M Square

營業中

休息中

當天吃完午餐後沒有目的一直沿著海邊走走到累剛好發現這餐廳（第一次行到那一頭）假日不用等位而且又見有pancake 食於是進去一試！點了Tiramisu pancake Pancake 鬆鬆的，再配上燕麥，口感很好如果再有機會到這裡，會想再試其他口味的pancake !

今日黎新開嘅WM Hotel staycation, 中午落咗去樓下間西餐廳食嘢！估唔到咁高質！正到我同老公都好滿意！先講食物：食物選擇好多，連甜品都有成2個List 🤪要黎食幾次先可以食得曬。 四色芝士pizza : 星形pizza 好特別🤩星星角入面係注滿左芝士，芝士控必食🥳，味道香濃得黎又唔會太咸❤️好正千層麵：內餡睇得出廚師嘅用心，有別於一般肉醬，佢係用手撕豬肉絲+酸椰菜，有酸椰菜中和返，就算食pasta都唔會太滯。焦糖pancake ： 推薦大家一定要黎食甜品😍好大碟之餘又靚🤩而且厚班戟軟滑，吉士醬香，焦糖脆甜！可以話係完美👍🏻而且pancake 仲有好多唔同口味架😂另外！呢間餐廳真係好多野玩，食飽/等緊食物果時，可以係遊戲區玩下，有golf ，足球機，桌球等等⋯⋯。又有bar 枱同大電視可以飲酒睇波🥳真係食又得，玩又得，飲酒吹水又得😍大家快啲黎西貢試下佢

好驚喜的一個體驗，平時到西貢都係到市中心食海鮮，今次係WM酒店旁邊的海皮逛逛，見到酒店樓下有間又靚又有氣氛的西餐廳，唸著來打卡試下，估唔到除左地方靚之外，野食水準仲很出眾，真係極致推薦。1. Le Foie Gras burger (有鵝肝，安格斯牛肉無花果醬同芝士漢堡伴薯條）———超正鵝肝超香，安格斯牛肉也是厚厚的肉，岩曬食肉獸的我。2. mussel pot（鮮茴香紀廉煮藍青口&烤麵包條）———呢個真係必點必點必點，重要事情講三次，同出面唔同既係份量超多，青口肉質鮮嫩仲要隻隻大大隻，紀廉味濃郁超級香，食極都仲想食，仲要食極都仲有，認真愈食愈開心。3. Loaded pull pork nachos(手撕豬肉墨西哥玉米片+牛油果醬酸紀廉等等）——超級開胃，同朋友邊食邊傾計的不二之選，同時滿足曬味蕾。4. Baileys &cream 的milkshake 就大大杯，慢慢飲慢慢品嚐。餐廳係聖誕節假期還佈置得十分漂亮，十分有氣氛，相信新年也會有另一番味道，期待期待。

放假chill一chill入西貢🧡Tiramisu Pancake 厚班戟，提拉米蘇醬，燕麥松子仁＆咖啡糖漿 🥞$135厚班戟整到好似梳乎厘🥞班戟十分鬆軟，空氣感十足，，牛油蛋味極香濃🧈🍳🥞 Tiramisu 既香滑又有濃郁嘅咖啡味道😍最重要係食完一啲都唔會膩😚😚Mussels Pot 鮮茴香忌廉煮藍青口 & 烤麵包條🥖 $168香甜又滑既忌廉，味道極濃郁，青口十分新鮮，入口鮮甜😋每啖青口都沾上滿滿嘅忌廉汁🫕麵包切條後再沾忌廉汁🥖🥖口感極之豐富😍好滿足！！朱古力奶昔 $64🍫🥛朱古力味道濃烈🍫🍫一路飲一路有朱古力碎🤎

So lucky~抽獎抽中左個酒店Afternoon Tea Set，原本諗住再自費比多2位錢，請埋太婆同仔仔去的。但佢地唔得閒喎，唯有我同媽咪2個自己去。酒店望落都幾靚，而且原來都好近巴士站，由巴士總站行過黎都唔駛十分鐘，一條直路就到。我地重怕要行好遠，一早入左西頁，行左個圈，2點鬆D就向酒店方向行。好彩酒店lobby都多位坐，坐位等到3點先去M Square度食下午茶。環境幾靚，咁岩果日有人結婚。個Afternoon Tea Set 2人份又唔係貴喎，原來原價都只係$488。不咼佢個禮物就唔係一人一份，而係一個Set只有一份囉。相比起其他酒店既Afternoon Tea Set禮品都係一人一份的，感覺就冇人地咁好啦。個Tea Set都好靚丫，份量不多不少，食得晒，唔駛打包或浪費。不過味道就有少少偏重，太甜，太漏。食晒全部係有D濟既感覺。

My husband and I visited this restaurant on Dec 30th. It’s located in nice brand new hotel by the sea promenade. This restaurant is an interesting fusion of Western and Asian cuisine. You can find such interesting recipes as Tom Yum risotto or lobster and seafood pizza. This place serves Korean style fluffy pancakes personally I like very much. Another good option is all day servings without that disappointing time off between 3 and 6 pm. Quality of food is fresh, coffee tastes very good too.

西貢新酒店WM地下有間好chill嘅cafe西貢除咗食海鮮，原來西餐都有間咁高質嘅小店落地大玻璃透光入黎 光線充足空間感好大 仲有大電視睇世界盃同埋可以打桌球店員very nice Grilled salmon fillet 💛💛💛💛💛三文魚啲紋理煎得好靚 一條骨都冇 啖啖肉 肉質嫩滑仲有啲薯蓉 蕃茄仔同埋蘿蔔🫶 Banoffee creme brûlée Pancake💛💛💛💛💛💛Texture 好鬆軟 入口即溶 咬落去充滿蛋香面頭嘅焦糖 燒得好完美 仲有香蕉同士多啤梨🍓伴碟好高質嘅甜品Truffle mushrooms pizza🍕 💛💛💛💛💛大大個 兩個人真係食唔晒好多雜菌 黑松露味好香芝士仲可以拉絲邊緣焗得好脆Daily soup 🍜 💛💛💛💛💛超濃滑好勁松露味 餐包好軟熟👍🏻Gingle ale💛💛💛💛之前去公幹成日飲好懷念 仲係咁中意😽

講為香港後花園既西貢除左食海鮮出名外✨，有其他美食，上星期去左WM hotel staycation，去左位於酒店🏨地下低層既「M square 」，餐廳環境舒適，可以享受一個慢活午餐🥣。Mussels Pot🥗$168尼款青口鍋係必食推介👍🏻，鮮茴香忌廉煮藍青口🦪，青口份量非常多，青口肉質鮮嫩有咬口，配襯鮮茴香忌廉汁，又香又好味✨，烤麵包條沾滿忌廉汁，食完想encore。Margherita🍕$168越基本既薄餅越考廚司功力，尼款薄餅厚薄適中，只需加上滿滿既Mozzarella 芝士及小蕃茄，已經非常好味😋。Bolognese Fettuccine🍝$155安格斯牛肉肉醬闊麵牛味濃郁，闊麵夠粗身有咬口，混合肉醬及温泉蛋🍳，回味無窮。餐廳整體環境優美，食物質素非常高，放假去西貢必去既選擇。

上次去完西貢，覺得唔夠口人喉，所以今次帶埋KK入去玩！第一站就走咗去食M Square，因為有朋友推介環境唔錯，價錢都唔算貴！🔆Buttermilk Chicken Salad（$1️⃣3️⃣8️⃣）同想像有少少唔同，因為我哋以為會係有一整塊雞扒，不過原來佢係切碎一粒粒咁。佢有粒流心蛋，吉穿蛋黃嗰下好療癒，全部野撈埋一齊食幾好食。我中意佢既生菜好爽脆，加埋雞扒同煙肉，口感好豐富。🔆炸魚薯條（＄2️⃣0️⃣8️⃣）掙扎咗好耐，決定都係食炸野！薯條好多薯蓉，好粗。炸魚用咗新鮮魚，魚肉好厚好嫩，加埋他他醬一齊食會冇咁漏。順帶一題，份量都幾多，建議share食。🔆Wild Wings （$8️⃣8️⃣）純碎想叫小食，望落去以為好炸好熱氣，但食落又唔係咁喎，而且好多肉汁。佢仲配咗3隻醬，其中一款係乳酪，又幾清新，同雞翼都好夾！🔆Tiramisu Pancake（$11️⃣3️⃣5️⃣）最後，呢個先係重點！就係Tiramisu Pancake！一上到枱，望到都幾大份，有2件，上面係cream加朱古力粉，仲有啲果仁同燕麥粒粒。一定要加埋佢既楓糖漿一齊食，除咗增加甜味，佢呢款楓糖漿仲有咖啡味，加咗落去有畫龍點精之效果。pancake好鬆軟，有空

🏞西貢世外桃源 酒店高質餐廳🌌適逢四年一度嘅盛事十二月呢段時間有世界盃搵左間酒店裏面嘅西餐廳渡過週末下午而重點係夜晚有得睇波嘅餐廳 餐廳最別緻嘅係佢掛晒唔同國家嘅國旗，非常擁有世界盃嘅氣氛適合三五知己過嚟，除此之外仲有桌球枱，哥爾夫球位置可以比一班朋友一齊相聚晚上嘅時候仲可以喺嗰度睇波今次就帶咗媽咪去試吓！.餐牌上面好多嘢都好想食最後我哋叫咗三款最想食嘅主菜同一款甜品💙黑松露大蘑菇,溫泉蛋意粉💙忌廉煮藍青口💙三重芝士薯條🍟.超濃郁嘅三重芝士味好香口不過真係要建議即刻食影相影得太耐就會變硬變涷就冇咗熱辣辣上枱嗰時到咁好食㗎喇！.誠意推介佢個甜品💙疏乎厘班戟鬆餅🥞加入左焦糖牛油楓葉糖漿同埋唔同種類嘅水果，成日都話減肥一見到甜品就食咗食先唔使減肥住，提子同埋士多啤梨夾埋班cake混合一齊即刻覺得好Fresh！

西貢市中心之前開左間新酒店WM Hotel, 酒店底層, 其實係地下有呢間M square餐廳, 超大間有空間感, 裝修簡約, 透過玻璃望上去會見到綠色風景. 最近世界盃仲有得波, 咁大個環境睇都幾舒適. 除左大電視睇波, 佢仲有桌球枱、足球機、波子機同室內哥爾夫球模擬空間 都幾好玩架Tom Yum Gong Risotto $228燒大蝦好食, 蝦肉結實. 冬蔭功risotto 仲配有個sauce, 倒完個texture 其實比較多汁, risotto口感亦略偏腍, 但個調味就真係唔錯, 好香同惹味. 仲有菇、魷魚·Calamari Squid Ink Pasta $155 spaghetti al-dente, 原本以為係ink sauce, 原來係用左ink spaghetti, 純粹好fancy 黑色食落又唔太覺有墨汁味. 佢配左pommery mustard cream sauce 個味唔算好濃, mustard 香味亦係淡淡. 仲有唔少魷魚, 淡味啲🦑Tiramisu Pancake $135即煮大概要等20分鐘, 但絕對值得. 佢嘅梳乎厘比起一d 專門甜品店更好食te

西貢有「香港後花園」之稱，四周盡是海灘、湛藍海水與風景如畫的遊艇碼頭，趁著假期沿著西貢公眾碼頭走到WM酒店暢遊慢活。踏入十二月聖誕節，酒店增添了不少佈置裝飾，感受濃濃節日氛圍。酒店整體採用簡約自然設計風格，海天一色瀰漫著寫意的度假氛圍，成為港人staycation新熱點。M Square位於酒店地下低層，面積廣闊，空間開揚，極高樓底充滿空間感。裝修走清新木系風格，玻璃窗引進午間柔和的陽光，帶來溫暖樸實的氛圍。還有大電視現場直播世界盃賽事，氣氛更熱鬧。餐廳內還有大量玩樂設施，例如桌球枱、足球機、波子機和室內哥爾夫球模擬空間等，有得玩又有得食，集餐廳、酒吧及娛樂於一身。餐牌選擇繁多，有小食、沙律、全日早餐、主菜、薄餅、意粉、意大利飯及甜品等。Salami Picante $178pizza 大大個，份量十足，即點即焗熱烘烘出爐，邊緣烤得很焦脆，餅芯卻帶着柔韌。批邊微微隆起，不像美式般厚實，澎湃的mozzarella芝士可以造出拉絲效果，芝香濃郁。餅底的厚度是簡乎超薄和厚批之間，麵糰吃起來富有淡淡的麵粉香氣，配上意大利辣肉腸微辣惹味。Smokey Baby Back Ribs $218煙燻豬

餐廳設於一所新酒店 MW Hotel內。坐落於西貢比較寧靜的一角，附近有美麗海濱長廊。如駕車到餐廳用膳，可選擇停泊於酒店（有優惠）或附近一所公共停車場。餐廳設計開陽，環境非常舒適，大堂入口把海濱景色盡覽，利用充足自然光線，感覺良好。內裏寛敞，設有大螢幕，還有一張桌球枱，於世界盃期間到來，可一邊用餐一邊看世界盃。由於西貢於假日時一向多遊人，於平日到此餐廳用膳，感覺甚悠閒舒適。食物水平中上，選擇不錯，兩人分別叫了鵝肝漢堡及龍蝦 brioche roll，份量不少。甜品亦非常吸引，如柯打 pancake，需預時間先叫，因需時約30分鐘。我們叫了一份 tiramisu pancake，唯一評語是 tiramisu 味道有點不足，但實是有特色的甜品。吃過午餐後，可參觀一下還未全開放之酒店及到海濱長廊散步。建議在未完全通關時，大家快到那裏走走及用膳，享受秋冬美好天氣及悠閑下午。

星期日好天入左西貢海旁行，行到肚餓就去2021新開幕WM Hotel裡面既M Square餐廳食飯。餐廳樓梯底好高，由正門入沿著樓梯行落餐廳。餐廳好大，除左有用餐範圍，仲有多個玩樂區。有遊戲機、足球玩具機、Snooker、仲有得打Golf！現在正值世界杯，餐廳內多個大電視全都播放足球賽事重溫，牆身更貼上比賽進級表！由於此區給人一種渡假享樂自由放鬆的感覺，有大家族會book大枱開 party，亦有很多一家大細邊食邊到處玩遊戲。興奮既呼叫聲此起彼落，如果係同樣愛熱鬧既朋友們，可以黎食飯，必定難忘。Mssels Pot $168鮮茴香忌簾煮藍青口一大碗，有另提供空碗放殼，放滿時職員會貼心更換。烤麵包條唔錯。Burrata Chorizo Pizza $228Pizza係大size，適合多人分享。有Burrata芝士、西班牙香腸、燈籠椒、仲有好多火箭菜，愛食火箭菜既人會對份量感到滿意。Maple Bacon Cheese Burger $155楓葉漿煙肉係脆身，包都脆脆地，幾好。薯條要襯熱食好味。安格斯牛肉充滿牛羶香。

Weekend 最鍾意遠離市區，去啲無咁多人嘅地方，輕輕鬆鬆又一day❤️❤️西貢有間新酒店WM hotel，環境好靚！同朋友去M Square食下嘢chill番下🌸⭐️Margherita 小蕃茄、羅勒、芝士 pizza🍕 好大塊，影相睇唔到個效果，我估係12吋pizza，餅底唔算厚，但都好飽肚！烤得啱啱好，個邊唔會太硬，小蕃茄好鮮甜，好好食👍🏻👍🏻⭐️Maple Bacon Cheese Burger 🍔 安格斯牛好juicy，啖啖肉，仲少少烤牛味，好香😋😋成個burger咬落去好滿足！可揀薯條或沙律，我哋揀咗薯條，擺耐咗都唔會太淋，啱啱炸起，好正😋😋⭐️Pancetta Carbonara煙肉蘑菇蛋黃醬意粉🍝呢個非常creamy，好好食，但要趁熱食，凍咗啲蛋黃醬會痴埋一齊，btw我最鍾意食呢個😋😋⭐️honeycomb pancake 🥞 最後叫個甜品share一齊食，好正🤤🤤個pancake 發得啱啱，好鬆軟，生果都好新鮮！環境好舒服，咁啱撞正世界盃，可以睇埋球，不過我唔太識睇😆餐廳仲可以免費玩snooker，足球機等，啱晒大小朋友😍😍服務有禮殷勤，換碟執枱都好快手，成餐飯食得好舒服，好休