Le Viet (已結業)

今日去開旺角有啲想食串燒抬起個頭見到大大間泰國餐廳 於是行上去銀行廣場睇吓望入去環境都好大 加上價錢都唔算貴仲幾抵食所以就入去試吓因為真係太想食串燒 所以即刻叫咗六串食 分別有兩串牛肉兩串雞肉兩串豬肉串燒拼盤六串 $89由於嚟到嘅時候啱啱好仲有午市 所以就叫咗個海南雞飯$68呢個價錢有海南雞飯餐湯同埋嘢飲都幾抵食㗎海南雞做到好呀仲有兩款醬汁用嚟撈飯真係一流😋最後就係我最鍾意食嘅越式咖喱軟殼蟹配法包$89 咖喱嚟到嘅時候先至點火自己放軟殼蟹入去 咁就唔驚軟殼蟹林晒啦 佢哋嘅發包應該係廚師自己整食落去味道唔錯 幾有咬口 總括嚟講旺角呢間大大間嘅泰國餐廳唔單止地方大而且價錢同埋食物質素都幾好性價比能高 都幾值得回頭👍🏻

Sem議員 難得考完試 同婆婆食餐勁嘅牛油焗大頭蝦🦐 💲228海鮮炒河粉（午餐） 💲69椰汁冰（跟餐） 💲8越南綠豆拉椰糕🟩 💲33✅ 大頭蝦十分吸睛🤩 差唔多兩隻手拳咁大隻👐🏻 啖啖肉又邪惡😈✅ 椰汁香滑濃厚🥛 餐湯頗為清淡 適合健康人士✅ 椰糕意外地係熱食♨️ 千層煙韌有嚼勁👅Taste：3.5/5💰CP值：3.5/5🙋🏻‍♀️Service：3.5/5👁‍🗨Stylishness：3.5/5

鮮蝦米紙卷 $42先食個頭盤先，薄薄嘅米紙包住生菜，蝦，米粉，香葉等，沾滿甜甜酸酸嘅隱醬汁好開胃。手撕雞扎肉湯粉 $68湯底好鮮甜，我叫左河粉，唔會太林，手撕雞好滑，扎肉爽口彈牙。香茅燒烏頭 $173呢個即叫即燒，所以等嘅時間會較長，烏頭表面佈滿鹽，魚肚位塞滿香茅增加香味，烏頭熱辣辣，肉質好滑，如果想食原味可以將魚肉沾少少鹽食，我中意跟嘅海鮮青辣醬，好辣但好竟然惹味。青檸梳打 $28梳打水另上，青檸酸甜食完辣嘢飲番啖真係好爽。

特別想讚下牛油焗大頭蝦…其實仲食左其他野，不過冇影相…唯獨呢個牛油焗大頭蝦一拎岀黎時賣相非常之吸引！大頭蝦焗成金黃色，大大隻坐係碟，仲有一陣牛油香味，唔影相點得！蝦身已被分成兩半，蝦肉好易整岀黎，好大條，肉質結實彈牙，係一隻新鮮有活力的大頭蝦！而家食落仍然好有牛油香味，但又唔漏！初時仲以為碟底黃色的是牛油，但原來唔係，不油膩的，不知是什麼，但幾好味幾香！伴菜的薯仔被炸過，放在碟上吸了牛油和汁，又香口又非常入味和好食！呢個菜色絕對食得過！

呢一間越南餐廳其實好耐之前都試過一次不過今次見行得攰， 咁就再試下啦咁我同朋友就叫咗以下:精選越式拼盤: 呢個蝦餅炸得幾香口，啲蝦亦都爽口， 點埋啲甜辣醬就另一口味，豬頸肉亦都比較瘦唔係太肥，幾健康同有口感，春捲細細條而入口。 越式蒸粉包入面有紮肉香菇等點埋啲酸汁食，自己覺得幾好食。香茅豬扒湯粉:食越南野一定要叫粉，呢個湯粉不得不介紹佢，個粉真係幾滑， 另外佢將個豬扒分開上， 感覺亦都幾貼心。 而且個豬扒又炸得幾好食， 個肉亦都幾juicy 所以鍾意食河粉嘅朋友可以試下。春捲扎肉撈檬: 呢個係個朋友嗌嘅，咁我都試咗小小撈檬，同埋啲春捲，嗰啲春捲我覺得炸到恰到好處，啲撈檬加埋佢嗰啲酸汁撈埋一齊我覺得幾開胃同幾清爽。 鍾意食凍食嘅朋友可以試下。香茅燒烏頭: 條魚幾修長，有好香嘅香茅味。 條魚啲肉都有幾多肉可以食， 其實如果兩至三個人食都可以叫一條。 另外點埋佢個汁我覺得先係絕配。 鍾意食魚嘅朋友可以一試。最後食埋個香芒糯米飯， 香芒糯米飯係泰國啲甜品咁我覺得呢個甜品真係幾好食balance番之前食個的味道，所以如果大家鍾意食越南嘢可以試下呢間餐廳。

今日成家人再去旺le viet食大餐，之前食過一次十分回味，今次一定要食個夠本。今次服務依然有禮貌，冇令我失望。落單時亦會好細心咁問仲有冇咩特別要求，非常加分。食物先係重點個人最最係海南雞飯68蚊再加8蚊多一杯三色冰，非常抵食。真係要讚既係每次海南雞既質素都係好好，好滑好新鮮。其次推薦 半打串燒 89蚊，有牛豬雞，今次豬串好爽脆好多汁，好新鮮。香茅燒烏頭 173蚊，大大條抵食，阿媽最愛食魚，特別叫比佢食，佢大讚入面既配料同調味都好夾好到位。牛油雞翼72蚊，亦係今次要大賺，唔怕肥既一定要點，好香牛油味又大隻，最岩食肉者。香茅豬頸肉炒金邊粉72蚊 價錢唔貴，豬頸肉亦好大舊。蒜蓉炒椰菜苗66蚊 好香蒜蓉味，火氣都好夠。

今日同阿媽去行吓，之後中午想食泰國嘢，就隨機入咗呢間門面好靚嘅餐廳！食完之後發覺好有驚喜，原來呢度有間咁好味嘅泰國嘢，以後都可以食啊！由於冇食早餐，所以一坐低就太肚餓嘅關係帶咗好多嘢食先來呢個雞絲大蝦青木瓜沙律（$62），估唔到會咁大份！對得好高，又多蝦同埋雞好足料啲計師係好滑嘅雞，懷疑係海南雞同埋佢配沙律嗰個酸酸甜甜嘅醬好好味呀之後嚟過海南雞飯！媽咪話啲雞肉好滑好好味！我試咗一啖飯，好香呀！比起出面平時食嗰啲海南雞油飯，呢度多份真實嘅雞味三色雞牛豬串燒半打（$89），呢個其實你哋睇到張相應該都覺得好靚！呢個真係必啦！佢有啲似我哋去BBQ搽咗蜜糖咁樣燒，個面甜甜地好開胃好match!然後三種肉都係啖啖肉，冇乜多餘嘅肥膏平時我唔係幾鍾意食豬肉，，估唔到呢3串入面最好味我覺得係豬肉配埋佢個沙嗲醬好特別！仲有佢呢度嘅燒係真係燒架～～～唔會好油膩，唔似出面嗰啲聲稱係小但係其實係內有煎咁囉跟住試咗一個好少可以喺出面食到嘅炒椰菜苗！好香蒜味而且唔會太油膩！師傅炒野嘅手勢唔錯$72 牛油雞翼五大隻！唔好以為得五隻好似好少，其實佢五隻係超級大囉！上到枱你哋應該都會嚇親🤣 佢個present好靚（其實每

le viet之前係其他地方都見過但一次都未試過,今日咁啱同朋友去旺角行完街去食lunch,咁啱行到銀行中心見到有le viet就拉左朋友入去試下.牛油焗大頭蝦係主餐牌見到望落好吸引！忍唔住佢既誘惑就點左一份試下.製作雖要少少時間但呢段時間既等待係值得既！一上枱忍唔住哇左一聲,2隻大頭蝦並排而且仲將佢地既長蝦腳擺好姿勢,成碟菜好有氣勢.大頭蝦肉質夠爽彈,入口味極鮮甜,加上蒜蓉超香口.咖喱牛腩飯用上細砂煲放上加熱爐上烘住加熱食,一邊加熱一邊有陣陣香濃既咖喱味溢出.以$69一set包飯同餐飲仲有咁足料既咖喱牛腩煲真係好抵.咖喱帶微微椰香同甜中帶辣,牛腩同牛筋夠腍,牛筋帶點漿口超重骨膠原感.薯仔輕輕炸香過入口粉香而且令咖喱更入口.印式薄餅,食咖喱點少得薄餅！煎得香脆再沾上咖喱汁食一流.

2020年5月20日 星期三心血來潮屋企人突然間想食越南野，於是就上網搵吓邊度有越南餐廳推介，再搵到呢一間位於旺角嘅餐廳位於銀行中心一樓，一上到電梯行兩步就見到，見到裏面都幾寬敞餐牌上面都有好多選擇，當然最主要都係越南菜式，仲有本店推介添，好多都好似好吸引嗱嗱臨叫咗嘢食之後，首先到嘅係椰青，都算大個，飲落好清甜，仲食到少少椰肉添之後就有我爸叫既生牛肉湯河，上菜既時候牛肉真係生既放係湯麵上面，淥一陣已經變晒顏色，再落埋其他配料一齊食，味道好豐富然後有炸蝦餅，熱辣辣咁送到，咬落去係有煙出，有濃郁嘅蝦味跟住有牛油雞翼，充滿牛油味之餘，上面仲有炸蒜，所以食落更加惹味。菜色上面仲有青檸，點落雞翼上面可以消除油膩感到最驚喜嘅菜式，就係牛油焗大頭蝦，冇諗過隻蝦會咁大，好似龍蝦咁，蝦肉好彈牙又實，加埋牛油汁真係冇得輸最後再嚟個甜品拼盤，裡面有焦糖燉蛋、芒果黑白糯米飯同千層椰汁糕，我覺得最出色嘅係椰汁糕，口感煙韌又充滿椰汁味。至於芒果糯米飯既糯米都幾香，不過好彩有幾個人分享，如果唔係得自己一個一定食唔晒埋單每人都係百幾蚊，屋企人話好似去完越南一轉咁

We were looking for somewhere for lunch in MK under the rain and saw someone giving out leaflets of this Vietnamese restaurant on Gf so decided to give it a try as food seemed pretty cheap with a lot of choices. There were quite a few lunch sets to choose from even on Sat and prices were very reasonable. We ordered two lunch sets and a grilled dish to share. A standard drink was included in each lunch set and prices of the food seemed to be slightly cheaper than the same item on the main menu. W

平時鍾意食開越南菜，今日特登嚟到旺角銀行中心的Le Viet食晚飯。好耐之前都嚟過一次，覺得呢間食越南菜水準不錯，同埋呢度的鋪面算是比較寬倘，加上疫情的關係大家都可以坐得不用太逼，聊天吃飯都會比較安心。我們二人點了這裏的招牌菜，第一樣是我最喜歡的生牛肉湯粉，第二樣是海鮮炒檬粉，第三樣是蝦餅，第四樣是香茅燒烏頭。生牛肉湯粉同埋海鮮炒檬粉都是大大碗，兩個人share都覺得好夠食，生牛肉湯粉的生牛肉份量也很多，這個湯熱辣辣配上新鮮的生牛肉，生牛肉很快便變了半生熟，入口嫩滑，飲埋啖熱辣辣的湯，真係又夠味又好味。而這個海鮮炒檬粉裏的海鮮份量也是不少，有蝦、魷魚、蜆等等，炒得很乾爽，好好味。聽聞這個蝦餅也是非點不可的一樣，今次第一次試蝦餅，蝦餅真係啱啱出爐的，炸得又脆又香，點上醬汁真係好味到不得了，令人食完一舊很想再食多舊。最勁嘅招牌菜又點少得這個香茅燒烏頭，大大條原條燒烏頭，夾雜着香茅的味道，醃製後的燒烏頭真係香到不得了，而且魚肉夠晒嫩，果然係招牌菜。嘢飲方面我哋點了椰青，新鮮的椰青裏面的椰肉仲好厚肉啖啖肉，食物好質素，材料又夠新鮮，絕對係食過返尋味。

好耐之前黎過一次, 突然間好掛住呢道既燒魚, 今日再黎ENCORE上次黎既時間座位已經好闊落, 今次更闊更舒適~~ 好有私人空間, 傾計都方便D呢~~餐牌變化不大, 都係咁多越南菜式~~豬頸肉米紙卷 $42有驚喜~~ 朋友話估唔到咁好食!!!米紙薄薄的晶瑩剔透~~口感滑溜夾埋豬頸肉粉絲等再點汁一齊食味道好夾, 正丫!!賣相不錯~~大蝦菠蘿飯 $96呢個係必食炒飯~~平時對飯不太感興趣既我都覺得好好食除左3隻爽口彈牙既新鮮大蝦外, 仲有好多配料~~師傅炒得堅好味!!! 一定會再黎食呢非常吸睛既菠蘿炒飯~~香茅燒烏頭 $173即叫即燒~~整條熱辣辣香噴噴上枱...烏頭唔太多骨, 肉質較結實點少少鹽連肉一齊食更能食出魚肉鮮味想再惹味D可以點埋個汁食添~~用香茅燒魚好香好正

好鐘意食東南亞既菜式，又鐘意食粉粉麵麵，尤其是河粉，咁岩就揀中呢間。.🔸牛油焗大頭蝦 ($228)分數: (8.2/10)大頭蝦開邊焗完出黎超級香！有好多蝦膏，蝦肉充滿住牛油同蒜味。後面仲配左啲薯仔，一齊食都幾香。(雖然第一次上菜隻蝦唔夠熟要翻焗唔夠完美).🔸咖喱牛腩撈檬($72)分數: (7.8/10)好大碗，淨係食一碗都十分飽！牛腩，檬粉，薯仔，椒，份量都好多。牛腩煮得冧，入味。咖哩小辣，愈食愈想食。.🔸生牛肉湯粉 ($68)分數: (7.6/10)個牛好有牛肉味，唔韌。河粉幾滑，配埋湯底唔錯！

午餐頗為抵食，一份午餐大蝦菠蘿飯，有餐湯有餐飲每一口菠蘿飯都非常豐富，有菠蘿、肉鬆、炒蛋、火腿、粟米粒、蘿蔔粒、青豆，粒粒金黃的炒飯炒得十分香口，口感十足🤤牛油焗大頭蝦，彷如龍蝦般大的大頭蝦，賣相令人眼前一亮，餐牌上列明是約一斤重的大頭蝦呢！香葱、蒜頭和牛油的香味滲透了蝦肉，令肉質更香滑多汁，厚實的蝦肉不失彈牙口感，香濃的牛油汁卻沒有蓋過了蝦的鮮味，而且大頭蝦的蝦膏很多，吃完蝦肉還可再挖蝦膏來吃，在香港實在很少吃到這種風味呢👍🏻豬頸肉米紙卷已切好4份，每份都有一整片豬頸肉，名副其實的啖啖肉🤓 配點魚露醬汁，讓醬汁滲透米粉，酸酸甜甜的很開胃。一邊喝青檸梳打一邊欣賞旺角街景，看着熱到出汁的路人、爭相爬頭的搵食車，猶如置身事外的我們渡過了一個炎熱的下午，爽🤡

完全灰晒既晚餐諗住尖沙咀開過黎，諗住應該唔錯，食到一肚氣，超難食，蟹肉雞肉青木瓜沙律，蟹肉臭，唔新鮮，雞反而可以串燒非常唔新鮮，死咸，無口感，豬牛雞口感一樣，醃得太耐，醃死晒d肉豬頸肉金邊粉，我食左30年未試過硬到一舊舊，食到痴牙，好恐怖，極度失望，點解可以係尖沙咀開咁多年