LM Cafe (已結業)

新開張無幾耐，於是乎盲沖沖就係試下味道點樣Lunch time黎都幾多人，我地7個人都需要到大台，所以都要等左一陣先有位睇menu一輪都唔知食咩好，就是但簡個保守的茄汁焗豬扒意粉，一定唔會中伏。等左好耐終于見到個真身，份量都算大份，不過就有d焗濃過頭甘。意粉都就硬身得際，食到底個茄汁已經無曬好在環境舒適，食得都開心點

見到有新派餐廳即管入去試下個裝修玩味十足非一般茶餐廳獨沽一味的設計見到佢dinner set的香蒜牛油帶子炒意粉$72頗吸引意粉煮得剛好炒意粉也不會加上過份油去炒只需要睇下個碟底已經知道帶子也沒有弄成像膠般口感有驚喜飲品見到有主打的咖啡朋友叫了一杯十分香濃不過我受不了咖啡所以叫一杯signature chocolate $28原來用上朱古力豆打磨再配上香滑牛奶濃而滑 而口中泛起陣陣回甘正店員見我地食完後主動介紹新出的waffle餐配花茶$80我地選了香蕉配朱古力醬及開心果雪糕Waffle 即叫即弄上枱後依然脆口配合雪糕簡直冰火沖擊原來雪糕用上哈根大師難怪香滑甜美比專業的waffle店更有水準更有誠意花茶濃濃的花香完全令人放鬆心情雙者十分配合係驚喜之作

朋友在官塘番工，因七點先收工，所以她便約左我在附近開餐，但睇餐牌一刻先知原來是龍門冰室旗下的餐廳。LM Cafe logo 是用積木所拼湊而成，高身食飯枱的椅子色彩繽紛，高凳黃藍紅綠刺激視覺感官，我仿佛像小矮人來到一個大人國的世界。地板階磚、餐廳的陳設是充滿復古玩味的感覺，給我的感覺是一間混雜港式味道既新潮Cafe。朋友點那杯北海道3.6牛乳，大杯又滑，好抵飲。我則選了杯地中海之戀，猜不到會用上 franc franc 茶具套裝呢！好美喔！呢款法國花茶混離了陣陣薰衣草和玫瑰花的香氣，飄散在口腔中久久不散，醒胃又好飲。看看餐牌原來仲有蘋果粒、菠蘿粒、檸檬草等。芝士吞拿魚脆豬$25外脆內軟的包身，加上tuna & cheese，微溫融化了夾在中間的芝士，好香脆滋味～炸雞翼拼薯條$25 薯條炸得好脆，食落好香口。我們點了兩個主食分食，黑松露磨菇意粉$78，黑松露醬汁味道夠濃，包緊整個意粉。洋蔥爆到香口，忌廉濃郁，食到尾都仲有黑松露既滋味口感。香噴噴芝士汁焗飯焗到微香，芝士味濃郁。魚肉口感好稔身又滑嫩，加上魚柳真係好厚肉又大件！雖然放左一陣，但焗飯個魚柳食落極有煎炸既口感，完全無因水氣而淋左。

近來不斷有許多食肆在工業區發展，確實隱藏了不少美食！今天一於約了幾個三五知己，去觀塘區駿業街的一間新開「LM Cafe」一試，位置就正正位於觀塘遊樂場對面的「中海日升中心」。由地鐵站行過來只需6-7分鐘。店舖裝修設計特別，七彩繽紛的高凳成為舖內的焦點！利用白瓷磚做牆身，顯得更潔淨！座位空間感十足！「店長推介流心飯餐」$35鮮茄汁/芝士汁/咖哩汁流心奄列配雞朳/豬朳切開巨大的奄列蛋包，豐富濃郁芝士汁慢慢流出來，滿滿覆蓋整個飯，豬朳肉質鬆軟且有彈性！奄列蛋邊位香脆，夾心又軟又滑，蛋味夠濃！雞翼(鹵水/瑞士/炸)$20我們選了瑞士雞翼(4隻)，甜甜的瑞士汁，雞翼肉嫩多汁，非常入味！「傳統英式早餐」$68煙三文魚，茄汁豆，炒蛋，牛油厚多士，大磨菇，煙肉，牛仔腸以$68這個價錢，可以嘆那麼豐富的英式早餐，確實超值！而且食物質素好，份量多！最喜歡就是牛油香草大磨菇，大塊又厚肉，爆汁口感！「香蒜牛油帶子炒意粉」$72意粉一上到枱就傳來香噴噴的味道，新鮮爽滑的帶子粒，味道鮮甜！意粉軟硬適中，整個意粉都是充滿牛油香味，蒜香令炒意粉更香口。「炸雞脾拼薯條/沙律」$27即炸雞脾，薄薄的雞皮炸得非常香脆，切開

友人在觀塘區工作經常在附近捐窿捐罅覓食這次帶我來到她的「飯堂」環境相當有格調店名以LEGO拼砌而成播放著韓流歌曲, 走年輕風附近正圍板裝修當中若不是地頭蟲也未必發現這裡除了較高身的木製餐桌椅還有黑白風軟墊卡座坐在卡座看像走進反斗奇兵的世界色彩繽紛的高櫈並排著, 形成有趣畫面Menu中的盡是茶餐廳的菜式跟環境完全格格不入, 有點驚訝呢!幸好另一張Menu走西式風格選擇不多都是不同口味的意粉也有All Day Breakfast供選擇反而咖啡種類有很多茶餐廳 x cafe的配搭有點特別鹵水雞翼入味不油膩沙律是粟米蛋白粒混合少量雜果很有homemade feel呢 意粉及帶子的份量也很多呢賣相不太精緻, 有點茶餐廳feel面頭夾雜著香濃的蒜蓉味到底的時候牛油味偏重 不同於一般的肉醬意粉沒有一大團濃烈茄醬而是選用Bolongese sauce肉末偏多, 意粉均勻地沾上醬料特別期昐這裡的咖啡用上專業咖啡機並由咖啡師親自沖調每一杯都有精緻拉花很特別Mocha!每一口都能平均嘗到咖啡及可可味道散發著天然純正的可可甜味店員說用了越南的朱古力磚刨碎熱溶後加進espresso當中屬誠意之作喝一口~超Cre

LM cafe 位於觀塘工業區，新建的大廈內，不管是返工叫個早餐食得好好先開工，還是一班同事舒舒服服好有情調地食lunch,或是放工後同朋友食完晚餐後shopping 都是一個好選擇。LM cafe 裝修好別緻，有high chair ,正常餐桌，還有舒服的sofa 坐位比你選擇。來到先知LM 是龍門冰室的分店，加上新的西式午，晚餐，給我們多一個選擇。而且還有一流的咖啡做買點，而且種類好多選擇，咖啡豆是老闆精心選擇巴西及肯尼亞的咖啡豆，去製作咖啡所以品質好好。有牛乳炒蛋餐，同番茄濃湯餐…不同的選擇今日我選擇了龍門冰室香噴噴焗飯，芝士汁雞扒焗飯芝士汁雞扒焗飯一來到已經十分香而且芝士超多，可以每一口熱辣辣的炒飯都是芝士汁包住而且雞扒彈牙， 香滑caramel latte 焦糖拿鐵咖啡，一來到已經十分香，而且焦糖味同咖啡的苦香味配合得好好，好香滑，又香濃，而且拉花拉得好有心機，焦糖香甜加上巴西及肯尼亞咖啡混合成的質素好一直怕苦唔愛飲咖啡嫁我都一試愛上。食完主菜要試下甜品香蕉朱古力原味窩夫配上 Häagen-Dazs 夏威夷果仁雪糕這個甜品真係好好味而且價格平，一份甘大份可2到4 人食的窩夫也

與舊同事吃飯，相約在觀塘區。上網搜尋，見這店的食評不俗，便來一試。訂了位7:30，見在場多很吉位，可能是地點在工廈，不就腳吧。兩個人，叫了兩個餐，有主菜及飲品。蒜香牛油帶子炒意粉($72)：賣相漂亮。帶子切成細粒，份量頗多，亦有帶子的鮮味。意粉爽口。但整碟意粉的油份太多，很膩，調味亦太多，感覺太鹹。茄汁焗豬扒飯($46)：似乎焗過火，外層有點燶。豬扒很焾，不過是茶餐廳那種雪藏貨，所以肉味欠奉，而且略鹹。飯偏淋，不夠乾身。好在茄汁夠多，酸酸甜甜，很開胃。熱杏霜(跟餐)：味道正常。Tiramisu(送)：因店子在試業中，故贈送甜品予每位顧客。Tiramisu外表很醜，店員解釋因碟子太熱所以甜品有點熔。吃下去，味道卻有驚喜，甜度和咖啡味適中，creamy得來不太膩，很不錯。窩夫配雪糕(送)：有三款味道的雪糕和醬可選，我們選了草莓雪糕和朱古力醬。食物放在焗杯中，感覺很大份，不過其實是兩件1/4的厚窩夫、一球很細少的雪糕、四片香蕉和少量朱古力醬。窩夫很厚身和鬆軟，雪糕的草莓味不夠，朱古力醬味道正常但份量少。食物不過不失，尚有進步的空間。店員服務態度良好，有禮貌。店內環境寬敞寧靜，坐得舒適，是靜靜

在觀塘吃午飯。試間新開的餐廳。大部份食肆都集中於地鐵站附近。位於中海日升中心的LM Cafe，雖然只是5-10分鐘的路程，但已算是離開了餐廳的集中地。來到才發現，中海日升中心仍在裝修中。一眼看去，已開業的只有LM Cafe，很易找。午餐有All Day Breakfast和意粉，配咖啡或茶。牆上掛了簡單的擺設，一張有田園氣息的長木桌和木櫈，吊著一盞昏暗的黃燈，營造出郊野的氣氛。中間位置則有木製高桌，配色彩繽紛的高櫈。加上波波燈和用lego砌成的LM Cafe字樣，添上輕鬆的玩味。要選最舒適，應是黑白皮座墊的椅子和卡位的梳化。第一印象，對環境十分滿意。店員遞上餐牌。龍門冰室。還以為Cafe跟冰室合作，來個crossover。細看之下，原來LM Cafe其實是Lung Mun Cafe，跟茶餐廳系出同門。餐廳內都是茶餐廳菜式，跟其他3間龍門冰室沒分別。龍門冰室的特色是，蛋的煮法可以自由選擇，炒蛋白並不常有，適合怕肥的人士。跟普通茶餐廳的牛油多士不同，多士可配果醬、奶醬、花生醬等，基本上是百變配搭。LM Cafe跟同系冰室的分別，就是多了意粉和咖啡。店長推介流心飯餐 － 芝士汁流心奄列拼豬扒

難得女子組齊齊OT到夜晚，就唯有去搵下茶記醫肚，正當我地打算去apm附近嘅時候就見到呢間CAFE，再望望個餐牌，好抵食咁六七十個晚餐有主菜又有嘢飯，CAFE黎講好抵啦。不過基於我地真係好好好肚餓，所以吾止叫左個餐，仲有堆小食。首先係瑞士雞翼，大大隻夠曬入味，又無雪味，其實個汁配飯我都覺得可以，小小甜又香。呢個就真係要推薦！芝士焗肉醬薯條！濃郁嘅芝士加上小小咸嘅肉醬，焗出黎邊位較脆，中心位置較綿，簡直雙重享受！主菜我就叫左茄汁奄列雞扒飯，雖然名就好似有dd頹，不過食落驚喜十足！奄列切開有茄汁同蛋汁一齊流出黎，雞扒仲有香草醃製過，十分入味，飯嘅份量足夠成年人食飽有多，係下午茶都要4x蚊嘅KT黎講，呢到真係街坊價

晚上無意經過駿業街, 見到又多一幢新大廈開張, 玻璃幕牆. 入口有個易拉架, 內裹的LM CAFE 新開張, 地方寬敞, 樓底高. 叫了焗豬扒飯, 飯底炒過夠乾身, 豬扒算厚, 要讚是個蕃茄汁好鮮味, 有新鮮蕃茄塊, 可不是一般茄膏或者罐頭湯開粉汁. 見到水吧有台幾萬元的意大利咖啡機, 食完叫杯跟餐latte, 啡底味道不弱, 雖然拉花唔靚. 以這餐廳格局, 已算可接受. 另外見到小食有瑞士雞翼配沙律, 沙律內有新鮮蘋果粒, 雞翼味道剛好. 不是馬虎之作.在官塘, 四十零蚊食到焗飯又好坐的地舖餐廳真不多

見今晚收工無咩做就相約同事到附近新開的餐廳食個晚餐環境 裝潢也不差點了兩個意粉一個是帶子炒意粉另一個是黑松露蘑菇意粉70多元一個意粉餐份量也合理算是抵食的餐廳帶子炒意粉的帶子份量不少炒得十分惹味一點也不油膩另外黑松露蘑菇意粉的蘑菇汁做得岀色香濃的蘑菇汁配上軟硬適中的意粉水準之作另外 都點了兩份小食雞翼和奶油多總結價錢平水準高的餐廳

收左工諗住頹頹地係觀塘食個飯，行行下見到間餐廳好似幾新而已又平，即管一試！呢度既選擇超級多，有常餐有小食餐有意粉飯餐仲有撈丁餐，價錢係$30-$80不等，最重要係早午晚同價同一個餐單，姐係晚餐想食個炸脾薯條完全無問題！黑松露磨菇意粉-松露味唔算特出，但忌廉味就好濃，意粉軟硬度岩岩好，女仔食唔會太heavy。All day breakfast-有兩塊厚多士好鬆軟好好食，炒蛋夠滑，腸仔比出面好食好juicy。瑞士雞亦-好入味好淋，唔會太甜，廿蚊四隻抵到爛。芝士焗西籣花-略嫌芝士味唔夠濃，西籣花亦唔夠淋，要改善下。帶子炒意粉-味道更勝黑松露嗰個，好難得帶子炒都可以炒到有肉味好夠鑊氣！焦糖咖啡-甜度適中，可以太淡無咩咖啡味，同埋唔夠creamy。最後重點係：有得外賣！咁以後我地午餐下午茶ot飯又多個選擇了！

最近聽朋友講觀塘有間新cafe開左，咁岩係呢頭整完野就決定試下啦。店內裝修以簡約為主，一入黎就感覺得好舒服。好中意牆既設計，好有心思。而且D櫈好colourful好靚。其實我超喜歡食炒意粉，所以見到呢到Menu有就即刻叫佢一拎碟意粉上黎就聞到一陣蒜香，份量十足丫，帶子都好新鮮。其實出街食炒意粉好驚就係碟底都係油，不過呢個絕對意料好。唯一美中不中足既可能係裝飾品有點大，不過影響不大。美味指數😋：9/10友人已經食左野，所以只係叫左杯朱古力，呢杯Signature Chocolate友人話好好飲。我都偷左幾啖😍😍😍😍好正丫，平時都好小飲朱古力，但我個心俾呢杯溶化啦。好多Cafe既都只係用朱古粉開，所以味道都好淡，但呢個係用朱古力溶左黎調製既，所以味道特別濃郁，飲落去又特別純滑，好想Encore！！！！美味指數😋：9／10我叫左杯mocha，都好吾錯，朱古力味濃再配上咖啡真係好正美味指數😋：8/10觀塘小有既用心cafe.值得Encore既LM Cafe，

假期經過觀塘，見到有間cafe新開，於是同友人入去試試。cafe環境不錯，空間挺寬敞，不會似其他地方坐到好逼。睇完Menu,叫左個English breakfast。食物都幾新鮮，份量一般，唔算好大份，不過都夠食，賣相亦算不錯。飲品方面叫左杯signature chocolate,問左老闆原來系巴西既朱古力豆即磨，不似其他餐廳用用返黎既朱古力粉沖，入口味道相當不錯，甜中有少少苦澀，幾岩我口味。成餐飯都食得幾舒服，值得一試。

今日收工搵埋朋友去試下工作附近嘅呢間新開cafe ，晚飯時間都吾算多人，可能新開仲未咁多人知掛，但裝修環境都好好，坐位都好闊落。我地坐底左，就嗌野食，店員介紹著呢間原來第四間分店啦，但之前就做開茶餐廳形式，今次就加少少西餐元素，我就嗌左香蒜牛油帶子炒意粉，而朋友就嗌左all day breakfast.我份炒意粉都幾香牛油味道，炒得都乾身，意粉仲吾林吾乾，仲好彈牙，幾好，帶子雖細細粒，但都算份量多，吾會un，幾好！而all day breakfast 比炒意粉更吸引！！最正係菇，因為仲好多汁，好香菇味，同埋好厚肉，好味道丫，其他炒蛋都算滑，煙肉同包都整得岩岩好，我覺得好食過意粉，可以試下all day breakfast！整體嚟講都算吾錯，環境同服務都好，食物都好食，返工經過可試下