Mee...lemongrass (Megabox) (已結業)

L6 雞絲扎肉撈檬粉，雞絲幼，加配料一起拌勻，口感十足。L1 集合大蝦、蜆肉、蟹肉、魚蛋、豆卜、雞蛋的喇沙，用料十足，豆卜吸收湯底味道，正L8 秘製肉骨茶，可以看到用料十足，除了最重要的肉骨，還有枸杞、中藥材料、冬茹、豆卜、龍眼肉等材料，豆卜吸收湯汁，湯味比正宗味道較濃味，但不會感到好油膩，再配上滿滿結實的白飯，吃到一半已經好飽。(滿足)L7 軟殼蟹撈檬粉，軟殼蟹是經過炸口感會脆口好多，另外有醬汁提供，可以自由加醬汁，除軟殼蟹外，還有花生、蒜、生菜等配搭，增加口感，不過只有一隻軟殼蟹，略然單調一些。L3 秘製特色牛骨湯河，碗內有全牛材料，包括牛肉、牛丸、牛腩、牛柏葉，湯料是熬足超過十小時，味道十足，愛吃牛人士可以點這份，另有芽菜，可自由加配一起食用。L4 馬來蜜汁炭燒厚切豬扒撈檬粉，一大塊燒厚切豬扒，口感脆口，炭燒味道十足，表面有蜜汁，所以食落不會太乾，同樣有花生、生菜和炸蒜配料，增加口感。一個餐好大份，所以可以大家分享一起吃，這樣就不怕食物浪費。另外亦可以加錢點甜品，我們就點了椰汁糯米飯，外型精緻，表面有椰汁和碎花生，很喜歡它的糯米飯是微熱，每人一個，份量不會覺得很油膩感。餐點會配搭

星期日下午做完健身🏋️‍♀️，當然要吃一頓好的補充體力！食 Food Court 食到悶悶地嘅我就上咗一層試下呢間馬來菜。進入店舖的時候已經唔試多，所以店入面只有幾個顧客。很久沒有吃喇沙的我看到餐牌的照片十分吸引，所以想也沒想便下了單！點餐不到五分鐘，食物便已經送了上枱。💨 我點的是一個下午茶餐，$72 包主食、飲品和甜品，蒜味還有墨魚仔呢！喇沙的湯底味道很好，少少辣得嚟又很香椰味，喝下去十分暖胃。麵的話當然是油麵和米粉吧，也有幾粒豆卜，吸了湯底十分正！愛吃喇沙的我感覺就算沒有海南雞做配搭也能吃得下整個麵。🤣海南雞的話是雞胸，味道吃上去有點普通，是大家可以想像得出的那種。不過雞也算新鮮，點上醬汁也挺好吃的。🐤至於甜品的話真的不予置評，感覺像是芒果味加牛奶但是十分稀。我吃了一口便沒有再吃了🤭 表面的那一層好像加了水一樣⋯⋯整體來說，那些的確十分值得一試，來 Megabox 又不想吃 Food Court 的話這間應該是不錯的選擇呢。

整體食物味道都好咸，份量比起較細份，品質已經唔理想，但估唔到今時今日服務態度都可以咁差，俾錢仲要受氣？ 下次唔會考慮再食，無論大人同細佬都表達唔鍾意食，令人極之失望。

又黎到九龍灣食午餐！今次去到好出名食海南雞飯既Mee...💗未夠一點就已經好多人排隊！食咩好呢，Mee...喇沙同撈檬都好想食🥺二人同行，一人叫一款試下啦！Lunch set都幾抵，有前菜，主食，甜品，仲包飲品！前菜係螺肉，普通壽司店既味👽而Mee..喇沙🙈裡面都幾多配菜，包括大蝦，蜆肉，蟹柳，魚蛋，豆卜，雞蛋🤤🤤🤤湯底夠辣👻麵質都好👏🏻👏🏻👏🏻撈檬方面都唔差喎😻個汁夠酸辣雞絲都算多👍🏼飲品叫左泰式奶茶，有泰味喎👍🏼👍🏼👍🏼不錯甜品就差d，冇咩味💩不過呢個價錢，算係咁了👏🏻食夠$150仲有優惠券送比你下次用！

正所謂未出發先興奮老老實實今個星期日就去峴港la~食越菜唔會厭ge我今日lunch 又食過~不過就選擇左食炒貴刁呢間餐廳就係好多元化ge有齊(越、泰、馬拉、星加玻等)美食lunch set一d都唔馬虎有前菜+main+湯+甜品大約$60-78左右d份量大到...大到我一個食只係食到8成 (獵狗比一般女仔大食)好有鑊氣！仲有青口、蝦、配菜都係幾燶味！(可以少味d就更好)飽到我而家都係頂住！哈哈Mee...lemongrass *(本身以為呢個名係做spa)九龍灣宏照道38號MegaBox11樓11號舖

之前係銅鑼灣食過，前排想食多次先知原來已結業上OpenRice睇先知原來有好多分店，今次揀咗九龍灣呢間Mee豬頸肉不過不失，佢個醬汁偏鹹呢個地道串燒味道唔錯不過份量太小，反而蝦餅有驚喜，好彈牙而且上菜既時候多熱呢個招牌Mee喇沙推薦個湯底，味道濃郁但又唔會膩，但可惜個麵質太梗最後呢個緬甸咖喱配菜好多，叫多個薄餅配呢個汁一流

海南雞飯-絕對要食的一款菜式。油飯香味撲鼻。雞味濃郁。入口雞肉嫩滑。除了喇沙。海南雞飯真是不二之選肉骨.因為我經常食。這次睇菜單時已經決定一定要點.湯味濃入口感覺滿足。藥材味滿出。再加以特製木碗盛裝。

貪得意見到有88蚊龍蝦叻沙， 路過就試試啦，依間鋪頭好有趣，門口冇人帶位， 等一陣無視我後自動坐低算， 坐低無人比餐牌，算，自助，舉手叫職員佢都舉手示意，但係掉頭走架，好有型，三催四請終於有得食，龍蝦叻沙就無乜特別處理過，鹽水煮熟隻龍蝦放上面， 急凍貨，比較咸，平，算， 但個叻沙真係相當失敗，個湯頭咸到要洗腎， 幾經關卡問佢攞杯水其實都唔夠，因為真係好咸但又冇其他香味，唔辣唔香純正咸， 碗大份量少，可以不用試， 我都不會再食

原來MEE...有不少分店, 就是沒有一間在我左近。午餐選擇不少, 價格合理。MEE...喇沙 $72隨主食跟有沙律, 甜品和飲品。螺肉沙律爽辣, 開胃味美。椰汁啫喱夠清爽, 簡簡單單, 討人喜歡。MEE...喇沙有大蝦2件, 蜆肉3隻, 蟹柳2條, 魚蛋2粒, 豆卜2件, 雞蛋半隻, 生菜1片和少量魷魚和蝦乾。喇沙椰味香濃, 香辣過癮。魚蛋爽口彈牙, 蝦乾惹味。材料豐富, 充滿誠意。飲品方面, 加了$6升級至MEE...特色飲, 我選了珍多椰汁冰。因為加少少錢便享有大大杯, 感覺很抵。餐廳11:45開始營業, 人客陸續入座, 不消一會已客滿, 不是沒原因的。事實上, 某店員的態度比較硬邦邦, 易令人反感, 只要稍為忍耐, 其實也沒甚麼大不了。

未進店之前，服務員說可以印單方便取免費泊車， 結帳後問了三次才有單。雖然最後 都拿到足夠單據做免費泊車，但整個過程並不令人愉快。 另外，食品質素一般，蒜蓉炒通菜好像蒜蓉浸通菜。

以前係幾好食嘅，而家已經麻麻哋了！😨😨我今次都係下午茶時間去，價錢冇乜大轉變，但水準已經大不如前！呢個海南雞喇沙，個湯底好似冇乜味甘😢😢跌低又唔滑😩😩而家連啲配菜都唔好食。我另外再叫咗個雞絲扎肉撈檬～不過我冇影相😓個賣相已經麻麻哋，配菜又少～🙄份量係比一般其他食肆大份，但落埋個酸汁都吾好食😓😓我下次應該吾會再去了🤔🤔服務就不嬲一般，侍應做野慢！又落錯單😤加上地方可能都開左一段時間鋪，冇新開時甘乾淨企理😦

繼續係九龍灣商業區 搵好lunch嘅系列 雖然呢份工都返咗一段時間 但係餐廳實在太多 經常都可以試到新嘅餐廳🤤今日嚟咗呢間喺megabox戲院嗰層嘅餐廳食個lunch 門口都幾多人等位 但係因為我係毒自一個 所以就唔駛等啦今日叫咗呢個緬甸咖喱牛腩飯套餐 套餐包埋前菜 餐湯 飲品 同甜品 可以話係應有盡有👍🏻前菜係我情有獨鍾嘅味付螺肉 味道都係同出面食嘅一樣㗎啦 係呢度嘅醬汁唔會太杰🙊餐湯有紅蘿蔔瘦肉湯 唔會好重味精嘅 不過就唔係好多湯渣 算係過得去嘅緬甸咖喱牛腩飯 咖喱好重椰汁味 微辣 咖喱味輕輕帶咗出嚟 唔會係嗰啲食完會辣到噴火嘅咖喱 牛腩嘅份量都幾多 仲燘得好腍 好少何可以嚿嚿牛腩都咬得開吖 而咖喱入面仲有洋蔥 薯仔同我最鍾意嘅牛筋 真係好滿足😻食完個飯 有個細細杯嘅木槺布甸做甜品 為呢餐畫上一個完美嘅句號😬

客人唔係多到冇位 完全係仲有十多個位 死都要安排我地坐角落 咩員工來噶 你大把位死都唔比坐 你如果真係好少位啦我都冇問題啦 係真係想食你地啲野先會入多次 仲係死都要安排坐角落

平日係MegaBox lunch 經常都要為搵位而煩惱，尤其係星期五，好多打工仔都會選擇出街食。Mee係唯一一間係MegaBox 可以用Gulu 攞飛既餐廳，方便時間有限既打工仔唔洗等咁耐。午市有lunch set，而我地今次就叫左3個推介既餐。Mee...喇沙，材料幾豐富，有大蝦、蜆、蟹柳、魚蛋、豆卜同雞蛋，湯底椰香味濃郁，麵係油麵同米粉混合既摻摻麵！馬來蜜汁炭燒豬扒撈檬，豬扒燒得香口，外層甜甜地，肉質嫩唔嚡口，但個汁要落好多先夠味，如果唔係啲粉好淡口。芭提雅蝦醬炒飯，味道無蝦醬既香味，而且偏咸，配料只得少少有醬汁既豬肉條，有啲肥。整體黎講，3個餐比軟推介喇沙，味道較好。黎過食左幾次，發覺佢水準有啲唔穩定，希望可以改善下。

weekday食lunch呢間永遠都有唔少人排隊，今日好彩有朋友幫手拎定位先唔使等。無骨海南雞飯面餐叻沙面，海南雞，螺肉沙律，椰汁慕斯叻沙湯底十分濃味，面份量亦都好足，豆卜同油面都吸飽湯汁入晒味，好惹味無骨海南雞夠滑，但size略嫌太大，食得有啲唔方便椰汁慕斯好多人都對跟餐小甜品有抗拒，的確唔少餐廳都會中伏，但呢個我覺得唔伏，椰汁味唔係藥水味，慕斯質地亦好滑呢個餐廳絕對係高性價比，個set一上已經覺得好豐富，仲要由沙律到甜品都唔hea，埋單好似90幾連野飲,以一個megabox完整嘅lunch set嚟講真係算平。不過lunch嚟食真係要小心時間，要排隊之外，佢上菜時間亦有啲慢。不過睇佢呢個性價比我都一定會翻兜！