲有啲拉絲芝士添，好食到爆呀🍕而且呢度裝修好靚，係美式餐廳既裝修，座位都好闊落，坐得好舒服！

已經係第三次嚟到呢間餐廳食飯，每一次都唔會令我失望，無論揀唔同嘅食物都係覺得一樣咁好味！所以先會keep住成日都嚟呢到食飯😋😋😋✨水牛城雞翼✨☑️☑️☑️☑️☑️水牛城雞翼係我最鍾意係呢到食嘅雞翼味道👅水牛城雞翼代表咗紐約州水牛城嘅經典風味🍗，佢哋獨特嘅味道係一種令人難以忘懷嘅美食體驗😋。一咬落去，雞翼外皮酥脆，香氣四溢，繼而進入到那層軟嫩、多汁嘅肉質，簡直係口感嘅完美演繹✨。每一塊雞翼都精心製作，以保留最佳口味並突出其特色。傳統嘅水牛城雞翼會浸泡喺一種由辣椒醬同牛油製成嘅調味料裡面，辛辣香濃，卻又不至於過分激烈，刺激著味蕾又唔會蓋過雞肉嘅原味🌶️。正所謂辣中求香，香中求辣，佢哋嘅調和非常之巧妙💡，就算係辣度敏感嘅食客也能夠一試難忘。不單止如此，啤酒🍺或者冰涼嘅飲品同雞翼一齊享用，佢哋嘅味道搭配實在係絕配，為晚餐增添無限樂趣。總之，無論你係一個尋求味蕾挑戰嘅勇者🔥，或者簡單想享受一個美味嘅小食🥢，水牛城雞翼總能給你帶來唔同層次嘅美味享受。要識得欣賞佢哋，最好嘅方法就係親自一試佢哋的滋味，親身經歷下呢種大受歡迎嘅美國小食嘅魅力啦🌟！✨喇沙帆立貝意粉✨☑️☑️☑️☑️帆立貝夠晒大粒，喇沙加入好多香料調味好正宗