Mano (海濱匯)

營業中

休息中

🌛今晚秋意微涼 都想行下海邊輕鬆一下 我今晚放工 就去咗觀塘海濱長廊行下 順便試下週圍新開嘅餐廳呢一度都好多選擇 我特別鍾意呢一間Mano餐廳 主打手工意粉🍝薄餅🍕 朋友之前去過都覺得好好食所以今次我都同親愛的過嚟食下 放空 今晚特別肚餓 我哋點咗 ⭐卡邦尼薄餅 餅底好煙韌 上面有煙肉 鵪鶉蛋 Mozarella芝士等等 餡料豐富熱辣辣上 餅底夠曬薄 另外手工意粉都好好食值得推介🍝⭐新鮮黑松露蘑菇義大利麵 超級creamy裏面有洋蔥 忌廉 香蒜 同埋黑松露片 黑松露片好香 ⭐卡邦尼意大利麵係我親愛的favorite 裏面有 蛋黃 忌廉 洋蔥 煙肉等等 意粉好彈牙 呢度晚上都幾full 不過都坐得好舒服 外籍嘅侍應服務親切 食完仲可以行下海濱 係放工放鬆嘅好地方

餐廳環境空曠，餐廳座位唔算好闊落，但係都舒適既👍🏻同朋友食飯傾計都唔錯架😋意式辣肉腸薄餅 個個都話係呢度嘅signature，就即刻試吓🤭上碟Pizza熱辣辣，配上辣肉醬，十分惹味🌶🤩避風塘雞翼 🐥有好多香蒜喺上面 香噴噴又惹味既如果多啲雞翼肉汁就會更加正😊Mano (海濱匯）📍 觀塘海濱道77號海濱匯1樓4號舖#manohongkong #手工意粉 #pizza #香港生活 #香港探店 #香港旅游攻略 #美食 #美食探店

收工沿住海邊行去到海濱匯試下呢間人氣餐廳Mano餐廳環境舒適 簡約型格裝潢坐低冇耐餐廳就將燈光較暗咗 好有情調巴馬火腿配菠蘿哈密瓜 $118賣相好精緻 Parma Ham鋪喺面下面有大量嘅火箭菜 仲有切成圓柱體嘅哈密瓜鋪喺外邊Parma ham肉質柔軟 食落鹹香味突出 配上香甜新鮮嘅蜜瓜好滿足火箭菜配上黑醋 調味啱啱好 火箭菜嘅底部仲有烤菠蘿 菠蘿外脆內嫩仲好清甜燒大蝦三文魚子龍蝦汁扁意粉 $158大蝦真係超級大隻好厚肉 咬落去口感好彈牙 仲有大量嘅三文魚籽 龍蝦汁味道香濃扁意粉煙煙韌韌仲好掛汁避風塘雞翼 $78冇諗過西餐廳都有避風塘口味嘅雞翼 份量比想像中多有足足六隻雞翼雞翼外皮好香脆 咬落去好juicy配上大量炸蒜同豆豉 好特別Sangria White $98有唔同嘅水果香甜味 好清新易入口Iced Lemon Tea $28

想搵間餐廳靜靜地傾吓偈又唔特別多人，去咗海濱匯一樓呢間Mano。之前係銅鑼灣分店食過幾好，所以就book位今晚嚟試吓。主要都係諗住傾偈，只係叫咗少少嘢食。一份炸魚薯條一份凱撒沙律同埋一份小食炸雞，仲有兩杯嘢飲，咁就傾咗一晚。嗰份炸魚薯條都算幾大份，嗰舊魚長過我隻手板。炸雞我就鍾意佢嗰個醬，辣辣地又有啲咖喱味咁樣。佢哋啲飲品都唔係好貴，檸檬茶都係廿零蚊，咖啡都係卅幾蚊到，所以喺度食嘢傾偈放心叫嘢飲都唔會好貴。總括嚟講呢度樓底比較高又唔侷促，又靜靜地幾適合傾吓偈或者浪漫咁撐枱腳都非常適合。

周末又來到FLAME旗下的餐廳Mano, 很喜歡這裡的Staff總是笑笑口又好招呼～weekend都有lunch menu連飲品真的很好點。FLAMES 特盛早餐 $138肉類比較多、有烤煙肉、烤香腸、炒蛋或太陽蛋、炒雜菌、烤蕃茄和烤多士。初初以為烤多士是普通麵包，但原來是兩件芝士pizza～pizza出名好吃，薄餅夠晒鬆軟。葡式燒雞扒漢堡配薯條 $128燒雞扒超級大件，肉質嫩滑，薯條一如以往炸得夠香脆～加$15配一個沙律今次沙律款式是火腿配沙律菜，芝士粉和醬汁都偏多～Banana Nutella Pizza $88這款真的超級推薦，賣相討好之餘，佈滿半溶的棉花糖和榛子醬，好邪惡之餘，又好好食！$88都切開了四件，好大份抵食～

今日同朋友去了觀塘西式餐廳食晚餐。要左10安士肉眼扒配忌廉薯蓉和芝士肉醬千層麵。10安士肉眼扒配忌廉薯蓉肉眼扒是牛肉中的上品，這道菜使用了10安士的肉眼，肉質鮮嫩多汁，煎至五分熟的肉眼扒保留了肉的原汁原味，外層微脆，內裡柔軟。搭配的忌廉薯蓉則是完美的配角，綿密的口感和奶香味增添了整體的豐富感芝士肉醬千層麵芝士肉醬千層麵是一道經典的意大利菜，層層堆疊的麵皮、肉醬和融化的芝士。肉醬的調味恰到好處，既有番茄的酸甜，亦有肉的鮮美，芝士的香濃使整道菜更加豐富,每一口都能感受到層次分明的口感，熱騰騰最好味。Today, I went to a Western restaurant in Kwun Tong with friends for dinner. I ordered a 10OZ ribeye steak with creamy mashed potatoes and cheesy meat sauce lasagna.Grilled rib eye steak with Creamy Mashed PotatoesThe ribeye steak is premium beef, and

前2晚同朋友喺觀塘海濱長廊跑完步就嚟到海濱𣿬揾下嘢食先，見到呢間西餐都幾骨子就入去試下喇首先見到個10oz rib eye steak好似幾ok, 我地呢d食肉獸就一定要叫啦, 一上到枱都ok大份，真係2個人食先得，我地叫5成熟剛剛好，肉味好濃同個薯溶好配合，yummy另外就一定要叫返個 Caesar salad中和一下啦，佢d醬汁啱啱好撈得好好味，上面仲有d ham又幾配合喎，兩個人好快又清哂最後忍唔住叫多個咖哩炸雞，感覺冇乜油份，肉keep到鮮嫩，好好食，要果大少少就更加好，不過其實都飽了總括呢餐都好滿意，當日有公司攪酒會，好熱鬧好多人，平時應該幾有格調，下次經過再嚟食

夜晚七點半嘅海濱匯，大部份舖頭閂咗門，人流較少，顯得相當安靜。但位於一樓嘅Mano就相當熱鬧，氣氛幾好😝附近仲有打卡熱點志明橋，期待下一次天氣冇咁熱嘅時候去影相🤍✨脆皮燒乳豬蘭花苗配黃薑蕃茄飯推薦！燒乳豬份量十足！入口先係鬆化嘅脆皮，然後滿滿既肉香，相當香口！黃薑蕃茄飯粒粒分明，調味恰到好處，整體都幾好食！✨避風塘雞翼質地較乾身，口感焦脆嘅雞翼，避風塘調味唔會太重口味。✨牛油烤蔬菜調味較淡雅，主要食蔬菜原味，健康之選。

✨Rib Eye Steak肉質厚實多汁且口感細嫩，牛排油脂甘香，帶有濃郁的牛肉味，配以香草薯蓉，口感順滑，牛油味香濃。✨Nduja Pizza薄餅身屬軟綿質地，新鮮熱辣，餅底口感薄脆而餅邊煙韌鬆軟，餡料調味突出，芝士味濃郁，意大利辣肉腸微辣惹味。.

今個週末同屋企人去咗觀塘海濱滙嘅Mano食Brunch🍴，佢嘅brunch set 選擇好多，而且星期六日帶埋小朋友去，小朋友餐👧🏻仲要免費添，真係啱晒一家大細去👨‍👩‍👧‍👦♥︎ 8oz. Rib Eye我哋叫咗medium煎得岩岩好唔會overcook，顏色粉粉嫩嫩咁，牛扒有輕輕嘅炭燒味👍🏻😋唔使太多調味都已經覺得好好食，以brunch呢個價錢嚟講就真係好優質💯♥︎ Margherita PizzaPizza🍕即時用焗出來，披薩的餅底煙靭，每塊都有大大舊嘅Mozzarella Cheese🧀同埋一塊羅勒配搭埋茄醬，呢個經典嘅組合係冇得輸😺🍅

觀塘海濱附近有好多商場，有好多Cafe,啱晒放假過嚟Chill一Chill。因為離觀塘市中心較遠，人流唔算多，餐廳座位好闊落，裝修modern。餐廳週末menu選擇唔算多，有all day breakfast、沙律、意粉、扒同pizza等,價錢介乎百幾至二百蚊左右。🔹馬格麗特薄餅🔹Sourdough 餅底好有麥香味，煙煙韌韌，鋪滿酸甜既蕃茄醬、鹹香巴馬臣芝士、軟腍水牛芝士同羅勒葉，芝士控一定無法抗拒。🔹紐西蘭肉眼扒配薯條🔹八安士嘅份量都幾大，我要咗medium，上菜嘅時候熟到啱啱好，肉眼扒肉味濃，有炭燒味，伴碟嘅薯條都係剛剛炸好，非常香脆

今日陪媽咪去觀塘呢邊複診，見完醫生都接近2:00啦！個肚打晒鼓，媽咪話好想食牛扒，想佢食得舒舒服服，當然梗係帶佢黎海濱匯呢邊環境舒適嘅Mano啦！食飽仲可以去戶外座位度打吓卡㖭架🤗啱啱2:00重可以食到Lunch Set 《包飲品》👍🏻🌀8安士紐西蘭肉眼扒 配烤蔬菜 $188肉眼扒烤得相當唔錯😋都幾大塊，肉表面烤得微微焦香，雖然牛味唔算濃，但肉質嫩滑一啲都唔會乾，冇咩筋位加分👍🏻我最唔鍾意牛扒有筋🌀1/2葡式香辣燒春雞 配自選沙律 $98本身諗住叫一份沙律餐，店員姐姐好貼心🫶🏼同我哋講，不如揀半隻燒春雞拼自選沙律，價錢一樣係$98但抵食好多，真係好抵食喎，都幾大份吖👍🏻燒春雞輕微辣辣地，好惹味，個紅菜頭南瓜沙律幾好食😋尤其係個南瓜好香甜，配埋微辣嘅烤雞係Perfect match❤️🌀黑松露薯條 +$48呢度既薯條真係相當唔錯，$48份量多到滿瀉既粗薯條😆而且熱辣辣，有微微松露味😋🌀Day Dessert 。tiramisu食飽飽再拎第二個胃出嚟食甜品🤣咁先至滿足㗎嘛！估唔到呢個外表平平無奇嘅Tiramisu都俾到驚喜我哋，喜歡佢嘅洒味唔會做到Over晒，亦都唔會出現死厚既蛋糕底，芝士部

餐廳喺工業區，相信閒日有好多上班族嚟食飯～ 環境舒適，食物唔錯💃🏻巴馬火腿火箭菜薄餅($168)自家製Pizza係呢間餐廳嘅招牌之一，薄餅底唔會過厚，有少少煙韌，有少少脆，配上滿滿嘅巴馬火腿，再加上香味誘人火箭菜，咸香好味😋蟹肉巴馬臣芝士蕃茄忌廉汁通粉($138)巴馬臣芝士味香濃，意粉煮到仲有少少咬口，每一啖都有蟹肉，成個感覺好Creamy👍🏻Latte +$18 Cappuccino +$18呢度嘅咖啡都唔錯，唔會太苦，味道啱啱好～

Weekend過嚟觀塘呢邊行街，順便搵間餐廳醫肚😄觀塘海濱附近有個靚商場海濱匯，裡面有各式各樣嘅食肆可供選擇，呢間Mano就係食西餐/意大利菜嘅好選擇👻餐廳氛圍好悠閒，好適合作為Weekend嘆返個慢下來嘅Brunch😀Flames特盛早餐Weekend嘅Brunch，又點少得豐盛嘅All Day Breakfast呢🤪呢度有煙肉、腸仔、炒蛋、炒雜菌、烤蕃茄、烤多士，好完滿嘅一份靚早😎8安士紐西蘭肉眼扒 配 薯條賣相好靚仔，肉質嫩滑😋肉汁鎖得住，口感軟腍😍呢塊扒嘅邊邊位仲煎得有少少焦脆，完美嘅一塊Medium Ribeye👍薯條質地好脆口，外脆內軟真係大人細路都鍾意食😜星期六日嘅早上，當然要靠一杯咖啡去打開☕️左邊係熱Piccolo🥳右邊係凍嘅Long Black😍嚟海濱匯呢度星期六、日消費滿$200，就有三個鐘免費泊車，呢個優惠咁抵，相信可以吸引到好多揸車嘅朋友😁

星期日晏晝在觀塘睇完戲，沿着觀塘海濱公園一路行行到去盡頭，嚟到牛頭角海濱匯Mano！商場內餐廳得幾間，得Mano 同對面嘅Flames 明顯好熱鬧！我哋唔係太肚餓，所以散叫，點左：1）10安士肉眼扒-7成熟，切開好juicy，有牛味，肉質嫩，配黑松露薯蓉，牛扒有手掌咁大2）瑪格麗pizza - 第一次食，雖然冇肉，得蕃茄水牛芝士，但係原來好好食，中間好薄，外邊餅皮厚些，但是很鬆軟，就算凍左都唔會變硬！3） 雞鹽薯條-香脆可口，外脆內軟，鹽味均勻，非常惹味，好食過老麥！味道環境服務環境modern causal , 座位不是很多，當晚見到隔離枱來慶生，侍應會拎住生日蛋糕仔，全場播起生日歌，非常歡樂氣氛！