M3 Italian (已結業)

又係同男朋友周圍搵野食既時間，上網見到有人話呢間M3既意大利野幾好食，今次特登走過黎試下。鋪頭都幾舒服企理，燈光有氣氛，唔會太迫，估唔到平日都算幾多人。食物方面值得一提既就係：M3沙律我幾欣賞佢個黑醋，唔會太酸，聞落已經好香黑醋味。沙律菜既款式算多，而且新鮮，咬落爽口，份量適宜，2個人岩岩好。香煎原條龍利柳呢條魚煎得岩岩好，外皮金黃色，魚肉唔會煎過龍，肉質嫩滑，外加少少香草同檸檬汁，再點少少醬油調味，食落口啖啖肉。整體黎講價錢雖然有d貴，但勝在環境舒服，食物品質好，可以介紹其他朋友過黎一試。