Mad for Garlic (已結業)

好蒜呀！好蒜呀！！好蒜呀！！！🤩今晚真係有口福，朋友話請我食好野，原來有我至愛嘅Garlic 唔怕口臭，唔怕大陣味，最怕冇得食首先有一碟兩件蒜蓉包，係送架好香好蒜好好食！Main Dish 係熱板烤MFG招牌肉眼扒配蒜頭山 都係勁蒜呀大堆頭嘅炸蒜片埋沒咗塊牛扒！急不及待要切開，🤤🤤🤤woo~係粉紅嫩肉，好juicy 又有肉味，配上大量蒜片，好香好yummy呢 甜品時間D.I.Y. Tiramisu看到時有點不解，再想想，原來真的是D.I.Y.！碟上是Tiramisu 的材料，要自己將佢變成tiramisu，最簡單就是混在一起就食Mascarpone cheese 裡面仲有甜甜嘅蒜子，好有趣，完全沒有違和感

用蒜頭做主角嘅西餐廳今晚嚟到奧海城開餐，終於可以試到呢間Mad for Garlic ！！餐廳招牌下面雖然有幾隻韓文字，但裝修同格局都俾人感覺佢係一間高級嘅西餐廳～!打開餐牌，幾乎全部嘅菜式都係以'蒜'嚟做主角。我哋最後點左一個二人餐A其實佢哋嘅二人餐已經非常豐富，已經包晒餐湯前菜，甜品同兩杯飲品（㨂特飲/紅酒，白酒都不另收費👍🏻👍🏻）蒜蓉包&意大利菜湯 - 侍應未拎蒜蓉包上嚟之前已經聞到勁香蒜蓉味，配埋個菜湯一齊食，正啊～菠菜仔煙肉沙律配黑醋汁 - 依個影相睇落好似平平無奇，但我同朋友食完都一致認為依個係全餐廳嘅重心推介，上面啡色嘅係佢特製嘅烤蒜片，配埋沙律同黑醋汁一齊食，勁開胃，食到停唔到口MFG 招牌意大利pizza - 上面一樣係有好好味嘅烤蒜片，配埋鋪滿成個Pizza嘅芝士,勁滿足蒜香忌廉汁蟹肉&龍蝦肉意粉 - 佢個忌廉汁整得比較「傑」，但味覺十足，混合埋蟹肉同龍蝦肉一齊食，好味道～!意大利手指餅配Tiramisu ，呢個甜品都幾有特色，咖啡同甜酒係分開嘅，要先混合在一起。之後再用手指餅點嚟食，配埋旁邊攞蒜頭整嘅甜忌廉芝士醬，別有一番風味～!餐廳就高中檔路線，品質有一定嘅保證

Mad for Garlic，但係令我為之瘋狂嘅係呢度嘅一個Blue Cheese pizza。真係每一次黎都一定要嗌嘅一道菜！Blue cheese 你真係味道辛香濃烈，但呢度真係將Blue Cheese 同香甜嘅蜜糖，同脆薄嘅Pizza底配合得天衣無縫。每一啖都係非常濃郁嘅味覺享受，鹹甜交集，非常細膩。真係可以一個人食晒成個

今日有事要去奧海城，做完嘢就揾間餐廳食個lunch,見到呢間用蒜頭做主題，又好岩我啲重口味人食，就入去坐低啦。餐廳都走高檔路線，叫咗前菜有salad 同餐湯，餐湯好重印度味，幾特別。salad係用黑醋，都唔錯。叫咗份八爪魚煮蜆配法包，法包有4塊，脆得黎好香，八爪魚就唔夠入味，蜆肉夠濃味，但食到最後有沙。。特別推介呢個芝士蒜片蝦薄餅，真係好食！好鐘意食薄底pizza ，而且芝士夠多，配埋炸咗嘅蒜片係好驚喜！主菜係5成熟嘅牛柳，肉質好冧，冇搶咗啲大蒜味，配咗黑醋汁係唔錯嘅，但最後差在個甜品美中不足。。甜品係2件蛋糕，一個係檸檬，太酸了。。另一個綠色應該係開心果，呢個好食啲。成個lunch要500蚊的確有啲貴。

跟家人到附近逛街，在奧海城找午餐地點⋯OP上排名頗具人氣的這家店，說常常要排隊。所以在周日的12時左右先去看看情況如何。來到店，當時只有一枱客人，我們可以直接入座。看餐牌，上面寫買三送一優惠，但也寫著星期一至五；問了侍應，說周日也享有此優惠。不過，其實當時還在進行主餐牌8折優惠，當中只可2揀1使用。先點了一客蒜蓉塔包$48，味道不錯，也很有特色（可惜忘了拍照）另外點了午餐上的雞胸沙律，不過不失給小朋友點了午餐牌上的薄餅，味道及餅皮都不錯，而且極多芝士，入口芝味濃因為肚餓，我點了韓式的熱板飯，份量來說剛好足夠1個女士的份量⋯ 男生吃可能不太足夠呢～味道來說也可以，但未到達令人難忘想再回味的程度。當然也不難吃，只是以價錢性價比來說⋯ 幸好有8折總括來說，價錢一部份付給了環境。侍應態度冷漠，反倒是經理比較有笑容。是一家我下次不會再光顧的店～

有個好朋友岩岩生日 識左咁耐都係同佢去食快餐店 都冇試過同佢食餐好既 今年突然心血來潮想請佢食好野 但佢又唔鐘意嘈吵既環境 同埋我又留意到佢平時食野好鐘意加蒜 所以我問問同事有冇好介紹 佢介紹左我去一間位於奧海城入面旺中帶靜既餐廳 於是我就帶好朋友去呢間度食餐廳裝修以懷舊西式餐廳風格為主導 其中一幅牆以酒樽作佈置 就連天花同燈飾都經過用心配搭 突顯出呢間餐廳獨特的風格 對裝修都咁一絲不苛我相信佢地對食物質素既要求亦都一樣 令我對呢間餐廳既品質有信心餐牌上有唔同種類既野食 有pizza rice pasta等等不同款式 而且又有d set dinner 比你選擇 令有選擇困鞋症既我都唔知點揀好但因為我地為食 想食多幾款主菜所以我地冇要set dinner 最後叫左Garlic Snowing Pizza, Crab & Lobster Pasta 同Garlic Sizzling Rice Garlic Snowing Pizza 我朋友超鐘意食 如我所料佢好鐘意食炸蒜片 因為d 炸蒜片響pizza 上面多到成座山咁 食極都仲有 我反而就一般般 因為食炸蒜片食到我怕怕Crab & Lob

因事來到奧海城，順便約朋友吃午餐，朋友提議到Mad for Garlic，喜歡那裡環境寧靜舒適，可以慢慢享用午餐~ 平日午市時段有午餐供應，奉送餐湯/ 沙律、主食、甜品以及飲品，更有買3送1優惠，多人同行更為超值. 薯仔湯 跟餐的薯仔湯欠了一點熱度，味道creamy不過鹹. 蒜香白酒海鮮湯意粉 ($148) 爽口大蝦、蜆肉、八爪魚仔配以露筍等的湯意粉，配料很多，而且意粉頗有嚼勁，辣度輕怡，卻能增添食欲! 烤澳洲牛柳伴牛油餡角配蒜香忌廉汁及墨西哥辣椒醬 ($228) 牛柳已預先切成小塊，配以雜菜及醬汁等，放進脆脆的牛油餡角內同吃; 牛柳肉味濃且熟度剛好，頗有水準; 伴碟的原顆焗蒜頭都很惹味，配以忌廉汁同吃都幾有特色! 凍檸水 餐後選了有助消膩的凍檸水，清清味蕾. 甜品 跟餐甜品每人也有2小件，為這餐畫上一點甜~ 下雨的午後，躲在商場內用餐是最明智的決定呢! 大角咀海庭道18號奧海城二期1樓105A號舖 21041338

每次食韓國菜也離不開韓式燒肉，醬油蟹，生牛肉。韓國餐廳Mad for garlic 的蒜頭料理很有特色，每道菜也是用蒜頭做出來，但沒有蒜頭的臭味。Caesar salad $128原塊沙律菜，燒香了一片片的蒜頭，很多芝士碎，口感又清新又香脆，蒜頭一點也不臭。Garlic bread tower $48招牌菜，店員幫我們分成5份，蒜蓉包內有很多蒜頭碎，麵包香脆鬆軟，很溫暖。Garlic snowing pizza $138薄餅底非常薄，有很多芝士碎，熱辣辣，超多蒜片，味道甜甜地。Triple garlic pasta $158有點辣的意份，意粉炒得很香，大蝦已扑殻，蝦肉彈牙新鮮。Garlic for you steak $238蒜頭造型很可愛，牛肉沒有筋，有牛味，細細舊淺嚐也不錯。Lemon calamari cream risotto $138檸檬汁加意大利飯感覺很清新，雖然有很多忌廉但一點也不覺得膩，旁邊的菜甜甜地很好味。Garlic and banana Nutella pizza $88每次來到也一定會點的甜品，中間的雪糕是雲呢拿味，香蕉切成一片片，味道不太甜，但很滿足。每人$2

Mad for Garlic可算是一間適合大伙兒聚會的地方，座位寬闊，韓式意大利菜口味又大眾化，價格在奧海城來說也是抵食。招牌意大利薄餅Garlic Snowing Pizza ($138)，外觀雖然有點驚嚇，只見到薄餅上全是炸蒜片及芝士碎，但味道卻是出呼意料之外的驚喜，蒜片經炸後其實蒜味不濃，反而會令口感令香脆，內裡塗有酸酸甜甜的菠蘿汁。餅底夠薄，有濃郁芝士味。香辣三重蒜味海鮮意粉Triple Garlic Pasta ($158)，第一口吃頗辣，味道比較重，帶有青口、蝦、BB八爪魚。八爪魚煮得剛熟，肉質嫩、多汁。烤澳洲牛柳Garlic Foryou Steak ($238)，約一個拳頭般大小，點了7成熟，雖然牛柳是厚身，但內裡不論是外圍還是中心內的肉，也煮得同一熟度，肉質嫩滑，加了甜香汁來烤，所以帶甜。Garlic & Banana Nutella Pizza ($88)，這是每次必點的甜品，雲尼拿雪糕+ Nutella醬真的很好吃。而且薄餅可以砌成多份，適合一班人分享。

每次經過都覺得「食蒜」咪好臭好大陣味！不過今晚真係親身去試下餐廳！座位舒適，地方寬闊！入面坐得好舒服！望一望menu！其實都好多款選擇，仲有set dinner! 兩個人想試多D就食set la! 服務人員好有禮貌，亦會refill 水。抵賺。係西餐廳服務黎講，完全達標！每碟份量都好大碟！沙律羅馬生菜大大棵！其實份量夠4人食囉。味道好食、蒜片又脆又香！唔會好似食生蒜同平時食咁好大味！ 係微微蒜香！ 係好食。仲有焗芝士片同芝士！仲有蒜容包！好香好趣！係好好食！叫左個蒜片pizza!尼個有驚喜！ 菠蘿、蝦同蒜片完來好夾！仲有大量芝士！！（都係個句 你唔會係食生蒜咁重味）最尾個意粉！！！ 龍蝦肉彈牙、又夠creamy!總括成餐都好有驚喜！可以值得一試！

隔左一段長時間無去奧運站, 估唔到已經面目全非昔日好好味既意大利餐廳 (食黑松露蛋黃薯條果間)如今已經變左做 Mad For Garlic!雖然姐不是Garlic lover.  但見朋友食過話幾好食,一於入去一試當日7點鐘左右, 我地1行4人沖入去。位,係唔需要等既坐低一睇～　「嗯」左一聲，即有人話「好彩今年都有唔少利是錢姐」即二話不說叫左３個ｍａｉｎ　＋　１個ｓｔａｒｔｅｒ之後有個ｗａｉｔｅｒ　落單時介紹左個　斧頭扒一睇個價錢，就知好味啦，差不多成千銀，　好，照叫左黎試點知一試愛上，　係堅好食既！　雖然５成熟都似３成熟，入面Ｄ血係咁湧出黎，　但真係好味既。　推薦喔～　ＰＳ　建議３—４人食先好叫，真係好大份。。。。。。

今日同老公週年紀念，就去咗屋企樓下奧海城商場入邊一間西餐食据扒。好喜歡這裏環境氣氛，感覺好優雅舒服😌餐牌上有各種不同食物，有海鮮拼盤餐，牛扒餐，二人同四人餐，多種選擇，價錢合理。餐廳送的蒜蓉包，好香口👍菠菜仔攬肉沙律🥗菠菜新鮮嫩嫩綠綠👍沙律裏面的炸蒜，炸得好香口，蒜蓉味香濃，配合埋菠菜黑醋汁，簡直食唔停口😋招牌肉眼扒配蒜頭山-牛肉上面已經鋪滿一片片的炸蒜，味道非常濃郁，喜歡食蒜頭的我超鍾意這種味道😋切開五成熟，烹調得剛剛好，咬落肉質鮮嫩多汁，非常惹味😋

去奧海城的無印買野，之後諗住去food court食飯，經過這間標榜蒜頭入饌的餐廳，菜式不算貴，所以轉轉新口味。蒜蓉包：新鮮熱辣焗起，表面塗上蒜蓉牛油，又香又脆。菠菜野菌雞肉韓風意大利飯：意大利飯煮得多腍，粒粒都被菠菜醬汁包裹著，還有些菌香，雞肉皮煎上微焦，已迫出油脂，所以可以連皮一齊食。秘製豬腩肉配牛油餡角及韓式風味醬：以餡角包著煮至鬆化的腩肉，再加上帶甜香的燒烤醬，十分惹味。焗脆糖漬蒜蘋果金寶伴自家製雲呢拿雪糕：肉桂味道較出眾，蘋果肉比較甜，但都很脆口，配上雪糕，有冰火二重奏的感覺。

蒜不可擋自從知道蒜頭可以抗癌後，我由抗拒食蒜頭，變成煮菜都會落幾粒蒜頭調下味。經過奧海城，見到mad for garlic，入去學下人地點樣運用蒜頭幫手煮餸。送既蒜蓉包，暖暖地，牛油蒜蓉好好味。頭盤點左蒜頭番茄白酒炒八爪魚及蜆 配法包片，幾隻八爪魚🐙，好揼本，蜆無沙，重點係個蒜頭番茄汁，有少少辣好開胃，法包片一定要蘸汁，好有驚喜，好好味。主菜分別點了微辣檸檬忌廉魷魚韓國意大利飯配蒜漬蒜芯和秘製蒜香蠔汁牛柳黑蒜意大利吸管麵。意大利飯好大碟，以為一定好膩，食唔曬，原來意大利飯加檸檬汁，會令個飯無甘膩，意大利飯裏面啖啖洋蔥碎和蒜頭碎，而蒜芯酸酸甜甜，又可以解膩。意大利麵唔油膩，牛柳好味，黑蒜更加唔使講，我最愛😽。侍應服務好好👍🏼，會主動問要唔要加水，又會幫忙拎走已食完的碟。

這間位於奧海城以蒜為題的Mad for Garlic，之後曾經在銅鑼灣試過，味道不俗，今次見原來屋企附近都有間，所以再次幫襯。店員先送上免費的招牌蒜蓉法包，焗得鬆脆。雞胸沙律配雪梨酒醋汁店員將一大碟砌得企企理理的沙律倒進沙律碗內，即場跟醋汁撈勻，火箭菜獨特的苦澀味，加上雞絲及炸至乾身的煙肉碎，還有芝士粒洋葱等拌勻一起，醋汁酸味較突出，十分開胃。招牌意大利薄餅Pizza餅底又薄又脆，表面舖上炸蒜片，菠蘿及蝦仁，最後灑上大量的芝士碎，味道有甜，芝士口感豐富但比較膩。蒜香帶子香草忌廉菠菜麵菠菜麵質感彈牙，每條都沾滿了忌廉汁，十分creamy，還有大量炸蒜片，但蒜味不會太濃烈，帶子裏面還帶點刺身狀。