Mee...lemongrass (已結業)

原全係比隻龍蝦吸引左入去。半價$84，午市及晚市各限30碗。唔去試下真係對唔住自己。上菜好快，首先試下個喇沙湯底，香甜清新，咖喱味同椰子味例岩岩好。有兩重麵溝埋一齊。麵加米粉，質感好好，單比吃一款麵更有趣。龍蝦好大隻，好新鮮。蝦湯浸透住喇沙湯底味。好好味。店內其他食物都好出色。叫左鐵板牛柳粒，軟硬適中，牛柳粒好JUICY泰式鳳瓜有D辣，但好開胃，辣都好想食，愈食愈過癮。最後叫左市面上少見的馬拉盞少秋葵。好味，爽口淋身。