Lagom Kaffe (已結業)

觀塘區 高質cafe真係唔少，cafe位於海濱附近，如果行過海濱又肚餓，就一定要黎呢度試試。Cafe環境好優美，裝修新穎又再有休閒感，放假黎同朋友吹水真係一流，寫意！出口就會見到有蛋糕櫃，有近期受女士歡迎既巴斯克蛋糕👍🏻👍🏻 呢度嘅巴斯克蛋糕有兩種口味，兩種我都有試過都好好味，而且價錢都好合理 $38.件今次去既時間係2點零左右，人流都唔少，座位接近坐滿，呢間Café個場好大，分左室內同室外，有好多打卡位，難怪火爆人流今次叫左兩個主食，兩件蛋糕，同埋一杯嘢飲，兩個人食真係好足夠，飽！1. 嫩煎干貝忌廉意粉（松露醬汁）- 干貝煎完仲保留原有質感，松露醬同意粉融合後更令人保到停唔到口，齒頰留香😋😋😋2. 炸軟殼蟹漢堡配牛油果綠咖喱醬汁 - 口感真係好豐富，豐富得來又大有特別嘅感覺，好食3. 跟餐加$24 的多明尼朱古力奶 呢間cafe真係唔錯，私心推介。

桔梗姐妹咖啡店Lagom Kaffe🥰🥰🥰呢間咖啡店有兩間分店，一間係牛頭角另一間就係觀塘。今次新開既觀塘分店面積達6,600呎，除左室內空間，仲有大量室外位置，可以帶狗狗入嚟用餐❤️❤️啱哂狗狗係海濱放完電入黎輕鬆吓😙😙奶油花雕酒燉雞意粉🍝雞肉好嫰滑，會有少少花雕酒味，酒味唔會太重，意粉又爽口配埋重重既奶油，好Creamy 🤤🤤真係食到停唔到口😋牛肉·培根·烤肉醬三文治🥪意想不到既三文治，係用多士做底，多士脆得來唔會好硬，上面放滿牛肉🥩，仲有培根🥓包住温泉蛋🥚配埋烤肉醬，口感更豐富🥰🥰🥰莓莓乳酪燕麥奶搖🍓好重草莓味，燕麥奶同乳酪好夾，甜度又啱啱好，仲有草莓粒，飲落酸酸甜甜咁好清新☺️☺️Dirty☕️咖啡味濃，但又唔會太苦，加上有涷鮮奶令到咖啡好香滑😚😚

已經想去好耐傳説中Lagom Kaffe ，差唔多接近黃昏要求坐近玻璃枱都可以安排到。可能因為主要都係食salad，所以冇食到一啲招牌嘅菜式下次要再比多一次機會！今日食咗田園沙律，好大份！有紅菜頭有椰菜花有南瓜蕃茄同埋一啲雜菜。如果啲雜菜係綠色嘅菜多啲會比較好啲，因為今日用咗嘅都係比較黃嘅一啲菜！另外試咗一個培茶芝士蛋糕，非常之好食！濃郁嘅培茶味但係唔會太甜！因為近黃昏所以冇再飲出名嘅咖啡！下次要試吓食午餐，試多啲唔同種類嘅食物再介紹俾大家！

星期六晚行完街，就去左附近嘅Lagom kaffe食晚飯。餐廳喺海濱附近，環境唔錯，餐廳面積好大，有好多位置。點餐前有個麵包盤，有兩款麵包，係偏脆口，其中一款係橄欖，點埋佢地嘅牛油，味道好特別，好香好好食~我地兩個人分別叫左菇菇燻鮭明太了奶油章魚燉飯，台灣風味牛肉千層麵，飲品叫左杯ice latte轉燕麥奶同維多利亞伯爵茶，仲有甜品伯爵紅茶巴斯克芝士蛋糕。菇菇燻鮭明太了奶油章魚燉飯，望落好creamy, 擺盤好靚，有隻章魚長腿。一切落就feel到好嫰滑，食落都係亦有好香甜嘅章魚味道。飯撈埋半蛋汁天加香滑，食落唔會膩，每一啖飯有明顯但唔會搶哂咪嘅菇香，鮭魚嘅都食得出，呢個燉飯每樣野都平衡到，洽到好處。台灣風味牛肉千層麵，標示左少辣。因為朋友唔食得辣，心大心細最後都叫左，上菜睇落好大份，面頭脆脆地，鋪左d火箭菜。食千層面唔會太厚，有滿滿嘅芝士，中間嘅牛肉碎加左dd辣，所以食落唔會過辣但就好惹味，搭配得好好，加埋火箭菜同底嘅香草，有仲好香，清新嘅味道。食左半份已經飽哂肚，性價比好高，好好味。跟住講下飲品 朋友試咗佢嘅冰茶，叫維多利亞時代的伯爵茶。我都試飲左一啖，飲落味道變化都幾明顯，一飲茶味

星期天，同朋友去左位於觀塘既桔梗姊妹店🥰Lagom Kaffee📍店舖環境都幾大，座位幾闊落，喝一杯♡︎𝚂𝚞𝚗𝚜𝚎𝚝 𝙲𝙾𝙵𝙵𝙴𝙴，整得好靚！唔捨得飲🥰

係觀塘開cafe，知咩料啦！夠膽！夠大多位，裝修夠靚，野食多款仲要好味😋- 環境有別其他觀塘cafe，呢一間夠晒大，仲有室外位子坐，夠晒chill，不過天氣唔好，我都係坐室內。- 免費餐前麵面盤未落order 已經會上左先，好貼心，唔使驚兩頭望望無得食。干貝松露忌廉醬汁燉飯-干貝好大粒，無雪味嫁，依家好少見食咁正常！忌廉飯撈埋隻生蛋，反而食落無咁膩，都幾夾。-特製牛肉起司漢堡與薯條呢個出奇地好好食，漢堡包外脆內軟，牛肉厚實多汁肉嫩，最緊要個牛肉係熱嫁，食落開心D同埋惹味啲 。 完全係不是hea 整！！！ - 柚芒乳酪燕麥奶搖 - 莓莓乳酪燕麥奶搖開心2杯都唔會太甜，飲第一啖都有好淡地燕麥味，之後就被士多啤梨酸酸嘅味道遮左。柚芒乳酪燕麥奶搖就個柚子味出好多，飲到最後個幾啖有少少苦。

又要再講多次依間餐廳，真係好正，上次我食唔到台灣燉牛肉意粉，所以今次特登下晝嘅時間黎到食佢嘅台北燉牛肉意粉，果然冇失望。環境唔使多講，大家都會喺呢度打卡，影得都幾靚㗎，而我今次就嗌左多個干貝黑松露忌廉意粉，一杯價值88元既埃塞俄比亞咖啡，同一杯mocha.台北燉牛肉意粉佢係辣辣地嘅，本身我以為係一啲普通嘅芝士醬，但係點知一啲都唔普通，佢嘅辣配埋佢啲牛肉，佢嘅牛肉極都係好高質，雖然睇落去有少少生但係牛肉味好重嘅干貝黑松露忌廉意粉價錢又冇話特別平，不過佢嘅質素夠對得住價錢嘅。黑松露醬味好濃，干貝亦都好新鮮，好食。埃塞俄比亞咖啡我就好少捨得飲咁貴嘅咖啡，但因為之前食過依間餐廳覺得佢好高質，所以就想俾貴少少試吓特色咖啡，佢係話有水果味嘅，我都飲到佢係酸酸地，唔苦澀。mocha呢個都唔錯啦，有朱古力嘅香味，亦都有咖啡嘅香味

早一排個陣，因為我有個同事唔做所以就同佢farewell，事出突然，因為我哋喺觀塘嗰邊做嘢嘅，所以就過決定呢邊食喇，近近地~不過本身我自己都冇乜嘢期待，但係大家食完之後比想像中有驚喜，據聞佢有分店下次試下去這間分店食先~ 希望個同事有更好既將來~

第一次幫襯office樓下依間嘢亦係最後一次，唔憂做咁款，下午茶時間段都唔滿座，唔問你係度食定攞走，叫餐唔講跟餐嘢飲，個餐98蚊牛肉意大利麵，原來加10蚊有嘢飲，成件事錯曬。

成日都人頭湧湧嘅桔梗，佢嘅姊妹店樂感最近係觀塘開左新嘅分店，環境大之餘，仲設有露天座位。小編極力推薦佢地嘅pasta💓💓-台北燉牛肉意粉 $98意粉口感彈牙，而且個醬汁味道超好，每一啖都好濃郁，係麻辣燉牛肉味🐂，薄切牛肉生生地，牛味充足。-花雕雞風味奶油雞意粉 $98同樣味道都係調得好好❣️花雕酒味濃郁，仲有枸杞係裡面🤣呢個價錢好公道，雞肉都嫩嘅不過如果整得再嫩d就好🐔-抹茶戚風蛋糕 $40鬆軟嘅戚風蛋糕上有厚厚的抹茶cream🍵蛋糕口感鬆軟，而且比想像中濕潤，相比蛋糕，cream嘅抹茶味會更濃💚💚

Lagoon Kaffe 位於觀塘海傍-Two Harbour Square 嘅1樓，餐廳樓底勁高好開揚，完全提高空間感，而且仲有outdoor 座位，夜晚或者happy hour 嚟應該仲好feel👍🏻今日就相約好姊妹一齊嚟食brunch 然後再去海濱長廊吹吹海風，好好享受週末recharge 噃😆講番食物先，小妹同好友就分別叫咗一款意粉，留意番哩度所有野都要單點💡台北燉牛肉意粉🍝 $98如果你同小妹一樣鍾意試新野嘅話，哩個就係必食推介，表面睇落去好似係普通一份肉醬牛肉意粉，但佢其實係麻辣口味，食落個陣唔會好辣，但當你咀嚼完個陣就會feel 到條脷有少少麻麻地，好過癮食唔停口😋嫩煎干貝忌廉意粉（松露醬汁）$108大讚干貝煎得剛好半熟，外層有牛油香氣同微微脆身外皮，而入面仲係勁嫩勁嫩😆忌廉汁加上黑松露完全係無得輸，每條意粉掛滿松露醬汁，份量剛好又唔會過膩👍🏻茉莉花蘋果撻 🍎$58細細件嘅果撻，淡淡茉莉花茶忌廉加上絲絲蘋果肉，最值得讚嘅係撻皮夠鬆化京都抹茶鮮奶🍵 $48非常igable ，綠色嘅抹茶層同雪白嘅牛奶🥛分成兩層，飲落去個陣你會先嚐到抹茶嘅甘香再嚟就係滑順嘅熱牛奶👍🏻美中不足嘅

之前朋友同我去過一次樂感，除咗空間大之同埋係黃店之外，我覺得食物質素好普通。今次Dinner Menu有少少唔同左，食物質素都好左喎。我地叫左：干貝與松露忌廉醬汁燉飯夏季香橙烤豬肉沙拉柚芒乳酪燕麥奶搖白桃烏龍撻🤩個乳酪好有驚喜，奶味濃郁，佢飲落去會飲到淡香嘅燕麥味，而且芒果同柚子味都幾突出！🤩個risotto都煮得幾出色，每粒米飯都沾滿住忌廉汁，而且飯好淋身，帶子數量多之餘亦好鮮甜。🤩個白桃烏龍Tart底茶味好濃，仲有粒粒果肉係入面！🤢個沙律就麻麻哋啦，佢冇黑醋或者橄欖油喺入邊，令到個沙律好乾，只係靠入邊嘅水果汁係完全唔夠！🌟整體評分：4.012/5

呢間開左都一段時間 其實已經黎左好多次 每次黎都好滿意事關本人都鐘意飲酒 而偶然都會想食下shisha 呢間野就滿足哂我幾個願望 一間鋪搞掂哂唔洗周圍走每次黎都會order坐戶外位 就算係夏天 但因為位置近海邊 夜晚都成日有風吹過 唔會太熱今次三個麻甩佬黎食 叫左三個主食+一份炸雞 之後再每人一舊cake...其實叫太多太飽了雖然呢到主打既係台洋風輕食 但始終都係西餐為底...其實每份食落都會幾濟 所以望落唔係特別多都幾飽下黑松露干貝意大利飯 + 溫泉蛋章魚意大利飯叫左兩個risstto黎試.. 干貝飯有三大粒帶子,而且伴以少許炸過既金姑做伴碟 食落口感好豐富 意大利粉煮得濕潤之餘帶番少少硬飯既感覺 有正宗ristto feel( p.s. 正宗ristto係有少少生米feel) 而且黑松露幾香下 唔會好似平時放題店食果d黑松露醬成陣煤氣味章魚意大利飯就睇樣都見到 勁大條章魚腳 烤得岩岩好 幾彈牙 而佢配果塊墨魚汁米通就無乜味 都係裝飾用 飯再加埋溫泉蛋十分香+有口感 而且飯入面亦都有加少少雜菜同本姑去增加口感 食落口感豐富炸雞三大舊炸雞胸肉 個炸粉明顯係落左薯片碎 炸完入面多汁之餘外

樂感Lagom Kaffe在觀塘開了分店，上次在牛頭角的用餐體驗非常滿意，今次當然要來新店。樂感的英文名係Lagom Kaffe，而Lagom係瑞典語「Not too much, just enough」意思，餐廳希望打造一個自由空間，因此不設限時，可以讓你跑步後或欣賞日落景色時，邊飲咖啡邊吃蛋糕，享受剛剛好的時光，找到心靈的平衡。相比起牛頭角，觀塘店地方更大，更開揚，窒外有大遍空間可以呼吸新鮮空氣，室內2人座位的距離也遠了一點。收銀旁邊有不少自製的甜品，有鬆餅，蛋糕，牛角包等等。餐牌有主菜，小食，甜品和飲品。全日早餐有雞蛋、雜菌、沙律、煙肉、香腸同麵包，沒有常見的茄汁豆，取而代之是更健康的沙律菜和南瓜，最喜歡自家製厚身又烤得外脆內軟的多士配上無花果醬，果醬柔軟且甜，一咬下去有時會感覺有細細的杍，非常喜歡。奶油花雕酒燉雞意粉雞肉加入花雕酒醃制，外層微微煎香，肉質嫩滑，有淡淡花雕酒香，沒想到配上掛滿奶油汁意粉意外地合襯，醬汁偏向稠身，充分地掛滿在意粉上，有驚喜。抹茶芝士蛋糕來這兒必定要點甜品，外層帶有焦香質感厚實，內裡卻是軟滑的抹茶芝士蛋糕，口感綿密柔軟，入口幼滑，有入口即溶的感覺，在沾

同朋友一齊去咗食lunch叫咗炸魚柳，甜品，牛肉意粉，全部都好好味仲有芒果smootie 正間舖頭坐都舒服，戶外嘅空間又可以比狗仔喺出邊坐，好chill ! 👍🏻👍🏻