M3 Italian (已結業)

今晚清清地唔想食咁多肉所以入到黎淨係叫咗個意粉雖然嗰陣時都只不過係五點幾但係餐廳入面都已經有好多台客似乎呢間餐廳喺大圍都幾出名下不過見其他客叫好多主菜見到佢哋又有扒下又有海鮮咁食不過今晚諗住清清地所以都係叫返個意大利粉食最後我揀咗去俾個餐牌推介嘅黑松露野菌帶子意粉呢個意粉嘅配料都非常之多唔單止有大大隻帶子而且仲有大蜆同埋其他雜菌而且個意大利粉係經過炒過蒜香味非常濃郁再夾埋個黑松露菌醬又更加令到味道昇華而且個帶子煎得啱啱好外邊煎得香脆入面仲依然保持啱啱好嘅生熟程度唔會煎得過老變成橡膠一樣的口感

每次嚟到M3都係食佢哋最出名嘅扒今日一如以往叫咗愛最鍾意食嘅豬胺叫咗頂級西班牙黑毛豬肉眼配西班牙汁因為係西班牙黑毛豬所以唔使完全全熟咁上所以就叫左七成熟因為七成熟就係會保持到肉汁而唔會令到肉味失去一切開入面保持嫰滑粉紅而且黑毛豬肉味非常之濃郁而肉質爽口彈牙另外在叫多咗個烤安格斯肉眼扒一想到枱見到佢有清晰嘅炭燒坑紋已經知道佢哋掌握得好好啦我要求左肉眼扒要有medium rare因為呢個生熟程度係最好可以發揮到肉眼扒應有嘅味道不過如果過咗火牛肉就會立即收縮而肉汁就會開始流失所以肉眼扒最緊要就係要煮得剛剛好呢塊肉眼扒肉味超級濃郁而且食落口冇喳完全滿足晒我食肉獸嘅口味

之前喺沙田圍都食過佢哋另外一間分店嗰時都已經覺得佢地嘅西餐10分出色今日咁岩見到佢哋喺大圍開多咗一間分店所以原本打算食日本嘢嘅我立刻轉左plan食返呢間西餐廳入面嘅裝修都非常之靚見到佢哋有鮮魷墨魚汁意大利飯呢個意大利飯非常之啱我口味因為唔會生又唔會過火而且係真正用新鮮墨魚去煮再配合買呢一個濃郁嘅墨魚汁簡直每一啖都食到真正嘅海鮮味道另外個意大利飯嘅生熟程度真係啱啱好因為最怕係外面食到一啲煮得太過生嘅時候飯粒會過硬食落會很為甚至會胃痛不過如果廚師掌握得唔好煮得太過林嘅時候成個意大利飯一pat pat食落太過黏口不過呢度煮得合哂火喉飯粒會粒粒分明再配合埋墨魚汁令到成個飯非常之入味

星期六，跟女友各自去替人補習之前，到開業不久的M3 Italian吃午餐。This Saturday, my girl and I went to M3 Italian to have lunch before we taught our students. 精選午餐由 $50-100不等，餐湯或沙律另加$12，熱飲及凍飲分別另加$5和$10。我叫了烤法式羊架配意粉 (淡芥末燒汁另配精選蔬菜)，她叫了自家製安格斯牛肉漢堡。The lunch sets ranged from $50 to $100, add $12 for daily soup or salad, and $5 and $10 for hot and cold drinks respectively.I ordered Grilled Lamb Provencal with Spaghetti, and she ordered Homemade Angus Beef Burger.羊架外表稍乾，但咬下去還好，都有肉汁，而且完全沒有羊膻味。意粉味道偏淡，可以中和充滿肉味的羊架，口感有彈性。The lamb steaks

難得今天到大圍工作，找了住附近的朋友帶我去吃一頓好的，走過繁華喧鬧的大街，穿進平實的小巷，沒想到在這亳不起眼的小巷有著別樹一幟的西餐廳🍴 🍽與周圍的店鋪不一樣，比人一種帶著優雅淡然的感覺，與對街相比，彷彿走進另外一個世界🌳開揚的環境配上簡約室內設計，讓人感到舒服自在☺ 可能還沒到晚餐時間，店內洋溢著寧靜的氛圍，柔和的自然光加上高樓底的空間感，牆上放滿一幅幅掛畫，絕對稱得上是文青格調我們點了一客意粉及薄餅🍕，還有朋友最愛的心太軟🍫 可惜我們只有兩人，要不然每一款也想嘗嘗😋黑松露野菌燒帶子意大利粉淡淡的黑松露味配合帶子的鮮甜味，兩者相輔相成，陣陣香氣但不濃烈，松露也不會喧賓奪主，加上車厘茄跟露筍等配料令整個意粉更豐富更健康，另一聰明的地方是利用蜆來提升鮮甜味，可是稍嫌蜆肉不夠飽滿，不然味道會更鮮松露控的朋友一定要點這個黑松露野菌薄餅，和意粉不同的是，一上桌已經聞到香濃的松露味，香氣噗鼻，搭配著巴馬臣芝士，本來覺得會容易膩，沒想到火箭菜卻擔當了重要的角色，薄脆香口的餅底揉合了野菌和火箭菜， 每啖都食到不同的配料，好食得來仲有田園健康的感覺🌱最後，點了女生最愛的心太軟😍 心太軟做得好不好我覺得

大圍出名多好野食，今次試呢間西餐。餐廳設計行西式風格，入到去感覺都幾浪漫。好鍾意呢個大玻璃，呢食既時候係6點幾，天仲未暗，有d日光照入黎好舒服。黑板上面寫左推介餐單，大部分係牛。但今日唔想食牛，哈哈。揀左呢個煙肉芝士焗青口。冇錯，係邪惡芝士拉絲啊啊啊啊啊啊！其實我本人(not Kary)，就唔係一見到邪惡芝士拉絲就撲埋去既人，但呢個青口又確係做得不錯。芝士夠多，煙肉焗到脆脆地，青口唔腥。之後，一定要推介呢個帶子意粉！大大帶子，啖啖肉，冇雪藏味。調味都同d海鮮好夾。俾多個close up d帶子先！朱古力工廠（chocolate factory)朱古力香蕉沙冰。d冰幾綿，香蕉味濃。同埋好大杯！飲左好耐都未飲曬，後尾d冰融左，開始有d苦（因為d香蕉!?），就唔多想飲了。係個bar台度有個甜品櫃，d甜品都好吸引！下次要黎試下！！！p.s. d侍應服務不錯，會不停過黎加水，收碟好快。搵到呢間餐廳，好幸運！

今日6點幾黎到大圍m3 食西餐由大圍站行過黎都係5分鐘左右 個位置幾易搵平時好少黎大圍 覺得呢個地方都幾特別，附近既樓都唔太高 感覺良好！我係晚市既第一個客人，6點多d 個天仲未黑！個menu都整得幾靚，圖文並茂 ，不過野食既價錢貴左少少講返正題：我叫左烤西班牙黑毛豬鞍要等半個鐘苦等半個鐘 終於黎到塊豬鞍好厚身，都叫做真材實料而且烤得好香 一切出黎 d肉汁就已經流哂出黎了 除左豬鞍 仲有d雜菜 薯仔好香好甜 而且新鮮 當然仲有塊大大既翠肉瓜呢塊豬真係會食得飽佢個辣墨西哥汁 其實唔辣的 但真係好香 好開胃最後就食埋個檸檬批 我影到成個蛋撻咁 @@少少甜 少少酸然後好滿足了食飽之後 天就開始黑 而食客就開始多了所以我比較鐘意早d食飯 可以享受下清幽既環境整體黎講 都算唔錯但價錢方面可以平d就好了

係大圍村屋果邊睇完中醫，搞掂完剛好過咗最繁忙嘅午餐時段，已經好肚餓，但又未到tea time，一早search定，一於係M3食個late lunch。幾鍾意呢個bar座，邊飲邊吹邊食，一流！午餐價錢相宜😬😬加$12有呢個沙律，介紹你一定要加，因為實在好味！沙律菜好新鮮，入面有車厘茄、檻欖、黃黃小粒粒係柚子味嘅粒粒，酸酸甜甜，開胃醒神，正！G. 羊扒配淡黑椒燒汁，意粉羊扒好嫩，切開軟綿綿的，丁點「蘇」味都沒有，醬汁值得一讚，因為用上原粒黑椒，好重黑椒味👍🏻👍🏻👍🏻意粉仲正，果種al dent質地，難得整熟後嘅意粉仲係實淨，但不是硬綁綁果隻，好好味呀！而且意粉本身已經整到有味，就咁食都好味道。😍😍😍嚟義式餐廳，點少得呢杯cappuccino，哇！有驚喜。好鍾意呢隻咖啡，濃濃咖啡味，無酸味、無苦味，加上奶量合適，唔加糖都好好飲😎😎好滿足的一餐🤗🤗

在大圍出入嘅人都知，要大夥兒在大圍食飯，離不開打邊爐同雞煲，再唔係就打冷，大圍其實亦不乏西餐廳，但可容納多人嘅真係無咩邊間可以，一般4個人都好極限，難得經過見到一間地方闊落嘅西餐廳，當然要試下！但為勉拉大隊去中伏，所以我決定身先士卒去試下先！今次去試Tea set，西餐我試食首選係Carbonara，因為我覺得carbonara 都煮唔好，真係唔使試其他！今次呢個Carbonara 味道同賣相都唔錯，意粉屬於較硬身，我本身個人喜歡硬身口感，所以我覺得唔錯，而且tea set 價錢亦合理。而且我見到佢地有蠔同不同嘅酒精類飲品，下次大夥聚餐一定要再黎試下！

較早前拜訪過 M3 的沙田店，猶記得出品穩健可靠，今天在大圍看見他的分店，毫不猶豫的被記憶牽著鼻子入內。大圍店開業只有數個月，環境方面，新的裝修自然要比起 沙田店，有所優勝。大圍店的裝潢型格優雅，尤其喜歡廳中那六角形的吊燈，把舊樓樓底高的優點發揮得淋漓盡致，是大圍少數的靚裝餐廳，若把燈光調暗三度，菜單的價格定必能調高三成。大蒜薯仔湯，餐廳把大蒜及薯仔打成湯，面頭再配上點點的橄欖油及一小撮香草，把橄欖油及香草伴勻了再試一口，這裏是薯仔的主場，可能個人對蒜味特別偏愛，覺得若然大蒜的味道能再濃一點的話，相信會更好。白酒忌廉汁煮藍青口，青口粒粒飽滿，圃上桌便能嗅到濃烈的忌廉香味，忌廉汁的濃稠度掌握得剛剛好，讓每一隻青口的掛汁能力也相當高，味道自然和嗅覺互相對位，那濃郁的忌廉汁令每一口也吃得相當愜意。黑松露野菌燒帶子意大利粉，剛才的藍青口上桌時香氣經已十分撲鼻，但始料不及這個黑松露帶子意大利粉所帶來的香氣更勝數倍，侍應未把意粉放在桌上，我便已化身松露獵犬，離遠經已聞到黑松露的味道。帶子煎得兩面焦脆，面頭點點的芝士粉，加上蒜蓉及番茄蓉，美味。烤安格斯肉眼扒配蘆筍苗焗蒜頭及長薯仔，肉眼扒充滿炭香，自

上星期同舊同事聚會，選擇咗喺前公司附近嘅《M3 Italian》，聽講大圍嘅M3係第二間分店，位於沙田圍嘅老店經常排滿人龍，品質好似唔錯，新店位置又方便，離大圍站只不過行幾分鐘， 啱曬我哋一放工就可 以見。《M3》 嘅裝修簡約得嚟帶點時尚感， 餐廳裏面的牆身用上灰同埋磚紅色， 又掛滿poster。 而且又有長枱同吧檯座位， 一大班人定三五知己聚會都好適合。窗戶大，透光度高， 環境相當舒服。講番食物， 餐牌上面嘅食物選擇好多。先來一客餐湯，蒜香薯仔濃湯。喺薯仔濃湯上面滴了幾滴蒜香油，增加咗蒜嘅香氣， 薯仔蓉打得非常細滑， 加入忌廉後，飲落非常舒服。前菜選擇咗海鮮類別，白酒忌廉煮藍青口$148。侍應遠遠傳來已經聞到蒜香味， 喺烹調忌廉汁嘅過程之中加入咗大量嘅蒜頭同洋蔥以增加香氣， 白酒忌廉汁濃稠細滑，藍青口肉質粒粒飽滿，脹卜卜。而且烹調嘅火後啱啱好， 藍青口成半開合嘅狀態，肉質鮮嫩， 而且藍青口並唔係普通急凍嘅貨色， 海水味濃郁， 非常鮮甜。主菜：黑松露野菌燒帶子意粉$138， 呢個意粉用料相當豐富，除咗有香煎嘅帶子之外，仲有粒粒飽滿嘅蜆肉。黑松露味香氣撲鼻，混入咗各種香草作調味。 除咗海

係朋友介紹之下，我同個fd去左食呢間意大利餐廳，間餐廳位於大圍，一出火車站行大約5分鐘就到好方便，我地book左7點，即刻可以入坐，冇乜客人，但坐左一陣，已經開始full，所以要食一定要book位！我同個fd叫左3樣食物同兩杯飲品！首先叫左個焦糖合桃藍芝士沙律，係餐牌上佢放在第一位，應該都幾受歡迎，果然味道賣相都唔錯，合桃香脆 焦糖過特別甜。藍芝士份量適中 味道唔會太搶 份量都好足👍🏻我地仲叫左法國鴨肝雲吞配蕃茄醬，蕃茄醬調得好好，同雲吞好夾 。酸酸甜甜 唔會太膩。同埋叫左個主菜烤西班牙黑毛豬鞍，烤得不錯 肉質好香口 又軟熟 黑毛豬果然肉味濃。配菜亦烤得好juicy我地仲叫左兩杯沙冰，佢話係用新鮮生果整，好大杯，鮮甜又refreshing整體黎講，間餐廳食物質素唔錯，都算幾正宗意大利菜，好難沙田區有咁樣餐廳，又多左樣食物選擇！

之前經過見到呢間餐廳新開張，仲要門口裝飾得咁靚已經好想去食，咁岩就到情人節，但我同男朋友情人節都要返工😭所以就決定係情人節前夕去試下食意大利菜😋一入到去，環境同裝潢都同附近的店鋪唔同，好西化同好有空間感好大，好似去左外國d餐廳咁個經理同員工服務態度好好，係咁幫我地加水同介紹食物👍🏻介紹下野食先：焦糖合桃藍芝士啤梨沙律$138我第一次食咁樣配搭嘅沙律，估佢唔到咁好，芝士好濃，仲竟然有啤梨生果，好有創意法國鴨肝雲吞配蕃茄醬$158法國雲吞我都係第一次食😂好大鄉里出城😂我覺得好次加菲貓鍾意食果d😂不過味道真係唔錯木魚花鮮蝦薄餅$108好日式feel烤西班牙黑毛豬鞍$228D黑毛豬好爽口，配上辣墨西哥汁同燒什菜，好夾另外，叫一個主菜可以加$60有餐湯同甜品，我地叫左Mango cheese cake，好香芒果味同芝士味亦好濃總括黎講，間餐廳無論環境、服務同食物都唔錯，下次我想帶埋屋企人黎食

要食菜但又唔想咁dry !好彩有好好食既海鮮沙律！有好多海鮮啊！有蝦、帶子同墨魚啊！成知沙律都有橙既甜味！又香又甜！好好食！好fresh 啊！意式雞翼係單骨雞翼！食起黎好方便啊！正！雞翼炸得好香！有香草同雞肉原本既味道！好食！而且唔油！個底既菜好似頭先個沙律咁！好fresh ！好好食！再叫左個阿拉斯加長腳蟹意大利飯！個飯好正啊！將成個飯撈埋一齊！個芝士味勁香！但個意大利飯既蕃茄味都唔弱！好食！蟹腳又夠哂甜！又夠多肉！

貓貓今日終於黎左呢間沙田區有名的西餐廳。餐廳真係堅靚，天花板整到好高，好歐美既感覺，好難想像大圍有間咁華麗既餐廳。由於貓貓好肚餓，加上兵仔話幫我提早慶祝情人節，貓貓叫左過慢煮T骨18oz。期待ing。餐湯整得有拉花feel。見到都開心，呢度慶祝情人節真係一流。煙肉青豆湯，豆香味飲完有陣清香味留係口中，夠香滑，好味。當貓貓好肚餓既時候，18oz牛扒即刻擺係面前，真係超級大塊，其實同兵仔share都冇問題。貓貓鍾意食7成熟，切開個牛扒見到肉汁流出黎果刻，真係濕左把口。厚身的牛肉，中間仲有少少紅紅地，呢個熟度真心完美，兵仔見我食到咁開心，都好樂意請我食飯。牛扒上邊既蒜粒，其實已經整到成為蒜蓉，但因為個蒜烤過，所以個味道特別香，整半片蒜粒同喎牛扒一齊食，再好似saltbae咁灑少少鹽係牛肉度，幸福指數爆棚，牛扒多水多汁，味道夠，色香味全，真係食到濕曬把口。原來個甜品朱古力撻份量咁大，同兵仔share食，甜蜜蜜。朱古力質感夠豐滿，味道甜。真係好唔捨得今餐咁深刻既moment。樣樣野都好食，價錢合理，最重要係兵仔出得心甘情願，希望下次同兵仔相識100日再黎食。幸福ing