Little Tipsy Restaurant & Bar (已結業)

今次第二次嚟呢間餐廳，因為第一次食完都覺得唔錯，值得約朋友嚟再試！特別係呢度環境幾好，適合同友人一邊歎晚餐，一邊傾偈！兩個女仔最後叫咗兩個appetizers，一個main dish，同兩個甜品。分量剛剛好！炸金文畢芝士配木梨果蓉($108)炸芝士炸得甘脆可口，油而不膩，趁熱食又有拉絲效果。 味道唔會太濃，啱啱好！水牛城雞翼($88)平日食嘅buffalo wings都有機會整得太酸或者太辣，但係呢度嘅雞翼醬汁調教得唔錯，味道酸酸甜甜，而且炸得皮脆但又唔會太乾！海膽意大利飯伴巴馬臣芝士及翠玉瓜($228)呢一個main course最吸引人嘅地方就係佢嘅顏色，顏色鮮豔，令人開胃！海膽味道鮮甜， 入口即溶，加入充滿巴馬臣芝士嘅意大利飯，係個好好嘅配搭，令人垂涎欲滴！芒果熱情果芝士蛋糕($48)朱古力心太軟本雪糕($68)兩個甜品嘅賣相都幾好，但係味道就比較平凡。 不過對於甜品係用第二個胃消化嘅女孩子嚟講，都值得試下～～

今晚專登約老公喺觀塘食飯，因為食完飯仲要返公司OT，辛苦搵嚟志在食，於是我哋就話去食好西，第一上到呢間餐廳，感覺真係好高級，冇諗過匯豐樓上有間咁高級嘅西餐廳，侍應服務很好，因為我有啲唔舒服，佢就換左一杯暖水比我，好細心。我地點左一個牛柳龍蝦，一個意大利海膽飯，我同老公都係海膽控，龍蝦控，當然要試下啦！意大利飯好香海膽味，上面一排海膽雖然唔係好大舊，但係食得出係北海道嘅海膽，好鮮甜。牛柳同龍蝦嚟啦，龍蝦肉質厚實，好有口感好味，牛柳好厚身，好淋，又有牛肉味。呢餐好滿意，下次試下其他先。

依間little tipsy真係觀塘必試既餐廳!!🤪食物高質 環境都好靚靚🥰🥰食野暢談既好地方🤤依個炸芝士非常好食!! 薄脆外皮下一咬就係香濃軟滑既芝士🤤🤤水牛城雞翼個汁少少辣 酸酸甜甜 非常開胃!🤤全晚個人最鐘意既係依個芝士波菜帶子 大大粒既帶子彈牙鮮甜🤪 配上個芝士波菜岩岩好 唔會漏😋😋依個就係黑毛豬黎嫁 肉質一d都唔鞋 有d南瓜蓉同埋係底係好似薏米既野 都十分夾😋西班牙烤雞配焗薯🤤個雞肉juciy 滑!個醬係秘制醬汁黎嫁 都好值一試🤪個人都好鐘意食佢個薯仔🤣🤣依個蒜香白酒汁煮蜆 隻隻蜆都大大粒🤤正!!!海膽芝士意大利飯😋海膽味好重 鮮甜! 亦都好足料🤤 成個飯都好creamy得黎又唔漏😋

收工同同事去食餐好噶慰勞一下自己先，餐廳係觀塘，位置都幾方便，環境優美。焗北海道帶子配蟹肉非常唔錯呀，帶子大大粒又夠彈牙，配左菠菜加蟹肉，幾特別。美國牛柳配澳洲龍蝦難得見到牛柳配龍蝦，所以貴一點都想試下！牛柳叫了7成熟，體積細細但夠厚；切開後內裏微紅，肉汁豐富，質地軟嫩，火候控制得非常好。澳洲龍蝦有半隻，表面灑上黑胡椒等香料調味，不錯。巴馬火腿配無花果醬多士24個月的parma ham 充滿鹹香，配以酸甜的無花果醬多士，既可以中和火腿的鹹味，亦可以豐富多士的味道，口感很好。

觀塘工廈多嘢食就係人都知，但係越開越靚你又知唔知呢。今日去咗呢一間西餐廳，周圍都bling bling 咁樣好靚㗎。地方闊落，三五知己一路傾計一路慢慢食都幾唔錯。今日我叫咗兩個簡單嘅二人石，每一個一人嘅晚餐都有有湯有前菜有主菜有飲品都只不過係$200多啲啲，真係好抵食喎。食物質素都相當唔錯，今日一定要推介一下先煎鱸魚，魚皮煎到非常香脆，魚肉亦都非常之嫩滑，醬汁就好似湯🥣咁樣，直頭係畫龍點睛，好好食呀。 😍 另加的warm chocolate cake , 朱古力漿流出黎果下，真係好治癒的。

今晚同媽媽去了觀塘工廈食左個貴夾唔飽嘅晚餐。 價錢拍得住尖沙咀，但食物卻一般。 服務態度還可以，但Waitress唔識轉膊，我同媽媽拖著一架手推車，她都要求我們坐中間2人枱，但當時餐廳有好多位淨，我亦好肯定今晚佢哋唔會full, 因為今日係星期二，而且外面落緊大雨，但她堅持都要我們坐中間2人枱，我同佢講可唔可以坐最入，張架手推車泊埋牆，她說那是4人枱，唔可以，叫我們坐2人位枱，佢會幫我們放好架手推車，她真係好唔識做，最後我們只好坐近門口的2人枱。其實以咁嘅價錢，響尖沙咀大把好食過佢，所以無下次。1) 凱撒蝦沙律$98，得5-6塊羅馬生菜 + 4隻蝦 + 少許芝士 + 少許硬化了嘅煙肉 + 4片薄過紙的麵包。2) 羊架$248，尚算ok。3) hot latte$38, 是整個晚餐的焦點，最好味的。

碰巧有事到觀塘，就約埋在觀塘工作的朋友食晚飯，不想行太遠，所以選了這家離港鐵站好近、位處新式工廈的高級西餐一試！巴馬火腿配無花果醬多士， 估不到只是appetiser都有七到八片咁多， 份量十足。油花分佈均勻，配上帶甜無花果醬，口感不錯！蘑菇湯幾好飲，味道好濃郁，仲有好多蘑菇蓉。法式小餐包，食落䁔䁔地幾軟身，個底就帶小小脆。慢煮肉眼扒配薯仔田園沙律：這個肉眼扒我order了五成熟，肉身鮮嫩可口，比起花園餐廳的一點也不輸蝕，比想像中好味，90分！強烈推薦！

今日嚟到觀塘工廈西餐廳食午餐，這間餐廳好近地鐵站，而且好容易搵，我們好快就搵到。一上到去由於已經係中午時間，見到現場已經準備好給上班族午膳時間上嚟。餐廳環境優雅，令人坐得很舒服。午餐有多款選擇，有附送餐湯和麵包，價錢約$100左右一個午餐，就咁睇可能已中午來説有點貴，但餐廳主打精緻食菜，所以亦是物有所值的。我話朋友叫了一下慢煮肉眼扒配香烤薯仔田園沙律，還有烤羊架配南瓜及洋薏米。兩個午餐都很好吃啊，分別牛味同羊味很濃厚，沒有過多嘅醬汁，因為本身已經有肉味，如果太多醬汁會蓋過肉味。而且熟度烤得剛剛好，不會太硬太老。我特別喜歡羊架，因為其實羊架是很難煮得出色的，很多地方都會煮得很騷，今日吃到的這個真的很好吃啊，如果我再經過觀塘我會再來吃羊架的！

今次係第二次來。。。上次食羊扒覺得唔錯，同事食sea bass又話好食，所以今次我試sea bass今次又無影menu唔知係有得揀定無得揀湯或沙律。不過佢無問就拎曬湯來，但有個同事話唔食洋蔥(是日洋蔥湯)，所以侍應俾左沙律。早講丫嘛，我都prefer沙律仲有個豬仔餐包，yummy外脆內軟，搽勁多牛油主菜都上得幾快。。。唔記得上次係咩樣，但睇落細細一碟，都食得飽𠺢個汁甜甜酸酸，幾好味。可惜太少我點完啲紅蘿蔔都無得點魚喇紅蘿蔔軟硬適中，有口感。魚皮有少少脆，但魚肉就覺得太熟，嚡口no good no good。下次都係叫過第樣野最下面的薯蓉好creamy，但會肥死，不過我都清曬如果啲侍應再serve得好少少就perfect喇

有些時候，情侶間就是需要點浪漫來維持愛情的溫度，浪漫是甚麼?有人認為是鮮花、鑽戒、或者是一頓氣氛愉快的晚餐，彼此分享著喜歡的味道!!巴馬火腿配無花果醬多士$10824個月的parma ham 充滿鹹香，配以酸甜的無花果醬多士，既可以中和火腿的鹹味，亦可以豐富多士的味道~ 火腿份量多，比較下若能再多一至兩片多士就好了烤羊架配普羅旺斯燉菜及忌廉薯仔批 $248羊架一共有三骨，份量也不少👍🏻最初切開示以為羊架有點過熟，可是肉質又很嫩，醬汁用上黑椒汁，可是我比較喜歡薄荷香草醬呢薯仔批外皮有輕輕烤過，調味適中，沒有過重的忌廉奶油香，很討人喜歡!!黑松露意粉伴靈芝菇及溫泉蛋 $168黑松露非常香！意粉一上枱便聞到黑松露的香氣!!!意粉擺盤非常漂亮，加上濃郁的黑松露汁和有咬口的意粉，絕對是色香味俱全呢餐廳裝修令人感到舒適，還有一個放滿酒瓶的櫃子🍾整個感覺讓人想不到自己在觀塘的工廈呢🏭 帶情侶到新餐廳試試新菜式，來點新驚喜吧

觀塘出名多隱世美食店舖，今天要推薦的時間是離地鐵站只有5分鐘路程的高質素扒房。（原本來這間之前沒有想過原來這間的扒這樣好味的）這間店舖的格局和裝修都非常令人舒適，位置有相當近地鐵站，只有5分鐘的路程便可到達。雖然一個lunch都可能百元，但原來在某段時間前離座有折扣（價錢在觀塘之中算偏貴）南瓜湯：今天的餐湯是南瓜湯，濃度適中，甜味不會蓋過南瓜味， 75分。餐包：上枱時還是暖暖的，但包身偏硬，求少少分， 70分。烤羊假配南瓜薏米：賣相一百分，離遠也聞到香噴噴的黑椒味，咬下去帶少少羊騷，最適合喜歡吃羊的人士，80分。慢煮肉眼扒配薯仔田園沙律：這個肉眼扒我order了五成熟，肉身鮮嫩可口，比起花園餐廳的一點也不輸蝕，比想像中好味，90分！強烈推薦！

今日介紹一間好餐廳，Little Tipsy. 除左有野食，仲有手工啤飲，環境仲好舒服，岩哂放工黎輕鬆下。24月巴馬火腿配無花果醬多士$108巴馬火腿一陣陣咸香與無花果醬多士混合 為這小清新添上一份經典的氣質。作為前菜，十分恰如其份，色香味俱全，令我更期待主菜。烤安格斯肉眼扒配烤薯仔及田園沙律$268肉眼扒份量超級足， 扒身好厚燒得香脆之餘， 依然保持肉汁豐盈，牛味非常重之餘，另配上特製醬汁調味，減除了膩意。 滿怖油花， 非常靚仔！ 咬落去肉汁爆哂出黎， 好正

又到左同partner開會既時候，最好就一定係食著好西開會架啦！APPETIZER 簡左 水牛城雞翼$88香濃既醬汁沾滿每隻雞翼，啖啖都食到非常滋味😍烤羊架配普羅旺斯燉菜及忌廉薯仔批$248烤羊架熟既口感岩岩好，仲配以普羅旺斯燉菜同忌廉薯仔批好正慢煮西班牙黑毛豬配大蒜伴洋薏米$258非常冧滑幼嫩🧡絕無不｢鞋口」，蒜頭十分香口烤安格斯肉眼扒配烤薯仔及田園沙律$268７成熟食到中間先見到肉係粉紅色，但整體牛扒都肉汁豐富，油脂比例岩岩好

觀塘越開越多樓上餐廳，中西日韓你諗到嘅都有。揀到眼花之際，見到依間餐廳網上訂位不但有九折，仲有飛行里數奬賞，同埋無用餐時間限制，就決定同舊同事去食晚飯慢慢傾。餐廳唔係好大，暗暗地幾有氣氛，但枱與枱之間太近同埋餐廳音樂太大聲有少少嘈。海膽味濃，意大利飯好Creamy，巴馬臣芝士好香，飯面海膽新鮮。記緊要親熱食否則凍咗就食唔到Creamy嘅口感。 羊架肉質鮮嫩唔肥唔羶，煎得剛剛好。薯仔批煎得香脆，有少少忌廉味好醒胃 。普羅旺斯嫩菜有青瓜粒、黃瓜粒、茄子、洋䓤及蕃茄，酸酸甜甜好開胃。蕃薯好香甜，配酸忌廉一齊食，酸酸甜甜味道不錯。但蕃薯條切得太薄，食起上嚟口感欠逢。

觀塘有好多位於工廈的餐廳，今次搵到一間西餐廳試下，裝修優雅簡約，色調是柔和的粉灰色，好少女feel，岩哂中意影靚相的朋友！前菜🍀意式肉丸伴巴馬臣芝士 ($118)肉丸好有質感，咬落去軟硬適中，配上好香濃的蕃茄醬和巴馬臣芝士碎，食不停口！主菜🍀黑松露意粉伴靈芝菇及溫泉蛋 ($168)一上枱已聞到香濃的黑松露味， 意粉軟硬適中，加上靈芝菇和流心温泉蛋，撈埋一齊吃，既滑溜又美味😋 🍀西班牙烤雞配烤薯仔 ($198)半隻烤雞比想像中大份，啖啖肉，而且雞肉滑嫩多汁，重點是表面鋪滿的西班牙香草醬料，夠哂惹味。配上新鮮沙律菜和香脆薯角，非常推介！👍伴菜🍀忌廉菠菜 ($58)滿滿一碗的嫩滑菠菜，配上香而不膩的忌廉汁，十分美味！😋另外，店員的服務值得一讚，有細心留意我們的需要和主動與客人們談天👍🏻