Mee...lemongrass (已結業)

我同屋企人對泰國菜都情有獨鍾. 記得青衣城2期剛開,呢間泰國菜餐廳排隊排到好長人龍. 見到咁就想試一試喇. 今晚放左工, 屋企人突然想食泰國菜,咁就去食呢間泰國菜餐廳. 之前見到很多人等位不過很快就會有位坐。可能我地早左. 裝潢帶點馬來西亞的風情既然來到, 叫左食泰國菜都會叫既菜色先. 佢D餐具都幾特別.雞雞碗的酸辣鳳爪-味道方面都唔錯.都算幾大碟. 如果可以再濃點和再辣一點.海南雞喇沙麵-味道都唔錯, 海南雞可以接受,麵真係好大碗...MEE海鮮喇沙麵--喇沙味道都算濃, 麵真係好大碗. 海鮮都算多同新鮮. 蝦湯麵-媽咪鍾意食D淡味既,叫左個蝦湯麵, 蝦都新鮮同大隻, 麵都係好大碗最後, 我自己覺得都算唔錯吧!同屋企人食左一餐愉快既晚餐.

There’s always a long queue outside even on weekdays. No doubt it is the most popular restaurant at this town. Not because there is no good food at TY but this restaurant does offer high quality food.Laksa is my favourite and I believe it is one of the best in HK. Strong taste of coconut milk but still spicy. Naan is good too.High quality food with fair price. That’s why it’s most popular restaurant at Tsing Yi.

繁忙時間入座，落單無甩拖，欣賞佢野飲可以走冰，女仔一定要走冰架麻，而且快得黎食物質素不錯，熱辣辣上台，確實有效率，順帶一提喇沙湯底唔算辣，椰汁味濃，怕食辣既我岩曬👌🏻

暴風雨前夕，先吃飽，再防風。趁「山竹」打到黎之前，來青衣城提早吃晚飯。雖說晚飯，其實只是下午五時。這裡午餐和下午茶時段也是同一餐牌，在場所有食客相信都是點套餐。套餐除主食，還有柚子沙律丶甜品和餐飲。檳城炒貴刁這個都頗邪惡，油份適量地慷慨，配料豐富，味道不太濃，好吃。不經意地整碟吃光。下午五點多吃完，那份肚滿腸肥的滿足感到晚上睡前仍揮之不去。呼籲大家吃過這貴刁後最少散步兩小時。炒貴刁套餐還附有湯，今天的是花生蓮藕湯，標準例湯風味。柚子沙律夠開胃。木糠布甸只是一點小心意。肉骨茶頗足料藥味香濃，支竹和豆卜充分吸收了肉骨茶湯，很好下飯。跟肉骨茶的白飯，盛得很滿，碗上多了一個小山丘，好像是卡通片𥚃才看到的白鈑造型。看着很滿足。無獨有偶，鄰枱的夫婦也和我們一樣點這兩個套餐，也和我們一樣，全吃光。晚餐時間沒有套餐，只可散叫，相對來說就沒這麼便宜。

第二次食但竟然失望最先落單，等到坐滿晒人都未黎野食，其他人都食緊軟殼蟹撈蒙等得勁耐，隻蟹好細隻唔明點解搞左半個鐘炒貴刁雖然大碟但勁油又無乜餸，食左一半已經唔想再食喱兩樣唔會再食

朋友約去青衣睇戲，戲院下餐廳衆多，朋友介紹脆脆去最想食喇沙面。但人龍都不少，嚟到記得拎入埸卷先。餐廳內部，周圍都有介紹食物推介無骨海南雞喇沙午餐套餐配有小食及一件小甜品。喇沙好大碗，味道好香，豆卜及蛋吸收哂喇沙湯汁，第一次食有油麵和米粉嘅喇沙，好滿足！碗邊有公雞碗圖案呢，好有地道风格~朋友點的炭燒豬頸肉撈檬粉雞絲扎肉撈檬粉夏天食最開胃，伴酸甜的汁食。朋友認為配料豬頸肉比較好食的，檬粉份量都很多。

見到其他人寫食評講及伙記態度差，原來係真嘅，今晚就親身經歷。門口位先生好好，先家人有老人家有安座位在門口等，這個值得讚，但等到入到去有位，執枱果位伙記就態度十分差，老人家企係一邊角等佢執枱，佢好惡咁又黑面閙話阻住佢，仲話呢到地方窄，唔好阻住。其佢佢係執另一邊跟本就阻唔到佢，佢又故意放慢手腳擺六個位擺左五分鐘有多。然後問佢攞BB椅，佢話等陣要執埋枱先，之後就行咗去四圍同同事講，（指住我張枱）話我哋好咁快入座阻住佢（起碼同咗兩個同事講）但最後係無攞bb椅，我家人抱住個bb一值等，原來無左件事，再問就話無晒bb椅，話有就攞比我哋，但到有人埋單，有兩張吉bb椅就無攞嚟，最後唯有自己去攞！同另一個伙記投訴仲衰，點知佢西面，走咗佢。呢間店好唔好食已不重要，對客唔洗你恭敬，係基本禮貌都沒有！如果想試下受氣的，你大可以去試嘅！

點了幾款食物，很快就送上了。推介304喇沙海鮮麵，湯頭濃郁，有椰香，又幼滑。麵是油麵及米粉雙拼。材料有蝦、蜆、蟹柳，魷魚圈等，十分豐富。因為太香，太好味，吃了一半才記得拍照。此外，點了蒜蓉秋葵及蠔仔蛋。兩味也不錯。不得不提，現在有龍蝦喇沙，限量推出。以晚市來講，六時開始，30隻，售完即止。我們6:30左右入座，還可以點，(服務員會問要不要龍蝦)。我見餐廳內1/3的顧客也點了這個菜呢！美中不足是桌面空間小，點了三道菜，差點就放不下飲品。順道一提，點了杯沙冰，賣相很好，沙冰高出杯身的一倍高，放一會兒，就溶掉並漏出來了。(看圖就明白)服務一般，菜出得快，似想快些番台，可是杯沙冰，吃也吃不完。另外，食店有現場取票及網上取票，十分方便。

尋晚朋友去完台灣返黎, 係荔枝角返工既我即晚就約左佢係大家既中間點(青衣)拎手信啦😁我地2個人, 我6:30PM去到已經要排隊攞飛....由我攞飛計起直至被安排入座足足等左半個鐘, 可能加上新開張有D推廣優惠啦, 不過都真係不能夠睇小D商場晚市既人流😵😵店員服務態度唔錯, 一入到去好快俾左2杯水我地, 落單同上菜速度都快👍🏻由於唔太餓, 所以我地淨係點左個金邊粉同芒果糯米飯落完單隔左2,3分鐘都有個店員問我地個甜品想宜家上定後上, 幾周到👍🏻個金邊粉份量唔少, 有2大隻蝦, 勁多芽菜(同粉差唔多咁多), 乾濕程度同味道都岩岩好, 算唔錯!至於個芒果糯米飯就好麻麻.. 有D失望因為D芒果太酸同埋椰汁太稠....呢樣係無食晒既...但係如果以呢個人流又無得BOOK位黎講既話, 加上裡面環境勁嘈, 我諗我都會隔一段時間先再可能幫襯吧

今日來到青衣城2期睇戲，另一半先來到買票同找吃的，最後俾這張廣告吸引。我們周圍走走都只是5點半，問了服務員可以先入坐，但得90分鐘，但上菜快所以放心。所以睇睇餐牌食住其他野先。叫了兩款菜，春卷同海南雞，但足足等了25分鐘才一起上菜。炸物只要是熱辣上枱就是無衰，不過春卷的確足料，十分好食。海南雞都好嫩夠味，不過唔係完全無骨。6點準時叫菜。的確十分快就上菜（5至6分鐘到），初時以為好大碗，但一落筷子便知，碗深十分淺，不過都有兩個麵餅，一個是銀絲米粉，一個是普通麵，加上原隻波士頓龍蝦，份量十足，喇沙味唔錯，但波士頓龍蝦比較實肉，少膏，而且食唔到蝦鉗，有點可惜。今餐十分滿足，結帳三百多連加一服務費，環境一般（冷氣兜頭吹），上菜速度可快可慢，服務員有點寸，但見我影相又客氣問我食物好唔好食。不過就食物味道上的確唔錯，份量足。有機會會再光顧。

已經來了這間店子好幾次，真越來越喜歡吃裹面的食物。這次終於有機會吃到它每天限定的龍蝦喇沙，我作為一個喇沙愛好者，真的不得不讚這裡的喇昆湯底很正宗很好味！曾經食過由一位馬來西亞人煮的喇沙，跟這裡的好味程度不相伯仲！基本上原次來都會叫喇沙，而至於其他菜式，包括蝦餅、通菜、海南雞飯都是可以的，只是一定沒有喇沙那麼出色，覺得去一些海南雞專門店或其他泰國菜餐廳會更加好味，不需要來這間吃便是了。總之，真的十分推介喇沙湯麵👍🏻

沒有雞味的海南雞、黑漆漆的炒貴刁、沒有咖啡味的咖啡、充滿味精的例湯、超甜的甜品、趕客的樓面領班，叫佢哋埋單就冇人啋你，行出去埋單就喝你返埋位等。最衰格就係D枱椅超細，坐得唔舒服之餘，想叫多个菜都冇地方擺。一次過，下次請都唔去。

好耐無黎青衣城，今次黎先知開左個二期，多左好多間野食揀，今次揀左呢間野食，就咁睇應該係同層食肆入面最多人排既一間。黎之前已經早左20分鐘係APP到攞飛，到左見到得返3-4人枱得返3張到我地，最後都等左20分鐘先有得入去，仲要係我地前兩張飛NO SHOW先入得。泰式蠔仔蛋份量適中，蠔唔會過少，撈飯食係一個唔錯既選擇MEE喇沙- 大蝦，蜆肉，蟹柳，魚蛋，豆卜，雞絲，雞蛋有好多款餸，喇沙少少辣，幾開胃，蛋唔係完全整到熟哂，仲有少少漏心，其他餸都唔算差，唔係太特別，不過見到好多檯都有叫，所以應該算係必叫之一馬拉盞炒通菜 (唔記得影相)馬拉盞略嫌唔夠重味，可以再辣D，但係整體味道不俗。如果唔太食得辣既人黎講，就非常適合啦! 如果小小辣都唔得，可以轉蒜容通菜!印尼炒飯炒飯味道唔差，不過有點太油，蝦片黎到時候已經淋哂，所以扣哂分，串燒有一串雞，黎到時都唔熱，只係暖暖地。如果剩係食個飯都可以接受，蝦片同串燒不了。油鬆餅 (唔記得影相)要自己用筷子分開黎食，食落去比較硬，無咩味道可言，最後點左D喇沙湯黎食。整體味道中規中舉，得閒先食一次都可以。

青衣城擴建後的第二期， 多了食肆選擇。這間星馬泰餐廳在open rice的 comment 不錯，而又近青衣港鐵站，交通非常方便。所以决定放棄中式酒樓茶聚，而選了這間多元化選擇的餐廳聚一聚。下午茶的選擇也很多，下午茶份量相等於午市的份量，沒有偷工減料。喇沙~湯味濃郁，配料也多，魚蛋，魷魚，蝦，蛋， 蟹柳，豆卜， 蜆肉。檳城炒貴刁 ~大大碟，大蝦仁也有四隻，味道也不錯。雞絲扎肉撈檬 ~ 雞絲很多，雪藏雞絲，巳預了冇味，但有酸味汁伴著冷吃，很醒胃。薄餅~即叫即煎，熱辣辣，很有口感。)喇沙檳城炒貴刁雞絲扎肉撈檬

一直都想試下青衣城新開的馬來風味餐廳，同朋友一人一個lunch set。蟹肉炒飯：可以用三個字形容：濕，油，咸真系估唔到咁難食，米飯不乾爽，似蒸飯多過炒飯，但又勁咸，罐頭蟹肉又腥又鞋，仲慘過食學校餐廳頹飯，真不明白佢何德何能賣78蚊（未加一）。印尼炒飯：睇樣都算過得去，可惜味道卻令人難以接受，蝦片軟左，只是裝飾吧？炒飯份量系好滿足，但又咸又散，晤知咁足份量系開心定晤開心...叫人點食？！雞肉串就還可以。