影片
更多
2019-03-19
1230 瀏覽
放工後同屋企人食個飯，呢間可以算係適合聚腳嘅餐廳，食物大份，選擇都唔少。馬來蜜汁炭燒厚切豬扒撈檬粉（＄68）豬扒算得上厚身嘅，但肉質較扎實，無乜脂肪。但味道上略嫌不足，炭燒味唔突出。撈檬味道不俗，配上魚露醬汁，酸酸辣辣，開胃非常。招牌無骨海南雞飯（＄80）海南雞飯主要係屋企人食，自己食咗少少雞件同飯，雞切得較薄身，入口算滑嫩，但無咩味道，需配合醬料食先好啲。秘製肉骨茶（＄86）肉骨茶係我地每次必點之選，入面有大量淮山、杞子等，藥材味好足，但個種藥材味好清甜，飲完會有種健康養生感。排骨肉質軟稔，脂肪唔會太多。最鍾意食吸收哂湯汁嘅豆腐卜，好入味。印尼炒飯（＄78）呢款都係我好鍾意食完又食嘅主菜。飯炒得香辣惹味，入面另有魷魚圈，串燒唔乾身。有大大塊蝦片，卜卜脆。油蔥餅（＄26）同市面上常見嘅做法不同，餡料唔單止係蔥，反而加咗炸紅蔥頭個類，放咗好多好足料。可惜我自己對呢類餡料興趣不大，感覺同塊餅嘅味道不太夾，都係鍾意普通個種蔥油餅。不過有屋企人係幾欣賞呢款油蔥餅，各花入各眼。泰國豆奶紅豆冰（＄38）之前幫襯叫過豆奶配紫米露，但發覺都係配紅豆先最夾。泰國豆奶同一般紅豆冰嘅奶味唔太一樣，豆味好似再
呢間可以算係適合聚腳嘅餐廳，
食物大份，選擇都唔少。
馬來蜜汁炭燒厚切豬扒撈檬粉（＄68）
豬扒算得上厚身嘅，但肉質較扎實，無乜脂肪。
但味道上略嫌不足，炭燒味唔突出。
撈檬味道不俗，配上魚露醬汁，酸酸辣辣，開胃非常。
招牌無骨海南雞飯（＄80）海南雞飯主要係屋企人食，
自己食咗少少雞件同飯，
雞切得較薄身，入口算滑嫩，但無咩味道，需配合醬料食先好啲。
秘製肉骨茶（＄86）肉骨茶係我地每次必點之選，
入面有大量淮山、杞子等，藥材味好足，
但個種藥材味好清甜，飲完會有種健康養生感。
排骨肉質軟稔，脂肪唔會太多。
最鍾意食吸收哂湯汁嘅豆腐卜，好入味。
印尼炒飯（＄78）呢款都係我好鍾意食完又食嘅主菜。
飯炒得香辣惹味，入面另有魷魚圈，串燒唔乾身。
有大大塊蝦片，卜卜脆。
油蔥餅（＄26）同市面上常見嘅做法不同，餡料唔單止係蔥，
反而加咗炸紅蔥頭個類，放咗好多好足料。
可惜我自己對呢類餡料興趣不大，感覺同塊餅嘅味道不太夾，都係鍾意普通個種蔥油餅。
不過有屋企人係幾欣賞呢款油蔥餅，各花入各眼。
泰國豆奶紅豆冰（＄38）
之前幫襯叫過豆奶配紫米露，但發覺都係配紅豆先最夾。
泰國豆奶同一般紅豆冰嘅奶味唔太一樣，豆味好似再濃啲，幾解辣。
cool爆鮮士多啤梨冰冰（＄38）
呢杯都係第二次叫，因為份量都好足，幾抵飲。
沙冰同士多啤梨好易滿瀉，味道酸甜開胃。
士多啤梨都鮮甜，解渴之選。
張貼
