Mini Friday (銀城廣場) (已結業)

今天陪朋友去銀城廣場買東西，見到原來旺角也有分店，決定在這裡吃晚餐。餐廳不論內外佈置都充滿心思，感覺很舒適。而店員態度良好，服務加分。點了兩個套餐，套餐包餐湯、沙律、飲品及甜品。沙律新鮮，有醋香及爆珠的甜味。而甜品是朱古力蛋糕，份量意外的大，口感幼滑。主菜選擇了自選意份，配料要了煙肉、雞肉、海鮮、洋蔥跟蕃茄汁，意外地配合。香煎海鱸魚柳配上蕃茄沙沙清清淡淡，健康之選。水牛雞翼入味，微辣。焦糖燉蛋不會太甜。今晚又一次大快朵頤地吃了一餐。

經OpenRice預約訂左7:307:15左右入到餐廳，裝修都唔錯之後7:30開始全場差不多滿，所以我諗如果五六日想食呢間餐廳 都真係最好訂左位比較穩陣點了個晚餐既set 價錢唔貴 仲可以由前菜食到甜品 仲有位飲品 百幾銀有找 性價比實係好高食物質素好好 點左個肉眼同自選材料既意粉 肉眼點左全熟但都好林身好有牛味 好正意粉分量好足夠 又好味 最最開心 個餐飲 熱奶茶出奇地好飲 同茶記既有得比喜出望外食物優質，服務員反應快又親切

一間大有好濃厚美式餐廳風格嘅西餐廳。之前同個舊同事約咗好耐嘅飯局，就揀咗呢一間西餐廳去食。感覺美式得來好年輕好有活力。我哋做叫咗呢一個二人套餐＄555。有頭盆，湯，沙律，大盤，甜品。籌款係呢一個海鮮拼盤，海鮮都好新鮮鮑魚好鮮甜，象拔蚌好爽口。通就叫左呢個南瓜蓉湯，好creamy.我就叫左呢一個炭燒羊架保雲酥。叫咗七成熟剛剛好，羊架好新鮮，上面嘅麵包糠同調味啱啱好，非常好食。食埋呢個賣相咁靚嘅朱古力蛋糕就作一個完美嘅總結。

Mini Friday before Friday 星期四係街度凍冰冰，最後黎左一間古典裝潢的樓上餐廳，找回一點暖意。田園沙律毫不吝嗇，大大碟沙律，新鮮沙律菜、大大件蕃茄、黑醋汁，富田園風的開胃前菜。意大利雜菜湯略清淡，酸酸甜甜的，不過不失。蘑菇忌廉湯推介之選！忌廉湯的比例剛剛好，不會過多忌廉和牛油令湯變得膩口，滿滿的蘑菇泥、蘑菇粒和蘑菇片，令口感非常豐富。明太子雞翼每一隻雞翼都塞滿了爆多的明太子，明太子事前經過俺制有了底味，和雞翼相配合，重要是雞翼是全起骨的，非常適合我這種懶人。炸魚薯條賣相相當吸引，熱辣辣的粗薯條，薄薄的炸粉，嫩滑的魚肉，配上餐廳特制的芥末忌廉醬，一流小食。自選四選一意大利飯非常特別和有創意，自選材料一定岩客人心水，亦非常考驗廚師廚藝，我地選了香草汁配上蘑菇、牛肉、洋蔥和火腿，哈哈幸運地意外的夾，賣相亦非常好，最欣賞配料都先經香煎炒過，口感味道更出。西班牙黑毛豬梅肉醬汁是類似燒烤醬豬肋骨般的，分別在於豬妹肉的肉質非常嫩身、厚身，啖啖肉，配上新鮮菠蘿粒、蕃薯泥蓉，絕對可以媲美羊架、肉眼扒！甜品有朱古力蛋糕，有四層不同材料而成，頂層有朱古力慕絲，第二層有朱古力蛋糕，第三

放假當然要食好野，係旺角搵野食，當然要上樓上。旺角呢間西餐廳，靜中帶旺，室內環境安寧，高雅舒適。叫左個 美式黑毛豬梅肉，秘製燒汁，甜度適中，豬梅肉口感特別，香嫩厚肉，肉汁豐富。還有一些配菜，配合，色香味十足。加了一個小食 蟹膏帶子。 上層新鮮芒果肉，中間鮮味真蟹肉，底層南瓜。層次分明，味道鮮明不混沌。值得一試。仲有紐西蘭羊排。大大塊，香脆內嫩，香草減輕羊羶味，而且外觀金黃，又有醬汁，唔錯食完主菜，仲有菜後甜品，朱古力三重奏，三種享受，三層味道，香濃朱古力，勁吸引。

今日同3位好友黎過新春開運飯局,約左去旺角MINI FRIDAY可以一起坐得舒舒服服食好野傾下計坐低就快睇餐牌,肥人唔餓得每人諗一樣野快快手搞掂食咩先是日點左以下食物水牛雞翼,黑毛豬梅頭,馬賽魚湯,墨汁意粉,小食拼盤先食個小食先,點下醬頂住肚先口乾叫左兩杯半價FRUIT PUNCH小食拼盤入面有黃金蝦球.蝦春卷吉列蝴蝶蝦,炸魚餅,豬骨腸....黃金蝦球同蝦春卷都好脆好香蝦味,豬骨腸都幾香水牛雞翼--除左雞翼外仲有D甜甜地既珠珠,D雞翼辣辣地都幾正,開胃口墨汁意粉--有甜椒,蝦仁,軟殼蟹,軟殼蟹幾脆同好香,仲有大量蒜蓉令到成碟菜更高一層次帶出成個意粉既味馬賽魚湯--有好多海鮮做配料,個海鮮湯用黎點魚食就丫丫好喇條黃立倉好正,好滑好新鮮唔腥黑毛豬梅頭--黑毛豬唔會好難咬之餘有咬口仲好香豬味,另外個番薯蓉同菠蘿都唔錯

是日與友好共聚新春開運飯局,搵左旺角MINI FRIDAY坐下吹下水坐定定就望餐牌就係常識今日點左以下食品水牛雞翼,黑毛豬梅頭,馬賽魚湯,墨汁意粉,小食拼盤見到人地整飲品D朋友又話要飲,有點菜式半價點野飲叫左兩杯FRUIT PUNCH先黎個免費小食,醫下個肚先馬賽魚湯-入面海鮮湯底配合有蝦,蜆,吊洞,番茄,黃立倉...條黃立倉真係好正小食拼盤--有黃金蝦球.蝦春卷吉列蝴蝶蝦,炸魚餅,豬骨腸--炸物好香口,個脆漿都唔太厚水牛雞翼--辣辣地幾醒胃墨汁意粉--勁多蒜蓉超香口,軟殼蟹都好香好脆口黑毛豬梅頭--個豬幾好食,好入味,另外仲有蕃薯同菠蘿,正呀FRUIT PUNCH--都OK,唔太甜

嗰日約咗班朋友喺旺角食飯，朋友之前介紹旺角銀城廣場樓上有間餐廳，環境同食物都唔錯所以決定去試吓。一去到門口已經發現裝修好有歐洲風味。餐廳燈光柔和，裝修好友情調，全部都係卡位坐得好舒服。餐牌上嘅食物好吸引，而且非常特別。而且仲有套餐所以選擇，套餐有頭盤、湯、沙律、副菜、主菜同甜品，乜都有齊。餐廳附送的餐前小食，非常香脆，點小小醬汁食味道一流。意大利雜菜湯非常足料，南瓜湯南瓜味濃郁。海鮮拼盤有鮑魚、帶子、鮮蝦、蟶子同藍青口，海鮮非常新鮮肉質爽口彈牙，配上兩款好特別嘅醬汁。蟹肉三重奏蟹肉加上芒果、牛油果，仲有底層嘅木瓜，味道非常清新。黑松露忌廉炒野菌，黑松露味非常香濃。原條鮮魚西班牙海鮮總匯，原條鮮魚非常大條而且肉質結實，他也非常濃郁嘅蕃茄味，加上青口、帶子、蜆材料十足。炭烤澳洲羊架保雲蘇，烤嘅時間恰到好處，完全鎖住肉汁而且肉質鮮嫩，配菜亦都好好味仲有紫薯蓉。松露牛柳朱古力球，好特別嘅配搭所以決定試吓，店員現場幫我地點火，朱古力球即時溶化，牛柳口感一流，配朱古力一鹹一甜味道出奇地夾。最後甜品係綠茶心太軟配雪糕，心太軟外脆內軟中間留心，而且甜度剛好，配埋雪糕一齊食，一冷一熱超好食。

Set lunch依個價錢，有湯有薄餅，叫兩個主菜送海鮮拼盤，連餐飲，主菜好好食，值得一試！一坐低就有薄餅食，餐湯我揀左雜菌湯，好多菇🤤 好飲～叫兩個套餐送既海鮮拼盤！ 都幾鮮，醬汁不錯～～ 可以套餐加錢另叫，都食得過😀叫左個鮑魚白菌意大利飯，好creamy，鮑魚都好好味，仲有兩隻添！同行仲叫左黑松露野菌雞肉薄餅(9吋)，好香黑松露同菇味🤤最後加左$18叫左個甜品：朱古力餅，好濃朱古力味，好好食🤤初四lunch去都唔多人，侍應服務態度都好好～ 整體，第一次食，值得推介🤗

野食冇咩問題，但落單左一個鐘先上到主菜，摧幾次都完全冇反應，完全冇理食客感受，員工問佢咩都答唔出，個個都好似新做，對餐廳完全唔熟識，經理態度奇差，不過如果你等得既就冇所謂既，可以感受到等既滋味。

大時大節係旺角行完街，又要搵食。本身去了list中另一間，但去到睇完餐牌又好似一般般。所以同行朋友就提議黎呢到。店都算幾大間，不過人唔多，都算舒服。因唔特別肚餓無叫set，就散叫兩碟。Carbonara 賣相不錯，面放上半生熟蛋再和意粉芝士撈勻，味道不錯而且意粉軟硬度適中。海鮮意大利飯（不太記得名字）飯，海鮮料數量都ok，有蝦、帶子、魚和青口。不過就唔大粒。順帶一提，餐廳不提供水，冷暖都要比錢。連少少的一杯水都要比錢就有點兒那個囉！

book1930二人食左個海鮮套餐，都幾豐富有頭盤兩個main crouse沙律等，最喜歡那個黑松露雜菌，二杯飲品，一杯cocktail最後那道甜品不错，埋單615加左一

旺角的樓上西餐廳，空間大座位舒服，食物質素不錯，值得推介～雖是樓上餐廳，但幾受歡迎，8點幾晚飯時段，幾乎滿座，但餐廳有足夠空間，唔覺嘈吵，坐左角落位更可以享受自己時間！食物方面，叫左兩個full set;前菜田園沙律大大份，番茄好新鮮，餐湯方面叫左個雜菜湯同甘笋湯，推介甘笋湯較香甜。+$48冷盤叫左歐陸海鮮拼盤，凍鮑魚爽甜！其他正常偏好，配以面鼓汁同蕃西汁，個蕃西汁有啲似泰國生蝦汁好野味。最推介既係兩個主菜！！烤波士頓龍蝦同碳烤美國肉眼扒，龍蝦肉質爽彈，相信廚師只係加左少少調味料去帶出龍蝦本事既甜味，食落鮮甜仲有龍蝦膏既香味。牛扒五成熟，咬落肉汁算多，仲帶有淡淡碳燒味道。兩個主菜都以甜薯蓉同羽衣甘藍作伴菜，食落清甜，成個主菜食材新鮮不俗。是日甜品係朱古力蛋糕，亮點係個覆盤子醬，發覺呢間餐廳都中意用健康配菜！最後一提，餐廳服務人數足夠，整個進餐過程都有待應隨時照顧客人需要👍🏻可以參考下來緊情人節menu:

有時想起旺角食飯，想搵地方大D舒適D有時真係難~ 今次選置呢間餐廳MINI FRIDAY 地方又大又寬敞，環境靜靜地坐得好舒服。 餐廳除左有散叫MENU之外，仲有SET DINNER同二人餐MENU可供選擇。 我覺得SET DINNER好豐富，有齊前菜/ 餐湯/ 主菜/ 甜品/ 飲品，所以今餐要左一人一份SET DINNER。 湯有兩款分別有意大利雜菜湯&是日餐湯，我呢個意大利雜菜湯很不錯，多雜菜之外無味精，飲到菜本身的清甜味。 前菜田園沙津，一人份也不少，蔬菜好新鮮，加了黑醋同爆珠，好醒胃。 <香草燒原隻法國春雞 $169>，春雞脂肪唔多，肉質好嫩滑，好喜歡呢到個配菜，有蕃茄，羽衣甘藍口感爽脆，蕃薯蓉香甜，原汁原味，無添加好健康，同主菜好夾。 是日甜品係朱古力蛋糕，入口係好香濃，質感好滑，中層有朱古力脆脆，整個配搭好夾。 套餐飲品可選咖啡或茶。

本來之前未曾食過呢間餐廳 ，朋友見到食評都唔錯 ，環境都ok而且都出名既 ，所以約出呢食啦。一開始叫左一set小食，雞翼炸物之類都好食既。之後前菜，沙津，餐湯果D都ok無問題。但主菜就有問題啦，本來叫黑毛豬柳既，上碟黎左2件，1件2成豬脂肪ok既，另1件8成都係豬脂肪出哂油(得邊位2成食得)，完全食唔到。咁就叫打算換過件啦....點知餐廳經理話係咁，梅肉不嬲都1件肥1件瘦咁上。佢比左2個選擇我：我幫我扔左一件 or 我地照食。咁都冇計啦...只好食仲食到果2成。食完之後睇返menu先發覺佢好似上錯餐，menu中文寫係黑毛豬柳，然後佢上錯黑毛豬梅肉，英文2個餐都係pork collar。咁都食到嬲嬲地，同經理講返，佢話豬柳即係梅肉，無搞錯到。果刻真係佢講哂，咁講既話，佢話黑毛豬柳係咩都得啦，而且邊個會suppose有咁大夠肥肉喔?講左一輪，最後佢先死死氣話可以cancael返。但果時都已經食完，扔得既肥肉都扔左另一個碟收埋啦。咁只好算啦...PS: 餐廳經理冇認過錯，而且真係好唔負責任，一套i don't give a ____ 既服務態度。