Mee...lemongrass (已結業)

香港現在周街都有海南雞飯，但我食過覺得好味又令我至今想起還回味非常的，就要數皇室堡的Mee...Lemongrass 的招牌無骨海南雞了。當日與朋友行銅鑼灣皇室堡，見到Mee...Lemongrass 的招牌無骨海南雞非常吸引，於是決定試嚇。餐廳潔浄舒適，客人比較多。招牌無骨海南雞半隻$138。海南雞半隻份量十分足，大大碟的海南雞廚師還精心地用車喱咖做裝飾，最最吸引的是海南雞金黃得來十分嫩滑多汁。無骨酸辣鳳爪沙律$68。我在泰式店食過很多酸辣無骨鳳爪，都是醃製得比較淡不夠入味，但Mee...Lemongrass這個無骨酸辣鳳爪沙律醃得非常入味，酸辣味道適中，喜歡食酸辣鳳爪的人，這款必食。素菜喇沙$58。可選擇米粉或油麵，我喜歡食麵，所以揀了油麵，配有菜，雞蛋，豆卜，芽菜。素菜喇沙湯底混厚，味道濃郁，與煙煙靭靭的油麵一斉食，真是口感豐盈，味道豐富，真是十分推薦。

地道串燒(牛及雞各2串) $66串燒一般餐廳都只會配沙嗲醬，但Mee...lemongrass除左沙嗲醬之外仲有醋、青瓜同菠蘿等配菜較為多配搭牛肉大約5成熟，入口嫩滑雞肉就燒得夠乾身菠蘿清清甜甜，同串燒一齊食可以消除油膩感～馬拉盞炒芥蘭 $64馬拉盞味道突出，芥蘭爽脆招牌無骨海南雞飯 $80海南雞有少少急凍既"雪"味，但肉質尚可黑醬油偏咸不過屬可接受範圍內餐湯清清甜甜，夏天就係要飲清清地既湯消吓暑椰汁西米糕 $32西米糕有清香班蘭葉既味道，椰醬都夠濃郁，西米彈牙，係我每次食泰國菜都必點既甜品

之前行皇室堡見到Mee...lemongrass 門口嘅餐牌好吸引，有$84原隻波士頓大龍蝦喇沙，但係限量60隻已經售罄最後冇幫襯。今晚又經過皇室堡諗住搵晚餐, 夜晚8點幾優惠價的原隻波士頓大龍蝦喇沙仲有供應，決定入去試下。拎飛排隊唔駛20分鐘就可以入座喇，兩個人我地點咗一個大龍蝦喇沙同埋串燒。波士頓大龍蝦喇沙湯底充滿香料和椰香的味道 唔錯龍蝦肉大大舊 肉質彈牙 最滿意部位係鉗位另外,喇沙裡面放咗兩個麵底 一個油麵和一個米粉所以食落去有油麵嘅彈性 又有幫忙吸收湯底嘅米粉不過$84份量係幾大 建議兩個人Share食餐廳另外有提供手套比客人暢快咁食龍蝦 好貼心雞肉+牛肉串燒好少可食串燒會配菠蘿, 車厘茄, 麵包, 青瓜等配菜，食咗咁多肉有蔬果平衡下 都幾好~最愛佢地嘅串燒醬汁 配合雞肉牛肉 好好味

憑什麼生意這麼好呢？真令人不明白，只可說，location location location, 棟對location 吧！今天本來想去元氣，因為太多人，又趕時間，唯有選隔離的東南亞菜，就這樣，中伏了。今晚Order 了一個雞𢇃扎肉撈檬，份量大，價錢實惠，可能是這樣，我兒子吃了一口，全碗給了我。 從未吃過質素如此差不正宗的扎肉，還是雞絲還未解凍，又‘鞋，又沒味道。本來以為自己叫錯食物，因為始終不是越南餐廳，不正宗就冇話可說， 但出名的海南雞飯，應該沒錯了吧，可惜，雖然是雞肶，可惜雞肉完全沒雞味，可以說是淡然冇味，飯，菜已不想試了！Conclusion : no next time !

在人來人往的銅鑼灣，要找一個舒適的歇腳點，講真，並非易事，幸好近日筆者與友人誤打誤撞下，走進一間環境不俗的餐廳，度過了悠閒的午後時光。其實剛才所說的食肆，就是這間「Mee...lemongrass」。餐廳座落於皇室堡，主打東南亞菜，新加坡、馬來西亞、越南、泰國特色菜也有供應。店子位置喺商場地庫，與走廊通道連成一線。店內地方頗大，環境寬敞，開揚光猛，以黑白兩色為主調，設計富心思，尤其是牆身上的美食和廚師畫作，不但色彩繽紛，而且生動活潑，予人輕鬆休閒之感。下午茶以套餐為主，一共有 16 款，選擇非常豐富，價錢視乎所選嘅主菜而定，由 $48 - $70 不等，套餐配有香濃咖啡、泰式奶茶、檸檬茶或檸檬水。不過客人亦可以加錢轉配泰國特級營養豆奶或一系列 Mee...特色飲。如果想食埋甜品嘅話，仲可以升級加＄28 配香芒椰汁糯米飯。和友人商議後，決定每人點個餐，再加一客油鬆餅，最後留肚吃甜品。餐茶揀左泰國豆奶紅豆冰 (+$20)  同泰國豆奶紫米冰 (+$20)  各一，市面上的紅豆冰，一般都係用花奶炮製，不過呢度就比較特別，選用泰國特級營養豆奶，入口豆香濃厚，而且唔會一味死甜。紅豆分量超多，軟硬

經常會來銅鑼灣工作。所以都響呢邊食嘢多。自己鍾意藥膳味。所以肉骨茶係我至愛之一。肉骨茶。星加坡大多胡椒味做底。馬拉就藥味啲。大概係我嘅理解。兩種我都鍾意。下午茶時段加埋一都只係$63.8有泰式奶茶。個湯好濃味。唔會太咸骨好林。好香。東菇好大舊。真係好好食。不過本人係食肉獸。如果可以俾更多骨就更完美。大家可以試。未有機會試其他嘢。因為黎三次都係食同一樣嘢。希望冇介紹錯！佢仲有海南雞飯，龍蝦喇沙 等等。

今日同屋企人去銅鑼灣行宜家同GU, 見地庫有人龍就去八掛下，原來係間馬拉．新加坡食店，個名幾得意，叫Mee...Lemongrass.雖然有人龍，但安排入座都幾快！佢門口有一大個牌推介足爆版喇沙，標明二至四位用，見個圖好吩咐咁就決定試吓啦！實物送到過嚟好大碗！一大隻河蝦（有兩隻手指咁粗），原隻大魷魚，兩大隻扇貝加上蜆，魚蛋同青口，滿滿嘅一大碗，個喇沙湯裝咗起個壺度要幾多加幾多，自己控制，唔會將啲米粉浸到淋曬，單飲個喇沙湯都幾好味。估唔到佢啲材料好新鮮大魷魚🦑鮮味得嚟有咬口，各種海鮮同個喇沙湯配合得好好，餸菜材料非常豐富，如果米粉嘅份量再多啲真係夠四個人食，其實佢而家做特價$188確實抵食，我地見枱枱都有海南雞飯，咁受歡迎梗係要試吓啦。海南雞幾嫩滑，份量頗多，個醬汁好好味，油飯又香，冇叫錯。走嗰陣見佢仲有個原隻龍蝦喇沙做特價，下次要去試一試。

銅鑼灣皇室堡食肆林立，提供很多選擇，今次往下行，走到地庫逛逛，看見門面開揚的Mee...Lemongrass，是吃馬來喇沙．海南雞飯專門店，就感到很有興趣一試。先要點小吃$28香蕉薄餅和$26油鬆餅 ，有饀的薄餅在內地的大芬村吃，十分好吃，想不到在這裏也吃到，香蕉薄餅頗佳，兩人分享份量也十分足夠。$72馬來海鮮炒粉絲套餐加$8轉特飲：魔法梳打$38泰國豆奶紫米冰。套餐有老火湯、沙律和千層糕，泰式沙律多用上木瓜絲，我挺喜歡木瓜絲的結實感！馬來海鮮炒粉絲炒得很好味道，粉絲也不會糊口，口感不賴的海鮮包括有青口、鮮蝦、魷魚圈.....還棟了$88一品牛柳粒，牛柳粒肉質不錯，只是份量略為迷你，是一位的份量，獻汁很惹味，我們還將油鬆餅點獻汁來吃，結果鐵板頓變鏡子，又來一次美人照鏡！咭咭！加$8轉特飲：魔法梳打和$38泰國豆奶紫米冰，很有韓風的豆奶紫米冰，倒轉瓶子與大杯子一齊見客，夠吸睛，我飲用也會特別小心點，豆奶是微甜，紫米很有咀嚼口感，整體感覺健康，朋友的魔法梳打是自己添加小杯子的檸檬汁，加唔唔？加幾多？好像廣告說話自己決定。

這天到了皇室堡逛街，太久沒有去過的關係，地庫已經和以前很不同，剛好逛完GU，就被這間熱帶風情的餐廳所吸引，當天我們等了不久就有位置，到了我們離開的時候應該正好是他們的繁忙時間，幾乎全間滿座。餐廳的餐具很有特色，是精美的雞公碗。我們點了一個 Mee...喇沙和招牌無骨海南雞飯。Mee...喇沙食材豐富，湯底鮮甜，喇沙味濃，也不會太濃烈與辣，很適合想一試喇沙口味的健康人士，魷魚不會太硬，有咬口，豆卜吸收了湯底的鮮味，十分香濃可口。至於招牌無骨海南雞飯，雞件份量適中，肉質鮮嫩，配上甜酸醬帶出雞的油香，而雞油飯十分惹味，令人吃不停口，配上例湯也很清新，去掉油膩感，最欣賞的是這個飯還包括了青菜，菜不會太油，十分健康。我們還點了甜點香蕉薄餅，本來以為28元的薄餅份量會很少，結果薄餅實在抵食，看見一個廚師即搓即製，所以薄餅都熱辣辣，新鮮出爐，薄餅內充滿香蕉餡，味道香濃，如果能配上朱古力醬，相信會更加好味。另外，看見飲品賣相不錯，價錢也不是太貴，所以點了杯馬來拉茶和梳打，梳打賣相很好，而更令我覺得驚喜的是那杯拉茶，十分香濃幼滑，很溫暖，令人覺得很滿足。最後還點了一個椰汁糕，造型吸引，有咬口，如能配上一

星期六晚既dinner 銅鑼灣區等位5算耐，屬可接受範圍，大約半小時範圍5算大，座位算多，當然較逼然後附上當晚食物同收據唯1叫ok就係喇沙既湯底，好香椰奶味碗野好搞笑，有米粉亦有麵，5知係咪專登但海南雞好鞋口牛柳粒黎到似牛柳碎多鳳爪一般，5算入味相反2杯野飲叫做全晚唯1感恩柚子hoegaarden 柚子本身帶少少澀，咁樣襯落去我覺得口味幾夾，好岩飲，但男友就5太喜歡哩種澀味菠蘿hoegaarden 哩杯滿滿菠蘿肉，杯邊亦有冷靚掛舊菠蘿飲落較甜，似菠蘿汽水，只有少少酒精味好岩怕飲啤酒果陣苦味的女生進食時亦有啲小插曲就係隔離1個台位上方冷氣槽漏水職員要食客配合搬開張台少少，再用啲海綿地拖加托盤吸走上面啲水☹☹☹食完時職員收走5要既餐具好正常但我地仲夾緊野食時，係我地既筷子上方到直接收走就5係太好囉總括黎講哩家野5抵食，5吸引個海南雞仲貴過中環食會自動黑哩間野，不推薦

下班後急步到銅鑼灣，皆因朋友相約看電影，尚未開場就去食個晚飯。百無聊賴與朋友周圍逛，看見街上有人舉起這間餐廳的牌子，加上之前自己又食過，所以在此食飯。波士頓原隻龍蝦喇沙 - 見到有半價優惠，朋友決定一試！龍蝦份量確實大，肉質帶點彈牙。喇沙湯底濃郁不顯渴。爽彈的米粉、豆卜、雞蛋索滿湯汁更見味美！蝦頭油炒飯 - 配料豐富，有蝦、茫果、蕃茄、雞蛋等。飯粒炒得乾身分明，入口挺惹味！泰國豆奶紫米冰 - 豆奶豆味濃郁滑溜，再配上煙韌的紫米，這個配搭也不錯！茫果糯米飯 - 最後當然少不了食甜品，茫果糯米擺盤與壽司很相似。茫果入口香甜，再加上落了椰汁的糯米飯，味道很！

同朋友喺銅鑼灣行街行到晚飯時間，佢話知道皇室堡地牢有間食東南亞菜的餐廳唔錯於是就帶左我去食。餐廳果然好多客。朋友推介下我哋叫左呢幾樣食物、軟殼蟹米紙卷6件($68)、招牌無骨海南鷄飯($80)、檳城炒貴刁($76)、香芒椰汁糯米飯($48)。上菜速度好快，唔洗幾分鐘餐廳已經送上軟殼蟹米紙卷，咁啱適合做餐前小食，除左軟殼蟹好鬆化外，米紙入面的菜、彩椒、芒果同牛油果都好新鮮，彩色繽紛，好食得嚟顏色亦好吸引。招牌無骨海南鷄飯，雖然飯量稍為少左D，不過鷄肉食落嫩滑好有鷄味，配埋兩種醬汁，夠晒好味，唔怪得望落去有咁多枱客都有叫嚟食。檳城炒貴刁($76)，配料有蝦、青口、魷魚、魚片等，味道咸甜中帶辣，炒得都夠火喉，又唔油膩，好惹味！香芒椰汁糯米飯，糯米飯有香濃糯米味，口感軟身得嚟唔會太幾腍或太黏，配埋香滑嘅椰汁同新鮮嘅芒果，呢餐品嚐咁多東南亞美食，埋單都唔洗$300, 無得輸！

呢日同老婆喺銅鑼灣行街經過皇室堡地牢見到呢間餐廳坐滿客人，覺得應該有一定水準，於是同老婆入嚟撐枱腳。我哋叫左緬甸咖喱鷄($78)、印尼炒飯($78)、馬拉盞炒秋葵($64)、煎蛋薄餅($28)。緬甸咖喱鷄嘅咖喱汁辣得嚟微甜，咖喱嘅香味同椰汁味的比例恰到好處，好惹味！煎蛋薄餅好香蛋味，用嚟配咖喱汁食超正！印尼炒飯夠乾身唔油膩，材料豐富包括有太陽蛋、鮮蝦、魷魚、青椒、紅椒、西芹，仲有蝦片同鷄肉沙爹串燒，炒飯食落似用蝦醬炒嘅，好惹味！今次唔食馬拉盞炒通菜，改叫馬拉盞炒秋葵，秋葵惹味又爽口，我覺得比炒通菜更好食，！我哋覺得呢餐叫嘅嘢都好食，連汽水埋單只係$300左右，唔怪得呢間餐廳坐無虛席啦！

今日約左朋友去銅鑼灣行街，行到咁上下夠鐘食飯，大家都想食泰國野，就黎左呢間。首先大家都鐘意食蠔，所以叫左個泰式蠔仔蛋試下。雖然蠔唔算十分多，但都食得出夠新鮮，好香蠔味，而且用鐵板上，擺左一陣再食都唔會凍左，抵讚！之後叫左個無骨海南雞喇沙。首先個喇沙湯食得出都幾足料，唔似出面食個d一試就知係味粉開出黎。佢都保留左喇沙傳統，油麵溝米粉咁，令每一啖喇沙食落去更掛湯，更有口感！雞亦都唔駛講做得好出色，夠哂滑。如果覺得唔夠味仲可以點埋個辣醬，仲好味！印尼炒飯，都幾足料，有串雞肉串燒，幾惹味，蝦片夠脆，飯入面仲有大大粒蝦肉同魷魚，一食落去就知唔係馬虎咁整，仲要炒到d飯一粒粒，夠鑊氣！食泰國野唔少得要叫個馬拉盞炒通菜啦。雖然油左少少，但味道適中，夠香，唔會過鹹，起碼食完唔駛係咁飲水先。仲有d通菜都應該有揀過，因為無乜渣，正！然後試埋外觀夠哂特別既泰國豆奶紅豆冰。紅豆勁多！岩哂我鐘意食紅豆既人！另外豆奶都幾甜，有d似香港既維他奶味，唔錯啊！

公司附近嘅馬來西亞菜「Mee...Lemongrass 」， 係我和同事周不時午餐嘅好選擇， 有午市套餐，而且份份都大份又抵食， 這裡只是套餐便提供十多款，款式都算多樣化。👏🏻 差不多每次黎，我都會點MEE...喇沙（$78）， $78已經係一個套餐， 已包括沙律、甜品和飲品： 是日沙律為大蝦柚子沙律， 大蝦爽口彈牙，柚子酸甜多汁，幾開胃！😌 喇沙內有大蝦、蜆肉、蟹柳、魚蛋、豆卜和雞蛋，材料豐富～😍 喇沙湯底椰香味十足，微辣惹味～ 魚蛋爽口彈牙， 蟹柳是日本貨色，不會容易散開，口感不錯！ 兩隻鮮蝦大大隻，肉質彈牙鮮甜， 豆卜吸晒湯底的精華，正！😋 麵底採用大馬正宗的「摻摻」做法，即係米粉撈油麵， 米粉盡吸湯汁，加上爽口滑嘟嘟的油麵， 每一啖有齊粗幼軟韌不同口感， 一次過滿足晒兩個願望！😏 甜品為泰式拉椰糕， 椰子味幾突出！ 泰國豆奶紅豆冰（跟餐加$22） 濃厚的豆香，不會一味死甜味， 感覺比平時的紅豆冰更健康呢！☺️ 紅豆軟腍有嚼勁，不錯吃！😙 如果紅豆多d就更滿足！ 檳城炒貴刁（$76） 又名「檳城炒粿條」， 粉條黑醬油顏色均勻，幾夠鑊氣！ 炒得香滑，香味濃郁， 加