更多
2012-12-04
916 瀏覽
之前見到團購推出呢間餐廳既優惠,我都心思思想試!主要原因係呢間餐廳好特別,位於尖沙咀前水警總部改裝而成既酒店內,逾120年歷史,環境充滿英式格調! 不過,未有立即行動,好快就錯過左啦!今次見到又有團購,真係好想試下,就買左啦! 團購係英式午餐,可以供星期一至星期六中午使用。我當然想book星期六食,唔駛返工,可以慢慢嘆下啦!不過,我打去book位,waitress就話團購使用期間既星期六已經fully booked,好失望呀! 唯有book平日,再安排下D工作啦! Book左12:30,準時去到,明明見到booking list有我既資料,但係receptionist帶到入去間餐廳,waiter發現冇位,竟然叫我地4個企响度等下,跟住就响餐廳出面搬左張細細既正方形枱入黎,擺左4個位,不過就唔請我地坐。追問之下,知道係安排比我地,不過張枱實在太細,忍唔住叫佢地加多張枱,變成張長枱先叫正常坐4個人。攪左扛輪,終於有得坐低啦!其實成個個程都幾奇怪,我地罰企罰左成10分鐘。其實間餐廳好細,當時有其他4枱客,我地幾個人企左响度,佢地又搬枱又搬凳,非常disturbing,完全破壞晒果度既
團購係英式午餐,可以供星期一至星期六中午使用。我當然想book星期六食,唔駛返工,可以慢慢嘆下啦!不過,我打去book位,waitress就話團購使用期間既星期六已經fully booked,好失望呀! 唯有book平日,再安排下D工作啦!
Book左12:30,準時去到,明明見到booking list有我既資料,但係receptionist帶到入去間餐廳,waiter發現冇位,竟然叫我地4個企响度等下,跟住就响餐廳出面搬左張細細既正方形枱入黎,擺左4個位,不過就唔請我地坐。追問之下,知道係安排比我地,不過張枱實在太細,忍唔住叫佢地加多張枱,變成張長枱先叫正常坐4個人。攪左扛輪,終於有得坐低啦!其實成個個程都幾奇怪,我地罰企罰左成10分鐘。其實間餐廳好細,當時有其他4枱客,我地幾個人企左响度,佢地又搬枱又搬凳,非常disturbing,完全破壞晒果度既氣氛!
講番餐廳既環境,原本就係水警總部既酒吧改成,充滿英式酒吧既風格,宜家加上少少聖誕裝飾,就好似去左英國咁! 哈哈!食lunch就發夢,太早啦! 至於食物方面,set lunch有starter,main course,dessert同coffet&tea。starter和main course有3款選擇,dessert亦有2款,算係合理!
我選擇左 England Seafood Chowder,Fish & Chips 同 Lemon Cream & Crumble. 個湯好creamy,海鮮材料都算多,不過唔知係唔係我地影相影耐左,個湯唔算好熱,如果熱騰騰就再好D啦!個main course既魚柳新鮮炸好,好脆,好好味,著條亦唔錯!份量都算正常,食完都飽。再加埋個dessert 同coffee就好滿足啦! Lemon Cream & Crumble 幾重檸檬味,幾fresh!份量唔算多,食左都唔怕"溜"!另外,朋友食既England Chopped Salad & Steak and Guinness Pie 都唔錯! 整體上,食物、環境都幾nice,團購價錢比起原價平成百蚊,亦算低,只不過係坐位安排破壞左大家既first impression,可惜!
張貼