LM Cafe (已結業)

新開的食堂當然要試下。我叫左個我朋友覺得好漏既芝士汁焗雞扒飯，$44，包埋凍飲就一共$46。雖然話係焗飯，不過佢都好快到。係我食之前梗係相機食先。最愛芝士既我覺得超好味！芝士有小小咸咸地，咁樣送飯先一流。雞扒唔會太瘦，都幾肥美，應該有經過處理，好香口，再配埋芝士，好多層次，好好食！飯都經過處理，應該有搵d雞蛋炒過黎，粒粒金黃，一點都唔馬虎。

係觀塘返工一宜搵唔到食lunch 好地方。似樣d都食到厭曬。點知今日發現係公司對面開左間餐廳。咁緊係試下啦，環境係觀塘黎講直係十分一流，但始終外面商場未裝修好曬外面就有少少塵，但室內好乾淨。叫左個茄牛通，同事叫左個清酒蜆意粉。茄牛通牛肉十分鮮甜，茄味濃郁。意粉我個人認為味道清淡左d，但我個同事就覺得岩岩好，可能女士會岩口味d。最後老板極力推介下仲叫左個西多，真係無介紹錯，入口鬆軟，花生醬又無渣流攤，最重要係加煉奶唔加糖漿，簡直係搵返細個係大埔街巿嘅味道。正！p.s 奶茶都好正，喜愛奶茶人仕必去。