Mee...lemongrass (已結業)

食飽先有力減肥，所以係去做運動之前就同朋友一齊黎左青衣城食午餐先，可能因為時間都仲係幾早，所以唔洗排隊就可以入坐了。我自己好鍾意食油鬆餅，所以就叫左緬甸咖哩牛腩配油鬆餅。成個套餐好大份，油鬆餅一大塊，咖哩一大碗，一份酸辣鳳爪沙律，一塊班蘭蛋糕，仲有一碗清清地嘅冬瓜湯。酸辣鳳爪好好味，鳳爪口感好爽，調味剛剛好，令人開胃又唔會太重口味。油鬆餅口感煙軔，不會太乾，配上咖哩很惹味。咖哩有小小辣，入面牛肉好大塊，份量很多，用鬆餅包住牛肉，直到最後牛肉仲有剩，食得好滿足!另外碗冬瓜湯好似同成個餐有D唔夾，但食左好濃味嘅咖哩之後，用黎清下口入面嘅味都唔錯。而班蘭蛋糕品質都唔錯，上層嘅cream幾滑，蛋糕幾香。朋友就叫左無骨海南雞喇沙，亦有前菜酸辣鳳爪同班蘭蛋糕附上。我試左佢嘅海南雞，可能因為黎得早，係雞脾位置嘅肉，所以好滑好好食，而喇沙嘅湯好濃椰奶香，口感好順滑，不辣，令到我係咁飲佢嘅湯，而呢間店係用兩溝嘅面(油面加米粉)，但我個人更加鍾意湯同米粉嘅配搭。跟餐仲有一杯飲品，我要左凍泰式奶茶，雖然我唔明點叫泰式，但奶茶大大杯，香甜細滑，都唔錯。朋友話佢個杯杞子紅棗茶都好飲。最後仲加錢叫左個芒果糯米飯，

青衣城自加開了第二期後，多了不少的食店！這間東南亞餐廳，是其中一個驚喜！午膳的時間來到，不少的人正在等候！這次取票後，大概需要等候10-15分鐘，才能入座！溫馨提示！趕時間的人士，可能需要預時間，提早來取位置了！熱愛東南亞食物的我，望著餐牌，花多眼亂！好不容易才能選定！這次試的是炒貴刁和熱拉茶！先要一讚的是午餐的份量很足夠，甚至有點誇張！一份定食的奉上來！視覺很滿足！先喝一口湯！湯的溫度剛剛好！一碗熱湯很溫暖人心！味道不錯！感覺上沒有很多味精！味道清甜！有青紅蘿蔔！感覺很正氣！此外，還有前菜的酸辣鳳爪！冰涼、酸辣開胃！到主菜炒貴刁！份量大得誇張！應該可以分2餐吃！味道不錯！夠鑊氣！材料亦新鮮！但可能由於印尼式的關係，味道偏甜！相對上，熱拉茶比較失望！味道十分甜！亦沒有茶味！最後，小小一件的藍莓蛋糕是窩心的！蛋糕鬆軟！甜度、藍莓醬酸甜度適中！這是滿足的一餐！期待下次在這裡品嚐其他菜式！

N年無黎青衣城了，整完野就梗係係依度開餐啦。無黎咁耐，真係唔識行，行行下黎左2期依度，就入左依間星馬餐廳，超爆，好彩等左唔係就有位～秘製肉骨茶材料有排骨、腐竹、豆卜、東菇、龍眼肉等等。先飲啖肉骨茶，好香藥材味，包括淡淡既當歸香。腐竹和豆卜吸收晒肉骨茶既精華。東菇好爽滑😘排骨好入味，又唔靭😋我地叫左白飯一齊食，咁樣先可以食埋個肉骨茶既精髓😁無骨海南雞飯懶人至愛無骨海南雞個套包左個青紅蘿蔔湯、菜心，油飯🍚隻雞好滑呀，而且好香黃油味，令我林返上年去新加坡食既海南雞🐔加上佢個海南雞汁辣辣地岩晒老公，我就最鐘意佢個甜鼓油。軟殻蟹米紙卷軟殻蟹好脆、米紙夠爽滑，一d都唔乾，加埋三色椒同新鮮蔬菜，好爽口。旁邊個汁酸酸辣辣，好開胃👍🏻Pineapple GaardenHoegaarden 內加左好多菠蘿肉，多一份層次感和味道🍍Mee... Cider EnergyApple Cider加左香茅同橙，好有自己既特色，而且岩晒炎熱既夏天🍊

今日同男朋友喺青衣城二期睇完戲之後 決定食埋嘢先返屋企我哋兜咗商場一個圈 最後揀咗呢間食馬來西亞菜的 畀佢門口大大個餐牌吸引咗 原隻波士頓龍蝦喇沙但係非常遺憾 原來呢個優惠係有指定時間嘅 不過唔緊要啦 食其他一樣可以裝修都幾特別 雖然餐廳都係喺室內位置 但係專門畫出咗一個區域好似左喺室外咁 分為兩部分 室內及室外光顧嘅時間大約下午五時 還是下午茶時間 仲有下午茶餐選擇選擇都幾多元化 有喇沙 炒貴刁 炒飯 湯檬粉 咖哩類配薄餅或飯 包嘢飲一杯無骨海南雞喇沙下午茶餐$64 配凍奶茶呢碗喇沙的確讓我讚不絕口 色香味俱全湯底非常香 有香濃嘅椰奶味 稀傑度適中 飲落口非常順滑餐廳非常聰明用咗豆卜呢種吸湯能力咁高嘅食材 完完全全可以將湯底嘅精華吸收喺豆卜入面海南雞冇骨啖啖肉 外皮爽脆肉質嫩滑另外單點咗個泰式蠔仔蛋$88配合泰國酸酸甜甜嘅辣汁一齊食非常惹味 蠔仔飽滿肥美 非常鮮味蔗蝦(三件)$74即叫即炸熱辣辣脆卜卜 中間軟熟 彈牙 蝦味重 雖然熱氣 但係真係好香口 食唔停口星期一至五喺青衣城消費滿200蚊就可以免費泊車兩小時 確實不錯

青衣除左戲棚紅，最近都聽多人介紹呢間星馬泰菜餐廳 Mee...lemongrass。位於青衣城二期半開放式格局，用綠色假植物裝飾，打做花園感覺門口張海報正是吸引我黎嘅最大原因，半價波士頓龍蝦喇沙，可惜我們黎遲左，每場30隻嘅限額已經售罄唯有將目標轉向其他美食。肉骨茶 出付意料味道好濃，藥材味中又帶有圓肉嘅甜，但又家鄉大馬所食到又是倆種感覺，湯裡腐竹份量多，如果有跟配油條就更加滿足雖然食唔到龍蝦喇沙，但都要試吓海南雞喇沙，一樣嘢滿足倆個願望，滑嫩嘅海南雞，同椰汁濃郁嘅咖哩喇沙湯底，配以米粉油麵(參參)東南亞特色。緬甸咖哩牛腩，同是咖哩醬汁更濃，絶非茶記那種打匀而成濃但無味，這個咖哩香而滑，但牛腩應該要再炆耐啲，口感方能更佳。薯仔薄餅 餡料十足，單件已感覺像一碗飯，沾上牛腩啲咖哩汁，羸晒拉茶同港式奶茶有大不同之處，上層厚厚嘅泡沫，下層由茶葉同奶嘅撞擊出黎嘅味道，無滑嘅口感，但有留口嘅茶奶香。

小時候在青衣長大，幼稚園時代爸媽帶我吃長發商場美心快餐的飛碟兒童餐，小學時代與鄰居一起到火車頭買小販檔，中學時代跟同學到新建的青衣城吃扒王之王，後來舉家搬到九龍住，已經很久沒回去，多年來一直聽仍居住青衣的同學說青衣的轉變，這次回去終於親眼看到，真的很多很多都變了~今次專程到新建的青衣城二期逛逛兼醫肚，出發前已揀定男友家鄉菜，馬拉西亞菜7點多來到，等了一會才入座，半價龍蝦喇沙已售罄，無緣一試~秘製肉骨茶 $86非常多料，有藥材味，肉骨夠淋，第一次吃肉骨茶裡面有枝竹，吸了湯味道也不錯，但沒有油條就有點失望了~無骨海南雞喇沙 $82湯頭微辣，椰汁味重，像馬拉吃到的一樣半米粉半油麵，在香港不常見，很驚喜~緬甸咖哩牛 $78半肉半筋，夠淋身，咖哩汁夠濃稠，香口但偏辣，裡面有兩件炸過的薯仔，很軟熟，沾滿咖哩汁吃好正~薯仔薄餅 $28然後點了一份薯仔薄餅沾咖哩汁食，大份又多餡，充滿薯仔香，好滿足~正宗星加坡蝦麵 $78馬來特色拉茶 $26跟正宗的一樣拉至起泡，香料味夠奶香夠，沒有馬拉的甜，很好喝~泰國豆奶紅豆冰 $38原支泰國豆奶，豆味濃厚，很香滑，加埋紅豆泥，個人覺得比港式紅豆冰更好喝~

今日同老婆出街做完運動, 要醫肚果陣就諗起成日係青衣城二期見到一間東南亞菜餐廳長期都有人排隊。呢個中午就決定去試下食下同了解下點解呢間餐廳咁受歡迎~~!入到去坐底, 見到周圍都好多人食海南雞, 於是老婆就點左個無骨海南雞叻沙套餐!我就叫左緬甸咖喱牛腩油鬆餅一齊SHARE食。套餐已包甜品、小食同飲品, 所以成個餐都好豐富。無骨海南雞真係好嫩滑! 咁岩佢俾左雞比肉我老婆! 另外叻沙椰香味都好夠, 匙更會另外裝起辣醬, 可以自行調節。老婆唔食得太辣, 所以少少辣+重椰香味=超正! 而我個緬甸咖喱牛腩油鬆餅味道都唔錯, 牛腩炆到又腍又好香, 果D味道可以下次再食!另外加左$32 叫左碟芒果糯米飯, 個樣好FUSION好似壽司咁靚, 食落好一般, 可一不可再...

踏入青衣區的次數，五隻手指都沒有。是晚到青衣探探舊朋友周圍逛逛，晚餐就在二期裡食。二期裡不乏各式各樣的食肆，不過東南亞菜我倆尤其喜愛，而且菜式飲品選擇多元化均是考慮的因素。用餐碗是傳統的公雞🐓碗！無骨海南雞飯 - 菜心青綠，入口清甜，冬瓜湯夠消暑解渴。雞件肥瘦適中，點了醬汁其肉質更嫩滑香濃，佐配上脆香花生粒及酸味味紅蘿蔔絲等更見開胃！份量十足，食完之後飽得很！Mee喇沙 - 碗細細但配料豐富，有大蝦、蟹柳、蜆肉、魚蛋、豆卜、雞蛋及魷魚。湯底椰香味蓋過辣味，濃郁得來不嗆喉。麵底是米粉與油麵混在一起，麵條彈牙之餘亦索滿湯汁，挺惹味！泰國豆奶紅豆冰 - 印象中沒有飲過泰國豆奶，難得有，當然要試試！豆奶散發出濃郁的豆味，飲落滑溜不甜。紅豆軟稔有嚼勁，不錯！

自從青衣城2城開左之後，每次經過呢間店都大排長龍。心諗🤔：「唔通好出名？好好食？」見到門口有寫原只龍蝦喇沙，每餐限量供應30份，唔使一百蚊，真係幾吸引，都想入去試下，但每次見到咁多人排隊就打消左個念頭，因為驚排到，龍蝦都冇晒，龍蝦先係主角，my飛佛。今日依然係咁多人，都唔想排，但行前睇下，原來佢地等緊6點入去。睇睇手錶，仲有幾分鐘就6點，於是我地都加入排隊行列😂，試下係埋真係咁好食。龍蝦同喇沙都係我既至愛，所以原只龍蝦喇沙係我既目標。見到碗喇沙超大碗，個碗好大好重，賣相幾好，見到就好開胃😋。首先試下湯先，一飲，嘩，喇沙湯味濃郁，簡直打通我五臟六腑，好想繼續食落去。只龍蝦都幾大只，龍蝦已經被切開，龍蝦鉗亦都鉗過，所以唔使自己用手剝都可以好輕易食到晒啲肉。啲豆卜亦都吸收晒啲喇沙汁，好好味。佢最好嘅地方係面底包晒麵同埋米粉，唔使你揀，一次過食晒兩種粉麵，超好味。試過咁多間喇沙，呢間已經變成我心目中最好食既喇沙，原先心目中排第一既喇沙，已家已經俾mee取代左，變左排第二。蝦頭油炒飯，賣相可以，但望落去有點兒普通。原來食落去都幾香，炒飯炒得均勻，粒粒分明，係有少少油，話明蝦頭油就梗係有油啦🤣。豆

收早同男友去青衣城新開既戲院睇戲，見睇戲前仲有d時間！！就黎到呢間店內吃晚飯，我地黎到已經坐🈵️曬人，企左係到等左陣位，終於有人食完走人，有空枱給我們！！坐低左睇睇menu,基於時間有限，就急不及待點餐了。我地兩個人點左三款菜式，首先黎到既係緬甸咖喱雞$78，咖喱雞夠曬大件，肉質又夠鮮嫩再黎係薯仔薄餅$28，咬落去啖啖咖喱薯仔，薯仔夠曬粉，咖喱味道濃厚，超好味最後係大大份小食拼盤$168（內含蝦餅x2、雞串燒x2、雞翼x2⃣️、春卷x2）全部色香味俱全，蝦餅同春卷都炸得好香脆可囗，十分滿意！！下次可再黎試試其他，我見格離好多枱都食大大碗龍蝦麵，甚為吸引，可惜今次我地趕時間閃人去睇戲，冇緣食！下次一定再度光臨馬來西亞特色手拉茶$26 點左少甜 幾好飲

青衣城比起以前多左好多野食，之前經過都想食呢間集合泰國、馬來西亞幾式菜，環境闊落，平日夜晚大約7點，等左陣位就入得！整潔乾淨，預先有杯熱暖水，好貼心無骨酸辣鳳爪沙律，每件大細適中！酸辣味平均，開胃菜！軟殼蟹米紙卷有六件，每件都有蟹肉食到新鮮果味，內有菜同芒果薄薄米紙可以再沾上酸辣汁，第二度開胃菜！馬拉盞通菜菜綠，唔會暗暗霉霉色，蒜配料多、小小辣，送飯一流！緬甸咖喱薯仔雜菜：內有粟米、芥蘭、西蘭花、椰菜、紅蘿蔔、洋蔥，每件配菜也煲的夠稔再配上煎蛋薄餅沾上咖哩醬，食到印度風味吧！馬來特色手拉茶茶滑

黎到泰式餐廳必食既一定係有海南雞海南雞半隻我地2個人食半隻岩岩好其實仲可以加油飯, 但係因為我地都係細食既關係所以冇叫呢隻雞係黃油雞, 食落個口感係雞肉好嫩滑, 而雞皮係好爽口雞皮加雞肉一起吃既口感不錯!! 比起光吃雞肉更鮮甜既雞味馬拉盞炒通菜呢個馬拉盞炒通菜帶點微辣, 十分開胃, 最重要係通菜好新鮮, 炒到好爽口, 馬拉盞既咸味不算太重口味, 正!!緬甸咖哩牛腩緬甸既咖哩都幾出名, 同印度或是香港的咖哩又有點不同, 我喜歡佢既濃濃既咖哩香料味道, 牛腩忟到好淋滑, 而且無起柞, 牛根既比例都好多, 岩哂我!!

最近新開左間泰國菜既舖頭呢頭都冇咩泰菜既選擇所以我就去左呢間試一試好冇食我7點去到已經見到好多人係度要拎飛等叫位先入得不過原來可以用手機APP拎定飛等位, 所以下次可以試下, 唔洗等得咁辛苦大約等左15分鐘先入得個肚已經勁餓秘製肉骨茶肉骨茶最重要既地方就係又可以飲真材實料既靚湯之外, 仲可以食佢既柞呢間既肉骨茶好正宗, 不但止好清甜既口感, 帶點藥膳既味道而柞既肉質都可以入口, 邊食住邊等主菜非常可口印尼炒飯印尼炒飯既份量同味道都不錯, 入面既材料都幾多下食到有蛋, 甜醬油, 羅望子, 蝦米, 都算幾正宗我地叫左4個人SHARE每人都可以食到一碗所以如果想飽肚感或者多人SHARE黎食都可以叫呢個如果唔係食到已經飽飽地既話, 叫多個串燒食仲正cool爆鮮芒果冰冰泰國食食物固然就係好吸引, 但係泰式飲料都係其中一個特色呢個爆多芒果冰冰, 芒果既甜味溶入左係入面大杯到2個人SHARE都可以鐘意食芒果既朋友不可以錯過

Happy Friday 當然要食d happy d既野架啦！青衣城2期開左，多左好多餐廳可以選擇！今次就簡左呢間泰國餐廳，去到門口已經好多人排緊，最後都要等半個鐘先入到座，因為等左好耐既關係，一早已經係門口簡好曬要order既野食！點左4款：海鮮喇沙、無骨鳳爪沙律、蠔蛋、薄餅🤤 最驚喜既係海鮮喇沙，其實本身對喇沙印象唔太好，但係我覺得呢款喇沙好岩我口味，微辣又帶點甜😂差d湯都飲曬！呢間絕對係可以再encore既餐廳👍🏻👍🏻👍🏻

香港大商場入面既泰國菜好多時價錢都好貴，但呢一間的確係算抵食又質素不錯！我地一同7個女仔，叫左好多野，全部食物都令人滿意，是一餐不錯的晚餐印尼炒飯最令人驚喜，食落好香又夠獲氣，加上黎到果時係熱辣辣，估吾到咁好食呢個咖喱雞都好好味，同埋d雞好多又大舊，好足料，吾會得咖喱無雞！我地叫左白飯同薄餅同咖喱一齊食，非常滋味順便一提，薄餅我留意到係角落有一位南亞裔師傅（吾確定國藉）係到整薄餅，所以都係正宗既薄餅，就咁已經好食，特別係一上枱果時又熱又脆卜卜至於其他菜都好好食，基本上無一樣菜我地覺得難食或者負評，連飲料都好不錯呢個芒果糯米飯都正常好食，最特別係佢整到好似壽司咁，一口大小，都幾方便