Mini Friday (The Wave)

營業中

休息中

🥩高質牛扒抵食價！又同我個餵食好友食正野！今次我地去觀塘The Wave嘅@minifridayhk 鋸扒😋呢度環境闊落，梳化位坐得舒服！啱晒同35知己黎一路傾計一路食野！😉我地叫左兩個Lunch Set（可選配飯/意粉/薯蓉）🥩炭烤紐西蘭頂級牛扒配黑松露燒汁 $128個lunch set包左個餐湯係🍲南瓜忌廉湯個湯好濃郁，啱啱南瓜味，入口好滑好creamy!囡囡飲得好開心🤣！佢仲飲到唔停口！炭烤紐西蘭頂級牛扒配黑松露燒汁好高質！冇諗過呢個價錢都食到咁高質嘅牛扒！平時食開3成熟因為鍾意軟身d, 囡囡喺度就叫我8成熟！估唔到8成熟又唔韌喎！ 肉質鮮嫰好滑，一d都唔韌，配以黑松露燒汗嘅香味仲正！而我地揀左配薯條，薯條炸得啱啱好，金黃鬆脆，外脆內軟！

老豆生日，佢話想食西餐，搵吓九龍東有咩好食先。咸蛋黃醬雞翼（$78），香濃咸蛋黃醬撈炸雞翼，沒有不好吃的理由。皇牌威靈頓牛柳（$358），焗到剛剛好5成熟，牛柳好淋，有些少牛味，老豆好滿意。火焰脆燒德國咸豬手（$288），即場淋酒精點火，夠gimmick（啱哂打卡呃like），然後拎番入廚房切。豬手外皮夠哂脆但唔死硬，中間啲肉亦都軟身。不錯。龍蝦西班牙海鮮飯（$278），海鮮配料夠哂足，有半隻龍蝦、一塊魚柳、吊筒、蝦、蜆各三隻，飯嘅味道可以但不突出。DIY Pasta（$188+$48+$1），生日要食麵，冇麵搵意粉代替。套餐有沙律、餐湯、餐飲，加$1仲有是日甜品。揀咗「蒜片欖油」+「煙肉」+「意大利粉」，另加$48要多半隻龍蝦。香辣蒜味濃，意粉炒得唔錯。PS : 經 openrice 訂枱，主餐牌有88折。

雖然係良心小店💛 但確實失望既晚餐🙈😂一定一定無下次蒜片欖油雞柳墨汁麵 ($188)見佢環境都幾靚又full house 同收咁既價錢 應該唔會太差 點知一見個洋蔥湯已經嬲嬲地😅😅 稀到清晰見底 一定溝水😅仲衰過茶記例湯個啲🤮 沙律菜就好明顯唔新鮮 咬落唔脆口啲菜應該雪佐好耐…個意粉一啲墨魚汁味都無🦑 合埋眼食根本同普通意粉一樣 佢應該改名做”墨魚味”意粉 rather than “墨魚汁” 🫠 意粉overcook 一啲都唔彈牙林曬🤥 蒜片還蒜片炒 無同意粉撈埋再炒 而且炸到乾真真又過咸🫠 唯一可取係雞肉 比較嫩滑同入味 $188食呢個意粉真係後悔🫥無下次黑松露啡菇水牛芝士薄餅 ($168)又唔可以話佢唔好食 但成個味道好寡好單一 好似平時食白汁焗飯上面個層野既味道 (但當然仲好食過呢個Pizza 起碼有汁) 入邊完全唔開胃既配菜😂個啡菇又乾 個pizza皮又好硬好乾 真係好難先食得曬個批😫為食指數: 1.5/5性價比指數: 1.5/5推介指數:1.5/5

💛 #觀塘 #MiniFriday今日lunch同同事去咗the Wave3樓嘅「Mini Friday」，我哋已經係第三次食呢間西餐廳😚 疫情前佢哋做semi buffet，而家就有普通lunch set，但食物質素有提升，價錢都更相宜，CP值高👍🏻以下lunch仲配有餐湯同餐飲㗎，個湯仲好creamy濃郁，好味😋🐥 意式焗大雞扒 配 黑椒汁 配意粉 （$88）雞扒幾大塊🤩 肉質嫩滑又夠香，黑椒汁好惹味🥳 仲有啲香草添，令雞扒更fresh更香😙 仲有少少蔬菜伴碟💗 意粉都唔hea㗎，份量仲算多👍🏻🐡 香煎盲鰽柳 配 香草忌廉忌汁 配薯蓉 （$98）魚柳就更滑身更好味喇，皮香肉嫩就係佢了😍 加埋又香又creamy嘅香草忌廉汁，仲點抗拒XD 呢個餐一樣係有蔬菜伴碟，而薯蓉仲有黑松露香味，又creamy，推薦！

呢間有格調嘅餐廳座落於觀塘The Wave餐廳嘅環境舒適座位闊落配埋十分之有特色嘅吊燈令人感覺好relax好適合約會聚餐😊🔸DIY Pasta $208自選嘅意粉dinner set包括有前菜、湯同埋餐飲，今日嘅前菜係田園沙律，餐湯係忌廉湯。呢個DIY Pasta可以自由選擇醬汁、粉嘅種類同埋配料。今次我哋就簡咗黑松露忌廉汁配墨汁麵，配料就簡咗煙肉同埋加咗$20追加煙肉，所有嘢混埋一齊效果唔錯，墨汁麵好彈牙，掛埋黑松露忌廉汁好好味😋🔸香烤美式BBQ豬肋骨 $248呢個dinner set同樣包咗前菜、湯同埋餐飲。豬肋骨烤得好靚，色澤好亮麗，肉都算多唔會話好薄肉。廚師烤得啱啱好，豬肋骨肉質好嫩滑，配埋BBQ醬食好夾，呢道菜真係色、香、味俱全🤤🔸Tiramisu入口真係非常creamy，mini size細細件岩岩好！加$1就換到好抵食

最近見好多人都嚟呢一間幾有情調嘅西餐廳度食飯🍴嗰晚就試咗佢哋個法式紅酒會牛肋條🐮套餐仲有埋餐湯同沙律 好豐富🥗牛肋條份量都幾多 肉質好嫩滑而且牛味仲好濃～旁邊仲有好多配菜 黑松露薯蓉個松露味好香 而且口感好creamy🤤

難得咁有決心坐咁遠車去觀塘探朋友, 希望坐下傾計, 開開心心, 上到呢間野個樣見得人, 價錢百幾蚊一個, 叫唔太差吧, 就坐低了, Menu 都幾靚, 看上來幾高級的, 選擇亦好多, 一人一個主餐, 結果個扒超老, 入少少都咀唔到, 不知所謂;個大蝦意粉已算最好, 只係多油和唔知做咩咁辣, 本身又話少少辣, 個魚就鹹到喊, 好似食鹹魚咁, 離晒譜, 結果3人同時都食唔飽, 面都黑晒, 點解可以咁差架, 臨走我在紙巾上寫上"超鹹, 難食", 唔知經理知唔知, 差D 想拍枱, 但難得朋友聚下見面唔想搞到咁核突, 所以無咁做. 希望間野反醒下, 無人識廚野就唔好開門. 當日是星期日, 平日唔知係咪無咁衰, 如果咁衰應該到摺左, 大家唔會再見到. 

由觀塘mtr,觀塘廣場方向出口直行直行幾個街位轉左，就搵到the wave搭lift上3樓就到原來mini friday同米走雞係痴埋一齊咁既。行入餐廳嘟好安心出行，向左走就mini friday向右走就米走雞咁都幾好喎!!!如果下次附近搵食，直接黎呢度，到時想食西餐就轉左，想食中餐就轉右。好方便!!!一坐低,好快就送左一盤nachos俾我地雖然只係好plain既nachos配千島醬不過都唔錯呀~有誠意!叫左2個set.2個set都會配沙律+餐湯+餐茶餐湯同沙律都唔錯1. 香草燒牛仔骨 配 蜜糖燒汁 $268 ☆☆☆☆☆有3大件牛仔骨,好大份牛仔骨濃濃肉味又juicy,而且超嫰超淋個汁我都好鐘意,甜甜的燒汁味配埋小小薯蓉,好味!2. DIY pasta $188 ☆☆☆☆呢個幾好，任揀配搭，可以揀唔同既意粉，仲有墨魚面同risotto。自選汁，再自選唔同配料。超級靈活唔使受fixed menu限制包保黎食多幾次都唔怕悶。意粉就自己煮都好易啦,所以我地叫左煙鴨胸黑松露忌廉汁意大利燴飯,個risotto D飯軟軟細細,不錯的最後,叫set既話可以+$1加甜品今日甜品係tiramisu雖然只

開心星期五🥳的晚餐到Mini Friday，位於觀塘興業街4號The Wave 3樓。之前試過這裏午餐， 今次感覺晚餐也不錯。 星期五晚上都比較多人， 所以枱與枱之間客人距離都較近。晚餐✨ ～ 薄脆、 水牛城雞翼$98、 明太子忌廉帶子手捲粉$178、芝士牛肉漢堡$168、 椰香菠蘿沙冰$78、 House Red $58。 🔹薄脆🫓 ～ 坐低不久，店員為我們送上這款小食， 脆卜卜的口感。 🔹水牛城雞翼🍗 ～ 味道辛辣，偏鹹。 🔹芝士牛肉漢堡🍔 ～ 牛肉漢堡味道比較淡，粗身薯條🍟香脆好味， 另外還有沙律🥗作配菜。 🔹明太子忌廉帶子手捲粉🍝 ～ 當晚沒有手捲粉， 用長通粉代替， 明太子味道不算突出， 忌廉很濃郁，帶子有三粒，鮮甜美味。 🔹House Red🍷 ～ 易入口，唔會好澀。 🔹椰香菠蘿沙冰🍹 ～ 冰涼口感， 解渴之選。 用 Openrice 訂枱有88折 (單點菜式) ， 都幾抵食。

Mini FridayMini Friday係一間酒吧餐廳🍽環境舒適 坐得舒服 氣氛唔錯Dinner set 包括沙律 餐湯同餐飲 加$1仲有甜品添一坐低店員隨即送上一份墨西哥薄脆作餐前小食，點埋千島醬又幾正.🌀香煎三文魚 配 刁草忌廉汁 $258三文魚煎得金黃色 賣相已經加晒分魚肉結實有魚油香 一梳梳嘅魚肉令人食得滿足伴碟嘅配菜都有心思 薯蓉係加咗黑松露嘅 食落幾有驚喜✨連露筍都有簡單調味 食得出佢地嘅誠意.🌀DIY意粉 $188正所謂有得揀先至係老板🤣意粉嘅醬汁 麵底同配料都可以自選 🍝我地揀咗溫泉蛋芝士忌廉鴨胸天使麵 忌廉醬夠香濃 配料有菇菌增加唔同嘅口感 份量足夠兩個人share .🌀甜品 加$1一口香蕉蛋糕 忌廉配上海綿蛋糕層層相間 質感唔錯 .店員有禮貌 服務方面值得俾滿分 睇餐牌佢地有個套餐係甜品配一jar嘅mocktail 有機會可以再嚟試試😋

Mini Friday (The Wave) (觀塘)位於觀塘興業街4號The Wave 3樓，喺觀塘呢個鬧區有一間可以食到威靈頓牛柳嘅餐廳極之不錯。價錢亦都相對便宜，食物選擇多，係一間放工不錯嘅聚腳點

今日同朋友黎到觀塘既哩間西餐廳。餐廳環境寬敞，燈光柔和，坐得舒服，最特別既地方係同一層一邊係Mini Friday，另一邊係米走雞，大家出左lift之後就算只係見到米走雞既名都唔係走錯地方。餐牌上面除左單點之外，亦有晚餐可以選擇，而叫意粉或者晚餐都可以加一蚊換購是日甜品。另外，一坐低，店員會先放低墨西哥脆片同千島醬。✨Dinner Set🥗前菜：田園沙律沙律淋上芝麻醬，上面仲有啲乳酸粒粒。🥣湯：是日餐湯今日既餐湯係南瓜忌廉湯，質感濃稠。🐟香煎三文魚配刁草忌廉汁 $258表皮煎得焦脆，肉質細嫩結實，底下帶有油脂，刁草忌廉汁creamy富奶香，配有黑松露薯蓉、蘆筍、烤蕃茄仔及蘿蔔粒。🐑香烤澳洲羊架配薄荷燒汁 $278羊架有三塊，而且厚身，五成熟剛剛好，切開肉質粉嫩，有肉汁，亦無羶味，同樣配有黑松露薯蓉、蘆筍、烤蕃茄仔及蘿蔔粒。➕$1加配是日甜品：芒果蛋糕（小）🍋餐飲：凍檸茶及熱檸水整體黎講，餐廳環境闊落舒適，兩款主食都有質素，黎開觀塘可以一試。

Happy Friday 收工之後，去左觀塘工廈區附近揾食，The Wave 呢橦大廈有好多食店，今日試左一間質素幾好嘅西餐廳。餐廳環境舒適幾闊落，有好多卡位，坐得好舒服。 裝修有特色吊燈，幾有格調，氣氛唔錯。 💕有dinner set 可以揀，包飲品，沙律，餐湯，加一蚊仲可以叫埋甜品。我哋叫左兩個set唔駛煩。🌟一坐低侍應就好貼心隨即送上一份墨西哥薄脆小食作餐前小食，炸得好香鬆脆，點埋千島醬就perfect。跟住有餐湯同埋沙律。椰菜花忌廉湯，好香濃，有好香的香草同埋胡椒味道。田園沙律，蔬菜幾新鮮爽脆，配埋胡麻醬，食完胃口大開。🌟香草燒牛仔骨配蜜糖燒汁 $268份量十足，有三大塊牛仔骨。牛仔骨燒至約七成熟左右，肉質夠香濃又有咬口！蜜糖燒汁甜度恰到好處，唔會蓋過肉本身嘅鮮味。薯蓉都好creamy，配菜好鮮甜爽脆😋🌟自選意粉套餐 $188第一次試佢地個DIY PASTA套餐，好大自由度，可以自己揀意粉種類、醬汁同埋配料，我就揀左溫泉蛋芝士忌廉配煙鴨胸墨汁麵。好鍾意督穿溫泉蛋果一下😍好鬼治愈! 墨汁麵煮得好彈牙，全部掛上醬汁，忌廉醬汁加左芝士比較杰身。煙鴨胸肉質好嫩滑，正🤤🌟飲品叫左凍檸茶同

又到星期五，又可以同朋友相聚暢談一番！呢度環境幾好，今次由6:00坐到差不多11:00😂😂食物都不錯呀！入座就送上餐前薄脆。🔸美式BBQ豬肋排(💰288)(7/10)服務員話單點有六條骨，套餐係四條骨。咁我地就叫單點。但最後黎咗四條骨，跟住幫我地換返，最後俾咗十條骨我地🤭味道不過不失啦。薯蓉有黑松露味，都有蔬菜配菜。🔸辣肉腸帕爾馬火腿薄餅（💰188）(9/10)好味！最出色係個餅底，好脆好香！好多芝士，個底仲有茄醬，配埋Parma ham，好味！🔸明太子忌廉帶子手捲粉（💰178）(8.5/10)呢個都好味！手捲粉嘅口感幾好，又夠長，係幼身嘅窿。啲汁黏滿哂成條手捲粉！明太子忌廉醬夠香濃。帶子煎香都好大粒！🔸心太軟配雪糕（💰78）(8/10)心太軟蛋糕同流心朱古力比例適中，朱古力味道濃，又不會太甜！入面嘅朱古力漿杰杰地好味！朱古力雪糕都雪得好夠凍，唔會溶哂！服務都好好，周圍個個都飲一大渣啤酒，下次再嚟都要啤啤佢先😂🍻Overall評分: 8/10

首先個湯淡耐無味，稀到不得了，好似飲水咁❌個牛扒正正常常 個汁幾特別👍🏻可以一試 全場得幾台客，佢地可以除哂口罩係度傾計，嘈都算，疫情期間好唔衛生。個重點黎啦。。。。。當日有一位員工，我唔知你係感冒定係中左omicron ，我食左大約一小時，佢就全程咳同流鼻水，佢既咳嗽係十分嚴重，有無諗過客人除口罩食野你就咳到肺癆咁有幾影響客人，最後忍受唔住野都無飲就走左。然後我喉嚨痛左兩日，好驚🙃公道黎講 味道可以 但衛生有待改善