Mee...lemongrass (已結業)

今日落左銅鑼灣食野...食完順便去行街!真係好方便!我地去左皇室堡地庫一間泰國餐廳食飯!呢間野好多人呀!要等一陣先有得入去!朋友成日食呢間野, 所以揀左D佢無食過既野!我地叫左個無骨海南雞喇沙、軟殼蟹米紙卷、秘製肉骨茶、馬拉盞炒通菜!無骨海南雞喇沙($82)D雞肉好嫩滑,再點埋D醬一齊食!正 👍🏻好正宗!😋個喇沙湯底都好濃郁😋軟殼蟹米紙卷($68)呢個軟殼蟹炸得好香好脆呀!仲配埋D蔬菜一齊食,無好肥膩既感覺!秘製肉骨茶($86)之後去吉隆坡已經好飲肉骨茶!呢到既肉骨茶都無令我失望!藥材味十足,入面除左肉之外,仲有冬菇同豆卜本身叫左個馬拉盞炒通菜,但等左好耐都無黎,後尾先發現漏左單!不過唔緊要啦, 淨係食呢3樣野都夠哂飽啦!因為呢到D野好大碟!飲品方面,我地叫左個"Ocean Blue" Soda & Cool 爆鮮芒果冰冰!呢個"Ocean Blue" Soda 入面有D柚子係到! Cool 爆鮮芒果冰冰($38)朋友話覺得好好飲, 咁熱既天氣飲落去,真係好爽!

Mee lemongrass位於皇室堡地庫，在GU時裝品牌對面。餐廳是半開放形式，裝修格調簡約時尚。《無骨海南雞喇沙》無骨海南雞食起來很方便，配埋特式醬料及酸菜特別醒胃。湯底非常濃郁，有濃濃的沙嗲和椰香味, 而麵就有油麵加米粉，一次可以試到兩種口感。《馬來海鮮炒粉絲》幼幼的粉絲充滿海鮮同特式醬油味，非常野味啊！特別一讚的是粉絲炒得乾身而不油，質感夠爽口。大大件的《蔗蝦》，啖啖的炸蝦肉，仲有蔥油米粉，真係食唔停呀。《馬來特式手拉茶》手拉茶有獨特的茶味和淡淡的奶味，味道有少少似港式奶茶。《香芒椰汁糯米飯》其實每樣食物份量都很多，我已經很飽。見到有芒果糯米飯，真係忍不住。芒果肉好香甜，加埋椰汁糯米飯一齊食，好滿足呀！餐牌上仲有好多其牠菜色， 有機會可試， yummy !

今日去皇室堡Mee...lemongrass吃喇沙。叫左肉骨茶及原隻波士頓大龍蝦喇沙。先試肉骨茶，用料十足，有豬肉、冬菇、豆卜、…而且藥材味濃，肉骨已經煲到很入味，夠哂火喉，飲落暖笠笠，超暖。之後僅係依餐的重點，滿滿的一大碗<原隻波士頓大龍蝦喇沙>！超大碗的，可以留意龍蝦同隻蛋的比例，來到的時候都嚇了一跳！急不及待的先呷一口湯底！濃郁的蝦膏甘甜味伴隨著各種香料和椰香味不斷衝擊著口腔每個味蕾，超！香！濃！另一個重點當然是原隻波士頓大龍蝦，龍蝦身的肉雖不算巨型，但白雪雪而且肉質夠腍身，但蟹鉗肉則超巨型，大大口啖啖肉。

行完宜家傢俬, 即過對面 Windsor House Mee lemongrass 攞位食個靚爆喇沙麵， 朋友食過話好難搵位。時間尚早，人流不多兩大招牌菜，門口已見到，都是揀了足爆版喇沙，實在太吸引了改良版雞公碗， 好有親切感喇沙汁用水壺裝， 和麵分開上，想得周到， 就算時間長了，麵身都不會浸得太林個樣已經殺食， 鋪滿了海鮮， 原條魷魚、 大隻蝦 、青口、 蟹柳、 蜆肉、 豆腐卜等，下層是米粉和幼身油麵芽菜仔，個人喜歡米粉口感，2個人眼闊肚窄，再 order 了地道串燒 (牛雞各兩串)串燒有其他配菜送，真是少見，肉質爽滑，味道唔錯泰式蠔仔蛋似潮式煎蠔餅，用酸甜汁沾食，和魚露食法各有千秋，蛋層好厚，非常有口感已經好努力食， 但仍有很多麵條吃不完，真是浪費，下次要集齊人馬再食過

原全係比隻龍蝦吸引左入去。半價$84，午市及晚市各限30碗。唔去試下真係對唔住自己。上菜好快，首先試下個喇沙湯底，香甜清新，咖喱味同椰子味例岩岩好。有兩重麵溝埋一齊。麵加米粉，質感好好，單比吃一款麵更有趣。龍蝦好大隻，好新鮮。蝦湯浸透住喇沙湯底味。好好味。店內其他食物都好出色。叫左鐵板牛柳粒，軟硬適中，牛柳粒好JUICY泰式鳳瓜有D辣，但好開胃，辣都好想食，愈食愈過癮。最後叫左市面上少見的馬拉盞少秋葵。好味，爽口淋身。

喺銅鑼灣嚟講 ，呢間泰國菜真係好抵食， 一個set lunch有一個主食，沙律，湯，飯，仲有甜品 仲可以叫杯特飲添，真係好多嘢食好滿足㗎。我哋叫咗一個set lunch就係海南雞飯啦。 海南雞飯真係好出色， 每舊雞都好嫩滑 ，好肥美， 點埋甜豉油 就更加完美喇。而份量都好多，真係食到好飽 。旁邊就有柚子沙律，有大大隻蝦㗎。 而我哋仲叫咗 一個蔗蝦。蔗蝦有三隻，每隻都好大舊 ，食落去口感似平時食開嗰啲蝦餅一樣， 以佢配埋 蔗就一流啦。因為真係好多汁， 咬落去啖啖新鮮嘅蔗汁味。我哋仲叫咗個蝦串燒，每隻都好大隻， 肉質彈牙爽口，最欣賞嘅就係佢嘅唦嗲醬煮得好，香椰汁味都好香，配埋多士真係好好味㗎 。我哋仲加咗個芒果糯米飯 ，芒果糯米飯嘅芒果好鮮甜， 糯米飯嘅口感都唔錯，配埋椰汁食好夾。我哋仲特登加咗個特飲，有維他奶味，佢裏面都加入咗一啲紫米喺入邊，紫米同維他奶嘅味道出奇地配合，口感亦都豐富咗。 其實呢間餐廳真係好抵食 ，每人七十幾八十蚊就食到一個豐富嘅餐，考慮下次再嚟食過先。

收左工就去地點都好方便既皇室堡會下朋友呢度主打係馬來西亞喇沙🇲🇾海南雞飯叫左油蔥餠，大蝦金邊粉，軟殼蟹米紙卷同埋喇沙個油蔥餅好正好香口，入面有大量爆香左既蔥搞到要不停encore 食真心好味呢個油蔥餅軟殻蟹米紙卷一口一件非常好吃炸既軟殻蟹好酥脆 唔會太油膩喇沙好香，微辣面底由米粉同油面配搭而成，好正宗米粉爽，油面夠滑一夾有兩種不同口感，值得一試如此正宗的喇沙大蝦金邊粉好大碟，足料兩隻大蝦🦐🦐金邊粉炒到唔會好乾調味適中，唔會太甜一啖接一啖就食哂～

又到了午飯時間，今天走到銅鑼灣皇室堡底層的Mee...lemongrass，之前都有去過，次次都唔記得GULU拎位，去到先拎要等好耐。今天一踏出公司門口就先取票。皇室堡門口通常都有人派一張$10劵，行過記得拎呀。唔知係唔係天雨關係，今日去到無乜人，但因為我地一行五人所以都係要等位，等位的時間最好就係揀定食咩，因為依度有好多款野食，同埋因為餐廳係開放式，最好就係望入去睇下有咩人食完掛住吹水打機都唔走霸住張枱。今日揀左豬頸肉撈檬，依一SET野係$68 +10%，包括前菜係柚子沙律、正餐豬頸肉撈檬、飲品我揀左凍奶茶同埋有舊蛋糕仔做甜品。我覺得個柚子沙律好好食，雖然只係前槊細細少少咁，但都有多多的柚子肉，好清香。豬頸肉撈檬入邊有花生、蔥、同埋蘿蔔絲。個檬粉超級多，食極都食唔哂，豬頸肉外脆內軟，好香口，最緊要份量好多，真係食到好飽，所以個甜品咩味都食唔出。銅鑼灣黎講，依個價錢有依個質素都算唔差。

同同事比呢個廣告吸引到黎試呢個龍蝦喇沙黎到實物真係同相一樣架好大碗下！原來係摻摻，一半油麵，一半米粉。米粉好食過油麵！湯底偏甜，有椰汁味，不過冇蝦味，以湯底黎講我喜歡自己都煮到既百勝廚既多啲。龍蝦睇落係幾吸引架，而且我果隻仲有膏添！不過肉就韌左少少，烚得耐左啲，但個拑又ok喎！如果唔係烚咁耐就好啦！講唔上好食但又唔係差咁啦，不過呢個價錢有隻龍蝦，又不能夠有太多要求既！ps. 有手套同蟹鉗供應，唔驚食得呢hea

$62有無人同我一樣食撈檬嘅時候會喪落魚露🤣每次都會搞到佢成個湯檬咁重口味人士就係咁㗎喇🤘🏻比起雞絲更加鍾意佢地嘅札肉因為有好香嘅黑椒味🤤其實呢個撈檬無乜特別但係勝在份量夠多價錢亦都唔貴👅 $48明明就係一舊壽司做乜喺到扮芒果糯米飯🤣初初以為佢得個樣原來都幾有內涵🤘🏻糯米飯軟腍煙靭椰漿濃稠度同甜度都啱啱好🤤係啲芒果爭少少有啲好甜有啲好酸👅

銅鑼灣人多，餐廳也多，眼花撩亂，真的不知怎麼選餐廳，同朋友去銅鑼灣皇室堡行街，俾我睇到依個牌，好自然吸引住了😻😋🤤原隻波士頓龍蝦仲要加埋喇沙都只係$84😱梗係要入去試下啦😻🤤其實，依間餐廳除了龍蝦喇沙，仲提供好多午市套餐😊，都好吸引😻原隻波士頓龍蝦喇沙：嘩！好正！完全無花無假，好大隻的龍蝦，肉質鮮甜😋喇沙湯底香濃惹味👍🏻👍🏻👍🏻Mee....Laksa: 朋友沒有我那麼大胃口😅，只叫了Mee Laksa 午市套餐，喇沙材料十足，她也覺得好味😻😋秘製肉骨茶配飯：另一朋友喜歡吃肉骨茶，點了這個午市套餐，他説味道不錯😊總括來說整體食物質素不錯，價錢也不貴，那個原隻波士頓龍蝦絕對非常抵食又好食，這𥚃絕對是吃馬來菜的好地方😻，我一定會再來🥚🦐🍜🍢☕️

自時代廣場既TOAST BOX 執左之後, 想食喇沙, 就會黎哩間皇室堡地庫Mee Lemongrass。平時會叫海南雞喇沙(HKD 78), 但今日唔想又咁HEAVY, 就選左海鮮喇沙(HKD 78), ~~LUNCH SET 包左海鮮喇沙, 前菜 (泰式鳳爪),甜品同餐飲。海鮮喇沙(大蝦, 蜆肉, 蟹柳, 魚蛋, 豆卜, 雞絲, 雞蛋) 椰香十足，面係油面+米粉, 少少辣, 十分好味, 喇沙湯底少少甜, 份量很多,小妹食左3份2, 已經食唔曬了。因為有COUPON, 店家送了一客馬來鬆餅,我用黎點喇沙汁, 別有一番風味~~如果大家LUNCH TIME黎食，就要早少少到，都有不少人排隊呢！哩間不錯吃

今日收早去接男朋友收工，諗左好耐都係諗唔到食咩，最後又去返食我地覺得好食嘅泰菜地方，已經變左我地嘅飯堂。<無骨酸辣鳳爪沙律，$68>男朋友興起想食鳳爪，佢話好好食。<炭燒豬頸肉，$78>炭燒豬頸肉真係好好食！！！燒得好juicy而且每一塊豬頸肉嘅厚度都好適合，配埋秘制辣汁，簡直令我一試愛上！每次食都必點！！！<馬拉盞炒通菜，$64>馬拉盞炒通菜又係必點，出街食飯比較少點菜，呢個菜好惹味，少少辣，而且通菜依舊嫩滑。<招牌無骨海南雞飯，$80>第一次食呢到嘅海南雞飯，去骨既雞真係吸引。雞嘅味道都唔錯，而且骨都去得好好，略嫌肥左少少。呢個價錢仲配埋個湯同一小碟菜，真係算幾抵食！<泰國豆奶紅豆冰，$32>最後今次點左紅豆冰，有賣相之餘又好味。紅豆好香好甜好腍，配埋個豆奶好好飲。( 無放相因為男朋友出鏡太多XD)

近日天氣悶熱，時晴時雨，總是令人提不起食慾，同事提議去食東南亞菜，腦海中不期然浮現此店， 因為食晏經過都見很多人在排隊，但始終未有食過，今日終於有機會去嚐一嚐。我和同事每人點了一碗喇沙和牛肉串燒，整體味道不錯，尤其是波士頓龍蝦喇沙，簡直是超值，有半價，大大碗夠份量，龍蝦鮮甜彈牙，喇沙湯底非常惹味，淡淡椰香配上微微的辣，使人食慾大振午市套餐七、八十元有交易 還包飲品和甜品。還可加錢轉飲特色飲品波士頓龍蝦喇沙，份量十足，必食之選Mee..喇沙，有大蝦、蜆、蟹柳、雞蛋、魚蛋、豆腐卜、魷魚，好足料，湯底惹味，麵條爽滑彈牙套餐送小食~鳳爪，酸酸辣辣，夠醒胃跟餐送甜品~朱古力蛋糕馬來特式手拉茶，茶味香濃，甜度適中，見店內有專職師傅負責拉茶，手勢正中。青檸梳打牛肉串燒~牛味濃郁，有肉汁，以多士和菠蘿伴碟，配以特製醬汁，好味

之前曾經在這𥚃吃過一次，覺得價錢適中，而且地點位於銅鑼灣中心地帶，今天在銅鑼灣逛街，便再來吃晚餐。Cider jito$52，其實係cider內加薄荷葉、新鮮青檸、冧酒、黃糖，味道酸酸甜甜，用來佐膳一流。馬拉盞炒通菜$64，鑊氣十足，香味四溢，有點似泰國飛天通菜的味道，夏天吃通菜就非常適合。緬甸咖哩牛腩$78，咖哩帶點椰香，咖哩內的香料味道十足，有點類似印尼咖哩。而牛腩已經炆煮得很腍，吃咖哩當然點多個白飯$14來撈飯。炭燒豬頸肉檬粉$68，豬頸肉肥瘦適中，燒得外脆內軟，吃落有嚼勁，配上越式酸汁，就不會覺得肥膩。