Mini Friday (The Wave)

營業中

休息中

這天姨甥仔女去附近影樓拍照，拍完後就來這裏晚餐。聽說這裏的東西不太好吃，但始終自己沒有試過，又怎能定斷好與壞呢？所以決定試一次。環境不錯的，還有駐唱歌手表演，蠻有feel的。點餐後首先拿來的是《薄脆》，應該是餐前的小吃吧！炸得挺香脆的，但我覺得有點油膩。《鮮蟹濃湯》我喜歡喝湯，所以點了這個，味道超濃但略為鹹了一點。《蒜香炒雜菜》蒜味果然很香，蔬菜清甜。《水牛城雞翼》本身就很喜歡叫雞翼，這款帶點酸辣，很惹味的。《千島海鮮薄餅》這款薄餅平時在一家連鎖薄餅店很常都會吃到，這裏的是薄的餅底，吃起來脆脆的好像在吃餅乾一樣。《炸魚薯條》薯條香脆，魚肉肉質滑，配埋酸酸的醬汁可減少炸魚的油膩感。《卡邦尼扁意粉》意粉口感煙靭，每條都掛住醬汁，加上温泉蛋汁的蛋香。《西班牙海鮮飯》真的好多海鮮，好像海鮮比飯還要多😂 這個飯是有飯焦的，我吃到，應該是食焦吧！？🤔甜品方面點了兩款：《心太軟配雪糕》這款甜品我都很喜歡的，朱古力味濃，配冰凍的呍呢嗱雪糕，還有水果作陪襯。《蘋果金寶》這個甜點我就覺得一般，味道不夠。

做運動之前嚟到the wave Geh Mini Friday dinner🌈.原來呢度仲有live band~ 一大班人係正嘅👻.先嚟nacho做小食，係送嘅，但都幾好食，個千島醬酸酸地，幾開胃😻.Mushroom soup 🥣 幾creamy. 入面仲有d菇粒👯‍♀️.Salad都幾大杯，菜都爽嘅🥒.溫泉蛋波菜大啡菇($68)💁🏻‍♀️ 吉開隻蛋撈埋食真係一流，又有芝士一齊，同菠菜勁夾🥰 而隻菇都好厚好juicy😻.松露醬煎雞排($158)🐥雞排厚身又嫩，皮仲幾脆添！配菜薯蓉牛油味十足👻.另一個叫左ribs($168)🐽 個醬偏甜，肉都燒得香口，有d位仲脆脆地！而且份量幾大下，一定要share🤩.Dessert - mango cake 🍰 細細件，為晚餐畫上完美句號❤️#traveltobkk

朋友夜晚8點先係觀塘收工，諗住近近地就揀左呢間餐廳試下，味道呢......一個字可以形容，就係™咸™餐廳環境尚算可以，奇怪的restaurant & bar 格局，竟然一半係食西餐，一半食火鍋，令到食客食完西餐之後，身上面帶著火鍋味仲要係火鍋嗰一半位置整個台唱live. 音響差都算，全晚都催眠咁（正確黎講係鬼食泥）食物方面呢，就係咸囉，無話好唔好食，就係咸到係咁飲水囉，無喇！甜品...唔想講喇！可能有點期望，所以都幾失望！！！服務員幾helpful, 禮貌都唔錯算，去整碗魚蛋粉

觀塘工廠區出名多美食，但名氣唔夠，無乜人知。今次試試西餐，點知又有驚喜！得兩個人食，梗係叫啲最精架啦！水牛城雞翼我去到邊都會食水牛城雞翼，今次係數一數二好味架！雞翼本身肥美大隻，輕炸過黎，唔會太乾身再配上醬汁，帶啲微辣，食到停唔到口。出面有啲一係好辣一係醬汁好怪。西班牙海鮮飯海鮮足料又新鮮，條魚煎得好金黃，魚皮香脆可口，最細心既係隻蝦佢剝埋殼架！飯底：圍邊既有啲飯焦，中間既帶啲濕潤，岩曬唔同口味既人，不過份量偏小。威靈頓牛柳一切開，傳黎黑松露+菇既香味，食落個酥皮略帶有酒味（好輕微）。酥皮煙煙韌韌好好味再試埋個肉質，生熟程度適宜，牛味濃仲好juicy ,可惜既係牛柳份量偏小，酥皮佔既部分多啲😅，另外仲有個薯蓉都好重黑松露味，大愛呀真係蜜糖檸檬桂皮茶飲第一杯既時候，係無味的，再飲第二杯先有啲蜜糖桂皮味，茶味較淡。總括而言，我都會再食多次，因為仲有好多野未試

觀塘不嬲都有好多工廈西餐廳， Mini Friday我就第一次試，覺得除咗環境舒適好chill之外，價錢合理，食材質素高，值得推薦比大家一坐低，侍應就攞咗一盆脆片俾我哋食，加上特製醬汁（好似係蜂蜜芥末醬），唔使2分鐘我哋就食晒啦我哋叫咗兩個set dinner，頭盤有雜菜羅宋湯和沙律，沙律份量都算多，啱晒我呢啲注重健康嘅女生主菜方面，我哋叫咗香烤寶雲酥羊架配紅酒汁我同老公都覺得10分推介，質素拍得住酒店嘅高級餐廳，鋪滿了麵包糠，七成熟嘅羊架肉汁鮮嫩，烹調得剛剛好，加上有少少半肥瘦，所以很juicy，正！另外我哋叫咗自選意粉，其中醬汁，麵條，配料等都可以自己選擇，好Flexible我哋揀咗溫泉蛋忌廉汁闊條麵，配上菠菜、大啡菇、雞柳（套餐包含一款配料，如要加配料只需$10一款),所以加加埋埋百幾蚊就有一款高質意粉，都算幾抵如果鍾意海鮮嘅朋友，仲可以加蝦肉、虎蝦、海膽等等，仲有鴨肝添！每款套餐都包一杯$28嘅飲品，我哋upgrade咗一jar virgin colada，好清新好香甜啊！一jar大約即係有三杯嘅份量我哋食到一半，隔離有live Band表演，唱廣東話同埋普通話歌，有驚喜

又同女朋友去揾食 今日去左觀塘 觀塘工廈多野食已經唔係咩秘密 相反仲好多人知添 今次我地去既係駱駝漆⋯⋯⋯⋯隔離既The Wave入面既Mini Friday 一上到去聞到陣陣雞煲味 因為有半層係『咪走雞』入返正題 一坐低已經黎左個薄脆 我覺得略為油左少少 但口感同味道都唔錯 我地叫左一個Set Dinner 一個散餐 再加D餐前小食跟住我黎左個沙律 我同女朋友都係好食黑醋 所食左幾啖就放棄左 再跟住黎左個田螺小酥盒 酥盒咬落似酥皮 田螺應該係罐頭 但2者加埋又幾好味再之後就到自菜 我叫左個『香烤寶雲酥羊架配紅酒汁』之前食既紅酒汁都有層少少既酸味 但今次呢個反而食唔出 出奇地 我幾鐘意 羊羶味唔太重 但足夠既 食落仲有淡淡地既介末味 唔鑶女朋友叫左個『香煎鴨胸伴鴨肝配黑醋汁』鴨胸方面可能係因為胸既關係 「非常」有咬口 鴨肝會少少肥 食落同鵝肝有少少出入 黑醋汁女朋友係可以接受到 而我就Sorry 酸野唔岩我 😂😂😂飲品我叫左杯奶茶 女朋友叫左雜果賓治 正常味道 冇特別甜品方面 我叫左心太軟 流心效果好足夠 唔會太

觀塘工廈向來都多野食，知道家人係食肉獸，但係我又比較偏向食多d蔬菜，惟有選擇又有肉又有沙律吧既semi lunch buffet啦Mini Friday人氣高，之前同朋友食過一次dinner，今日就同家人去食lunch地點好易搵，開源道行到去Mcdonald位置就會見到大大個The Wave既門面，入去搭上3樓就到了！價錢黎講，有semi buffet仲有主菜，係幾抵！之前去Mr steak都唔止呢個價錢！主食有豬牛羊雞魚，任君選擇！未落完餐，家人已經衝左出去食自助餐選擇唔算多，但貴精不貴多！我最欣賞呢個薯仔沙律，薯仔唔會太硬，沙律醬夠多，好飽肚，又開胃！仲有炸物，有咖哩角，又有麥香雞，新鮮炸起，脆卜卜！店員refill得都好快沙律吧，沙律菜新鮮，仲有唔同醬料選擇！主菜黎喇澳洲肉眼扒配黑松露燒汁！首先要講勁香黑松露味既薯蓉！好滑！好香！家人唔太喜好黑松露，所以比我食埋肉眼扒夠厚，7成熟，廚師煮得剛剛好！微微既黑松露汁又唔會搶左肉眼扒既香味肉眼扒既肉質偏硬，但我老公鐘意食，而且有較香既肉味！另外仲叫左羊架，紅酒汁配羊架，超match！羊架8成熟，剛剛好，太熟唔好食！有羊既膻味，但又唔會太

難得同男朋友撐枱腳，決定豪一次，食啲平時想食又唔捨得食既野。呢間「Mini Friday」之前已經食過，覺得都唔錯既。—點菜之前，已經有個小食薄餅仔比我地食住先。😬呢個真係幾好食呢，唔係好似薯片咁脆，但係點埋個醬食真係幾好食喎。—本身諗住叫一杯雜果賓治，但驚唔夠飲，於是叫左一jar。—我地叫左一個餐，一個散叫，所以只係跟左一個是日餐湯。是日餐湯係栗米忌廉湯，雖然普通左啲，但係味道都唔錯，好香甜既栗米味。😉—鮮蟹濃湯平時見得多龍蝦湯，見到竟然有蟹湯，點都要試下。清楚見到有唔少既蟹肉，令味道更豐富。不過講到個味，藍妹覺得勁似龍蝦湯，我地懷疑佢根本就係龍蝦湯🤔—香草牛油焗田螺酥盒之前未食過田螺酥盒，同我想像中既差不多，冇令我失望。😜新鮮焗起，酥盒幾酥化，牛油味都算重，配埋中等Size既田螺食，正。😍—溫泉蛋菠菜大啡菇大啡菇，好似真係幾大隻😂第一啖覺得個菠菜味好重，有少少蓋過左蛋汁既味道，不過配埋大啡菇食，都尚算唔錯。但食多兩啖之後，藍妹發現唔太鐘意陣菇味，因為出水出得好交關，所以變相有草腥味。😢整體黎講，整得唔差，不過唔岩藍妹既口味。😣—法式羊鞍寶雲酥藍妹成日都話最鐘意食羊，仲要係騷果隻。😏

之前已試過旺角分店，今次就試下觀塘店一早用app訂位，真係十分方便環境比旺角大同舒適，不過隔離係米走雞，火鍋難免有少少味過到黎，個邊有live，不過又唔算大聲，無阻我地傾計既因為今次四個食晚飯，想食其他野，所以都無叫set dinner一黎就有個脆脆小食，都幾好食，不過有少少油之後叫左一個水牛城雞翼，呢個真係必叫，小小辣，無得輸再叫左個黑松露野菌薄餅，好脆，黑松露味都幾濃，唔錯帕爾馬火腿紅菜頭雜果沙律好細份，真係一人一啖乍，少得可憐，味都試唔到皇牌威靈頓牛，滿心期待，不過可能太遲先動刀，肉有少少過熟，不過味都唔錯，以咁既價錢黎講，算中規中矩，只係嫌酥皮厚左少少西班牙海鮮飯，分量足，味道唔錯，海鮮都算多，略嫌有少少咸（真係海水味咁），只係出現係海鮮料，大致上算唔錯既因為甜品選擇一般，所以無食甜品每人唔駛二百蚊

觀塘工廠區有好多野食，The Wave係一幢活化工廈, 外觀型格, Mini Friday於The Wave 三樓, 地方好大，環境寬敞relax, 晚上仲有live music每枱都會免費附送的墨西哥脆片, 脆片炸得香脆,蘸上濃郁的芝士醬很快就清光最正係芒果蝦沙律, 沙律放係淺藍色既冰入面,好似一個山洞, 賣相好好鮮蟹濃湯真係好濃似龍蝦湯, 香草牛油焗田螺酥盒, 牛油味濃配合至愛既田螺水牛城雞翼醬汁濃稠,帶酸酸辣辣,外層惹味, 內里仍保留肉汁JUICY.豬鞍扒很厚身，切開是帶粉嫩紅色的，熟度剛好，封煎後可以鎖住豐富肉汁。肉質很稔滑爽口，邊位帶點肥膏，好香口燒澳洲牛肉眼扒配黑松露燒汁, ribeye又大塊又厚，口感非常好

覓食尖沙咀~sean café 位置：尖沙咀漆咸道南29-31號溫莎大廈地下12A號舖環境：踏入店內，一種寧靜的感覺，店員很熱情的打招呼，不是正餐時間，店沒什麼人，安安靜靜挑個位置，享受美好時光。如果有時間，待久一點也很ok.菜單：「煙三文魚烤大啡菇竹碳漢堡」皮焗得脆脆材料好豐富，有大大塊的香草三文魚，生菜，大啡菇及cheese，大大嘆吃真是好滿足。「玫瑰咖啡」賣相不錯，淡淡的玫瑰香，咖啡系我中意飲個，整備味道不錯，蠻中意。聽著店內的音樂，品的咖啡，真的很不錯。

男胖子放工囉～隨便搵左呢間餐廳試下。鮮蟹濃湯，真係好濃，較重口味。黑松露野菌湯，相對較清淡，如果可以creamy 啲會更好。小食叫左溫泉蛋大啡菇，有芝士同菠菜一齊焗，味道唔差，蛋都好滑，可惜菇同菠菜有輕微出水。至於個香草牛油焗田螺酥盒真係好好食，好香濃，新鮮焗出黎好香脆，必食！男友人主菜叫左燒美國頂級肉眼扒，切開個效果都ok,係中上質素，而且塊扒有成塊面咁大，仲都好重牛味添，值得一試。我個主菜係法式羊鞍寶雲酥，等左好耐先到，個羊架黎到係未切開，第一次咁食，幾特別。切開後好香羊肉味，肉質仲非常粉紅，好嫩滑，又大份，抵食。野飲試左茉莉菊花茶，好清熱嘅感覺，食得肉多飲返啖茶都幾夾。順便講埋個環境真係唔錯，多人得黎唔會太嘈。

之前聽朋友講話呢一間餐廳幾好食咁難得今日約到朋友食晏晝就諗住去試嗰時呢一間餐廳係咪真係咁多人講嘅咁好食啦入到去餐廳嘅空間感好大嘅，燈光就唔算話非常光，有少少暗，營造到好似好浪漫。再睇下個餐牌先原來佢嘅午餐係會有自助沙律同埋甜品吧嘅，之後你可以揀選一個唔同嘅主菜。先講下自助沙律吧其實唔算好多嘢食嘅不過最基本嘅都有嘅有餐湯，有糖水仲有少少煎炸嘅嘢，沙律菜都有，唔同嘅西式甜品例如冬甩啫喱等等都有嘅。不過賣相方面我就認為唔係好吸引啦，可能比人哋夾到亂七八糟剛剛個主菜先個配菜做得唔錯嘅我嘅欣賞不過主菜我就覺得一般，焗雞扒非常之非常之油膩食落去好漏完全都唔知自己食緊啲乜嘢落肚咁，個煎魚又係知得太過熟啦變咗肉質好唔鮮嫩。我始終覺得呢一餐飯唔算話太好食

今日又嚟到官塘嘅工廠區搵食，餐廳入面裝修到好靚。我地平日嚟食，一開始仲以為會冇咩人，點知坐到8點左右就發現就嚟坐滿咁濟。而且果日大約8點開始就有人嚟唱live，所以成個環境都幾chill。佢dinner set嘅選擇都幾多，最特別係佢有個pasta set，可以由意粉、醬汁到配搭都自己配搭，保證一定啱自己口味。我地最後揀咗一個pasre set、燒澳洲牛肉眼扒同一份炸魚薯條。 一坐底餐廳就上咗墨西哥薄脆，佢個醬非常好食，好惹味。炸魚薯條($68)依個小食份量超級多，個魚唔係普通茶餐廳見到嘅魚柳，佢係有連魚皮去炸，味道唔錯。田園沙律+是日餐湯(跟餐)個沙律有好大塊蕃茄，d菜幾新鮮，個醬都好幾食。我果日嘅是日餐湯係忌廉湯，味道唔錯，唔會好稀好水咁。燒澳洲牛肉眼扒配黑松露燒汁($238)我地叫咗7成熟，一上到嚟就睇得出真係燒，而唔係煎嘅。塊牛扒超級大塊，而且都算厚，食落好juice，亦都有牛味，好推介大家試下。薯蓉好滑，味道都唔錯。Pasta set ($138+$20)我地揀咗大啡菇+蕃茄醬+普通意大利粉嘅配搭，仲專登加$20要鮮蜆。我強烈推薦加蜆肉，因為個蜆真係非常之大粒，一上嚟我

話說小弟今日係觀塘收工， 女友人過左黎接我放工.. 咁橫掂佢都過左黎觀塘又已經夜晚，我地就係呢頭揾野食啦. 我地行左陣街就發現呢間叫The Wave既活化工廈，外表金光閃閃吸引左我地入去, 行到最頂層就見到Mini Friday呢間餐廳， 睇落唔錯咁我地就入去食飯啦.我地分別叫左個鮮蟹濃湯，黑松露野菌湯，溫泉蛋菠菜大啡菇，香草牛油焗田螺酥盒，法式羊鞍寶雲穌 同燒美國頂級肉眼扒...我想講我個鮮蟹濃湯真係好濃，飲落有d似龍蝦湯咁好正.. 女友人個黑松露野菌湯就以粒粒蘑菇肉同大大羹既黑松露撈均而成. 好香好用口感.. d小食都唔錯焗得好惹味,個燒美國頂級肉眼扒先正.. 肉質真係好靚完全滿足晒我呢個牛魔王既口味，而女友都對佢個法式羊鞍寶雲穌幾滿意,大大份又厚肉咁好底食.. 最後食到好飽就叫左個茉莉菊花茶飲消下濟。