LAB EAT Restaurant & Bar (T.O.P This is Our Place)

營業中

休息中

約左朋友請佢食生日飯，一入去已經見到餐廳差唔多full唒。打開餐牌其實覺得略貴，不過請好朋友食生日，試吓無妨。我地只係點了海膽杯、沙律同西班牙飯。海膽好新鮮，沙律ok, 最驚喜系西班牙飯，原來真係好好味呀！即刻覺得系值得食！ 因為食得太開心，所以最後加埋甜品，一樣甘好味！ 下次會想同小朋友黎見識下！

和朋友去了旺角行街，順便在附近商場睇下有咩食。見到呢間位於TOP商場最高層的餐廳，環境好像不錯，所以便決定在這裏午餐。我們叫了兩個Set lunch $148 包頭盤、主菜、飲品，另外可加錢，還可加配甜品和配菜。.▫️頭盤每日餐湯餐湯是金寶蜆肉湯，入邊有好多蜆肉和雜菜，口感creamy。.杏鮑菇及藜麥是一個非常健康的前菜，杏鮑菇和藜麥營養價值都非常高，杏鮑菇多汁彈牙，藜麥爽口又沒有草青味，配上沙律醬，酸酸地幾醒胃。.▫️主菜黑松露野菌意大利幼管粉配溫泉蛋幼管粉口感煙啃彈牙，而且每條都沾滿了黑松露醬汁。配上溫泉蛋，混合後充滿蛋香，而且更滑。入面重有好多雜菌，增加口感之餘，味道更豐富有層次。.慢煮德國鹹豬手配忌廉里昂薯仔慢煮德國鹹豬手以扒的形式上碟，進食時更方便。以低温慢煮鹹豬手 肉質依然滑嫩 ，而且外皮微脆，配上芥末醬更惹味。伴碟的忌廉里昂薯仔都不錯，食落又香又幼滑。.▫️甜品綠茶意大利芝士餅 (加$35)綠茶味都香濃，上面有厚厚的抹茶粉，入邊還有綠茶果凍，減低甜膩感。.焗朱古力布朗尼蛋糕 (加$35)布朗尼蛋糕質感偏紮實，朱古力味不會太甜，上邊有脆脆的雜果仁，增加口感。.▫️餐飲伯爵茶 和 洋

休息工作再工作！每個人都要識享受生活⋯⋯活在當下！勤勞工作後就要享受自己嘅成果⋯⋯當然係要同自己最愛嘅老婆享受😊一頓浪漫嘅晚餐😊⋯⋯🍸🍸LAB EAT Restaurant and Bar 見到餐廳提供🈶️氣礦泉水，老婆二話不說就點咗先啦😏再點一杯Mocktail😎 mango magic🍹人生就係咁美滿㗎啦⋯⋯Set dinner生蠔🦪生蠔有兩隻，超巨型，有光澤，而且非常鮮甜！Appetizer帶子薄片刺身來自日本🇯🇵鮮味十足，配以墨西哥辣椒熱情果汁和三文魚子雙重享受⋯⋯Main course加拿大龍蝦🦞海膽蟹膏意粉🍝不過店員話海膽賣晒！轉左鮮黑松露片！味道相當唔錯⋯⋯我個人都好鍾意食黑松露！意粉煮得剛剛好！而且每一口意粉都掛上香濃龍蝦蟹膏的醬汁！每一口都非常滿足！意粉相當有咬口！每一啖都需要你慢慢品嚐！老婆超滿意！仲有大量鮮甜龍蝦肉添⋯⋯Dessert 指定甜品🍮芝士蛋糕🍰賣相非常美觀，加上好多白色粉紅色嘅朱古力碎😊老婆見到好開心😃

有時浪漫係要靠老公製造出來的！🙆‍♀️間唔中佢都會帶我去一啲浪漫嘅餐廳共進浪漫嘅晚餐嘅🥰⋯⋯🎈🎈LAB EAT Restaurant and BarT.O.P This is Our Place🎈🎈餐廳氣氛浪漫而且食物非常高質⋯⋯🥰頭盤兩隻特大生蠔🦪雖然唔知道邊個國家！但非常新鮮充滿海水味！餐湯我諗應該係蕃茄湯！酸酸地好開胃！還有附上暖暖地麵包添⋯⋯前菜牛油果配上意大利🇮🇹軟心芝士，軟心芝士好香奶味！又唔會過濃😋唔會蓋過牛油果的香氣！配以我最愛嘅黑松露橄欖醬！主菜美國🇺🇸黑豬鞍肉質緊致鮮嫩多汁！味道甘甜⋯⋯口感柔嫩但又不失彈性！而且份量超大⋯⋯配以法國🇫🇷羊肚菌用香草牛油焗非常出色！仲有爽脆蘆筍添！甜品 原來套餐包埋嘅！薑味嘅茶布甸！用白朱古力包裹着！味道新穎兼特別！賣相都好靚！高級餐廳點少得🈶️氣嘅礦泉水！來自意大利🇮🇹⋯⋯特飲都唔少得㗎！Virgin Mojito 味道清新！咁樣一個fine dining就Perfect啦🥰🥰

餐廳位於T.O.P入面既高層 餐廳仲設有戶外座位 方便唔同需要既人士.坐低冇耐店員會先放低餐包, 配上橄欖油同黑醋 食左黑醋更加開胃.-新鮮海鮮併盤 (Half Portion) $698海鮮併盤入面有兩隻生蠔、兩隻海螺、兩隻青口、兩隻鮑魚同埋一隻大蟹鉗全部海鮮都食得出好新鮮, 生蠔食落帶甘甜 海水味都幾重, 鮑魚爽口彈牙 海螺 青口都好好食!-12小時慢煮澳洲M5和牛牛小排 (36oz) $498牛小排份量十足! 我地三個人食岩岩好 慢煮牛小排肉汁非常Juicy! 加埋芥末醬真係一流!- 朱古力三重奏 $198上菜時店員會先叫我地準備相機影相 等我地準備好店員就會點火 點火個刻真係好靚 打卡必點! 入面有三種甜品, 左邊係朱古力心太軟 切開後有少少流心 不過朱古力濃郁 好食!中間係朱古力蛋糕 食落口感有層次 唔會太甜右邊係朱古力雪糕 外面係朱古力雪糕 入面係雲呢嗱雪糕 都唔錯-Pink Perfume $128又係打卡必點既飲品, 店員放低時都會叫我地準備相機, 店員會用支特製既氣泡槍係飲品上面做出一個半圓既氣泡, 真係打卡一流!

疫情底下最佳既娛樂節目除左收工同女朋友食好西，我都諗唔到仲有咩做了。咁今日收工就來到旺角人氣商場T.O.P既lab eat食返個精繳晚餐，小編鍾已經不是第一次來呢到了，就係鍾意呢到既環境，比到人一種chill and relaxed既感覺。廢話唔多講，一黎就當然整番個我的最愛頭盤！唔整番兩隻新鮮生蠔作為頭炮又點叫食西餐！生蠔都係一貫既出色的鮮甜，完全唔洗落cocktail sauce 或者檸檬，連海水味一併吞落去先舒服。整完個starter就開始今晚既set！我就揀左意大利牛奶軟心芝士，牛油果及黑松露橄欖醬小編就一直都係芝士痴黎，見到有芝士我都知唔洗揀架啦，今次合埋眼都知唔會揀錯，因為仲有配上我最鍾意既牛油果同truffle，冇咩輸既空間。而味道的確冇令我失望，芝士加牛油果呢個組合可以話係美味得來又唔會太膩。個人建議食既時侯可以細啖芝士大啖牛油果加少少黑松露放落口，咁樣個味蕾唔會太繁忙又岩岩好平衡到。再來main course就係緊係12小時低溫慢煮澳洲m5和牛肋骨！小編知道好多人認為慢煮同普通煮根本分別唔大，呢個rib 就剛好話你聽點解，肉質柔軟，肉汁充足，最容易睇就係d肉好易脫骨，

lab eat 一係我最鍾意嘅西餐廳之一！因為佢嘅環境靚之餘食物都非常高質。旺角分店近有露台位可以選擇。Dinner set嘅頭盤有兩隻新鮮生蠔，生蠔加上酸酸甜甜嘅檸檬汁已經非常鮮甜。 帶子刺身非常新鮮，厚薄啱啱好配上墨西哥辣椒熱情果醬味道非常有驚喜，係外邊食唔到嘅味道。美國黑毛豬配牛油焗法國羊肚菌：黑毛豬嘅生熟啱啱好，食落完全唔韌！豬肉味道香甜口感鬆軟。配上淡淡清香嘅羊肚菌，口感非常豐富。甜品係檸檬意大利雪糕配蘋果水晶批，檸檬雪糕酸酸甜甜！非常清新，有助解解膩。

來到旺角鬧市，想找一間各方面都高質嘅餐廳，實在不易，今日Lunch 來到T·O·P商埸5樓，發現了呢間西餐廳<Lab Eat Bar ＆ Restaurant>，實在讓我覺得充滿驚喜。進入餐廳，除了覺得環境舒適，空間感亦非常充足，整個裝修佈置格局都充滿時尚雅緻感。個人亦非常喜歡呢道嘅落地玻璃，讓自然光能照進室內。餐廳室內同室外都有座位，讓客人多個選擇，非常不錯。呢道除了午餐有Lunch set，亦有其它main course同side dish可供選擇。見Lunch set 相當豐富，而且仲有steak，當然要試下。沙律菜非常新鮮爽口，配有日式玉子燒和小蕃茄，餐廳用上酸酸甜甜的日式醬汁，更能帶出其鮮甜味道。<炒野菌>什菌本身非常新鮮，炒過後仍然非常juicy，並帶有牛油和黑椒的味道，又鮮又惹味。<炭燒美國安格斯牛扒配炸蕃薯條>炭燒美國安格斯牛扒份量十足，有成寸厚，煎烤得非常香，有陣陣的炭燒味道。牛扒切開帶粉嫩色，五成熟控制得剛剛好，入口牛肉味頗濃郁，而且依然能保持住嫩度，並鎖住肉汁，配埋又香又脆的炸蕃薯條，絕對值得一試。牛扒於中間切開，可

16/10/2021 6個人 食2500 平均每人400起叫左一份豬鞍 一份牛 一份魚 一份意粉 一份意大利飯 一份沙律 一份甜品每碟份量好少 樣樣野都係凍冰冰咁上 好求其 唔專業上菜係好快 一次過黎晒 趕住俾你食完趕你走咁飲杯水都要俾錢買個沙律堆埋一堆野 係上面加芝士 就係特色問牛豬有無配菜 答有d 我問咁姐係咩？Staff話有啲囉 結果係幾舊薯仔咁大隻碟滴幾滴 芥末 裝飾牛好多根 意粉有意粉味 汁有汁味全部野食都係overprice太多賺錢要賺到盡咁 性價比低問有咩special 推薦答我樣樣都係special 答左等於無答問係咪OpenRice book位有discount叫我自己睇返 我又唔係係到做問多2句 嫌三嫌四 態度差另外叫意大利飯 黎錯野 黎多份意粉落單果後生仔 覆完單都錯張櫈又污糟 坐得勁唔舒服坐門口邊同天台之間d人同staff係咁出出入入開門關門好騷擾 唔會再幫襯

本身用open rice訂座，但係返到屋企先發現完全冇俾到discount好在環境、食物都唔錯，服務態度都ok啦。推薦田螺，幾好食，同埋生日有個d煙火蠟燭，幾好啊！我係出邊都搵唔到，點知佢哋有。同埋會幫你寫埋happy birthday to xx

颱風前夕，餐廳的生意非常好，所以餐廳的氣氛非常熱鬧。餐牌的選擇好多。約了朋友下班後聊天，所以只點了小食。落單之後會有一盤麵包，倒上油醋汁，一邊聊天一邊吃，打發時間。⭐️Sparkling Mineral Water$48點了一瓶有氣礦泉水，加上青檸，喝起來很爽口。⭐️白酒煮澳洲藍青口$228一大盤藍青口，青口不算大隻，但不影響其鮮美，加上調味料，入口嫩滑。⭐️28天熟成西班牙黑毛豬鞍$388西班牙黑毛豬鞍的份量足夠，兩件黑毛豬鞍，入口鬆化沒有渣，很美味。

每次在這座商場逛街，男友都會提議不如試一試這家餐廳。於是大家今天一放工，便來這裡吃飯。晚上六時多，餐廳幾乎客滿，環境比較熱鬧，適合聚會。米黃色的燈光，大理石桌面配上絲絨椅子，坐得舒服。餐廳有不同的飲品，例如Cocktail、紅酒和白酒，煮食也有不少選擇，種類包羅萬有。點餐不夠，店員便送上一碟麵包，配上橄欖油和黑醋，墊墊肚子。🔻Fruit Punch$88雜果賓治，有橙汁、菠蘿汁等，入口甜酸適中，清爽解渴。🔻Passion Fruit Sling$88熱情果飲品，入口沒什麼甜味，味道比較淡。🔻48個月西班牙栗子飼黑毛豬火腿$33848個月的黑毛豬火腿，切得非常薄，火腿偏瘦，配上香甜多汁的蜜瓜，正好中和了火腿的鹹味，入口鹹香。🔻阿拉斯加蟹肉海膽扁意粉$328海膽的份量很足，還有細滑的蟹肉，意粉入口彈下，味道香淡甘甜，很美味。🔻北海道粟米雪糕及海綿蛋糕$128最驚喜一定是這道甜品，外型十足粟米，像真度很高，粟米雪糕表層還塗上朱古力醬，就像粟米微微烤焦。入口有磨碎的粟米粒且有粟米的香味，香甜可口，配搭海綿蛋糕，值得一試。

喺旺角都叫做新嘅商場 t o p入面差唔多上到最頂就會見到同行友人話想食西餐 但旺角感覺都唔多西餐就搵到呢間 一入去環境好寬躺 有戶外座位可以方便吸煙人士海鮮拼盤 種類好多 有鮑魚 生蠔 青口 螺 蟹 有兩個醬汁可以用但個人覺得唔用醬汁都已經好鮮甜 平時都係食自助餐嗰啲先會食海鮮 感覺比自助餐嘅出色 鮮甜重點推介 鮑魚 同生蠔鮑魚好有咬口 生蠔好鮮甜 海膽蟹膏意大利麵個醬汁好濃郁 唔會話好水上面海膽份量都幾多 係一粒粒完整嘅海膽麵條偏硬有口感 好喜歡朱古力三重奏一定要相機食先 會有職員點火 好有氣氛三個甜品都好出色 最左邊係朱古力雪糕 正中間會有白色嘅雪糕感覺上似係雲呢拿 中和返朱古力甜度中間係朱古力蛋糕 味道濃郁 口感好有層次另外係朱古力心太軟 比較上冇咁驚喜中間嘅朱古力亦都冇話好流心見到藍色好似幾靚啱打卡就點左出奇地幾好飲 清新有花香 酒味唔會太重

已經好耐冇出旺角食飯，一約朋友便想起這間印象良好的餐廳LabEat，幸好有早早book定位，否則便難有位。免費的Welcome drinks絕不馬虎，是有酒精成份的果酒，喝了已經令我輕飄飄。 Order左兩款時令生蠔，兩款都好新鮮，帶有甘甜、海水味。Anceli $69 Gagas $69蟹肉牛油果沙律＄298這份沙律造型極精美，實在令人佩服廚師的心思，上面的小葉子全部可以吃得。簡直可以當一份藝術品來品嚐。12小時慢煮澳洲M5和牛牛小排＄498簡直就係全晚晚餐嘅靈魂，和牛帶有炭燒味，但肉質鮮嫩香濃無比。廚師把油脂部份分開切出來，鋪在旁邊，但這也是我最愛吃的部份，油甘香味十足！整份牛扒分量十足，三個人吃也感到很滿足。意大利西西里島蕃茄意粉 ＄178看似平凡的一道意粉，但做得相當出色，較為粗身的意粉能夠掛汁，相當彈牙。另外order嘅兩杯Cocktail及Mocktail都非常出色，值得一試餐廳環境舒適浪漫，而且服務非常優質，侍應會細心講解每道菜的特點。原本想order分子料理甜品盤，但原來是每天有限定數量的。小妹妹因未能吃到而十分失望，幸好經理哥哥主動介紹另一款甜品，仲請失望的小妹妹吃冰

位於T.O.P商場內嘅好有格調嘅西餐廳，環境舒適，座位寬敞舒服，之前食過佢哋嘅晚餐，覺得好好食，所以今次試埋佢哋嘅lunch set，食物精緻，味道的確好好食😋而且員工服務態度好好，同朋友食完成個lunch感覺好relax💕