Mad for Garlic (已結業)

下雨天總想念從前🎶🎵兩天宅在家沒岀門，今天天氣晴，沒籍口自閉了。這兒既然開業在我最喜歡的商場內，當然要來吃吃回味一番吧！選擇困難症下，詢問店員意見後，她說她喜歡蒜香忌廉汁蟹肉及龍蝦肉意粉多於海鮮沙律配酒香黑醋汁，於是我就要了168個大洋的意粉。果然，彈牙意粉的汁醬十分幼滑，真材實料，口感豐富。黑椒維也納煙燻腸火腿意大利薄餅148 薄餅和別處寧舍不同，薄是固然，那輕盈餅底卻是焗得蠻特別，當中的涵料許多，芝士滿瀉，令人每每想卷著來品嚐，才不會遺漏每一個美味的角落。Garlic Plus48獨家產品，賣相清新，薄荷味芬芳，泡沫有奶香，也有微蒜香，暖胃舒爽。鮮奶咖啡42拉花美美，小妹比較少叫熱飲，熱☕️泡沫可人，慢歎作結。食後感:味道不錯，薄餅不油膩，感覺是較健康的選擇。

如標題所講，正因為對Garlic既熱愛，唔去食都唔得！適逢媽子大壽，佢又鍾意食蒜，所以帶左佢黎呢間食。呢度可以book枱，但只能book六點、七點或八點時段，就算book左都要等一陣先入得。我地點了鐵板美國肉眼牛，五成熟，剛剛好，肉嫩香口，最重要炸蒜配搭合宜！然後點了這裡的Garlic pizza, 想不到加上炸蒜會咁match!然後有我媽摯愛食既蟹肉意粉，美味濃郁！最後點了這裡出名的牛油飯，調味剛剛好！這餐大滿足，媽子都話正！

我和一位朋友兩個人喺7月8日去完一個在城大舉行的Exhibition ,就唸住喺又一城度食晚飯。大家都鐘意食韓國嘢，所以見到mad for garlic 係韓國餐廳，就唸住試下。可能大家太耐無見，雖然要等成十幾張枱，但傾下傾下都唔算等太耐。終於有枱，說實話，餐廳內裝修氣氛不錯。看看餐牌，兩個人又不能叫太多嘢。最後只叫了一個pizza (有小蝦和好多蒜片）和一個藍芝士雜菇pasta(上面有一大個蒜頭）。（不好意思，沒有影相）Pasta 上枱，份量少得可憐。這真是沒有挎張，只有一層pasta ，感覺有點像乞衣乞食到的分量，兩個人不用5 分鐘食完。價錢HKD 128, 味道只是一般，材料不貴，真覺得完全不值。值得一提係上面個蒜頭頗大（但我無食）。pizza 份量都尚算正常，但D sauce 食得多都有些太多，蒜頭片就勁多，食完要食番幾塊香口膠嚟去除口氣。最後每人HKD150，好明顯食裝修。服務ok。除非超鐘意garlic，否則不太適合dating （個人意見）。

於九龍塘又一城找晚餐，這邊時時有新餐廳，今次朋友點選了這間！前陣子在大角咀分店吃過，真正是食過返尋味！之前試過青口，今次試吃這個蒜頭蕃茄白酒汁煮八爪魚配法包👆🏻份量不大，作為兩個人的前菜剛剛好！ 除了八爪魚還有蜆肉，有點微辣但味道不重，配上暖暖的法包剛剛好！我們還點了另一份前菜 - MFG特色雞胸沙律🥗這個跟Garlic Bread Tower一樣由店員送上枱再幫我們混在一起！大大份的味道好清新最後點了他們店的季節意粉 - Seabass Pasta🐟 魚肉十分彈牙，除了兩大塊魚塊外闊麵入面還有小的一粒粒魚肉粒，每口意粉都有魚肉粒配著一起吃，麵的蒜味反而不重，驚喜好吃！

來到九龍塘又一城，午餐時間，本來想食Simplylife Bakery Cafe 點知啱啱遇着剛剛Simplylife唔知裝修定咩..門口封咗曬圍板，即是冇得食啦🤷🏼‍♀️之後就轉移目標食 Mad for Garlic喇..我哋兩個人分別點左兩個set lunch..一份要咗沙律令一份就要咗餐湯沙律落咗黑醋酸酸地幾開胃..南瓜湯個人認為有啲淡呢個全名唔記得咗係乜嘢..但係個批你好食因為好趣好薄又有好多芝士..辣味蕃茄煙肉意粉..呢個都係幾好食另外仲有兩杯餐飲..埋單連加一好似248-268午餐來講算係咁啦

自從到過Mad for garlic的銅鑼灣點後，一直非常欣賞餐廳對蒜頭的熱衷，連甜品竟然也能以蒜頭入撰，令愛吃蒜頭的我 對這間餐廳一直掛念，知道它在九龍塘的又一城也開了分店後，今天終於找到機會到來試試。餐廳採取半開放式設計，裝潢也帶點英倫古堡風，餐廳的正中是一系列的圓枱，四周是可併湊的二至四人枱，我們被安排坐在一張二人枱，環境十分舒適。德古拉殺手，在一個類似法國焗田螺的器皿上面，是一粒粒被橄欖油爆香的蒜頭，面頭灑滿一絲絲的巴馬臣芝士，蒜頭已被爆得半熟，放於烘得香脆的麵包上用叉輕輕一壓，便能將蒜頭壓成蓉，混和帶有蒜香的橄欖油塗於麵包上，找不到不好吃的理由。MFG招牌蒜片墨西哥辣椒銀魚柳炒意粉，意粉上桌便傳來陣陣的墨西哥辣椒香氣，意粉硬度適中，銀魚柳的鹹香完美地與蒜片相輔相成著，脆卜卜的蒜片，口感一流。熱板烤MFG招牌肉眼扒配蒜頭山，牛扒選擇了我至愛的美國肉眼扒，貪其脂肪較少，牛味較濃，上桌看見那疊得高高的蒜頭山令人心裏暗爽，點了感覺平衡的MEDIUM，廚師把熟度掌握得剛剛好，真正做到外脆內軟，蒜味雖重，但依然掩蓋不了那濃郁的牛味，美國肉眼就是正；跟底下的洋蔥及磨菇片同吃，味道更佳。蒜頭

其實已經係唔知幾多次幫襯呢間餐廳，今日本來好想食韓國嘢，但成個festival wall應該剩返呢度可以比我一嚐韓風味道。今次亦出乎意料，叫晒所有好好味嘅菜式Grilled Chicken Ssam我同男朋友都好鍾意食薄餅，今次叫既個菜式真係啱晒我哋口味。烤雞嘅肉質軟硬適中，肉汁完全係鎖住喺入邊。雞肉再配上沙律菜，酸酸甜甜嘅味道真係好特別，而且零舍開胃。本身其實我哋係想食mussel，但係其實長期都缺貨，機緣巧合又叫咗呢個烤雞薄餅，都真係唔錯唔錯。Lemon Calamari Cream Risotto 鍾意食魷魚嘅我，第一時間即刻揀咗呢一個意大利飯，因為食意大利飯一定無死啦，其實點都會住得好食。飯嘅軟硬度都好適中，加埋忌廉嘅感覺就更加好。雖然魷魚係細粒左少少，但係其實都好足夠，因為忌廉加飯呢一個配搭其實真係會好飽！佢哋重點應該會係當中嘅檸檬汁，加咗檸檬汁之後真係令到個味道更加出色，絕對係可以覆卓。Garlicpeno Pasta其實對於呢個意粉就有丁點失望，見佢中文名有魚柳，以為會真係有一塊塊魚啦，點知真係得啲意粉鍾意食辣嘅朋友應該會幾喜歡你一道菜，佢餐牌寫住三隻辣椒，咁又真係幾辣嘅

窩夫與蝦子餅在九龍塘又一城找地方吃晚飯，決定試試來自韓國的Mad for Garlic。蒜蓉包吃得多，但從未見過像MFG 特色蒜蓉包塔($48)這樣子的。上桌後店員會幫忙處理，切開四件，麵包外脆內軟，充滿蒜香，一試難忘。Garlic Snowing Pizza($138)是招牌菜之一，薄餅上的配料不太複雜，只有蝦、菠蘿和炸蒜片，再在上桌後加入即刨的芝士碎，味道一流，餅底做得很薄，完全不會覺得膩。還點了一客蒜香忌廉汁蟹肉及龍蝦肉意粉 ($168)，蒜香忌廉汁的厚度適中，十分香滑，蟹肉及龍蝦肉的份量都不少，窩夫與蝦子餅都吃得津津有味。

九龍塘嘅呢間【Mad for Garlic】最啱就係鍾意「蒜」到盡嘅朋友仔。皆因全間餐廳嘅食品都以蒜頭為主題，由前菜、pizza、意粉、扒類、到甜品， 都可以揾到蒜頭菜式，非常特別。前菜方面叫咗呢個特色嘅蒜蓉包《德古拉殺手》$68， 同平時嘅蒜蓉包好唔同，呢家餐廳採用咗原粒蒜頭，加入咗咸鮮嘅鯷魚仔同意大利芝士碎，再放入高溫焗爐烤焗。 焗好嘅蒜頭柔軟， 用嚟搽上脆卜卜嘅法包上面，就成為一個又具咸香又有蒜香嘅特色蒜蓉麵包啦， 千祈唔好錯過碟上面嘅橄欖油，用黎沾麵包黎食， 可以食盡蒜頭嘅精華香氣呢~《蒜香忌廉汁煮鮮活藍青口》$188， 新鮮嘅藍青口肉身脹卜卜， 而且帶有海水嘅鮮味， 簡簡單單用忌廉汁加上蒜蓉同辣椒乾去調味，味道雖然唔複雜， 但卻可以品嘗嘅藍青口嘅鮮甜，唔錯。《MFG 招牌蒜片墨西哥辣椒銀魚柳炒意粉》$108， 意粉上面鋪滿咗大量炸香咗金黃色嘅蒜片。 一傳上枱已經香氣四溢，「味」力迫人。 意粉炒得夠乾身，而且口感夠曬煙韌， 加上用咗少少墨西哥辣椒同蒜蓉嚟炒，感覺相當之惹味。 而且銀魚仔一啲都唔腥， 反而帶出鹹香， 食到最尾個啖仍然覺得相當滋味。最後來到甜品 《蒜頭香蕉朱古力醬薄

今日同朋友難得約到出黎食飯，就去左大家都方便嘅九龍塘到搵食啦😋雖然今日係平日，但都有唔少人係到等位，不過我地都好快入到去坐啦！點左個Cobb Salad， 有好多芝士粒😋Sautéed Baby Octopus，比較細碟但個汁幾好味，唔算好辣，仲跟埋個法包片，點埋黎食唔錯仲有Seabass Pasta，味道幾好，平時唔太鐘意食魚都覺得okay👌🏻想食青口但可惜今日冇曬😢唯有下次再食黎呢到食過啦😋

Was very much excited to try this infamous garlic-themed eatery from Korea, but I ended up leaving with disappointment...To be fair, the food, service and ambience here were all pretty nice, but where’s the garlic that’s supposed to be the most important element in a restaurant called ‘Mad for GARLIC’?lolWe had a chicken risotto and a crab&lobster pasta, and both of us couldn’t taste the garlic in either of the dishes...

Crab & Lobster Pasta ($168) | 超級creamy 蟹肉同龍蝦肉比得幾慷慨 啖啖都夠多汁又多餡 唔錯Chicken & Mushroom Risotto ($128) | 本身諗住蒜味會好重 但食落又唔覺😂 雞扒煎得好香好乾身 雞皮咬落仲脆的👍🏻 蘑菇份量好多 每啖飯都會食到 好食!P.S. 第2次黎Mad for Garlic 兩次都好享受佢既服務同環境 好啱食個靜靜地既lunch/dinner啊Taste: 👅👅👅1/2Value for Money: 💰💰💰Service: 👍🏻👍🏻👍🏻👍🏻👍🏻(on a scale of 0-5 emojis)

Mad for Garlic 為蒜瘋狂我已經並非第一次，初初認識她在銅鑼灣，原來現在開多兩間分店，其中一間在又一城，因為我現正暫居附近所以非常方便，放假天的晚餐就在這裏解決。位於L1最高層，廣場的一角，鋪面頗大，黃光的反射效果燿目，開放式廚房，整齊高吊燈的佈置於人年輕簡約的感覺。闊別了一陣子，找到熟悉的餐牌之外，現在更推出多款方便套餐，不過我這個回頭熟客，還是喜歡自己點。MFG 招牌薄餅 我先點至愛的 MFG 招牌薄餅，我認為這個薄餅的確有 Mad For Garlic 的特色，名副其實是招牌。首先是整個薄餅被蒜片滿佈，跟主題貼切，其次是芝士雪花的擺陣，賣相吸引，最後最重要的是味道，中蝦及菠蘿作餡料，口感既爽亦甜，配合超薄、脆如餅的薄餅，清新脫俗、輕巧甜美的滿足，心水推薦！橄欖蒜片蝦配法包 做法與西班牙不完全相同，可以估得到就是蒜片必倍加。蝦肉爽彈，可惜沒有以橄欖油煎香，所以不夠惹味，而且橄欖油內蝦味一般，亦混合了水成為汁，雖然如此，蝦汁有點蒜香，味道又調得唔錯，用來蘸法包一流，同伴讚不絕口，瞬間俾佢清碟，一滴汁都不留。鐵板烤 MFG 招牌肉眼扒配蒜頭山  －澳洲和牛西冷 鐵板烤 MF

跟朋友在附近聽完講座，便在這裡吃晚飯，再次光臨，因為這裡的環境氣氛，很適合聚舊。餐廳以深棕色為主調，沉實而典雅，由於未入夜，客人不多，更加舒服寫意。這裡的大多數菜式都以蒜入饌，有各式前菜、沙律、披薩、意粉、扒類、飯類，甚至甜品也加了蒜頭，實在是由始至終都是蒜味！⭐️香蒜焗法包伴蕃茄莎莎$68我發現這的麵包頗出色，法包焗得香脆，上面還有一層芝士，另外可以按照喜好加上蒜頭和蕃茄粒，朋友不喜歡吃蒜頭，但我建議她試一試，因為蒜頭的味道經過處理後，辛辣味已經去掉，留下的只有甘香。⭐️蒜香忌廉汁蟹肉及龍蝦肉意粉$168我欣賞這裡的菜式雖然以蒜入菜，但是蒜頭只是點綴、提味，沒有喧賓奪主。蒜香忌廉汁入口幼滑，蟹肉原來是蟹柳，略有失望，不過龍蝦頭爽口，麵條吸滿忌廉汁口感不俗，算挽回一點分數。⭐️MFG特色醃漬蒜頭炒韓國牛油飯$138由於加了牛油，所以米飯比較黏稠。蒜頭已經與米飯融為一體，蝦肉清爽，吃起來沒有違和感，簡簡單單一碟飯。

［蒜香無敵］放工經過九龍塘，想著要食什麼時，就諗起尼間韓式蒜香的餐廳之前，因為在銅鑼灣那家食過，這次不用過海就可以食，所以晚餐就決定在這天未黑，坐的人都多，因為早來，所以馬上有位有兩人餐、四人餐，第一次來食不知道點什麼，點套餐就最好不過餐廳環境是半開放式，可以見到商場，食完就可以去行下街。點好餐，可以同友人傾下計，分享一日工作的勞累作為前菜的蒜包，很香外脆內軟，但有點硬身，箍著牙齒的我吃得有點費勁因為需要技巧，所以有用心地幫我們分長通粉煮得剛好，味道很好，芝士味不太濃，也剛好蒜頭烤得很軟化很好吃不太接受到的蒜頭的 其實是可以一試因為會對蒜頭有另一睇化喔侍應會撒下芝士粉再次感受蒜香，今次是蒜片，配上薄Pizza，菠蘿同蝦，正見到有優惠，加入Storellet，成為會員就有得送。我當然不會錯過沒有蒜味，但非常好吃蒜香配上香蕉、朱古力醬，薄餅又脆甜品時間令人確實滿足最後，不忘影張相打卡，記念一下