Mee...lemongrass (Megabox) (已結業)

在九龍灣一帶少有馬來西亞菜，而Mega Box的Mee...lemongrass就是較出色的一家每次午市坐電梯去11樓，都會見到該店滿座及門前有一堆排隊的顧客這次難得約12時到達店內仍有座位，當然想也不想的坐下了點了他們的招牌菜MEE... 喇沙套餐，有大蝦、蜆肉、魚蛋、豆卜等，很豐富，而且湯頭很濃郁而惹味，感覺是正宗的喇沙口味，推荐前菜是普通的醬魷魚，沒特別除跟餐前菜及飲品外，更附有甜品，但味道亦是很一般，但算是一頓完滿的午餐

到九龍灣吃午飯，朋友帶我去了這間Mee.... lemongrass 海南雞專門店吃，由餐廳外面玻璃睇到裝修得幾好有D東南亞風格，見到D人食緊餐都幾好食得過。 入到去坐座位也幾舒服，見到餐廳叫海南雞專門店，入到去一定要叫海南雞試一下。 我要咗海南雞配喇沙， 朋友要海南雞配飯。 成個套餐海南雞得幾件，味道一般雞肉唔夠滑。 個碗喇沙幾好味，湯底夠香濃。 更包有一杯甜品，吃完也夠飽。 朋友見到我有碗喇沙夠吸引，也後悔要了配飯。

去到mega box, 太多食肆花多眼亂。最後女友話想食東南亞菜，最後選了呢間以為只係食馬拉野的食肆。入到去睇完餐牌發現原來菜式都好多元化，有馬拉菜式、泰國菜式同越南菜式等等。野食多元化的程度都令人花多眼亂，唔知食咩好。最後點了肉骨茶、蔗蝦、香茅雞翼、海鮮喇沙同泰式奶茶。其實各樣野都幾好食，只係肉骨茶偏向馬來西亞風味，而個人比較喜好新加坡風味的肉骨茶。香茅雞翼就比較一般，蔗蝦就幾好食，喇沙都好好食，不過略嫌辣左少少，唔係食得好辣嘅建議可以叫少辣。至於杯泰式奶茶，個人認為有少少中伏，奶茶比較甜，而且d珍珠全部黐埋一嚿，味道都係麻麻。不過整體來說價錢唔算太平，但食物方面係唔錯的

同公司同事黎食12點正坐下點左4個lunch set結果黎左個撈雞粉就一直等足足等左35分鐘先上到個炒飯過程不停追只係答炒緊炒左35分鐘仲要唔止我地隔離枱2個人食一個食完坐係度等結果我地走佢都未有野食另一枱有5個客有2個食完又係等另外3個唔上菜追到發哂火但個個侍應就扮睇唔到行到好遠望打工仔午餐時間唔長唔應該浪費係度啲野食正常但咁既價錢完全係唔值以後唔會再黎而且只係普通炒飯同海南雞完全理解唔到要咁耐先有

I usually  went to the one in Causeway Bay and I liked it. This one here in Megabox was not as good when compared to the one in Windsor. The okra and Pad Thai came first. Okra was good! Very tasty, and I just loved its texture. It gets gooey as you chew. Pad Thai, on the other hand, was quite disappointing. It's a bit too sour, and it tasted just like fried noodles in tomato sauce... They might have forgotten our order of this snack platter. It took so long to come, and we had to ask when the Pa

二人去看電影，看完食喇沙。餐廳位於商場戲院附近，裝修簡潔。雞絲喇沙68元，有雞絲、大蝦和豆腐卜，雞肉嫩滑，蝦肉新鮮彈牙，湯底惹味。MEE喇沙78元，賣相吸引，有豐富配料，大蝦、蜆肉、蟹柳、魚蛋、豆腐卜、雞蛋和魷魚，抵食。總結：喇沙惹味

餐廳位於Mega box商場入面，有lunch menu，價錢大約70蚊左右。前菜。細細碟開下胃。主菜。蝦醬炒飯非常足味👻，配上醬汁豬肉非常滿足，份量亦好足，我地兩個都食唔哂。餐湯。中湯黎講中規中矩，冇咩特別。飲品。凍熱同價，亦可以選擇泰式奶茶。甜品。椰汁咖啡奶凍，可惜有小小溶左。但注意餐廳上菜非常慢，今次我地足足等左半個鐘先上餐🤭😋蝦醬炒飯套餐（有前菜，湯，飲品，甜品）😋印尼炒飯🤪隻蛋有流心嫁

因為趕住睇戲，所以喺同一層搵食，最緊要快！第一次幫襯呢間野，問個侍應有冇晚餐，個侍應好愕然，我哋全部都散叫喎，我心諗：「問吓啫。」9秒九落order，佢哋上菜都上得好快。我叫咗海南雞飯，但係一上枱，好唔開心囉，因為全碟都係雞胸，係全碟都係雞胸！然後我問個侍應，咦！全部都係雞胸架，佢答我：「係呀，隔離嗰台都係咁㗎啦！」我平時喺街，都好鍾意叫海南雞飯食，啲餐廳多數一半雞胸一半雞髀或者雞翼，我本身唔係好鍾意食雞胸，所以見到全碟都係雞胸，個心沉一沉，仲要比個侍應咁樣「寸」，本來已經打算永遠black list呢間餐廳。幸好,朋友幫我搵咗另一個疑似經理的人物,話俾佢知我唔食雞胸,但係成碟都係雞胸,跟住個經理話,哦！因為我哋係無骨海南雞飯,所以一係就係雞胸一係就係雞髀,咁我哋就問啦,咩情況下你哋會俾雞髀呢?佢話要加$10 ,所以最後我哋就加左$10 ,我換返雞髀。但係個心仍然係度諗,（1）你個餐牌有冇寫明是海南雞胸飯,如要雞髀，另加$10 （2）落單嘅時候又冇提個客（3）上菜嘅時候仲要串我。其實味道係唔錯嘅，朋友嘅喇沙都唔錯，不過條氣真係頂住，今時今日咁嘅服務，以MegaBox平日晚市嘅人流來講，

星期五放工後，約了朋友去九龍灣晚飯，見德福廣場比較多人，所以我們選擇了較少人的mega box。去到Mega box ,見到有間食店有泰國/馬來西亞菜，亦都有我最喜歡的肉骨茶，就入左去試下。首先，我地點了一個肉骨茶，個肉骨茶真係無令我地失望，用料同份量十足，味道真係好好味仲有個喇沙都好值得推介，好正宗，因為佢地個喇沙係有2種面響入面：油面同米粉，配合埋個喇沙湯，味道真係一流最後我地點左肉骨茶、軟殼蟹紙米卷、海南雞喇沙及馬拉盞炒芥蘭。總括黎講，真的是一間不錯的馬來西亞菜餐廳

係附近番工lunch都叫幾多選擇不過都係難搵位，見依間有得用app搵位又有lunch set就試下依間!今次揀左佢個喇沙黎食，好似都係依到出名嘅入面好足料，有蝦、蜆、蛋、魚蛋同豆卜，麵係有兩款麵係入面嘅，好似係蛋麵同一款好幼嘅類似米粉個人麻麻地蛋麵，不過依個喇沙湯底幾好味，椰香味幾重，所以都唔錯！一個餐會包埋前菜、野飲同甜品，好豐富！今次叫左杯泰式奶茶飲，但都唔太似泰式奶茶，同普通奶茶差唔多，無乜特別！Lunch黎講價錢都有啲貴但質素都還好嘅，可以一試。

Lunch time 又黎食越南菜，原來Megabox都有間幾好食，選擇多元化，想食飯或者湯粉類都無問題。今次食呢碗湯河就有齊各種牛肉類既配料，牛丸大大粒，夠晒彈牙；牛肉片亦都好稔好鮮嫩，加埋香濃既湯底，成碗粉既味道即刻出晒黎，落埋少少青檸汁，有畫龍點睛既效果除左湯粉，午餐仲有出面好少食到既肉骨茶客飯，真係好有興趣試埋佢！下次一定要再黎

今日得閒去九龍灣搵朋友食晏晝，佢介紹我去mega box商場，裡面有好多餐廳其中一間係食喇沙好味的。我等他發板最後點了無骨海南雞喇沙、秘製特色牛骨湯河同泰式蠔仔蛋。無骨海南雞喇沙 $78試了一啖湯先，湯底濃郁口感幼滑，椰香好出，海南雞肉質鮮嫰，無骨最正可以啖啖肉連雞皮都食埋。哈哈秘製特色牛骨湯河 $62( 牛肉、牛丸、牛腩、牛柏葉)這款牛魔王就最喜歡，湯底用牛骨煲清而不膩，牛肉鮮嫰，牛丸彈牙，牛腩唔韌，牛柏葉爽脆。泰式蠔仔蛋 $78蠔仔超大隻，蛋漿炸得夠脆，食到停唔到口呀！

新年期間，我和家人拜年後決定一改傳統，不再去酒樓吃晚飯，而改去這間主打星馬菜的餐廳食晚。之前早已吃過一次，對這間餐廳很有信心，絕不失禮。我們點了期間限定的原隻波士頓龍蝦喇沙，只需84元，價錢雖然超值，但其實龍蝦不是很大隻，不過勝在喇沙味道香，湯頭濃郁。另外，也點了一隻無骨海南雞，份量十足，而且肉質鮮嫩，去骨後的雞肉吃起來更爽！秘製肉骨茶，湯頭清甜，用料豐富，有豆撲、腐竹、冬菇、排骨等。咖哩牛腩配油鬆餅，咖哩調味不錯，微辣，搭配油鬆餅進食就非常剛好。

齋睇餐牌，已經覺得很吸引，木盤上菜，有齊前菜、主食、飲品及甜品，仲要價錢係非常合理，set lunch大概$70-$90，難怪每次經過，都見到門外人山人海。豬扒撈檬，上菜時有少少俾佢嚇親，大碟到，應該要兩個人分！其實個豬扒幾入味，但如果可以厚身少少會更加好。牛肉湯河，係可以一次過滿足曬你楝牛丸、牛內、牛腩既願望，因為一碗入面，乜都有齊，而且個湯底也很甜，下次可以再encore.最後，提提大家，其實可以用app 攞菲等位，可以慳返唔少時間。

之前喺銅鑼灣同朋友食過Mee lemon grass，見megabox 開咗分店，所以襯lunchtime 同朋友過黎試吓。午飯時間都有啲人等位，我哋兩個人等咗大概10分鐘。下午時間有lunch set Menu，我同朋友都係毫不猶豫揀咗到呢度嘅海鮮喇沙呢個喇沙真係幾出色同正宗，湯底濃郁、麵底有粗麵同幼麵、海鮮多、好足料！Lunch set 仲有嘢飲同甜品包埋𠻹😄 食完仲送咗張$20優惠卷可以下次用。可以encore的餐廳