Mini Friday (The Wave)

營業中

休息中

一直都好想試 威靈頓牛，今次終於得償所願! 呢間位於工廈既餐廳，環境氣氛好有格調，服務態度又好，食物水準都比個like 👍💫皇牌威靈頓金黃色細緻花紋的酥皮，內裏包裹着鲜嫩粉紅的牛柳，搭配清香的蘑菇蓉 ，味道濃香惹味，2人份量 剛剛好。💫薄脆 薄脆係免費無限任添，配千島醬幾特別配搭，每次食完，侍應都會禮貌地問要唔要re-fill。 💫黑松露野菌湯松露愛好者會好鐘意 ，味道香濃又creamy, 啖啖湯都有野菌碎，值得推介👍💫辣肉腸帕爾火腿薄餅 餅底非常薄而且又脆，配上至愛parma ham同辣肉腸，冇得輸啦！💫藍檸檬梳打（Jar) 顏色好夢幻，冰凍得嚟又甜甜地，好解渴。

觀塘工廠大廈一向多野食 今次嚟到呢間平靚正經濟實惠嘅西餐廳 疫情關係之前有Semi buffet不過而家就得返set lunch 都有成10款午餐可以選擇 所以都揀咗好耐 最後叫咗個炭烤紐西蘭頂級牛扒 medium 配 黑松露燒汁 松露好香牛扒啱啱好牛肉好嫩滑 煎得好香 咬落去肉汁十足 本身可以跟飯意粉或者薯蓉 但係我就選擇加$12仲可以升級薯條 炸得好香脆 個餐本身跟咗個西湯同埋飲品 呢度坐得舒服 下次一定會再嚟試埋佢其他set lunch

在香港01新聞，看到這間餐廳如果身份證有（ ab k c）就可以免費食 3次，在優惠期內所以今天就試吓去食，揀的是最低消費的那一個餐首先來的是薯仔餐湯，好友薯仔味，而且就見到有薯仔絲。之後就係餐飲，我要了凍檸檬茶（有三片檸檬一啲都唔孤寒），最後就係主菜，估唔到好大碟菜量充足，我要請又有沙律醬，加了少少錢配煙三文魚。非常好味招呼也非常好服務態度也好就算冇因為下次我仍會來。沒有加一。最後只付$10 加煙三文魚費用平 靚 正

💛 #觀塘美食 #觀塘黃店 #MiniFriday終於開返晚市堂食同放寬四人限聚令喇😍 放寬政策後嘅第一個lunch我就同咗同事去觀塘The Wave呢間「Mini Friday」💛 呢度本身係做semi-buffet嘅，應該因為防疫關係冇咗，但相對食物價錢低咗、質素又高咗，對我嚟講更吸引🤩！跟餐仲配有一個多料好味嘅蘿宋湯同餐飲㗎～🍗 炭烤澳洲羊架 配紅酒汁 配意粉 （$108）羊架大推薦❣️ 有兩塊大大塊，好厚肉嘅羊架，而且一上枱就聞到超級香🤤 羊架嘅肉燒得好香，又保持到軟腍嘅肉質，超正！意粉係蒜香意粉，都唔係hea㗎😋🥩 炭烤紐西蘭頂級牛扒 配黑松露燒汁 配薯蓉 （$128）黑松露燒汁超香超讚🤩 牛扒叫咗五成熟，切開粉嫩，軟硬適中😋 仲好大塊，夠晒飽😚薯蓉大推薦❣️ 薯蓉都有微微嘅黑松露香，好creamy好好食🤤

最近去過觀塘這間餐廳Mini Friday，感覺唔錯，味道又幾好，餐廳裝修很有情調，暗暗地，和朋友或情侶來傾偈食飯，不錯的選擇 👍　餐牌選擇都有不少，睇來睇去，終於揀了個晚餐 ：鮮蘑菇餐湯，飲落口蘑菇味濃郁，餐廳送了墨西哥脆片，用來配送真係好夾🥰田園沙律，蔬菜新鮮，很有田園風味🥒🥬🍎白汁三文魚意粉，煙三文魚味道唔錯，意粉煙煙韌韌，好有咬口，加埋特製醬汁和配料，大大啖食落去，好滿足😇甜品：士多啤梨蛋糕，蛋糕鬆軟又有士多啤梨味，好食 😊飲埋杯凍檸檬茶，呢餐夠晒豐富😋🤗

疫情底下真係冇乜好選擇, 就算係美食天堂觀塘區都剩返好少餐廳開門, 仲記得有間mini Friday lunch 啲牛扒唔錯, 環境仲要非常唔錯, 二人限聚令下人唔多真係坐得超舒服😍, 啱晒兩個人慢慢坐傾吓計. 叫咗兩個炭燒紐西蘭頂級牛扒set lunch ,上枱時睇見塊牛扒燒出嚟嘅坑紋, 切開後中間見到粉紅色就知道有幾高嘅質素, 加上香到爆嘅黑松露燒汁簡直就係蔗渣嘅價錢燒鵝嘅味道👍🏻, 仲要配上我最愛嘅即炸粗薯條😍, 簡直就係完美疫情下嘅午餐🤗

今日下晝同朋友打完波走去咗mini Friday食飯 總共叫咗四樣嘢 威靈頓牛扒 、火焰脆燒德國豬手 、維尼柚子雞翼、黑松露啡菇芝士pizza。一坐低餐廳就上咗個薄脆小食，加芝士醬，可以無限添加，作為前菜幾好食。跟住就上左維尼柚子雞翼，雞翼香脆，而柚子味清新，令到雞翼既油膩感減少。之後就係黑松露啡菇芝士Pizza，濃郁嘅黑松露味，芝士亦唔少，非常之好食。食到一半突然之間侍應放咗隻豬手喺我前面，跟住就點火，係呢一刻我哋上咗餐廳既焦點，等咗一陣侍應問我哋影完相未，跟住就攞咗隻豬手走幫我哋切埋，服務非常之好。最後期待已久嘅威靈頓牛扒終於到咗，通常威靈頓牛扒係牛柳喺入面上面一層蘑菇醬再加火腿最後係酥皮。但係呢度嘅威靈頓牛扒就冇咗火腿喺入面，食落去反而更加特別，蘑菇嘅香味更加突出濃郁。

經過觀塘廣場（馬會），直行兩個街口，左轉行多一分鐘就見到餐廳，喺The Wave 入面。 一坐低就即刻送上墨西哥脆片和千島醬，但係，我地仲未點餐🤣， 後來先知係免費。因為太肚餓，好快就食完。墨西哥脆片有好重芝士味，配酸甜千島醬，真係幾好食❤😛。果位侍應係咁幫我地refill兩三次，因為我其中一位fd遲大到，所以我就一直未叫野。 如果係睇波，free小食配啤酒就一流。 我地三個都係叫DIY PASTA。（$168 per person）已經包沙律、湯和餐飲 我地可以自選醬汁、粉和配菜，配搭非常彈性。但係配菜只可以選一款，其他都要再額外加錢。 如果想食龍蝦、帶子、鴨肝等就要再加多50蚊左右。 🍝意粉屬於中高價位😬。1.辣味蒜片欖油煙肉意大利粉唔太辣，而且好多蒜片，好香。 2.黑松露忌廉汁菠菜意式燴飯汁好creamy，飯外部柔軟，有嚼勁。加1蚊紅莓芝士蛋糕哈哈！一口蛋糕配大湯匙🤣，真係一啖食完。 下次餐單包埋一口蛋糕更好。

一入去就有小食為敬，贈送的墨西哥脆片，一開始就脆片打人牙骹軟先，好味。印象分會馬上upupup。黑松露啡菇水牛芝士薄餅：批底好特別，好爽好薄好脆，鍾意薄批底一定滿足。所謂黑松露係顯現在pizza的底醬，然而飯腳表示啲醬唔均勻，我倒是還好。衝著批底，相當唔錯。原隻法式香草烤雞（套餐）：點講好呢，有少少失望。肉唔夠嫩，應該係焗得老咗少少。亦都係所謂，呢個價期望可以更好。套餐跟湯同沙律。飯腳表示沙律醬鹹咗啲。蘑菇湯倒是不錯的。跟餐甜品Brownie：喔。就係普通好食的Brownie，然而佢畀食飯用大匙羹我食甜品，感覺好微妙。Sangria雞尾酒：係經典的西班牙水果酒。私以為呢間舖最特別係佢有成jar賣的雞尾酒，一jar 98蚊，大約斟到4杯，呢個價格，當然，對酒有要求的話會嗤之以鼻，但以陽春版的角度嚟講，我接受。至少味道無太大偏差，唯一係雞尾酒一大重點係睇得，Sangria應該會加好多水果落去，而佢賣相就係利賓納咁......而然都係嗰句，衝著價錢，以cheap酒的角度嚟睇，我接受，甚至可以話CP值幾高。

觀塘真係好多餐廳可以食今次試觀塘工廈嘅Mini Friday燈光少少暗Semi Lunch Buffet 自助沙律吧, 小食, 冷盤, 甜品麻醬伴蕃茄配胡麻醬 好清新 開胃菜炭烤澳洲羊架 配 紅酒汁真係有炭燒嘅香味羊架肉質幾嫩 唔會太so皇牌威靈頓牛柳金黃色酥皮 上碟已經好靚食到磨菇 好香牛柳肉嫩多汁下次可以再叫多次呢個黃到金雞翼煎雞翼 配鹹蛋汁 牛油好邪惡 好肥仔 但好香口 炸到好好

男友帶我來食，六點半見好多位以為無咩生意啦。嘩，一到７點幾已經滿座。環境微暗，非常有情調，最適合與情人來。野食都有選擇的，叫套餐比較化算，而味道都相當滿意。薄脆脆卜卜口感加埋千島醬非常美味。田園沙律 (跟餐)沙律菜新鮮，加了荔枝味爆珠，帶來清香味道。菠菜忌廉湯 (跟餐)出街好少會飲到，質感濃稠，味道濃郁，無菠菜的澀味，幾好飲。DIY PASTA $168(包埋沙律、餐湯、餐飲) 溫泉蛋芝士忌廉天使麵配大啡菇Diy 形式醬汁和麵條自由配搭非常彈性，食完都覺得自己配搭好食。芝士忌廉汁味道濃郁，天使麵份量相當多，溫泉蛋水汪汪的，撈汁後好creamy，非常美味。大啡菇切片口感軟彈，簡單又好味，如果加埋煙肉碎就prefect了。炭燒美國頂級牛扒配黑松露燒汁 (包埋沙律、餐湯、餐飲) $328牛扒7成熟肉眼扒部位，肉質軟腍多汁，表面燒得好香，配黑松露燒汁好食。紅莓芝士蛋糕 (跟餐+$1)蛋糕細件一啖就KO了，味道都ok。朱古力熱飲(跟餐+$10)檸檬茶凍飲(跟餐)兩杯味道正常~

食物質素平平之餘 ， 烤雞係一隻陳年老雞。服務態度奇差 ， 中年男人的該位服務員倒瀉水無道歉之餘 ， 仲趕收工咁收走食物 ， 對客人缺乏尊重及禮貌。 去一次都成人生污點 ， 不可一不可再！！！ 餐廳咁多間 ， 呢間算最爛！！！

今日下午係觀塘辦事，同朋友做嘢之前決定喺呢度搵間餐廳食個午飯。The wave 商場有不少食肆，而且亦能避開觀塘下午鬧市區繁忙的午市時段，相對上呢度容易搵位。中午想食好啲，決定食一些半自助放題，Mini Friday 提供沙律吧，感覺唔錯，所以決定上去一試。餐廳都好大，而且臨近聖誕節，好有氣氛。位置坐得舒適寬敞。午市只要選其中一個主菜，便能享用自助沙律吧。我自己就好欣賞呢度的沙律吧。雖然款式不算多，但每一樣嘢食都好味，而且不求其。燒賣好食，燒汁茄子賣相亦都很吸引，上面有勁多香蔥和香蒜。沙律薯仔亦係必食，薯仔軟腍，沙律醬味道比較溫和，食一口有濃郁的薯香。沙律菜新鮮，不斷refill。炭燒紐西蘭頂級牛扒配黑松露燒汁來到賣相覺得好吸引，絕對對得住價錢。表面燒得焦香，而且亦見到牛扒紋理油脂豐富。牛肉點了五成熟，切開裏面有粉嫩的顏色，牛扒沒有太多筋，所以容易切開，食落口軟腍。黑松露燒汁味道亦不會太濃，能清楚食到牛肉香氣。炭燒澳洲羊扒配紅酒汁羊扒燒得剛好，有濃郁的羊肉香，肉質有嚼勁，配上紅酒汁更提出羊肉的鮮香。肉質軟腍，有孜然味，帶有些少臊，羊肉就吃這種的臊味才好食！凍咖啡整體來說這個午餐非常之滿

係觀塘返工既me，收工約左朋友係附近dinner~我地都未到星期五就去咗#minifriday 一坐低就有墨西哥玉米片做餐前小食，如果有莎莎醬就正呀卡邦尼扁意粉 $1️⃣0️⃣8️⃣呢碟意粉係穩陣之選，味道幾平衡，唔會太漏&芝士味。如果多D煙肉更佳。Fruit Punch $9️⃣8️⃣呢jar fruit punch 係成晚最伏既飲品。第一啖係撲鼻而來既酒味，跟住係死甜又有少少似藥水既味道。其實我要求好簡單，好似neway 既味道就可以了，但呢杯野飲真係fail, 便宜莫貪。炭燒美國頂級肉眼扒 $2️⃣6️⃣8️⃣份量比平時既牛扒細，不過我地唔想食太飽，呢個份量都ok~ 有趣既係牛扒下面係薯仔切片。時代抗翼：胡椒雞翼 $5️⃣8️⃣4隻胡椒蜜糖雞翼～提我地不忘胡椒噴霧既味道。胡椒落得好重手，我地勉強食到🤭如果鍾意呢個分享，記得Save/share/like💛以上

又到LUNCH TIME時間，今天朋友很想吃西餐， 便跟他到觀塘THE WAVE 的Mini Friday，因為餐廳位置多容易搵位。餐廳主要做set lunch buffet，價錢由$98至$198不等，包自助沙律吧及飲品。我跟朋友點了香煎三文魚柳$158及澳洲羊架$168。先去自助沙律吧看看有甚麼食。有沙律、燒菠蘿、意粉、炸春卷、餐湯、涼粉及甜品，都不錯。香煎三文魚柳是煎的全熟的，但入口都肉質適中，由於魚皮一面向下煎，所以魚皮香脆無比，可以說是皮脆肉嫩香滑多汁。點一些忌廉汁十分惹味，不會搶去三文魚獨有味道。另外配了薯菜及蕃茄，蕃薯蓉味道清甜，入口也幼滑，也是不錯。澳洲羊架用炭烤方式煮, 大約6至7成熟, 剛剛有少許粉紅, 肉質還算嫩滑, 外香內嫩既口感, 配上紅酒汁及黑椒調味, 味道平衡得非常之好, 羊架有兩大隻, 仲有少量薯菜配菜, 份量絕對足夠滿足我一整個下午.