Mano (海濱匯)

呢間西餐lunch價錢都好抵食，食個PIZzA🍕都係$128 仲有埋嘢飲，係平平哋lunch嘅首選我哋叫咗一個意識辣肉腸pizza，一個紐西蘭肉眼扒，個Pizza都好大個，一個人食一半都好飽，超多芝士，可以拉絲，辣肉腸切得夠薄，所以焗完出嚟有少少燶變效果，好食肉眼扒都好多汁，唔會好乾 ，唔需要調味都好舊肉味，員工仲會攞個芥末醬過嚟問你需唔需要非常貼心💙薯條脆卜卜 ，加埋雞鹽好好食然後再叫咗個甜品，套餐加$38有提拉米蘇，偏甜 ，但係味道係好食嘅，好Creamy係我鍾意嘅口感加咗$18要個蘑菇餐湯，蘑菇味非常濃郁，同埋好大碗，兩個人飲都OK下次會來試埋佢個炸魚薯條呀😆😆…查看更多

環境簡約時尚，裝修用色明亮，成個chill vibe好適合同朋友慢慢歎🥂。King Prawn Linguine真係精選，意粉al dente，蝦隻隻大隻鮮甜，緊緻彈牙，醬汁帶有香草番茄清新味，唔會太creamy，令人食得好開胃🦐🍝。Carbonara Spaghetti一上枱就聞到濃郁芝士同煙肉香，蛋黃醬汁做得滑而不膩，煙肉粒煎到微脆，混合spaghetti一齊食鹹香邪惡，啱晒重口味之選🥓🍝。Chicken Salt Fries粗薯條炸得香脆，外層鹽香味突出但唔死鹹，配酒一流，唔會食到膩🍟🐔。最後叫杯Malbec紅酒，酒體飽滿，果香濃郁，配意粉同薯條都好夾，提升整體用餐體驗🍷…查看更多

阿囡話好掛住呢度既 tiramisu 要黎食，俾佢講到我都好想食，點知落order 時話今日 lunch 時段已經賣哂喇，遲來了一步，唔緊要，小朋友好易滿足，黑松露薯條補上，熱辣辣外脆內軟好好食。Carbonara Spaghetti 個人覺得要汁夠才好食，每一條意粉都黏著，加埋有少少鹹味既肉粒，真係好夾。Aloha Pizza 製作需時，我地啱啱食左個意粉就上枱，皮底薄，邊咬落有啲似法包咁，最鍾意襯熱食，嘆埋杯Apple Thyme 好享受。今晚好早未到7點已經滿坐，有幾枱都係慶祝生日，呢度都好適合呀。…查看更多

觀塘最愛正宗西餐🍴一定要數海濱匯的連鎖西餐廳——Mano😋呢度既小食，pizza🍕 意粉🍝都係數一數二好食🤤今晚又來同朋友聚餐chill住eat，嚐嚐必食西餐美食🥰1. 風乾火腿芝士拼盤 $88 small size 就算細size 都好足料，平時想食到甘多款火腿仲要有芝士，邊可能甘抵食😌超抵食送酒一流2. 意式辣肉腸薄餅🍕 $158 手打薄餅就係又鬆軟又好食，真系食一塊都吾夠侯啊3. 新鮮黑松露蘑菇🍄‍🟫扁義大利🇮🇹麵🍝 $148 超級香既黑松露味，新鮮黑松露就是不一樣的味道👅超正甘開心的聚餐，點可以沒有酒精🍷🍹朋友來杯靚靚cocktail Sangria 🍹$75 我就固有紅酒🍷控選擇了Malbec $65 配今晚的美食真係十分合適呢😋😚…查看更多

火爆意大利餐廳，小區的浪漫。觀塘隱世寶藏餐廳，意大利風味觀塘海濱匯呢間好有格調嘅意大利餐廳Mano，充滿意大利風味。環境好有意大利情調，暖色燈光，仲有開放式廚房可以睇到廚師整菜！環境好溫馨，還有戶外嘅花園景色， 十分浪漫，啱晒同朋友或另一半嚟浪漫一下！葡式香辣燒春雞配烤蔬菜外脆內軟，外皮脆口，內裡鮮嫩多汁，令人垂涎欲滴。整隻雞色香味俱全，搭配新鮮烤蔬菜，讓你每一口都能品味到食材的極致品質，令人心滿意足。夏威夷薄餅新鮮菠蘿的清甜與鹹香火腿的完美結合，餅底酥脆熱辣，讓每一口都係極致享受。如果假日可以有套餐優惠，更加好更加開心…查看更多