LeeLaksa

營業中

休息中

早幾日放大假訓到自然醒，真係好幸福！第一餐就已經係早午餐混合一齊食😂講返正題先，一起身就突然間好想喇沙 同 海南雞飯😝就上網搵吓先！見到呢間係Staycation酒店附近又多好評嘅新加坡餐廳！岩哂啦🤤新加坡喇沙 配 香茅青檸荔枝梳打$62個喇沙嘅椰香味又香又好味😋同係新加坡食嘅喇沙味道好相近😊海南雞飯$68無骨嘅雞 同 雞油飯都係海南雞飯必備的，出面餐廳多數都有骨，今次呢間就好用心，起埋骨😋半熟蛋配咖央多士$48講真小編係新加坡食呢個咖央多士 同 係呢度食個味道真係差唔多🤤好味！串燒拼盤雞肉大蝦魷魚鬚$68我想講呢個串燒嘅醬好好味😂點落啲串燒度簡直係一流😝椰青$20

最近愛上去港島找尋好吃的餐廳上環比較少去尋找斜坡的路上 包含了各式各樣的餐廳期待的 需要的 都能滿足到無意中 找到這家南洋風味的新加坡店裡頭的裝潢很簡單 一眼就能瞭然人流挺多 幾乎是滿座的狀態店舖也貼心準備 消毒用的濕紙巾.串燒拼盤(雞肉 大蝦 魷魚鬚)這個拼盤組合性貨比挺高的每串都燒的挺焦香本身串燒們都有腌製 配上附的辣椒醬雞肉有腌製過 所以會吃到有點咖喱味雞肉肉質不柴不乾 挺嫩口魷魚鬚有咬口的 蝦也中規中矩店家會附有比較辣的辣椒醬可以增添串燒的口感和風味.街頭雞絲湯粉湯底很清甜 配上湯粉整體很清爽內裡有豆腐卜 雞肉 油蔥碎整體中規中矩.馬來炒貴刁本身就用河粉和油麵去拌炒 加上醬油去炒 旁邊會有花生碎和辣椒粉可以按自己的口味去調整整盤有挺多配料在內有大蝦 魷魚 臘腸 青瓜 豆芽等算整體吃起來的口感很豐富很有新加坡的風味份量很多 建議和朋友分享

上環有幾多野食 見佢好似幾正咁就入去試試 一入去感覺光猛乾淨企理 👍🏻到左宜家都依然有準備口罩套同濕紙比 值得一讚👍🏻🤤李派海南雞飯拼白胡椒肉骨茶 $118佢個招牌海南雞飯超吸引 所以超想試但係佢個白胡椒肉骨茶同招牌喇沙又係勁吸引 所以最後就揀咗呢一個雙拼 一次過滿足2個願望🤣 海南雞正宗去骨 好大份 足足有半份雞 而且個雞肉一啲都唔肥 正🤤 個雞油飯都好香雞油 而且唔會油膩！ 白胡椒肉骨茶係新加坡style 飲落就似 胡椒豬肚湯咁 唔似馬來西亞嗰隻好有藥材味 好暖身- 新加坡喇沙 $82$82 黎講有咁大碗咁足料都幾正 食過好多間喇沙啲蝦都係片半🤣 唔知係唔係佢哋個style😂😂 豆卜好入味 重有魚片 魚蛋 同蛋 都幾多餸！ - 参岩醬炒通菜 $72 個日7點幾去食 原來我哋已經係叫緊尾2嗰份通菜 睇嚟平時好好生意🤣 呢個上有少少辣 不過我建議都係用返下蝦頭醬好食d 碟菜都好大碟 加咗好多新鮮蒜頭幾香🤤佢成個Menu都超多選擇搞到眼花撩亂

LeeLaksa🍽喺中環做完野 經過皇后大道中嗰頭 同事話附近有間餐廳唔錯，一於去試下啦😋去到已經2點左右 啱啱好可以叫個tea set食下。位於上環既LeeLaksa，故名思義係食喇沙啦🤣 打開menu,毫不猶豫就揀左喇沙環境寬敞舒適，燈光充足💡細心位❤️每張枱都配備每人一set紙袋仔裝口罩同濕紙巾👍🏻讓客人在疫情底下都可以安心堂食🥰新加坡喇沙🍜💲62連飲品喇沙湯底濃郁，椰子味偏重帶點微辣🌶建議食唔到辣既朋友可以加佢附上既青檸仔，中和下 酸酸辣辣 反而仲開胃😜而中意食辣既朋友一定要試下伴碟東南亞風味既香脆蝦米Sambal辣醬，啖啖蝦香，層次香濃惹味！配料亦相當豐富！當中有大蝦、半隻糖心蛋、魚片、魚蛋、豆卜等……😍 食完有種好滿足既感覺！💕 Tea set黎講份量都幾多。飲品方面，叫左杯香茅荔枝青檸梳打🍸本身諗住會好甜，點知甜度適中之餘 每一啖都好fresh🍃不錯喔👍🏻海南雞飯🐔配椰青💲68➕🥥💲20✨完美配搭之選✨海南雞肉質嫩滑🤤 建議配埋個三色汁(薑蓉、甜豉油、辣汁)味道更濃郁！油飯粒粒分明，香氣十足，口感煙韌👍🏻就算無野送飯，食哂成個飯都無問題😆 飲品方面，加左$20叫左個椰青 清

雖然平時在中環返工月，不過個人較喜歡到上環覓食，上環食東西都比中環較便宜一點，沿著皇后大道中來到一間新加坡餐廳「LeeLaksa 」，想起平時都是食中菜或西餐，今次真是換下口味食下南洋菜式，正是下午茶的時份，門外都放置了下午茶的餐牌，款式都真是好多元化，例如有海南雞飯、炒貴刁、串燒拼盤等....... 只是食物的照片已經吸引了我進入餐廳用膳，環境燈火通明又夠舒適，由店員帶領我安排坐sofa卡位，坐下來後急不及待就點菜。既然是喇沙是主打菜式，那麼我選擇了一份新加坡喇沙($62)，而餐飲選擇了杯馬來拉茶，餐飲好快就端上來，幸好都不是太甜也有一些茶香。講番剛點的喇沙，賣相就真是不太吸引，下午茶份量都會比正常的喇沙較少，這點我都好明白，但配料味道好一般，內有幾隻蝦肉、一些芽菜、紫洋蔥絲、豆卜、魚片條、半隻蛋及魚蛋，其實都有少少感到失望，魚蛋及蝦肉口感不爽口又冇鮮味，半隻流心蛋的蛋黃有點實，湯底都晤太香，而且奶味較重，而欠了一份濃厚的香料味道，芽菜就夠爽脆，但整個喇沙不夠惹味，反而辣味就正正常常。連隨奉上了一粒鮮青檸及南洋辣醬sambal，佐食個麵都是不錯。另外單點多一份咖央多士($28)，麵包

新加坡喇沙 $82椰味較重嘅喇沙湯底，都幾香濃。配料亦相當慷慨，有蝦，魚片，半熟蛋，豆卜，爽口洋蔥絲，好豐富。麵就似米線，中規中矩吧。整體都算是一碗很不錯的喇沙但我還是比較喜歡喇沙配摻摻嘅組合，口感較豐富亦比較掛湯。另外，湯底略欠鮮味。李派海南雞飯拼白胡椒肉骨茶 $118適合貪心人士… 一次過食2個口味😊最欣賞係雞飯嘅醬汁，調得非常好味。雞同飯都不錯吃反而肉骨茶是極重白胡椒口感，不太適合個人口味斑蘭咖央多士 $28一般般整體都不錯吃，如果係附近都可以試下

晚上與同事共進晚餐，起初還擔心短短食飯時間來這裡會否很趕？！最後發現時間充裕，要一讚這店的上菜速度很有效率。同事力讚這店的海南雞非常出色，特意帶我來試，但我實在食不下飯，所以我叫了新加坡喇沙。很快便上菜，嗅上來很香，嚐一啖湯，很濃郁的香料味。一點都不辣，也不鹹或漏，很開胃哩！還有麵質滑而不淋，有點彈牙，我十分滿意啊！約八十多元。同事叫了海南雞、肉骨茶飯，一餐已能嚐盡兩款出名菜餚，價錢約$110。以我觀察，雞的色澤很美，似黃油雞的。數量也不細份，雞肉看來很滑，煮得剛剛好。同事親嚐後，也如我所言，雞滑肉鮮。

Can’t really comment on authenticity but I love this place!Typically I’ll come here if I can’t decide what else to get, and it does not disappoint. The menu isn’t that large, but the dishes they do have are quite good.In particular, I really think the hainan chicken rice is quite good. The fried noodles are also nice, and the laksa is also decent. They do have bak kut tea (肉骨茶) which I typically like, but these guys have too much white pepper in the soup. Still, it is not bad eitherOverall, ther

身為LAKSA的愛好者，有LAKSA的地方一定要試下啦！啱啱撞正下午茶餐，好抵㗎主食包一杯飲品。新加坡叻沙（＄62）超濃海鮮偏椰汁味的叻沙湯底，少少辣。米線非常煙韌，蝦好爽甜，入面加咗豆卜、魚蛋、切條的魚片，用料好豐富，隻半熟蛋煮得啱啱好。檳城蝦麵（$66）用料同叻沙差不多，但個湯底清啲，啱食得清啖的人，麵就用咗渗渗（即係油麵加米粉），食落有不同層次。左：凍桔仔話梅水右：凍青檸紅茶青檸紅茶比較普通，話梅水可以值得一試。餐廳都坐得幾舒服，下次要黎試返件KAYA多士先得！

昨日約左朋友中午食lunch，出到黎落晒雨咁，見雨勢都頗大，廢事行咁遠，見到呢間Lee laksa，成日經過見門面都幾ok，都想一試，於是就入去試試佢！見佢有晒set，一個飯或麵加野飲一般大概80-112蚊左右，我就決定試試佢個喇沙米線，我老友就揀左海南雞拼肉骨茶。海南雞同肉骨茶率先上檯，個海南雞睇落好靚，咁我朋友試完都話幾正，肉夠嫩又夠滑，我試左一舊都絕對認同，但個肉骨茶就真係唔多掂，因為我睇落顏色賣相完全同傳統肉骨茶一d都唔相似，咁我朋友試完，就話佢係似胡椒豬肚豬骨湯，咁呢個絕對係大伏！過左一陣，個喇沙米線都到啦，第一啖梗係試試個湯底先架啦，個湯就不俗，夠濃郁亦都幾香，但可惜係d餸同配菜質量麻麻地，第一係個感覺係完全唔入味，而個蝦肉又唔多新鮮，食材同個湯完全格格不入，個喇沙只能俾佢勉強合格level!至於飲品方面，凍奶茶同凍咖啡都表現不俗，夠香，好過好多茶餐廳既，呢樣就挽回返少少分數啦，但至於坐位編排就有少少令不快，因為佢地好刻意安排晒食客坐埋一齊，想盡量控制入座時間同分佈，但可能小弟比較鍾意自己揀位，所以又係一個扣分位，呢間我諗除左海南雞之外，其他野真係好普通，以呢口價錢黎計，我

#上環今日去咗附近呢間食新加坡嘅喇沙嘅專門店，坐位比較多，以食新咖坡喇沙嘅餐廳嚟講，呢間感覺算幾企理乾淨，想坐得舒服慢慢同人傾多幾句都啱去。整體味道好普通，而且佢價錢偏貴，一上菜同食落感覺都唔太值，又未去到唔好食，但呢個價錢做唔到「好好食啊」嘅感覺，就真係未必再回頭食多次喇首先講吓「老街咖喱鴨絲摻摻」，勝在咖喱味夠濃，摻摻好吸味，第一啖食落好開胃，不過配料好唔算好多，睇落同食落都唔太豐富，賣相爭啲，整體性價比感覺唔算好高，不過味道算最突出Lunch Set 竟然有得配支青檸啤酒，好似好高級咁，呢個係少少驚喜，飲落唔苦而且加咗啲青檸汁幾清新街頭雞絲鴨絲湯金邊粉 $75其實簡單啲講就係清湯，但大家感覺又雞又鴨咁好似幾特別有少少 FAKE咗，重點係大家見到嘅雞絲同鴨絲擺得幾求其，又唔算好多料咁，要$75碗感覺真係唔係幾值。檳城蝦麵摻摻嘅湯底似係加咗浸蝦油，但飲落蝦味又唔係好出，叫做淨係有個蝦油香，蝦都唔係太多，而且都幾細隻，我自己覺得 $86蚊都係好唔抵，係觀𡐓街市真係 50蚊食到碗足料好味嘅。海南雞肉質唔算食過最滑，味道偏淡口，主要都要靠醬汁調味，覺得普通咗啲。

食過幾次叻沙和咖哩湯麵都好滿意，發覺每次都有好多中外客人點海南雞飯，所以今日決定暫時放棄湯麵，一於食飯。海南雞飯一上桌已覺得賣相討好，雞皮金黃無肥膏，入口順滑，平日唔食雞皮的我也「快吞轟」。雞肉共有兩層，上層是髀肉，下層是胸肉，髀肉軟滑，胸肉鬆化。雞味雖不是好濃，但蘸醬就啱啱好。三色醬齊備，各有風味，無論單點還是混醬都好味。我較喜歡用紅色辣醬蘸雞，然後用薑蓉撈飯。雞油飯有香茅香，而且粒粒分別，偏硬的口感很好吃，無餸都可以食曬一碗。此餐廳的下午茶最抵鮆食，份量和正餐一樣但價錢平好多。下午茶還有飲品。外賣不用加一。

一向都喜歡濃味的食物，經過見餐廳叫Laksa，已經有好感，最重要是看到下午茶都有巴東牛肉，我有次在其他地方食過，一試難忘，所以決定入去。.本來一心打算食巴東牛肉飯，可是我想，既然餐廳名字叫Laksa喇沙，我沒理由不試試招牌菜吧。於是便點了新加坡喇沙。.🎈餐牌:下午茶餐牌印製精美，有相參考。選擇方面有好多款南洋有名的食物，除喇沙外，還有馬來西亞十分有名的蝦麵，也有咖哩麵、炒貴叼，還有我原本被吸引進來的巴東牛肉，也有咖吔多士，價錢由$50-$80。.🎈食物:.新加坡喇沙 $62 (包飲品)⭐️⭐️⭐️⭐️⭐️..個碗很大，而麵及餸料是滿足一碗。.餸有4片蝦，合共2大隻，蝦肉是鮮蝦味，絕對不是廉價雪藏塑膠蝦，還有半隻糖心蛋、魚片條、魚蛋、菜、豆卜等。.我給這碗喇沙滿分⭐️⭐️⭐️⭐️⭐️，原因？✅碗喇沙湯好好味😋香濃惹味，越食越想食😋我是全碗湯飲晒😆😆✅餸又多又美味✅粉口感十分好，彈牙煙韌✅連隨碗喇沙一齊上的那碟南洋辣醬sambal，真的超合我口味，好味到我再要多了一碟，飛不住問他們是否廚房師傅自家製，還是買回來，結果不出所料，是他們自家製，於是我問是否可以買，他們解釋不能，最重要是因為他們每日新鮮製造的，不加

最近香港的疫情不斷好轉,但是我們究竟是何年何月何日，才能夠坐飛機去到新加坡，食我最喜歡的海南雞呢？這食肆的下午茶分量十足，價錢十分之吸引，性價比十分之高，飲品也十分之有特色.餐廳環境佈置也充滿了東南亞的特色令人有放鬆渡假的感覺,雞湯十分之香濃，雞肉十分之細滑配上美味的油飯這就是最美好的配搭.這個喇沙湯味道十足，十分之好味道，加上自家製的魚蛋，令人感受到東南亞的風味.希望世界各地也逐漸回復正常海洋大家能夠自由地飛翔.

好耐都冇食過喇沙, 今日大食妹同媽媽心血來潮去咗上環LeeLaksa食野<李派海南雞飯拼喇沙>LeeLaksa嘅套餐超吸引呢份李派海南雞飯拼喇沙既可以滿足到你兩個願望喇沙充滿椰香, 食落辣辣地好惹味份量唔算好多, 但可以滿足到你對喇沙嘅慾望海南雞份量相對較多, 一睇就知道係主角Leelaksa嘅海南雞肥瘦適中, 肉質幼嫩油飯都好香, 米粉粒粒分明<參峇醬燒豬頸肉>豬頸肉係即叫即燒, 上枱嘅時候熱辣辣肉質爽口, 燒得金黃可口, 值得一試<燒馬來蔥餅配咖喱>燒馬來蔥餅比想像中乾身, 外表好似油酥餅但相對脆口, 咖喱都幾有特色<桔仔話梅水(左)及美祿恐龍(右)>桔仔話梅水甜度啱啱好, 味道清爽, 適合夏天飲用美祿恐龍純粹係大食妹嘅至愛